နောက်ဆုံးသတင်း/ဆောင်းပါးများ

မောင်တော တောင်ပိုင်း အင်းဒင်ကျေးရွာ သုဿန်တွင် တွေ့ရှိသည့် ရုပ်အလောင်းများမှာ သြဂုတ်လ (၃၁) ရက်နေ့တွင် ဖမ်းဆီးခံရသည့် ရိုဟင်ဂျာများ ဖြစ်သည်ဟု ဒေသခံများပြော

MYARF
RB News
19.12.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း အင်းဒင်ကျေးရွာ သုဿန်တွင် တွေ့ရှိသည့် ရုပ်အလောင်း (၁၀) လောင်းမှာ သြဂုတ် (၃၁) ရက်နေ့တွင် ဖမ်းဆီးခံရသည့် ရိုဟင်ဂျာများ ဖြစ်ကြောင်း ဒေသခံများက ပြောပါသည်။

မောင်တောမြို့နယ် တောင်ပိုင်း အင်းဒင်သုဿန်တွင် အမည်မသိ ရုပ်အလောင်းများ တွေ့ရှိထားသည်ကို အမည်မဖော်လိုသူတစ်ဦးက အကြောင်းကြားကြောင်း ဒီဇင်ဘာလ (၁၈) ရက်နေ့တွင် တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့သည်။ ယနေ့ ဒီဇင်ဘာလ (၁၉) ရက်နေ့တွင်လည်း ရုပ်အလောင်း (၁၀) လောင်း ဖြစ်သည်ဟု ထပ်မံ အတည်ပြု၍ သတင်းထုတ်ပြန်ခဲ့သည်။

အဆိုပါ ကိစ္စနှင့် ပတ်သက်၍ အင်းဒင်ကျေးရွာမှ တစ်ဖက် ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေသူများအား မေးမြန်းကြည့်ရာ အင်းဒင်ကျေးရွာမှ အသတ်ခံရသူများ စာရင်းနှင့် ဖမ်းဆီးခံရသူများ၏ စာရင်းအချို့ အပြင် ရုပ်အလောင်း (၁၀) လောင်းနှင့် ပတ်သက်၍ ခိုင်မာသည့် အချက်အလက်များ ရရှိခဲ့သည်။

အင်းဒင်ကျေးရွာရှိ ရိုဟင်ဂျာများ၏ နေအိမ်များကို မြန်မာစစ်တပ်နှင့် နယ်ခြားစောင့်ရဲတပ်ဖွဲ့ တို့က သြဂုတ်လ (၂၈) ရက်နေ့မှ (၃၁) ရက်နေ့ထိ ဆက်တိုက် မီးရှို့ခဲ့ရာ ရွာသားအများစုသည် နီးစပ်ရာတောင်များ၊ ကမ်းခြေနှင့် နီးစပ်ရာရွာများသို့ ထွက်ပြေးခိုလှုံခဲ့သည်။

သြဂုတ်လ (၃၁) ရက်နေ့၌ အင်းဒင်ကမ်းခြေတွင် ယာယီခိုလှုံနေသူများထဲမှ အင်းဒင်ရွာသား (၁၀) ဦးကို စစ်သားများနှင့် နယ်ခြားစောင့်ရဲများက ဖမ်းဆီးခေါ်ဆောင်သွားခဲ့ကြောင်း ဘင်္ဂလားဒေ့ရ်ှနိုင်ငံတွင် ခိုလှုံနေသည့် အင်းဒင်ရွာသားများက RB News သို့ပြောပါသည်။

ဖမ်းဆီးခံရသူ (၁၀) ဦးမှာ --

(၁) မော်လ၀ီအဒူမာလဲခ် (ဘ) ဦးမာမတ် (အသက် ၃၅ နှစ်)
(၂) ဦးအာဘူလ်ဟာရှင်မ် (ဘ) ဦးကမာရုလ် (အသက် ၃၀ နှစ်)
(၃) အဗ်ဒူလ္လာ (ဘ) ဦးအာဘူကာလာမ် (အသက် ၂၀ နှစ်)
(၄) ဦးဟာဖီဇုလ္လာ (ဘ) ဦးနုရ်မာမတ် (အသက် ၂၈ နှစ်)
(၅) ရရှိတ် (ဘ) ဦးအဒူရှုကူရ် (အသက် ၂၀ နှစ်)
(၆) ဦးအဗ်ဒူမိုဂျစ် (ဘ) ဦးမာမတ် (အသက် ၄၅ နှစ်)
(၇) ဘန်ဂို (ဘ) ဦးအာမာန်အုလ္လာ (အသက် ၂၅ နှစ်)
(၈) ဦးဒီလူး (ဘ) ဦးအီဆုဖ် (အသက် ၃၀ နှစ်)
(၉) ဦးဘူတာ (ဘ) ဦးအဒူရာမာန် (အသက် ၄၅ နှစ်)
(၁၀) ရဖိတ်ခ် (ဘ) ဦးမိုဟာမတ်ရာမူလ် (အသက် ၂၅ နှစ်) -- တို့ဖြစ်ကြသည်။

ယခု အင်းဒင်ကျေးရွာ သုဿန်တွင် တွေ့ရှိသည့် ရုပ်အလောင်းများမှာ ဖမ်းဆီးသွားသူများကို စစ်သားများနှင့် နယ်ခြားစောင့်ရဲများက သတ်ဖြတ်ထားသည့် ရုပ်အလောင်းများသာ ဖြစ်သည်ဟု အဆိုပါ ဒေသခံများက ပြောပါသည်။

အင်းဒင်ကျေးရွာ သုဿန်တွင် ရုပ်အလောင်းများ တူးဖော်နေပုံ

Comment ရေးရန်

Rohingya Exodus