ဘူးသီးတောင် ဦးလှဖေ ရွာသားများကို ဂူတာပြင်ကဲ့သို့ ပြုလုပ်ပစ်မည်ဟု ရဲမှူးက ခြိမ်းခြောက်သောကြောင့် အများအပြား နေရပ်စွန့်ခွာဖွယ်ရှိ
RB News
5.2.2018
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ဦးလှဖေရွာကို ဇန်န၀ါရီလ တတိယပတ်မှစ၍ လုံခြုံရေးတပ်ဖွဲ့ဝင်များ ၀င်ရောက် စီးနင်းပြီးနောက် မိသားစုပေါင်းများစွာ တဖက်နိုင်ငံသို့ ထွက်ပြေး ခိုလှုံလျက် ရှိပြီး၊ ရွာသားများကို နယ်ခြားစောင့်ရဲတပ်ဖွဲ့မှ ရဲမှူးက ခြိမ်းခြောက်နေသောကြောင့် ကျန်သည့် ရွာသားများ ထွက်ပြေးမည်ကို စိုးရိမ်နေရကြောင်း ဒေသခံများ၏ ပြောကြားချက်များအရ သိရှိရသည်။
ယနေ့ ဖေဖော်ဝါရီလ (၅) ရက်နေ့တွင် ဒေသခံများကို နယ်ခြားစောင့်ရဲတပ်ဖွဲ့ စခန်း (၂၁) သို့ ဆင့်ခေါ်ခဲ့ရာ ရပ်မိရပ်ဖများ၊ ဘာသာရေးခေါင်းဆောင်များနှင့် ပညာတတ်များ သွားရောက်၍ နယ်ခြားစောင့်ရဲတပ်ဖွဲ့မှ ရဲမှူးနှင့် တွေ့ဆုံခဲ့သည်။ ရဲမှူးက ၎င်းတို့အား မော်လ၀ီအလီဟူစိန်း ကို သတ်ဖြတ်သူများအား ရှာဖွေ ဖော်ထုတ်ပေးရန်၊ အကယ်၍ ဖော်ထုတ်မပေးနိုင်ပါက ဂူဒမ်ဖာရာ (ဂူတာပြင်) ကဲ့သို့ ပြုလုပ်ပစ်မည်ဟု ခြိမ်းခြောက်ခဲ့ကြောင်း ဒေသခံတစ်ဦးက RB News သို့ပြောပါသည်။
ရဲမှူး၏ ခြိမ်းခြောက်မှုကြောင့် ရွာအတွင်း အထိတ်တလန့် ဖြစ်နေပြီး၊ ရွာသားအများအပြား နေအိမ်များ စွန့်ခွာ၍ ထွက်ပြေးရန် စဉ်းစားနေကြကြောင်း သိရှိရသည်။
ဘူးသီးတောင်မြို့နယ်ရှိ ရွာအများအပြားမှ ဒေသခံရိုဟင်ဂျာများသည် စားဝတ်နေရေး ခက်ခဲခြင်း၊ ခြိမ်းခြောက်ခံရခြင်း၊ ပိတ်ဆို့ထားခံရခြင်း တို့ကြောင့် နေအိမ်များ စွန့်ခွာ၍ တဖက်နိုင်ငံတွင် ခိုလှုံရန် ထွက်ခွာလျက်ရှိရာ အချို့သည် ဘင်္ဂလားဒေ့ရ်ှနိုင်ငံသို့ ရောက်ရှိသွားသော်လည်း အချို့မှာ မောင်တောမြို့နယ် တောင်ပိုင်း ဒေါင်ခါလီ ကမ်းခြေတွင် ပိတ်မိလျက် ရှိသည်။
