မြန်မာ ရိုဟင်ဂျာ အသင်း (ယူကေ) နှစ်ပတ်လည် အစည်းအဝေးကျင်းပ
RB News
2.4.2018
လန်ဒန် ။ ။ မြန်မာ ရိုဟင်ဂျာ အသင်း (ယူကေ) ၏ နှစ်ပတ်လည် အစည်းအဝေးကို မတ်လ (၃၁) ရက်နေ့က ကျင်းပခဲ့ပြီး လန်ဒန်မြို့တွင် နေထိုင်နေကြသည့် ရိုဟင်ဂျာမိသားစုများ၊ ဖိတ်ကြားထားသည့် ဧည့်သည်တော်များ စုံလင်စွာ တက်ရောက်ခဲ့သည်။
အစည်းအဝေးတွင် ဘဘာပတိအဖြစ် ဦးဘစိန်က ဆောင်ရွက်ပြီး၊ အခမ်းအနားမှူးအဖြစ် ဦးသီဟဂျမာလ်မှ ဆောင်ရွက်ခဲ့သည်။ အစည်းအဝေး အစီအစဉ်များအရ အသင်း၏ လှုပ်ရှား ဆောင်ရွက်မှုများကို ဥက္ကဌ ဖြစ်သူ ဦးထွန်းခင်က အကျယ်တ၀န့် ရှင်းလင်းတင်ပြပြီး၊ ဘဏ္ဍာရေး ရှင်းတမ်းကို ဘဏ္ဍာရေး အတွင်းရေးမှူး ဦးစောလွင်က ဖတ်ကြားတင်ပြသည်။ စာရင်းအင်းထားသိုမှု၊ သုံးစွဲမှု အခြေအနေများကို စာရင်းစစ်အဖွဲ့ ခေါင်းဆောင် ဦးဘစိန်မှ ရှင်းလင်းတင်ပြခဲ့သည်။
အစည်းအဝေးတွင် ဥက္ကဌ ဦးထွန်းခင်နှင့် အတူ ဦးနူရုလ်အစ္စလာမ်၊ ဧည့်သည်တော် ဒေါက်တာမောင်ဇာနည် တို့က ကာကွယ်စောင့်ရှောက်မှု ရှိသော ဇာတိမြေသို့ ရိုဟင်ဂျာများ အကာအကွယ် အစောင့်အရှောက်နှင့် ပြန်ခွင့် ရရှိရေးတို့ကို ရှင်းလင်း ပြောကြားခဲ့သည်။
အစည်းအဝေး အစီအစဉ်များအရ အမှုဆောင် (၁၁) ဦး ပါဝင်သော ဗဟိုအလုပ်အမှုဆောင်အသစ် အဖွဲ့ ရွေးချယ်ပြီး ဥက္ကဌအဖြစ် ဦးထွန်းခင်ကို လည်းကောင်း၊ အတွင်းရေးမှူး အဖြစ် ဦးသီဟဂျမာလ်ကို လည်းကောင်း ပြန်လည် ရွေးချယ် တင်မြှောက်ခဲ့သည်။
ထို့နောက် ရိုဟင်ဂျာရင်သွေးငယ်များအား ပညာရည်ထူးချွန်ဆုပေးပွဲ ကျင်းပပြုလုပ်ပြီး ဆု (၃) ဆုကို ပညာရေး ကော်မတီအတွင်းရေးမှူး ဒေါ်ခင်လှ က ချီးမြှင့်ပေးအပ်ခဲ့သည်။
