မောင်တောတွင် NGO လုပ်ငန်း ပိတ်ပင်မှုကြောင့် ကလေးငယ် တစ်ထောင်ခန့် အာဟာရ မတိုက်ကျွေးနိုင်
Rohingya Eye
RB News
15.8.2017
မောင်တော ။ ။ သြဂုတ်လ (၁၃) ရက်နေ့တွင် ရခိုင်လူမှုကွန်ယက်နှင့် ရခိုင်အမျိုးသားပါတီတို့ ဦးဆောင်၍ နယ်ပိုင်းမှ ဗုဒ္ဓဘာသာဝင်များကို ကားများဖြင့် ခေါ်ယူပြီး လူပေါင်း နှစ်ထောင်ခန့် စုဝေး၍ မြို့ပေါ်တွင် လှည့်လည်၍ ဆန္ဒပြခဲ့ကြသည်။ အဆိုပါ ဆန္ဒပြပွဲတွင် ရဲဝန်ထမ်း မိသားစုများနှင့် အခြားဌာနဆိုင်ရာ မိသားစုများလည်း ပါဝင်ဆင်နွဲခဲ့သည်။ ဆန္ဒပြပွဲကြောင့် မလိုလားအပ်သည့် ပြဿနာများ ဖြစ်ပွားလာမည်ကို စိုးရိမ်၍ အနီးတ၀ိုက်ရှိ ရိုဟင်ဂျာဆိုင်များ ပိတ်ထားခဲ့ရသည်ဟု ဒေသခံများက RB News သို့ပြောပါသည်။
ဆန္ဒပြပွဲကို ရခိုင်ပြည်နယ်ဝန်ကြီးချုပ်ဟောင်း ဦးမောင်မောင်အုန်း ကိုယ်တိုင် ပါဝင်ဆင်နွဲနေသည်ကို တွေ့ခဲ့ရသည်ဟု ဒေသခံများက ဆိုသည်။ ၎င်းသည် ရခိုင်ပြည်နယ် လွှတ်တော်တွင် တိုင်းရင်းသားရေးရာ ကော်မတီ ဥက္ကဌအဖြစ် တာဝန်ထမ်းဆောင်လျက် ရှိပြီး၊ အဆိုပါ တာဝန်ဖြင့် မောင်တောမြို့သို့ နှစ်ကြိမ် လာရောက်ခဲ့သည်။ လာရောက်စဉ် ရခိုင်လူမျိုးများဖြင့်သာ အမြဲတွေ့ဆုံဆွေးနွေး၍ ရိုဟင်ဂျာများကို မုန်းတီးအောင်၊ ခွဲခြားဆက်ဆံအောင် ဇောင်းပေး ပြောဆို တိုက်တွန်းသည်ကို ကြားသိရသည်ဟု ဒေသခံများက ပြောပါသည်။ ရခိုင်ပြည်နယ် လွှတ်တော်က ယခုကဲ့သို့ လုပ်ဆောင်ရန် တာဝန်ပေးထားလေသလားဟု ဝေဖန် မေးခွန်း ထုတ်နေကြသည်။
ဆန္ဒပြသူများ၏ တောင်းဆိုချက်များတွင် “UN, INGO ထောက်ပံ့ရေး အဖွဲ့များအား အလိုမရှိ” ဟူသော တောင်းဆိုချက်များကြောင့် သြဂုတ်လ (၁၄) ရက်နေ့မှစ၍ နယ်ပိုင်းသို့ သွားရောက်မည့် NGO ၀န်ထမ်းများကို မောင်တောခရိုင် အုပ်ချုပ်ရေးမှူးရုံးမှ သွားလာခွင့် ပိတ်ပင်လိုက်သောကြောင့် သွားရောက်နိုင်ခြင်း မရှိတော့ကြောင်း သိရှိရသည်။ ယခင်က တစ်ပတ်ကြို၍ ခရိုင်အုပ်ချုပ်ရေးမှူးရုံးသို့ ခွင့်ပြုချက် တင်၍ သွားလာနိုင်ခဲ့သည်။
ယခု NGO လုပ်ငန်းများ ပိတ်ပင်လိုက်သောကြောင့် သြဂုတ်လ (၁၄) ရက်နေ့တွင် ACF ရုံးတွင် အာဟာရ အလွန်ချို့တဲ့သည့် ကလေးငယ်များကို အာဟာရတိုက်ကျွေးနိုင်ခြင်း မရှိသောကြောင့် ကလေးငယ် တစ်ထောင်ခန့် လာရောက်ပြီးမှ ပြန်သွားခဲ့ရကြောင်း ကိုယ်တိုင်တွေ့ရှိသည့် ဒေသခံများက RB News သို့ပြောပါသည်။
သြဂုတ်လ (၁၂) ရက်နေ့တွင် နိုင်ငံတော်၏အတိုင်ပင်ခံပုဂ္ဂိုလ်ရုံးမှ ကြေညာချက် ထုတ်ပြန်ရာတွင် လူမျိုးစု နှစ်စုကြား ရင်ကြားစေ့ရေးနှင့် ဖွံ့ဖြိုးတိုးတက်အောင် အဓိကထား လုပ်ဆောင်နေသည်ဟု ရေးသားထားသည်။ ရခိုင်ပြည်နယ် အစိုးရအဖွဲ့ သတင်းစာရှင်းလင်းပွဲတွင် ရခိုင်လူမှုရေးရာ ၀န်ကြီး ဒေါက်တာချမ်းသာ က “မောင်တောမြို့နယ်တွင် ငတ်မွတ်နေခြင်း မရှိကြောင်း၊ ACF မှ အစီရင်ခံ အမှား ထုတ်ပြန်ခြင်း ဖြစ်ကြောင်း၊ မောင်တောမြို့နယ်တွင် လယ်မြေ အများစုကို ရိုဟင်ဂျာများ ပိုင်ဆိုင်နေခြင်း ဖြစ်သည့် အတွက် ငတ်မွတ်နေခြင်း မဖြစ်နိုင်” ဟု ပြောဆိုခဲ့သည်။ NGO လုပ်ငန်း တစ်ရက် ပိတ်ပင်မှုတွင် ကလေးငယ် တစ်ထောင်ခန့် အာဟာရ မတိုက်ကျွေးနိုင်သည်ကို ကြည့်ခြင်းအားဖြင့် ၎င်း၏ ပြောဆိုမှုများသည် လိမ်ညာခြင်း ဖြစ်သည်မှာ ပေါ်လွင်နေသည်။
၎င်းသည် မောင်တောမြို့သို့ ရံဖန်ရံခါ လာရောက်၍ ဗုဒ္ဓဘာသာဝင် များကို လယ်ယာသုံး ပစ္စည်းနှင့် ငွေကြေးများ ထောက်ပံ့ခြင်း၊ ပုဇွန်များ မွေးမြူနိုင်အောင် ပုဇွန် သားပေါက် ရေကန်များကို သီးခြား လုပ်ဆောင် ပေးနေသည်ကို တွေ့ရှိရသည်။ လူမျိုးစုနှစ်စု နေထိုင်ရာအရပ်ဒေသတွင် လူမျိုးတစ်မျိုးကို အဓိကထား ထောက်ပံ့နေခြင်းမှာ ၎င်း၏ လူမျိုးရေးခွဲခြားခြင်းကြောင့်သာ ဖြစ်သည်ဟု လူ့အခွင့်အရေး စောင့်ကြည့်သူများက ဝေဖန် သုံးသပ်သည်။
