နောက်ဆုံးသတင်း/ဆောင်းပါးများ

ငွေကျပ် ၄ သိန်းတန်ဖိုးရှိ ရိုဟင်ဂျာပိုင် နွားတစ်ကောင်ကို န.တ.လ ရွာသားများက ဖမ်းဆီးထားပြီး ပိုင်ရှင်ထံ ပြန်ပေးအပ်ခြင်းမရှိ

Rohingya Eye
RB News
15.8.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း မြင်းလွတ်မြို့နယ်ခွဲမှ ငွေကျပ် ၄ သိန်းတန်ဖိုးရှိ ရိုဟင်ဂျာပိုင် နွားတစ်ကောင်ကို န.တ.လ ရွာသားများက ဖမ်းဆီး၍ ပြန်မပေးတော့ကြောင်း သတင်းရရှိပါသည်။ 

မောင်တောမြို့နယ် တောင်ပိုင်း မြင့်လွတ်မြို့နယ်ခွဲ ဟော်ရော်သိလ္လာရွာမှ ဦးမိုဟာမတ်ဇော်လိလ် (ဘ) ဦးရှာရ်မိုဟာမတ် (အသက် ၄၀ နှစ်) ၏ နွားထီးတစ်ကောင်သည် သြဂုတ်လ (၁၂) ရက်နေ့တွင် စားကျက်တွင် ကျက်စားနေစဉ် ကျောက်ပန္ဓူကျေးရွာအုပ်စု န.တ.လ ရွာသို့ ရောက်ရှိသွားသဖြင့် န.တ.လ ရွာသားများက ဖမ်းဆီးလိုက်ပြီး ပိုင်ရှင်ထံသို့ ပြန်မပေးတော့ကြောင်း ဒေသခံတစ်ဦးက RB News သို့ပြောပါသည်။ အဆိုပါ နွားထီး၏ တန်ဖိုးမှာ ငွေကျပ် ၄ သိန်း ရှိသည်ဟု ဆိုသည်။ 

န.တ.လ ရွာ ဖြစ်သောကြောင့် ရိုဟင်ဂျာရွာသားများ ၀င်ခွင့်မရှိသဖြင့် ပြန်လည် တောင်းယူရန် နည်းလမ်းလည်း မရှိကြောင်း အဆိုပါ ဒေသခံက ဖြည့်စွက် ပြောပါသည်။ ယခင်က န.တ.လ ရွာများသို့ သွားခွင့်ရှိခဲ့သော်လည်း လွန်ခဲ့သည့် အပတ်က စ၍ စစ်တပ်က တားမြစ်ခဲ့ခြင်း ဖြစ်ကြောင်း သိရှိရသည်။ 

“ကျွန်တော်တို့ မွေးထားတဲ့ ကျွဲ၊ နွားတွေ ဟိုဘက်ကို ရောက်သွားရင် ပြန်မရတော့ဘူး။ အဲလို အခက်အခဲတွေကြောင့် ကျွဲ၊ နွားတွေ မွေးဖို့တောင် မလွယ်တော့ဘူး။ ကျွဲ၊ နွားမရှိရင် လယ်ယာ စိုက်ပျိုးရေး လုပ်ဖို့ မဖြစ်နိုင်တော့ဘူး။ အတော်လေးကို စိတ်ပျက်ဖို့ ကောင်းတယ်” ဟု အဆိုပါ ဒေသခံက ပြောပါသည်။ 


Comment ရေးရန်

Rohingya Exodus