ရေတွင်းပြင် ကျေးရွာအုပ်ချုပ်ရေးမှူးက ဂဏန်းရှာဖွေသည့် ရွာသားများထံမှ ငွေကောက်ခံလျက်ရှိ
MYARF
RB News
22.8.2018
မောင်တော ။ ။ ရခိုင်ပြည်နယ်၊ မောင်တောမြို့နယ် ရေတွင်းပြင်ကျေးရွာအုပ်စု အုပ်ချုပ်ရေးမှူးက ဂဏန်းရှာဖွေနေသူများထံမှ ငွေကောက်ခံနေသည်။
ရေတွင်းပြင်ကျေးရွာတွင် ဂဏန်းရှာဖွေ၍ အသက်မွေးဝမ်းကျောင်း ပြုနေသည့် ဆင်းရဲသား ၃၀ ခန့်ရှိပြီး လွန်ခဲ့သည့်နှစ်လခန့်က ကျေးရွာအုပ်ချုပ်ရေးမှူး ဦးချစ်လွင် (ဘ) ဦးချစ်မောင် က ဇီးပင်ချောင်းတွင် တံတားဆောက်လုပ်ရန်ပေးရန် ဟုဆိုကာ အဆိုပါ ဆင်းရဲသားများထံမှ ငွေကျပ် တစ်သောင်းစီ ကောက်ခံခဲ့သည်။
လွန်ခဲ့သည့်တစ်လခန့်ကလည်း မီးစက် တစ်လုံး ၀ယ်ယူရန်ဟု ဆိုကာ ငွေကျပ် တစ်သောင်းစီ ထပ်မံ ကောက်ခံသည်။
ယခုတဖန် ကင်းစခန်းတွင် ဂူများ တူးပေးရမည်ဟုဆိုကာ ငွေကျပ် ငါးထောင်စီ ကောက်ခံလျက် ရှိသည်ဟု ဒေသခံများက RB News သို့ပြောပါသည်။
ကျေးရွာအုပ်ချုပ်ရေးမှူး၏ ဖခင်ဖြစ်သူနှင့် အစ်ကိုတို့သည် ယခင်က ယင်းရွာတွင် ဥက္ကဌ၊ အုပ်ချုပ်ရေးမှူး တာဝန်ထမ်းဆောင်စဉ်က ရွာသားများကို နည်းမျိုးစုံဖြင့် ညှဉ်းပန်းနှိပ်စက်ခဲ့ပြီး၊ ယခု အုပ်ချုပ်ရေးမှူးကလည်း ၎င်း၏ ဖခင်နှင့် အစ်ကိုတို့၏ လမ်းစဉ်ကိုလိုက်၍ နယ်ခြားစောင့်ရဲများ စစ်သားများနှင့် ပူးပေါင်း၍ ရွာရှိ လူလတ်တန်းစားများထံမှ ငွေညှစ်ခြင်းများ ပြုလုပ်သည့်အပြင် မရှိဆင်းရဲသားများထံမှလည်း ငွေကြေးကောက်ခံမှုများ ပြုလုပ်နေသောကြောင့် ရွာသားများ အလွန်စိတ်ပျက်လျက် ရှိနေကြသည်။
