ဘူးသီးတောင် ကကျက်ဘက်ကံပြင် ဆွဲ၊ တင်၊ စစ် တွင် ဒေသခံများ အဆမတန် ငွေညှစ်ခံနေရ

RB News

5.2.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ကကျက်ဘက်ကံပြင်ကျေးရွာအုပ်စု၊ တပ်ရာရွာ (ဇောဘောရ်ဖာရာ) တွင် ဆွဲ၊ တင်၊ စစ် စစ်ဆေးလျက်ရှိရာ အဆမတန် ငွေညှစ်နေကြောင်း သတင်းရရှိပါသည်။

ဖေဖော်ဝါရီ (၄) ရက်နေ့မှစ၍ ကကျက်ဘက်ကံပြင် ကျေးရွာအုပ်စု၊ တပ်ရာရွာ (ဇောဘောရ်ဖာရာ) တွင် ဆွဲ၊ တင်၊ စစ် စတင် စစ်ဆေးလျက်ရှိပြီး၊ အဆမတန် ငွေညှစ်လျက် ရှိသည်။ ငွေညှစ်ရာတွင် ကျေးရွာအုပ်စု အုပ်ချုပ်ရေးမှူး ဦးမောင်သာကျော် (စေတီပြင်ဇာတိ၊ ရ.၀.တ ဥက္ကဌဟောင်း ဦးမောင်ချေ၏ သားမက်) နှင့် အိုးသည်ရွာမှ ဦးအဒူရော်ဟိမ်း၊ တပ်ရာရွာမှ ဒု-အုပ်ချုပ်ရေးမှူး ဦးကာမာလ်နှင့် ဦးဟာရှိမ်း တို့ပါဝင်ကြောင်း ဒေသခံများက RB News သို့ပြောပါသည်။

အပြောင်းအရွှေ့ ၊ ပယ်ဖျက်ခြင်းနဲ့ အသစ်တင်သွင်းခြင်း လုပ်ရသည့် မိသားစုဆိုလျှင် အနည်းဆုံး ငွေကျပ် တစ်သိန်း ကုန်ကျနေသည်ဟု ဒေသခံများက ဆိုသည်။

အသက် ၂ နှစ်အထက် ၄ နှစ်အောက် ကလေးများကို အိမ်ထောင်စု လူဦးရေစာရင်းတွင် ထည့်သွင်း မပေးခြင်းကြောင့် မိသားစုပေါင်းများစွာ ဆွဲ၊ တင်၊ စစ် စစ်ဆေးခံနိုင်ခြင်း မရှိသဖြင့် အဆိုပါ မိသားစုများကို

ကျေးရွာအုပ်စု အုပ်ချုပ်ရေးမှူး ဖြစ်သူ ဦးမောင်သာကျော် ကလည်း ညပိုင်းတွင် အရက်မူး၍ သောင်းကျန်းခြင်းကြောင်း ဒေသခံရွာသားများ စိတ်အနှောက်အယှက် ဖြစ်နေရသည်ဟု သိရှိရသည်။

“ဦးမောင်သာကျော်က ညမထွက်ရ အမိန့်ကြောင့် ဘယ်သူ့မှ အိမ်ပြင် ထွက်မလာရဲဘူးဆိုတာ သိတော့ အရက်သောက် မူးရူးပြီး တပ်ရာရွာမှာ လုပ်ချင်တိုင်း လုပ်နေတယ်။ ငါသာ လူအုပ်ချုပ်ရေးမှူး၊ အရင်က ဥက္ကဌ အုပ်ချုပ်ရေမှူးတွေက နွားအုပ်ချုပ်ရေးမှူး နွားဥက္ကဌ၊ ငါသာ လူပီသတဲ့လူ အခြားလူတွေ အားလုံး နွားတွေ ဆိုပြီး မူးမူးရူးရူးနဲ့ ပြောနေတော့ မလိုလားတာတွေ ဖြစ်လာမှာ စိုးရိမ်ရတယ်” ဟု ဒေသခံတစ်ဦးက ပြောပါသည်။

“ရွာသူရွာသားတွေကိုလည်း အကြောင်းမဲ့ ရက်ရက်စက်စက် ရိုက်နှက်တယ်။ မူးနေတဲ့အချိန်မှာ အိုးသည်ရွာက အဒူရော်ဟိမ်းက သူ့ရဲ့ ဆရာ သူ့ရဲ့ အကြံပေး ဆိုပြီး ၀န်ခံတာတွေလည်း လုပ်တယ်။ မောင်သာကျော်ရဲ့ ရက်စက်ကြမ်းကြုတ်မှု ဒဏ်ကြောင့် လူတွေ ထွက်ပြေးသွားမှာ စိုးရိမ်ရတယ်” ဟု အဆိုပါ ဒေသခံက ဆက်လက်ပြောသည်။

ယခင်က အဆိုးဆုံး အုပ်ချုပ်ရေးမှူး ဆိုလျှင် အမှတ် (၅) ရပ်ကွက်မှ အုပ်ချုပ်ရေးမှူး ဦးမောင်လှိုင်စိုး ကို ပြောရမည် ဖြစ်သော်လည်း ယခုအခါ ကကျက်ဘက်ကံပြင် အုပ်ချုပ်ရေးမှူးသည် ဦးမောင်လှိုင်စိုး ထက် အစပေါင်းများစွာ ဆိုးရွားနေသည်ဟု ၎င်းက ဆိုသည်။