ဘူးသီးတောင်ဈေးတွင် ဈေးဝယ်၍ ပြန်သည့် ရိုဟင်ဂျာများ၏ ပစ္စည်းများ အားလုံးကို ဈေးတာဝန်ခံများက အတင်းအဓမ္မ သိမ်းဆည်းလျက်ရှိ
RB News
28.8.2017
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြို့မစည်ပင်ဈေးတွင် ဈေးဝယ်၍ ပြန်သည့် ရိုဟင်ဂျာများ၏ ပစ္စည်းများအားလုံးကို ဈေးတာဝန်ခံများက မတရားသဖြင့် သိမ်းဆည်းလျက် ရှိကြောင်း သတင်းရရှိပါသည်။
ဘူးသီးတောင်မြို့နယ် မြို့မစည်ပင်သာယာဈေးတွင် ဈေးဝယ်၍ ပြန်သည့် ရိုဟင်ဂျာများ၏ ပစ္စည်းများအားလုံး၊ မည်သည့် ပစ္စည်းကိုမဆို ဈေးအပြင်သို့ သယ်ဆောင်ခွင့် မပေးဘဲ ၀ယ်ယူထားသည့် ပစ္စည်းများအားလုံးကို ဈေးတာဝန်ခံများ ဖြစ်ကြသည့် ဦးမောင်အေးချမ်း (ဒု-ဦးစီးမှူး၊ စည်ပင်) နှင့် ဦးမောင်လှသိန်း (ခ) ကာချေ (ဈေးတာဝန်ခံ) တို့က ဂိတ်အပေါက်ဝများတွင် အစောင့်များ ထား၍ သြဂုတ်လ (၂၅) ရက်နေ့မှ စ၍ အတင်းအဓမ္မ သိမ်းဆည်းလျက် ရှိကြောင်း ဒေသခံများက RB News သို့ပြောပါသည်။
ရခိုင်လူမျိုးများနှင့် စစ်တပ်မှ လာရောက် ၀ယ်ယူ၍ ပြန်သည့်အခါ နှောက်ယှက်ခြင်း လုံးဝမရှိဘဲ ရိုဟင်ဂျာလူမျိုး တစ်မျိုးတည်းကိုသာ ပစ်မှတ်ထား၍ သိမ်းဆည်းနေခြင်း ဖြစ်သည်ဟု ဒေသခံများက ဖြည့်စွက် ပြောပါသည်။
ထိုကဲ့သို့ သိမ်းဆည်းနေခြင်းကြောင့် ဘူးသီးတောင်မြို့ရှိ ရပ်ကွက်ဈေးဆိုင်ငယ်များနှင့် မြို့အနီးအနားရှိ ဈေးဆိုင်ငယ်များတွင် ကုန်ပစ္စည်းများ ပြတ်လတ်လျက် ရှိသည်။ ဘူးသီးတောင်မြို့နယ်တွင် မြို့မစည်ပင်သာယာဈေး တစ်ခုတည်းသာ အဓိက အားထားရသည့် ဖြစ်ပြီး၊ ရိုဟင်ဂျာများမှာ စားသောက်ကုန်ပစ္စည်းများ ၀ယ်ယူရန် အခက်အခဲ ကြုံတွေ့လျက် ရှိသည်။
ဈေးတာဝန်ခံများ ဖြစ်ကြသည့် ဦးမောင်အေးချမ်း (ဒု-ဦးစီးမှူး၊ စည်ပင်) နှင့် ဦးမောင်လှသိန်း (ခ) ကာချေ (ဈေးတာဝန်ခံ) တို့သည် မြို့မစည်ပင်ဈေးအတွင်း အရောင်းအ၀ယ် လုပ်နေကြသည့် ဈေးဆိုင်ပိုင်ရှင်များကိုလည်း အမြဲလိုလို ရိုင်းရိုင်းစိုင်းစိုင်း ဆက်ဆံတတ်သူများ ဖြစ်သည်ဟု သိရှိရသည်။
