မောင်တော မြောက်ပိုင်း အောင်စစ်ပြင်ရွာတွင် ဒေသခံရိုဟင်ဂျာများ၏ နေအိမ်များကို ပူးပေါင်းအဖွဲ့က ၀ိုင်း၍ ဖြိုဖျက်၊ ပစ္စည်းများနှင့် ငွေများလုယက်

RB News

17.8.2017

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း အောင်စစ်ပြင်ကျေးရွာအုပ်စု ရီးဒါအရှေ့ရွာမှ ရိုဟင်ဂျာများ၏ နေအိမ်နှစ်လုံးကို ပူးပေါင်းအဖွဲ့က ၀ိုင်း၍ အတင်းအဓမ္မ ဖြိုဖျက်လိုက်ကြောင်း သတင်းရရှိပါသည်။ 

မောင်တောမြို့နယ် မြောက်ပိုင်း အောင်စစ်ပြင်ကျေးရွာအုပ်စု ရီးဒါအရှေ့ရွာသို့ ကြိမ်ချောင်း နယ်မြေစခန်းမှ နယ်ခြားစောင့်ရဲများ၊ စစ်သားများ၊ လ.၀.က နှင့် ရဲတပ်ဖွဲ့များ ပါဝင်သော ပူးပေါင်းအဖွဲ့သည် သြဂုတ်လ (၁၇) ရက်နေ့ နံနက် ၁၀ နာရီအချိန်တွင် လူဦးရေ စစ်ဆးသည့် ပုံစံဖြင့် ၀င်ရောက်၍ ဦးအာယုပ်နှင့် ဦးဟာဆောင်း (ဘ) ဦးအာဘူအာလောမ် တို့ ညီအစ်ကိုနှစ်ဦး၏ နေအိမ်များကို အတင်းအဓမ္မ ဖြိုဖျက်လိုက်ကြောင်း ဒေသခံများက RB News သို့ပြောပါသည်။ 

အိမ်များကို ဖြိုဖျက်၍ ရရှိသော သစ်များ၊ ၀ါးများ၊ အိမ်သုံးပစ္စည်းများ၊ စားသုံးကုန်ပစ္စည်းများ၊ အ၀တ်အထည်များ၊ အိမ်မွေးတိရိစ္ဆာန်များနှင့် အခြားရွှေငွေများ အားလုံးကို သိမ်းဆည်း ယူဆောင်သွားကြောင်း ဒေသခံများက ပြောပါသည်။ 

တစ်ချိန်တည်းတွင် ဘေးပတ်ဝန်းကျင်ရှိ နေအိမ်များ အတွင်းသို့ ၀င်ရောက်၍ ဆန်အိတ်များဖွင့်၍ ဆန်များကို လွှင့်ပစ်ခဲ့သည်။ ထို့အပြင် ဦးဖော်ကီရ်အာမတ် (ဘ) ဦးဆုလ်တာန်ထံမှ ငွေကျပ် ၄ သောင်း၊ ဦးနူရ်ဟူစိန်း (ဘ) ဦးဘော်ဒူဇာမာ ထံမှ ငွေကျပ် တစ်သောင်းလေးထောင်၊ မော်လ၀ီနူရ်ဟူစိန်း (ဘ) ဦးအဒူဇော်ဘောရ် ထံမှ မိုဘိုင်းဖုန်း နှစ်လုံး၊ ကြက် ၄ ကောင်၊ ခို ၆ ကောင်၊ ဦးမာမတ်အုလ္လာ (ဘ) ဦးအဒူဇော်ဘော်ရ် ထံမှ ကြက် ၉ ကောင်၊ ခို ၄ ကောင်၊ သစ်တုံး (၆" x ၆") ၄၀၊  ဦးဆော်လိမ် (ဘ) ဦးမာမတ်အာလောမ် ထံမှ လက်သမား ပစ္စည်းများအားလုံး၊ သစ်တုံး ၄၀၊ ပရိဘောအသစ် ၁၂ စုံ၊ ဦးဇူဘိုင်ရ် (ဘ) ဦးအလီအာမတ် ထံမှ ကွန်ပိုက် တစ်ခု၊ သစ်တုံး ၅၀၊ လွှကြီး နှစ်ခု၊ ခို ၁၀ ကောင်၊ ကြက် ၁၄ ကောင်၊ ဓါတ်မီး ၃ ခု၊ လွှကြီး တစ်ခု စသည်တို့အပြင် အိမ်သုံးပစ္စည်းများပါ လုယက်၍ ကားပေါ်သို့ တင်ဆောင်သွားကြောင်း၊ ဒေါ်ရော်ဟီးမာခါတူ (ဘ) ဦးအလီအာမတ်က အိမ်တွင်းမှ ပစ္စည်းများ မယူရန် ဟန့်တားသောကြောင့် ပူးပေါင်းအဖွဲ့မှ တပ်ဖွဲ့ဝင်များက ရိုက်နှက်ခဲ့ကြောင်း၊ ဦးယာကုပ် (ဘ) ဦးဘော်ဒီအာလောမ် မိသားစုဝင်များ၏ အ၀တ်အစားများကို မီးဖွားထားသူ သမီးကြီး မီးလုံနေသော မီးဖိုပေါ်သို့ တင်၍ မီးရှို့ဖျက်ဆီးခဲ့ကြောင်း မျက်မြင်သက်သေများက RB News သို့ပြောပါသည်။