ခြေထောက်တွင် ဒဏ်ရာရှိသူတစ်ဦးကို အကြမ်းဖက်မှုတွင် ပါဝင်သည်ဟု စွပ်စွဲ ဖမ်းဆီးပြီး ငွေညှစ်

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ဖိုးခေါင်ချောင်းမှ ခြေထောက်တွင် ဒဏ်ရာရှိတဲ့ ရိုဟင်ဂျာ တစ်ဦးကို နယ်ခြားစောင့်ရဲများက အကြမ်းဖက်သမားဟု စွပ်စွဲ ဖမ်းဆီး၍ ငွေညှစ်ခဲ့သည်။

ရသေ့တောင်မြို့နယ် ဖက်လိပ်ကျေးရွာအုပ်စု၊ သပြေတောရွာမှ ဒေသခံတစ်ဦးဖြစ်သည့် အဗ်ဒုလ်မဂျီဒ် (အသက် ၂၅ နှစ်) သည် လွန်ခဲ့သည့် နှစ်နှစ်ကျော်က ဘူးသီးတောင်မြို့နယ် ဖိုးခေါင်ချောင်းကျေးရွာအုပ်စု၊ ကံဒါရွာတွင် အမျိုးသမီးတစ်ဦးနှင့် လက်ထပ်ပြီး ကျပန်းအလုပ်သမားဘ၀ဖြင့် နေထိုင်လျက်ရှိသည်။ ၂၀၁၇ ခုနှစ်တွင် ၎င်း၏ ဇနီးဖြစ်သူနှင့် မသင့်မတင့်ဖြစ်ကာ ခိုက်ရန်ဖြစ်ပွားရာ ဇနီးသည်က ၎င်း၏ ခြေချင်းဝတ်နောက်၍ အကြောကို ဓါးဖြင့် တစ်ချက်ခုတ်ခဲ့သဖြင့် ပြင်းထန်စွာ ဒဏ်ရာရရှိခဲ့သည်။ ထိုဒဏ်ရာကောင်းသွားသော်လည်း ၎င်းသည် ယခု အချိန်ထိ ပုံမှန်လမ်းမလျှောက်နိုင်သေးဘဲ ထောနဲ့ ထောနဲ့ လျှောက်နေရသည်။

၎င်းသည် ကျပန်းအလုပ်လုပ်ရန် ဘူးသီးတောင်မြို့နယ် တောင်ပိုင်း ကင်းချောင်းကျေးရွာအုပ်စုသို့ ရောက်ရှိနေစဉ် အတွင်း သြဂုတ်လ (၉) ရက်နေ့တွင် နယ်ခြားစောင့်ရဲများက ၎င်းကို မြင်ကာ ယမန်နှစ်က ARSA နှင့် အစိုးရစစ်တပ်ကြား တိုက်ပွဲတွင် ပါဝင်ခဲ့ခြင်းကြောင့် သေနတ်ဒဏ်ရာရရှိပြီး ကောင်းမွန်စွာ လမ်းမလျှောက်နိုင်ခြင်း ဖြစ်သည်ဟု လုပ်ကြံစွပ်စွဲ၍ ကကျက်ဘက်ကံပြင်ကျေးရွာအုပ်စု၊ တပ်ရာရွာရှိ စခန်းသို့ ဖမ်းဆီးခေါ်ဆောင်သွားကာ စစ်သားများနှင့် ပူးပေါင်း၍ လူမဆန်စွာ ရိုက်နှက် ညှဉ်းပန်းနှိပ်စက်ခဲ့သည်။ 

သြဂုတ်လ (၁၀) ရက်နေ့တွင် ဖိုးခေါင်ချောင်းမှ ဒေသခံအချို့က အဆိုပါစခန်းသို့ လိုက်သွားပြီး အဗ်ဒုလ်မဂျီဒ်သည် အကြမ်းဖက်မှုတွင် ပါဝင်ခဲ့သူ မဟုတ်ဘဲ သာမာန်ဆင်းရဲသည့် ကျပန်းအလုပ်သမား တစ်ဦး ဖြစ်ကြောင်းနှင့် ၎င်းတွင်ရှိသည့် ဒဏ်ရာသည် ဇနီးဖြစ်သူနှင့် ခိုက်ရန်ဖြစ်ပွားစဉ် ရရှိထားသည့် ဒဏ်ရာဖြစ်သည်ဟု အာမခံ၍ ပြောဆိုသဖြင့် အပြစ်မဲ့တစ်ဦးမှန်း သိရှိသွားသော်လည်း အဗ်ဒုလ်မဂျီဒ်၏ အင်္ကျီအိတ်ထဲရှိ မိသားစုအတွက် ပင်ပန်းခံ ရှာဖွေထားသည့် ငွေကျပ် ၄ သောင်းကို နယ်ခြားစောင့်ရဲများက လုယက်နှိုက်ယူသည့်အပြင် နောက်ထပ် ငွေကျပ် တစ်သိန်းခွဲ ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံများက RB News သို့ပြောပါသည်။