နောက်ဆုံးသတင်း/ဆောင်းပါးများ

ဘူးသီးတောင် ပဒကားရွာကို ပူးပေါင်းအဖွဲ့ ၀င်ရောက် စစ်ဆေးပြီး ရွာသားအချို့ကို သူစိမ်းထင်မှတ်ပြီး ရိုက်နှက် ဖမ်းဆီး ခေါ်ဆောင်သွား

MYARF
RB News
27.8.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြောက်ပိုင်းရှိ ပဒကားကျေးရွာအုပ်စု၊ မြောက်ပင်စည်ရွာကို နယ်ခြားစောင့်တပ် နှင့် စစ်တပ် ပူးပေါင်းအဖွဲ့မှ ဝန်းရံပိတ်ဆို့၍ စစ်ဆေးပြီးနောက် ဒေသခံရွာသားအချို့ကို သူစိမ်းများထင်မှတ်၍ ရိုက်နှက်ဖမ်းဆီး ခေါ်ဆောင်သွားခဲ့သည်။

မြောက်ပင်စည်ရွာနှင့် အထက်ဘော်ဂလီ တို့တွင် မြန်မာ့ဆက်သွယ်ရေး မိုဘိုင်းဖုန်းလိုင်း မမိ၍ ဖုန်းခေါ်ဆိုရန် အလွန်ခ က်ခဲနေသောကြောင့် ရွာသားများ အနေဖြင့် မြောက်ပင်စည်ရွာရှိ အင်တာနာတိုင်နှင့် လိုင်းဖမ်းသည့်ကြိုးတပ်ဆင်ထားသည့် အိမ်တစ်အိမ်သို့ သွားရောက်၍ ဖုန်းခေါ်ဆိုရသည်။

သြဂုတ်လ (၂၄) ရက်နေ့ နံနက် ၁၀း၀၀ ခန့်အချိန်တွင် အဆိုပါ အိမ်သို့ ဖုန်းခေါ်ဆိုရန် ရောက်ရှိနေသော ရွာသားအချို့က ၎င်းအိမ်သို့ လာနေသော နယ်ခြားစောင့်တပ်သား ၂ ဦးကို ကြောက်ရွံ၍ ထွက်ပြေး တိမ်းရှောင်သွားခဲ့သည်။ နယ်ခြားစောင့် တပ်သားများကလည်း ၎င်းတို့ကို သူစိမ်းများဟု ထင်မှတ်ပြီး သေနပ်ပစ်ဖောက်ကာ လိုက်လံ ရှာဖွေခဲ့သော်လည်း မတွေ့ရှိခဲ့သဖြင့် ပင်စည်ရွာအခြေစိုက် နယ်ခြားစောင့်စခန်း နှင့် စစ်တပ် တပ်ရင်း (၅၃၅) သို့ ဖုန်းဖြင့်အကြောင်းကြား၍ အင်အား ထပ်တိုးစေခဲ့သည်။ ထို့အပြင် ရွာကို ဝန်းရံပိတ်ဆို့ပြီး ရွာသားများကို တစ်နေရာတွင် အတင်းစုစေကာ ညင်းပန်းနှိပ်စက်မှုများ ပြုလုပ်သည့်အပြင် ''တိမ်းရှောင်နေသူများကို ဖမ်းပေးရမယ် ဖမ်းမပေးပါက တစ်ရွာလုံးကို မီးတင်ရှို့ပစ်လိုက်မယ်'' ဟုခြိမ်းခြောက် ပြောဆိုခဲ့သဖြင့် ရွာသားများကလည်း ထိမ်းရှောင်နေသူများကို ရှာဖွေ၍ ၎င်းတို့လက်ထဲသို့ အပ်လိုက်ရကြောင်း ရွာသားများက RB News သို့ပြောပါသည်။

ထို့အပြင် ဖမ်းဆီးခံရသူများကို ရွာသားများရှေ့မှောက်တွင်ပင် လူမဆန်စွာ ရိုက်နက်မှုများပြုလုပ်ပြီးနောက် ညနေ ၄း၀၀ ခန့်အချိန်တွင် ပင်စည် နယ်ခြားစောင့်ရတပ်ဖွဲ့ စခန်းသို့ ခေါ်ဆောင် သွားခဲ့သည်။

သူစိမ်း အဖြစ်ထင်မှတ်ခံရပြီး ဖမ်းဆီးခံရသော ရွာသားများမှာ --

၁။ ဦးဟားဆောင်း (ဘ) ဦးမိုဟမ္မဒ်အလီ (အသက် ၆၀-နှစ်) (ပင်စည် မြောက်ရွာ)

၂။ ဦးနူရ်ကော်ဘီရ် (ဘ) ဦးအဗ်ဒူလ်ဟားလဲဒ် (အသက် ၃၅-နှစ်) (ပင်စည် မြောက်ရွာ)

၃။ ဦးရှော်ဘီရ်အဟ်မဒ် (အသက် ၅၅-နှစ်) (အထက်ဘော်ဂလီရွာ)

၎။ ဦးခေါ်လီမူလ္လာဟ် (ဘ) ဦးအီမာမ်ဟုဆိန်း (အသက် ၃၅-နှစ်) (အထက်ဘော်ဂလီရွာ) -- တို့ဖြစ်ကြသည်။

“သူတို့က ရွာက လူကောင်းတွေပါ။ အရင် နယ်ခြားစောင့်ရဲတွေက မဟုတ်မမှန် စွပ်စွဲချက်တွေ၊ ပုဒ်မတွေ အမျိုးမျိုးနဲ့ ခြိမ်းခြောက်ပြီး ငွေညှစ်ခဲ့လို့ အခုလည်း ငွေညှစ်ခံရမှာကို ကြောက်ပြီး ရှောင်သွားကြတာ။ ရာနဲ့ချီတဲ့ ရိုဟင်ဂျာတွေကို အကြမ်းဖက်သမားတွေအဖြစ် မဟုတ်မမှန် စွပ်စွဲပြီး ဖမ်းထားသလို သူတို့ကိုလည်း အဲလို လုပ်မှာ စိုးရိမ်တယ်” ဟု ရွာသားတစ်ဦးက ပြောသည်။ 


Comment ရေးရန်

Rohingya Exodus