ဘူးသီးတောင် သပြေကုန်းတွင် နယ်ထိန်းရဲများက အပြစ်မဲ့ဒေသခံများကို မဟုတ်မမှန် စွပ်စွဲ၍ ငွေညှစ်

RB News

13.8.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် သပြေကုန်းရပ်ကွက်မှ မူးယစ်ဆေးဝါး သုံးစွဲသူတစ်ဦးကို နယ်ထိန်းရဲအဖွဲ့က ဖမ်းဆီးရမိပြီးနောက် ၎င်း၏ ထွက်ဆိုချက်ဟု ဆိုကာ အပြစ်မဲ့ဒေသခံများကို မဟုတ်မမှန် စွပ်စွဲ၍ ငွေသိန်းချီ ညှစ်လျက်ရှိသည်။

သပြေကုန်းရပ်ကွက် (ယခင် အမှတ် ၄ ရပ်ကွက်) မှ ဆိုင်ကယ်ကယ်ရီသမား အဇီဇူရ်ရဟ်မာန် (ခ) အာဂျီကာန် (ဘ) ဦးဖူတူနား (အသက် ၂၅ နှစ်) ကို ဘူးသီးတောင် နယ်ထိန်းရဲတပ်ဖွဲ့မှ ဘူးသီးတောင် - အငူမော် လမ်းတစ်လျှောက် ကကျက်ဘက်ကံပြင် ကျေးရွာအုပ်စု၊ တပ်ရာရွာမှ WY စိတ်ကြွဆေးပြား ၂၀ နီးပါးဖြင့် လွန်ခဲ့သည့် တစ်လခန့်က ဖမ်းဆီးရမိခဲ့ပြီး၊ တရားစွဲဆိုထားသည်။

ယခုအခါ သပြေကုန်းရပ်ကွက် နယ်ထိန်းတာဝန်ခံ နေမင်းထွန်းနှင့် အဖွဲ့သည် ယင်းရွာမှ ဆယ်အိမ်မှူးများ ဖြစ်ကြသည့် ဆောဒု (ခ) မောင်မောင် (ဘ) ဦးဟာလာမျာ (အသက် ၃၃ နှစ်)၊ အီနုစ် (အသက် ၅၀ နှစ်)၊ အလီ (အသက် ၅၈ နှစ်) တို့နှင့် ပူးပေါင်း၍ ဖမ်းဆီးခံရထားသည့် အာဂျီကာနီ၏ ထွက်ဆိုချက်အရဟု ဆိုကာ အပြစ်မဲ့ ဒေသခံများကို မဟုတ်မမှန် လုပ်ကြံစွပ်စွဲ၍ ငွေကျပ် သိန်းချီ ညှစ်ယူလျက်ရှိကြောင်း ဒေသခံများက RB News သို့ပြောပါသည်။ ထိုကဲ့သို့ မတရားသဖြင့် ငွေညှစ်နေသည်ကို ရပ်ကွက် အုပ်ချုပ်ရေးမှူး ဖြစ်သူ ဦးစော (အသက် ၅၅ နှစ်) က သိရှိသော်လည်း ဟန့်တားရမည့်အစား ငွေညှစ်သူများနှင့် ပူးပေါင်း၍ ဝေစုခွဲယူနေသည်ဟု ဒေသခံများက ပြောပါသည်။ 

သပြေကုန်းရပ်ကွက်မှ ဆောဒု (ခ) မောင်မောင်သည် လွန်ခဲ့သည့် ၂၀၁၀ ခုနှစ်မှစ၍ ရပ်ကွက်အုပ်ချုပ်ရေးမှူး ဦးစော အတွက် နည်းလမ်းမျိုးစုံ ဖန်တီး၍ ငွေရှာပေးသည့် လက်ကိုင်တုတ်၊ လူယုံတော် တပည့်အဖြစ် သစ္စာရှိရှိ ရပ်တည်၍ ဒေသခံများကို နည်းမျိုးစုံဖြင့် ညှဉ်းပန်းနှိပ်စက်လျက်ရှိသည်။ ရပ်ကွက်အတွင်း သမီးရည်းစားဖြစ်နေသည်ဟု သတင်းရလျှင် တရားမ၀င် ပေါင်းသင်းနေသည်၊ ဖုန်းထဲတွင် နိုင်ငံခြားဖုန်းနံပါတ် ရှိလျှင် အကြမ်းဖက် အဖွဲ့အစည်းနှင့် ဆက်သွယ်နေသည်၊ ဖုန်းထဲတွင် Facebook app တွေ့လျှင် မဟုတ်မမှန် သတင်းလွှင့်သည်၊ အိမ်တွင် ၀ါးနံရံ ပြိုလဲနေလျှင်ပင် အိမ်အဆောက်အဦ ပြုပြင်နေသည်၊ ဧည့်စာရင်းတိုင်ရသည့် ဥပဒေ ဖျက်သိမ်းလိုက်သော်လည်း အိမ်တွင် ဧည့်သည်မြင်လျှင် ဧည့်စာရင်း တိုင်ကြားခြင်းမရှိ စသည့် စွပ်စွဲချက် အမျိုးမျိုးဖြင့် ခြိမ်းခြောက်၍ ငွေညှစ်မှုများ ပြုလုပ်လာသည်မှာ ကာလ ကြာမြင့်လာသဖြင့် ယခုအခါ အုပ်ချုပ်ရေးမှူး သာမက ရဲတပ်ဖွဲ့ဝင်များက ၎င်းကို ငွေညှစ်နိုင်ရန် လက်ကိုင်တုတ်အဖြစ် အသုံးပြုနေသည်ဟု ဒေသခံများက ဆိုသည်။ 

“WY လုပ်ငန်းလုပ်နေသူတွေက လစဉ် ဆက်ကြေးပေးနေတော့ လုပ်နေသူတွေကို မဖမ်းတဲ့အပြင် သယ်ယူ ပို့ဆောင်ရေးအတွက် ကူညီပေးနေတာတွေပါ ရှိတယ်။ အပြစ်မဲ့ ဒေသခံတွေကိုကျတော့ မဟုတ်မမှန် စွပ်စွဲပြီး ငွေညှစ်တယ်။ တရားဥပဒေ စိုးမိုးမှုလုံးဝ မရှိတော့ အာဏာပိုင်တွေ တောင်းသလောက်ပေးပြီး လွတ်အောင် လုပ်ရတယ်” ဟု သပြေကုန်း ရပ်ကွက်သားတစ်ဦးက RB News သို့ပြောသည်။

ဖမ်းဆီးခံရသူ၏ ထွက်ဆိုချက်ဟု ဆိုကာ မဟုတ်မမှန် လုပ်ကြံ စွပ်စွဲခံရပြီး ငွေညှစ်ခံရသူများမှာ --

(၁) ဦးလေးလေ (အသက် ၃၂ နှစ်) - ဆိုက္ကားနင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၃ သိန်း

(၂) ဦးတာဟဲရ် (ဘ) ဦးဟာဖီးဇ်အဟ်မဒ် (အသက် ၃၃ နှစ်) - အထည်ဆိုင်ရောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၁၅ သိန်း

(၃) ဦးအာဘူလ်နော်ဆောရ် (ဘ) ဦးအာဘူ (အသက် ၃၆ နှစ်) - ငါးရောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၃ သိန်း

(၄) ဦးနုရ်ကော်ဘီရ် (ခ) ဟာလာယာ (ဘ) ဦးအီနုစ် (အသက် ၂၉ နှစ်) - သုံးဘီး တက္ကစီမောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၃ သိန်း

(၅) မိုဟာမတ်ဟောက် (ဘ) ဦးမုခ်တာရ်အဟ်မဒ် (အသက် ၁၈ နှစ်) - လျှပ်စစ်ပစ္စည်းဆိုင် ရောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၆ သိန်း

(၆) ဦးအဗ်ဒုလ္လာ (အသက် ၂၉ နှစ်) - မောင်တောမြို့မှ ကုန်ပစ္စည်းအနည်းငယ်စီ ယူဆောင်လာပြီး ဘူးသီးတောင်မြို့တွင် ရောင်းချ၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် နှစ်သိန်းခွဲ

(၇) ဦးအာမာန်အုလ္လာ (ဘ) ဦးအေဘာဒုလ္လာ (အသက် ၄၀ နှစ်) - သုံးဘီး တက္ကစီမောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် ၃ သိန်း

(၈) ဦးအယာတုလ္လာ (အသက် ၃၀ နှစ်) - မုန့်ဟင်းခါးရောင်း၍ အသက်မွေးဝမ်းကျောင်း ပြုနေသူ - ညှစ်ခံရငွေကျပ် သုံးသိန်းခွဲ -- တို့ဖြစ်ကြသည်။