ဘူးသီးတောင် ညောင်ချောင်း အထက မှ ဆရာကျော်သန်း၏ လုပ်ကြံ ငွေညှစ်မှုကြောင့် ကျောင်းသား/သူ အချို့ ကျောင်းတက်ခွင့် မရဖြစ်နေ
 |
| ဆရာကျော်သန်း |
RB News
31.1.2018
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ညောင်ချောင်းကျေးရွာရှိ အစိုးရ အခြေခံပညာ အထက်ကျောင်းမှ ကျောင်းဆရာ ဦးကျော်သန်း၏ လုပ်ကြံ ငွေညှစ်မှုကြောင့် ကျောင်းသား/သူ အချို့ ကျောင်းတက်ခွင့်မရ ဖြစ်နေကြောင်း သတင်းရရှိပါသည်။
ဆရာဦးကျော်သန်းသည် စစ်တွေ ဇာတိသား ဖြစ်ပြီး၊ ဘူးသီးတောင်မြို့နယ် ညောင်ချောင်းကျေးရွာရှိ အခြေခံပညာ အထက်ကျောင်းတွင် လွန်ခဲ့သည့် ၁၅ နှစ်ခန့်မှစ၍ တာဝန်ထမ်းဆောင်လျက် ရှိရာ၊ ဒေသခံကျောင်းဆရာတစ်ဦးကဲ့သို့ ဖြစ်နေသောကြောင့် မကြာခဏ ပြောင်းရွှေ့သွားပြီး အသစ်ရောက်လာသည့် ကျောင်းအုပ်ဆရာ/မကြီး များပင် ၎င်းကို ကြောက်ရွံရပြီး၊ ၎င်း၏ လက်အောက်ခံ ဖြစ်နေသည်ဟု ဒေသခံများက ဆိုသည်။
ဆရာကျော်သန်းဟု လူသိများပြီး၊ ကျောင်းသားကျောင်းသူများ၏ ကျောင်းဝင်နံပါတ်၊ ကျောင်းမှတ်ပုံတင်ထားသည့် စာရင်းများ ဖျောက်၍ ငွေညှစ်သည့် အကြောင်းကို ဒေသခံတစ်ဦးက “သူက ဘယ်လိုလုပ်သလဲဆိုတော့ ကျောင်းသားတစ်ယောက်က ၈ တန်းရောက်နေတယ်ဆိုရင် အဲဒီကျောင်းသားရဲ့ ၅ တန်းတုန်းက မှတ်ပုံတင်ထားတဲ့ အချက်အလက် စာရွက်စာတမ်းတွေ ဖျောက်ပစ်လိုက်တယ်။ ကျောင်းသားက ကျောင်းတက်နေရင်း ဘာမှ မဖြစ်ဘူး။ ၈ တန်းပြီးတော့ ၉ တန်းပြန်အပ်တဲ့အချိန်ကျမှ မင်းရဲ့ စာရင်းက ကျောင်းမှာ မရှိဘူး ဘာညာဆိုပြီး ၅ တန်းစာရင်း ပြန်ထုတ်ပြတယ်။ အဲဒီတော့ ကျောင်းဝင်ခွင့် ပြန်ရရေး အတွက် သူ့ကို ၅ သောင်းကနေ တစ်သိန်းထိ ပေးရတယ်” ဟု ပြောပါသည်။
“ပိုက်ဆံတတ်နိုင်တဲ့ ကလေးတွေကတော့ ပေးတာပေါ့။ အခု အဲလို မပေးနိုင်တဲ့ ကလေးတွေ ကျောင်းမတက်ရတော့တာ တစ်ဒါဇင် မက ရှိနေပြီ။” ဟု ၎င်းက ဆက်လက်ပြောပါသည်။
ညောင်ချောင်း အထက်တန်းကျောင်းတွင် ကျောင်းသား/သူ ၅ ပုံ ၄ ပုံမှာ ရိုဟင်ဂျာလူမျိုး ဖြစ်ပြီး၊ ဆရာကျော်သန်းက ရိုဟင်ဂျာကျောင်းသား/သူ များကိုသာ လုပ်ကြံ၍ ငွေညှစ်ခြင်း ဖြစ်ကြောင်း သိရှိရသည်။ ၎င်းသည် မူလတန်းပြဆရာ တာဝန်ဖြင့် ရောက်ရှိလာခဲ့ပြီး ရာထူး အဆင့်ဆင့်တိုး၍ ယခုအခါ အထက်တန်းပြဆရာ အဖြစ် တာဝန်ထမ်းဆောင်နေသူ ဖြစ်သည်။
