NVC လက်ခံဖို့ မွတ်စလင်တွေ ဘာကြောင့် ထိတ်လန့်နေတာလဲ
ဖြိုးမေခင်
RB News
21.12.2017
NVC လက်ခံဖို့ မွတ်စလင်တွေ ဘာကြောင့် ထိတ်လန့်နေတာလဲ
ဒီအဖြေကို တစ်ခွန်းတည်း တည့်တည့်ဖြေရရင် "အစိုးရ ခေတ်အဆက်ဆက်မှာ လ.ဝ.က က မွတ်စလင်တွေကို သွေးနှောဆိုတဲ့ တံဆိပ်တပ်ပြီး ခွဲခြားဆက်ဆံခဲ့လိုပဲ" ဖြစ်ပါတယ်။
အရင်ကလည်း ယာယီသက်သေခံကဒ်ပြား (ခေါ်) ဝှိုက်ကဒ် ဆိုတာကို ပေးခဲ့လို့ ရခိုင်ပြည်နယ်မှာ ပြသနာတွေ မီးခိုးကြွက်လျှောက်ဖြစ်နေခဲ့တာ ယနေ့တိုင်အောင် ရှင်းမရသေးပါဘူး။ အခုအချိန်မှာလည်း NVC ဆိုတာကို ပြည်မက မြန်မာမွတ်စလင်တွေကိုပါ ရောရိုက်သွင်းလာတာ တွေ့နေရပါတယ်။
NVC လုပ်ပေးနေတဲ့ ကိစ္စ ခဏထားပါဦး။ နိုင်ငံသားမှတ်ပုံတင်ကဒ် ရထားတဲ့သူတွေတောင် နိုင်ငံကူးလက်မှတ်ရုံးမှာ ခွဲခြားဆက်ဆံခံနေရခြင်း၊ လွတ်လပ်စွာသွားလာခွင့်မရရှိခြင်း၊ ရခိုင်ရွာတွေကို ဝင်ခွင့်မရရှိခြင်း၊ မြို့တစ်မြို့ကနေ အခြားတစ်မြို့သို့ ဗုဒ္ဓဘာသာတွေလို လွတ်လပ်စွာ သွားခွင့်မရရှိခြင်း၊ ဒီလို ခွဲခြားဆက်ဆံခံနေရတာဟာ လ.ဝ.က လက်ချက်ပဲ မဟုတ်ပါလား။
ဒီလအစောပိုင်းပိုင်းမှာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပုပ်ရဟန်းမင်းကြီးနဲ့ တွေ့ဆုံတဲ့အခါမှာ မြန်မာနိုင်ငံမှာ ဘာသာရေးဖိနှိပ်မှုနဲ့ ခွဲခြားဆက်ဆံမှုတွေ မရှိပါဘူးလို့ ပြောသွားတာ တွေ့ရပါတယ်။ အဲ့ဒီတော့ တပ်ချုပ်ကြီးကို ပြောချင်တာက ခွဲခြားဆက်ဆံမှုဆိုတာ ဘာလဲသိအောင် လက်တွေ့စမ်းသပ်ကြည့်ပါ။
- လဝကရုံးကိုသွားပြီး အစ္စလာမ်ဘာသာဝင်အဖြစ် နိုင်ငံသားမှတ်ပုံတင်ကဒ် သွားလျှောက်ကြည့်ပါ။ နိုင်ငံသားမှတ်ပုံတင်ကဒ် ထုတ်ပေးတဲ့အခါ အစ္စလာမ်ဘာသာဝင်ဖြစ်တာနဲ့ ဘင်္ဂါလီ သွေးနှောအဖြစ်၊ အိန္ဒိယသွေးနှောအဖြစ်၊ ပါကစ္စတန်သွေးနှောအဖြစ် ထုတ်ပေးနေတာ ကိုယ်တိုင် ကြုံဖူးသွားပါလိမ့်မယ်။
- ဘာသာရေးဖိနှိပ်မှု မရှိပါဘူးတဲ့လား။ မြန်မာနိုင်ငံအတွင်း အစ္စလာမ်ဘာသာဝင်တို့ ဝတ်ပြုသောဗလီတွေ များသောအားဖြင့် မီးရှို့ ခံရ၊ ဗလီများစွာ သော့ခတ်ခံရ၊ ကောင်းမွန်အေးချမ်းစွာ စိတ်ငြိမ်စွာဝတ်ပြုခွင့်မရ၊ ပျက်စီးသွားသော ဗလီများနဲ့ ဟောင်းနွမ်းနေသော ဗလီများကို ပြန်လည် ပြုပြင်ခွင့်မရ၊ ဒါတွေကရော ဘာလဲ။ ဘာသာရေးဖိနှိပ်မှုမဟုတ်လား။
ရခိုင်ပြည်မှာ ယနေ့တိုင်အောင် မီးခိုးကြွက်လျှောက်ပြဿနာတွေဖြစ်နေဆဲ အနေအထားမှာ တစ်ချိန်က ယာယီသက်သေခံကဒ်ပြား (ခေါ်) ဝှိုက်ကဒ်ကြီးကို လက်ခံမိလို့ အမှားကြီး မှားခဲ့ပြီ။ ထပ်ပြီးတစ်ခါ အမှားမခံချင်ဘူး။ နောင်တမရချင်ဘူး။
NVC ရဲ့ အချိန်ကာလလည်း သတ်မှတ်ထားခြင်းမရှိဘူး။ NVC ကိုင်ပြီး ဘယ်နှစ်လအတွင်း နိုင်ငံသားမှတ်ပုံတင်ကဒ် ပြုလုပ်ပေးမယ်ဆိုတာလည်း ပွင့်လင်းမြင်သာမရှိဘူး။
လက်ရှိ နိုင်ငံသားမှတ်ပုံတင်ကဒ် တိုက်ရိုက်လုပ်ပေးလို့ရသူတွေကို အရင်ဆုံး နိုင်ငံသားမှတ်ပုံတင်ကဒ် ထုတ်မပေးဘဲ တစ်ခြားလူတွေကို ရည်ရွယ်ချက်ရှိရှိ အတင်းအဓမ္မ NVC ထုတ်ပေးနေတာဟာလည်း ကောက်ကျစ်မှုတွေပါနေတာ အထင်းသားမြင်နေရတယ်။
မြန်မာနိုင်ငံသားစစ်စစ်ဆိုပြီး သက်သေပြခွင့်ရရှိမှာမဟုတ်တဲ့၊ တစ်ဖက်နိုင်ငံနှင့် သွေးနှောဆိုပြီး သတ်မှတ်ခံနေရတဲ့ ဒီ NVC ကို ကျမတို့ ဘယ်တော့မှ ကိုင်မှာမဟုတ်ဘူး။
နိုင်ငံသားဖြစ်နေတဲ့ မွတ်စလင်တွေတောင် နိုင်ငံကူးလက်မှတ်ရုံးမှာ ခွဲခြားဆက်ဆံခြင်းခံနေရတဲ့ အနေအထားမျိုးမှာ၊ လွတ်လပ်စွာ သွားလာခွင့်မရရှိနိုင်တဲ့ အနေအထားမျိုးမှာ၊ လွတ်လပ်စွာ ကိုးကွယ်ပိုင်ခွင့် မရနိုင်တဲ့ အနေအထားမျိုးမှာ ဘာမှအာမခံချက်မရှိတဲ့ NVC ကို ကိုင်ပါဆိုတာကတော့ အဆပေါင်းများစွာ နှိပ်ကွပ်နိုင်အောင် ကြိုတင်စီမံနေခြင်း ဖြစ်တယ်လို့သာ ကျမမြင်တယ်။
အမျိုးပျောက်မှာ စိုးကြောက်နေပါတယ်ဆိုတဲ့ လ.ဝ.က ကြောင့် ကျမတို့ မွတ်စလင် လူနည်းစုတွေလည်း လက်ရှိ ရင်ဆိုင်နေရတဲ့ နိုင်ငံမဲ့၊ ပြည်မဲ့၊ အိမ်ခြံမဲ့၊ ပိုင်ဆိုင်မှုမဲ့၊ အခြေခံ လူအခွင့်အရေးမဲ့၊ လုပ်ပိုင်ခွင့်မဲ့၊ ပညာသင်ယူခွင့်မဲ့၊ လွတ်လပ်စွာကိုးကွယ်ပိုင်ခွင့်မဲ့နေမှုများထက် ပိုပြီးဆိုးရွာသော အခြေအနေမျိုးနဲ့ ရင်ဆိုင် ဖြစ်နေမှာကို အချိန်ပြည့် စိုးကြောက်ထိတ်လန့် နေရပါတယ်လို့ ကျမ ဝန်ခံပါရစေ။
ဆောင်းပါးရှင်သည် ရခိုင်ပြည်နယ် မြောက်ပိုင်းမှ တက္ကသိုလ်ကျောင်းသူ တစ်ဦး ဖြစ်သည်။
