ဘူးသီးတောင် သိမ်တောင်ပြင်မှ အသက် ၁၆ နှစ် အရွယ် မိန်းကလေးတစ်ဦးကို မဟုတ်မမှန် စွပ်စွဲ၍ ကျေးရွာအုပ်ချုပ်ရေး တာဝန်ခံက ငွေညှစ်

RB News

13.8.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် သိမ်တောင်ပြင်ကျေးရွာမှ အသက် (၁၆) နှစ် အရွယ် မိန်းမပျိုတစ်ဦးကို ကျေးရွာအုပ်ချုပ်ရေးအဖွဲ့က မဟုတ်မမှန် လုပ်ကြံစွပ်စွဲ၍ ငွေညှစ်ခဲ့သည်။

ဇူလိုင်လ (၂၃) ရက်နေ့တွင် သိမ်တောင်ပြင်ကျေးရွာမှ ဦးအဗ်ဒုရ်ရာဟ်မာန် (ဘ) ဦးဝလီဘောက်ရှူး၏ အသက် (၁၆) နှစ် အရွယ် သမီးဖြစ်သူကို တရားမ၀င် ပေါင်းသင်း၍ ကိုယ်ဝန်ရှိနေသည်ဟု ကျေးရွာတာဝန်ခံ ဦးရော်ရှိတ် (ဘ) ဦးဟာဆောင်း (အသက် ၃၁ နှစ်) နှင့် ဦးလာလားမျာ (ဘ) ဦးအဒူလီ (အသက် ၅၆ နှစ်) တို့က ယခင် ပုဂ္ဂိုလ်ရေး ရန်ငြိုးဖြင့် မဟုတ်မမှန် လုပ်ကြံစွပ်စွဲ၍ ဖခင် ဖြစ်သူထံမှ ငွေကျပ် (၆) သိန်း ညှစ်ယူခဲ့ကြောင်း ဒေသခံများက RB News သို့ပြောသည်။

“မိကောင်းဖခင် သားသမီးကို ကျေးရွာအုပ်ချုပ်ရေး တာဝန်ခံက မဟုတ်မမှန် လုပ်ကြံ စွပ်စွဲတယ်။ ဘေးပတ်ဝန်းကျင်ကလည်း အဲလိုစွပ်စွဲနေတာ လုံးဝ မှန်ကန်မှုမရှိဘူးလို့ သက်သေခံပြီး ထွက်ဆိုတာလည်း မရဘူး။ တာဝန်ခံနဲ့ အဖွဲ့က နယ်ခြားစောင့်ရဲ နယ်မြေတာဝန်ခံ ဦးသန်းနဲ့ နယ်ခြားစောင့်ရဲ နာမည်တွေ ရွတ်ပြပြီး ခြိမ်းခြောက်ပြီး ငွေညှစ်တော့ တောင်းသလောက် ပေးလိုက်ရတယ်။ ပေးလိုက်ရတာထက် မိန်းမပျိုလေးတစ်ယောက်ကို ကာအိနြေ္ဒပျက်ပြားအောင်၊ ဂုဏ်သိက္ခာကျဆင်းအောင် ပြောဆိုတာက ပိုဆိုးတယ်” ဟု ဒေသခံတစ်ဦးက ပြောပါသည်။

ဦလာလားမျာ ဆိုသူသည် ၁၉၉၀ ခုနှစ်မှ ၂၀၁၀ ခုနှစ်ထိ နှစ်ပေါင်း ၂၀ ကြာ သိမ်တောင်ပြင်ကျေးရွာတွင် ရ.ယ.က အဖွဲ့ဝင် တာဝန်ယူထားစဉ် ရွာသားများကို ညှဉ်းပန်းနှိပ်စက်မှု မျိုးစုံ ပြုလုပ်ခဲ့ပြီး၊ ၂၀၁၀ ခုနှစ် နောက်ပိုင်းတွင် န.စ.က၊ နယ်ခြားစောင့်ရဲများ၏ လက်ကိုင်တုတ်အဖြစ် ရပ်တည်၍ နယ်ခြားစောင့်ရဲများ ငွေညှစ်နိုင်ရန် မဟုတ်မမှန် လုပ်ကြံမှုများ ဖန်တီး၍ ဝေစုယူကာ အသက်မွေးဝမ်းကျောင်း ပြုနေသည်ဟု ဒေသခံများက ပြောပါသည်။