ဘူးသီးတောင် ဘုရားပြင်အောင်ပ နယ်မြေစခန်းက ဗလီဂေါပကများထံမှ ငွေညှစ်

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် တောင်ပိုင်း ဘုရားပြင်အောင်ပ အခြေစိုက် နယ်ခြားစောင့်ရဲတပ်ဖွဲ့ နယ်မြေစခန်းမှ အစ္စလာမ်ဘာသာရေး မူလတန်းကျောင်းကို ပြုပြင်မွမ်းမံနေသည်ဟု ဆိုကာ ဗလီဂေါပကအဖွဲ့မှ ငွေညှစ်ခဲ့သည်။ 

ဘူးသီးတောင်မြို့နယ် တောင်ပိုင်း ဘုရားပြင်အောင်ပ (ယခင် ညောင်ချောင်း) အခြေစိုက် နယ်ခြားစောင့်ရဲတပ်ဖွဲ့ နယ်မြေစခန်းမှ ပေါက်တောကျေးရွာအုပ်စု၊ ရွှေထားရွာမြောက်ရှိ ဗလီဝတ်ကျောင်းတော်၏ ဂေါပကအဖွဲ့ဝင် (၄) ဦးကို သြဂုတ်လ (၂၉) ရက်နေ့တွင် စခန်းသို့ ဆင့်ခေါ်၍ ဗလီခြံဝင်းအတွင်းရှိ အစ္စလာမ်ဘာသာရေး မူလတန်းကျောင်း အဆောက်အဦကို ပြုပြင်မွမ်းမံခဲ့သည်ဟု ဆိုကာ ပုဒ်မအမျိုးမျိုးတပ်၍ ထောင်ချမည်ဟု ခြိမ်းခြောက်ပြီး ငွေကျပ် (၁၀) သိန်း တောင်းခံခဲ့သည်။ ဂေါပက အဖွဲ့ဝင်များက မတရားသဖြင့် ထောင်ချခံရမည်ကို စိုးရိမ်၍ နောက်ဆုံးတွင် ငွေကျပ် (၇) သိန်း ပေးခဲ့ရသည်ဟု ဒေသခံများက RB News သို့ပြောပါသည်။ 

အဆိုပါ အစ္စလာမ်ဘာသာရေး မူလတန်းကျောင်းသည် ယခင်က သွပ်ပြားဖြင့် အမိုးမိုးထားခဲ့ပြီး နှစ်ပေါင်းများစွာ ပြုပြင်မွမ်းမံခွင့် မရရှိသည့်အတွက် ခေါင်မိုးများ ဟောင်းနွမ်းပျက်စီးသွား၍ ၂၀၁၇ ခုနှစ်တွင် မိုးယိုခြင်းကြောင့် ကလေးများ စာသင်ရန် လုံးဝခက်ခဲ့သွားခဲ့ရာ အာဏာပိုင်များက တားမြစ်ထားသည့် အတွက် ခေါင်မိုးတစ်ခုလုံး မပြုပြင်ဘဲ ယခုနှစ် ဧပြီလတွင် သွပ်ပြားများသာ အသစ်လဲလှယ်ခဲ့ရသည်။ 

ငွေညှစ်ခံရသည့် ဂေါပက အဖွဲ့ဝင် (၄) ဦးမှာ --

(၁) ဦးအဒူဂျဘ္ဘာရ် (ဘ) ဦးအဒူမဂျိတ် (အသက် ၅၅ နှစ်)

(၂) ဦးအီလီယာစ် (ဘ) ဦးဆာဖ်မျာ (အသက် ၃၅ နှစ်)

(၃) ဦးနီရာမောတ် (အသက် ၅၀ နှစ်)

(၄) ဟာဖဲစ်ရော်ဖိတ် (အသက် ၂၅ နှစ်) -- တို့ဖြစ်ကြသည်။ 

ဂေါပယက အဖွဲ့ဝင်များသည် အလွန်ဆင်းရဲသောကြောင့် နေအိမ်တိုင်းသို့ သွားရောက်၍ ငွေကြေးကောက်ခံ စုဆောင်း၍ နယ်ခြားစောင့်ရဲတပ်ဖွဲ့ နယ်မြေစခန်းသို့ ပေးခဲ့ရသည်ဟု ဒေသခံများက ဆိုသည်။ 

နိုင်ငံတော်အစိုးရက ဘာသာရေး လွတ်လပ်ခွင့်ရှိသည်ဟု ပြောကြားနေသော်လည်း ဗလီဝတ်ကျောင်းတော်များ ပြုပြင်ခွင့်မရခြင်း၊ ဘာသာရေးကျောင်းများ ပြုပြင်ခွင့်မရခြင်း၊ ဒေသဆိုင်ရာ အာဏာပိုင်များက အမြဲတစေ နှောက်ယှက်ခြင်း၊ ငွေညှစ်ခြင်း၊ ဘာသာရေးဆရာများကို ပစ်မှတ်ထား ရိုက်နှက် ဖမ်းဆီးခြင်းများ မကြာခဏ ကြုံတွေ့နေရသည်။