Rohingya Today

23.11.2018

စစ်တွေ ။ ။ ရခိုင်ပြည်နယ်၊ စစ်တွေမြို့နယ် GE လမ်းဆုံရှိ တပ်ထိန်းတပ်ခွဲမှ ချပေးထားသည့် ကင်းစခန်းက လမ်းသွားလမ်းလာ ရိုဟင်ဂျာ မော်တော်ယာဉ်များထံမှ ငွေညှစ်လျက်ရှိသည်။ 

စစ်တွေမြို့၊ (၃၅၄) ခြေလျင်တပ်ရင်းနှင့် ကပ်လျက်ရှိသည့် အမှတ် (၈၆၈) တပ်ထိန်းတပ်ရင်း၊ တပ်ခွဲမှ GE လမ်းဆုံတွင် ချထားပေးသည့် ကင်းစခန်းမှ စစ်သားများသည် လမ်းသွားလမ်းလာ ရိုဟင်ဂျာ မော်တော်ယာဉ်များထံမှ ငွေညှစ်လျက်ရှိသည့်အပြင် ထိုကင်းစခန်းမှ စစ်သားအချို့သည် ရိုဟင်ဂျာရွာများသို့ သွားရောက်၍ ဆိုင်ကယ်ဖြင့် သွားလာလေ့ရှိသည့် ရိုဟင်ဂျာများကို အမျိုးမျိုးခြိမ်းခြောက်၍ ငွေညှစ်လျက်ရှိကြောင်း ဒေသခံများက Rohingya Today သို့ပြောသည်။

စစ်တွေမြို့ရှိ သင်္ဂနက်ကျေးရွာအုပ်စု၊ ရေချမ်းပြင်ကျေးရွာအုပ်စု၊ ဆတ်ရိုးကျကျေးရွာအုပ်စု စသည့်အုပ်စုများရှိ ရိုဟင်ဂျာရွာများသို့ သွားသည့် ရိုဟင်ဂျာမော်တော်ယာဉ်များ အနေဖြင့် GE လမ်းဆုံရှိ တပ်ထိန်းကင်းစခန်းကို တစ်ခါဖြတ်ကျော်ခ ကယ်ရီလိုက်ဆိုင်ကယ် တစ်စီးလျှင် ၁၀၀၀ ကျပ်နှင့် ကုန်တင် (သို့) လူစီးကား တစ်စီးလျှင် ၃၀၀၀ ကျပ်စီ နေ့စဉ်ပေးရပြီး “ဘာကြောင့် အခုလိုပေးရတာလဲ” ဟု မေးမြန်းရာ ဒကစမှူး၏ အမိန့်အရ ကောက်ခံနေရသည်ဟု ပြန်လည်ဖြေကြားခဲ့ကြောင်း ကားသမား တစ်ဦးက ပြောပါသည်။

ထို့အပြင် ထိုတပ်ထိန်းကင်းစခန်းမှ စစ်သားအချို့သည် အနီးအနားရှိ ရိုဟင်ဂျာရွာများသို့သွားရောက်၍ ရွာထဲတွင် ဆိုင်ကယ်စီးသည့် ရိုဟင်ဂျာများကို ဆိုင်ကယ် လိုင်စင်၊ ဦးထုပ်များစစ်ဆေးရမည်ဟု ဆိုကာ အမျိုးမျိုးခြိမ်းခြောက်၍ မတရားသဖြင့် ငွေညှစ်ခြင်း၊ ငွေမပေးနိုင်လျှင် ဆိုင်ကယ်သိမ်းဆည်းခြင်းများလည်း ပြုလုပ်လျက်ရှိကြောင်း ရွာသားတစ်ဦးက ပြောသည်။ 

အလားတူ ရိုဟင်ဂျာမော်တော်ယာဉ်များမှ ဖြတ်ကျော်ခအဖြစ် သက္ကေပြင် ဒုက္ခသည်စခန်းရှေ့ရှိ လုံထိန်းစခန်းက ၃၀၀၀ မှ ၅၀၀၀ ကျပ်၊ မန်စီလမ်းဆုံ လုံထိန်းစခန်းနှင့် စစ်တပ်စခန်း တို့က ၅၀၀၀ မှ ၁၀၀၀၀ ကျပ်၊ ဆေးသမားဒုက္ခသည်စခန်းအနီးရှိ လုံထိန်းနှင့် စစ်တပ်စခန်းတို့က ၃၀၀၀ မှ ၅၀၀၀ ကျပ်၊ ဘောဒူပ ဒုက္ခသည်စခန်း လုံထိန်းနှင့် စစ်တပ်စခန်းတို့က ၃၀၀၀ ကျပ်၊ အုန်းတောကြီးဒုက္ခသည်စခန်းရှိ လုံထိန်းနှင့် စစ်တပ်စခန်းတို့က ၃၀၀၀ ကျပ်၊ သဲချောင်းဒုက္ခသည်စခန်းရှိ လုံထိန်းနှင့် စစ်တပ်စခန်းတို့က ၃၀၀၀ ကျပ်၊ ဒါးပိုင်ရာဘာခြံဒုက္ခသည်စခန်းရှိ လုံထိန်းစခန်းက ၃၀၀၀ ကျပ် စသဖြင့် ကင်းစခန်းတိုင်းတွင် ကောက်ခံလျက်ရှိပါသည်။ 

ထိုသို့ သက္ကေပြင်ဒုက္ခသည်စခန်းအနီးရှိ လုံထိန်းစခန်းနှင့် မန်စီလမ်းဆုံရှိ စစ်တပ်ကင်းစခန်းတို့က သဲချောင်းဈေးမှ ကုန်ပစ္စည်းများဝယ်ယူကာ သယ်ဆောင်လာသည့် ဆိုင်ကယ်၊ တက္ကဆီ၊ ကား စသည်တို့ကို ရပ်တန့်စေပြီး ကုန်ပစ္စည်း ပမာဏအလိုက် ငွေကျပ် ၁၀၀၀၊ ၃၀၀၀၊ ၅၀၀၀၊ ၁၀၀၀၀ စသဖြင့် ကောက်ခံလျက်ရှိကြောင်း ဒေသခံများက ပြောပါသည်။ 

Rohingya Today

22.11.2018

စစ်တွေ ။ ။ ရခိုင်ပြည်နယ်၊ ကျောက်ဖြူမြို့တွင် တွေ့ရှိခဲ့သည့် ရိုဟင်ဂျာ လှေစီးပြေးဒုက္ခသည် ၈၆ ဦးကို နေရပ်သို့ ပြန်လည် ပို့ဆောင်လိုက်သည်။ 

နိုဝင်ဘာလ (၂၁) ရက်နေ့က ကျောက်ဖြူမြို့နယ်တွင် တွေ့ရှိခဲ့သည့် ရိုဟင်ဂျာ လှေစီး ဒုက္ခသည် ၈၆ ဦးကို နိုဝင်ဘာလ (၂၂) ရက်နေ့ မွန်းတည့် ၁၂ နာရီခန့်အချိန်တွင် အစိုးရအစီအစဉ်ဖြင့် စစ်တွေမြို့သို့ ပြန်လည် ပို့ဆောင်ခဲ့ကြောင်း ဒေသခံများက Rohingya Today သို့ပြောပါသည်။ 

အာဏာပိုင်များက ၎င်းတို့ အားလုံးကိုလည်း NV ကဒ်များ ထုတ်ပေးပြီး ညနေ ၅းဝဝ ခန့်အချိန်တွင် နေရပ်အသီးသီးသို့ ပြန်လည် ပို့ဆောင်ခဲ့သည်။ စစ်တွေမြို့ ဒုက္ခသည်စခန်းများရှိ အမျိုးသမီးများနှင့် ကလေးများအပါအ၀င် များစွာသော ရိုဟင်ဂျာများသည် ပိတ်လှောင်ခံထားရသည့် ဘ၀မှ လွတ်မြောက်ရေးအတွက် ကြုံတွေ့ရမည့် အန္တရာယ်အမျိုးမျိုးကို ဂရုမစိုက်တော့ဘဲ မလေးရှားနိုင်ငံသို့ နည်းအမျိုးမျိုးဖြင့် ထွက်ခွာလျက်ရှိရာ နိုဝင်ဘာလ ပထမပတ် အတွင်း ရိုဟင်ဂျားများ တင်ဆောင်ထားသည့် စက်လှေ ၃ စီးသည် စစ်တွေမြို့ သဲချောင်းကမ်းခြေမှ မလေးရှားနိုင်ငံသို့ ထွက်ခွာသွားသည့်အနက် ၂ စီးကို မြန်မာရေတပ်က ဖမ်းဆီးပြီး နေရပ်သို့ ပြန်လည်ပို့ဆောင်ခဲ့ခြင်း ဖြစ်သည်။ 

ယနေ့ နိုဝင်ဘာလ (၂၂) ရက်နေ့တွင် ရိုဟင်ဂျာ ၁၂၂ ဦး တင်ဆောင်ထားသည့် နောက်ထပ် စက်လှေတစ်စီးကိုလည်း မြန်မာရေတပ်က ဖမ်းဆီးရမိထားကြောင်း စစ်တွေမြို့မှ ဒေသခံများက ပြောပါသည်။ 

စစ်တွေ ။ ။ စစ်တွေမြို့မှ မလေးရှားနိုင်ငံသို့ ထွက်ခွာသွားခဲ့သည့် စက်လှေတစ်စီးသည် ရန်ကုန်တိုင်းဒေသကြီး၊ ကျောက်တန်းမြို့နယ် အနီးတွင် စက်ပျက်သွားခဲ့ပြီး စက်လှေပေါ်တွင် ပါရှိသည့် လှေစီးဒုက္ခသည် ၁၀၆ ဦးကို အစိုးရအစီအစဉ်ဖြင့် နေရပ်သို့ ပြန်လည်ပို့ဆောင်ခဲ့ရာ နိုဝင်ဘာလ (၂၁) ရက်နေ့၌ နေရပ်သို့ ပြန်လည် ရောက်ရှိခဲ့သည်။ 

နိုဝင်ဘာလ (၁၆) ရက်နေ့တွင် ရန်ကုန်တိုင်းဒေသကြီး၊ ကျောက်တန်းမြို့နယ်၊ သံတဲကျေးရွာအနီးတွင် တွေ့ရှိသည့် ရိုဟင်ဂျာ လှေစီးဒုက္ခသည် ၁၀၆ ဦးကို မြန်မာရေတပ် သင်္ဘောဖြင့် နိုဝင်ဘာလ (၂၁) ရက်နေ့ နံနက် ၁၀းဝဝ အချိန်တွင် ရခိုင်ပြည်နယ်၊ စစ်တွေမြို့ သဲချောင်းကျေးရွာသို့ ယူဆောင်လာပြီး ၎င်းတို့၏ နေရပ်အသီးသီးသို့ ပြန်လည်ပို့ဆောင်လိုက်ကြောင်း ဒေသခံများက Rohingya Today သို့ပြောသည်။ 

၎င်းတို့အားလုံးကို စစ်တွေမြို့၊ သဲချောင်းကျေးရွာရှိ ရဲစစ်ဆေးရေးဂိတ်သို့ ခေါ်ဆောင်လာပြီး NV ကဒ်ပြားများ အတင်းအဓမ္မ ထုတ်ပေးခဲ့သည်။ ထို့နောက် ၁၀၆ ဦးထဲမှ ပေါက်တောမြို့က ၁၄ ဦးကို နေ့လည် ၂းဝဝ ခန့်အချိန်တွင် စက်လှေဖြင့် ပေါက်တောမြို့နယ်သို့ ပြန်လည် ပို့ဆောင်ပြီး ကျန် ၉၂ ဦးကိုလည်း နေ့လည် ၅းဝဝ ခန့်အချိန်တွင် စစ်တွေမြို့နယ်ရှိ ကျေးရွာအုပ်ချုပ်ရေးမှူးနှင့် ဒုက္ခသည်စခန်းခေါင်းဆောင် အသီးသီးထံ ပို့ဆောင် အပ်နှံခဲ့ကြောင်း သဲချောင်းရွာသား တစ်ဦးက ပြောသည်။

စစ်တွေမြို့ ဒုက္ခသည်စခန်းများရှိ အမျိုးသမီးများနှင့် ကလေးများအပါအ၀င် များစွာသော ရိုဟင်ဂျာများသည် ပိတ်လှောင်ခံထားရသည့် ဘ၀မှ လွတ်မြောက်ရေးအတွက် ကြုံတွေ့ရမည့် အန္တရာယ်အမျိုးမျိုးကို ဂရုမစိုက်တော့ဘဲ မလေးရှားနိုင်ငံသို့ နည်းအမျိုးမျိုးဖြင့် ထွက်ခွာလျက်ရှိရာ နိုဝင်ဘာလ ပထမပတ် အတွင်း ရိုဟင်ဂျာများ တင်ဆောင်ထားသည့် စက်လှေ ၃ စီးသည် စစ်တွေမြို့ သဲချောင်းကမ်းခြေမှ မလေးရှားနိုင်ငံသို့ ထွက်ခွာသွားခဲ့သည်။

နိုဝင်ဘာလ (၂) ရက်နေ့တွင် ရိုဟင်ဂျာ ၅၀ ဦးခန့် တင်ဆောင်ထားသည့် စက်လှေတစ်စီးနှင့် ရိုဟင်ဂျာ ၇၀ ဦးခန့် တင်ဆောင်ထားသည် စက်လှေတစ်စီး၊ နိုဝင်ဘာလ (၄) ရက်နေ့တွင် ရိုဟင်ဂျာ ၁၀၀ ဦးကျော် တင်ဆောင်ထားသည့် စက်လှေတစ်စီး ထွက်ခွာသွားခဲ့ခြင်း ဖြစ်ပြီး၊ ၎င်းတို့ထဲမှ တစ်စီးကို မြန်မာရေတပ်က ဖမ်းဆီးခဲ့ပြီး နေရပ်သို့ ပြန်လည် ပို့ဆောင်လိုက်ခြင်း ဖြစ်သည်။ 

မလေးရှားသို့ စက်လှေများ ထွက်ခွာနေသည်ကို ဒေသအာဏာပိုင်များက သိရှိသော်လည်း ဟန့်တားအရေးယူရမည့် အစား ပွဲစားများထံမှ လာဘ်ငွေရယူ၍ လွှတ်ပေးထားသဖြင့် ပွဲစားများက လူတစ်ဦးလျှင် ငွေကျပ် ၅ သိန်းနှုန်းဖြင့် ပေါ်ပေါ်တင်တင် စုဆောင်းလျက်ရှိသည်ဟု သဲချောင်းရွာသားတစ်ဦးက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် အတွင်းရှိ ရိုဟင်ဂျာများ၏ အိမ်ထောင်စု လူဦးရေ စာရင်းများ၌ လူအပြောင်းအရွှေ့ ပြုလုပ်ပေးရာတွင် NVC ပါရရှိရမည်ဟု ဆိုကာ NVC မရှိသူများထံမှ ငွေညှစ်လျက်ရှိသည်။

ဘူးသီးတောင်မြို့ပေါ် လ.၀.က ရုံးအနီးရှိ နယ်ခြားစောင့်ရဲတပ်ဖွဲ့ ကြားစခန်းမှ တာဝန်ရှိသူများက တစ်မြို့နယ်လုံးရှိ ဒေသခံရိုဟင်ဂျာများ၏ အိမ်ထောင်စု လူဦးရေစာရင်းများတွင် လူအပြောင်းအရွှေ့များ ပြုလုပ်ပေးရာတွင် NVC မရှိသူများကို လုပ်မပေးဘဲ ၎င်းတို့၏ ပွဲစားများမှတဆင့် ငွေညှစ်ရမှသာ ပြုလုပ်ပေးလျက်ရှိကြောင်း ဒေသခံများက Rohingya Today သို့ပြောပါသည်။ 

အိမ်ထောင်စု လူဦးရေစာရင်းတစ်ခုမှ နောက်တစ်ခုသို့ ပြောင်းရွှေ့ရန် NVC မရှိသည့်အတွက်ဟု ဆိုကာ ငွေကျပ် သုံးသောင်း၊ ကြားစခန်းမှ အိမ်ထောင်စု လူဦးရေစာရင်း တစ်ခုမှ နောက်တစ်ခုသို့ ပြောင်းရွှေ့ပေးရန် လိုအပ်သည်မှာ မှန်ကန်ပါကြောင်း ထောက်ခံချက်အတွက် ငွေကျပ် သုံးသောင်း ညှစ်ယူပြီးနောက်၊ ခွင့်ပြုကြောင်း မှတ်ချက်ကို ကြားစခန်းသို့ ပြန်ယူလာပြီး ပြသနိုင်မှ ပြောင်းရွှေ့ ပေးပြီး ထပ်မံ၍ ငွေကျပ် နှစ်သောင်း စသဖြင့် ငွေကျပ် တစ်သိန်းခန့် ကုန်ကျလျက်ရှိပြီး၊ ထိုကဲ့သို့ ငွေညှစ်မှုကြောင့် အိမ်ထောင်စု လူဦးရေ စာရင်းမှ အပြောင်းအရွှေ့ ပြုလုပ်ရန် အခက်အခဲနှင့် ရင်ဆိုင်နေရကြောင်း ဘူးသီးတောင်မြို့ခံ တစ်ဦးက ပြောပါသည်။ 

“တရားဝင် လက်ထပ်ထားတဲ့ ဇနီးမောင်နှံက ကလေးထွန်းကားလာတဲ့အခါ မိဘနှစ်ယောက်စလုံး အိမ်ထောင်စုစာရင်း တစ်ခုတည်းမှာ မရှိဘူးဆိုတဲ့ အကြောင်းပြချက်နဲ့ မိခင်ဘက်၊ ဒါမှမဟုတ် ဖခင်ဘက်စာရင်းမှာ တင်မပေးဘူး။ အဓိက ငွေမပေးနိုင်လို့ တင်မပေးတာ။ သူတို့ ငွေကြေး စုဆောင်းပြီး မိဘနှစ်ပါးလုံး စာရင်းတစ်ခုထဲ ပြောင်းလာတော့လည်း ကလေးက အသက်ကြီးသွားပြီ ဆိုပြီး မတင်ပေးဘူး။ အဲလိုတွေကြောင့် အိမ်ထောင်စုစာရင်းမှာ တင်မရဘဲ စာရင်းမဲ့နေတဲ့ ရိုဟင်ဂျာကလေးငယ်တွေ အရမ်းများနေပြီ” ဟု အဆိုပါ မြို့ခံက ဆက်လက်ပြောပါသည်။

ပေါက်တော ။ ။ ရခိုင်ပြည်နယ်၊ ပေါက်တောမြို့နယ်၊ အနောက်ရဲကျေးရွာတွင် ပြည်နယ်အစိုးရအဖွဲ့မှ အကြီးအကဲများပါဝင်သည့် အဖွဲ့တစ်ဖွဲ့ ရောက်ရှိလာပြီး ရိုဟင်ဂျာများနှင့် တွေ့ဆုံဆွေးနွေးပွဲ ပြုလုပ်ခဲ့သည်။ 

ရခိုင်ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဖုန်းတင့်၊ ရခိုင်ပြည်နယ် လ.ဝ.က ဦးစီးမှူး၊ ရခိုင်ပြည်နယ် ရဲတပ်ဖွဲ့မှူး၊ ပေါက်တောမြို့နယ် အုပ်ချုပ်ရေးမှူး တို့နှင့် အခြား အစိုးရတာဝန်ရှိသူများပါဝင်သည့် အဖွဲ့တစ်ဖွဲ့သည် နိုဝင်ဘာလ (၂၀) ရက်နေ့ နံနက် ၁၀း၀၀ ခန့်အချိန်တွင် ဆင်တက်မော်ကျေးရွာအုပ်စု၊ အနောက်ရဲကျေးရွာသို့ ရောက်ရှိလာပြီး နိုဝင်ဘာလ (၁၈) ရက်နေ့တွင် အနောက်ရဲ ဒုက္ခသည်စခန်း၌ ဖြစ်ပွားခဲ့သည့် ဖြစ်စဉ်နှင့် ပတ်သက်၍ ရိုဟင်ဂျာများနှင့် တွေ့ဆုံဆွေးနွေးပွဲ ပြုလုပ်ခဲ့ကြောင်း ဒေသခံများက Rohingya Today သို့ပြောပါသည်။ 

ဒုက္ခသည်စခန်းမှ ဒုက္ခသည်များကို လယ်ကွင်းတစ်နေရာတွင် စုစေပြီး ပြုလုပ်ခဲ့သည့် အစည်းအဝေးတွင် အစိုးရအာဏာပိုင်များအနေဖြင့် ရာဇဝတ်မှုကျူးလွန်သူများအဖြစ် ရဲမှတ်တမ်းမှာပါရှိသည့် IDP စခန်းမှ လူအချို့ကို ဖမ်းဆီးခေါ်ဆောင်သွားရမည်ဖြစ်ပြီး IDP များက ၎င်းတို့ကို ဖမ်းဆီးရရှိရေးအတွက် ပူးပေါင်းပါဝင်ဆောင်ရွက် ပေးရမည်ဟု အဖွဲ့မှ တစ်ဦးကပြောပြီးနောက် IDP များဘက်က ပြောစရာ ရှိ၊ မရှိ မေးမြန်းရာတွင် IDP များက အချက် သုံးချက်ကို တောင်းဆိုခဲ့သည်။ တောင်းဆိုခဲ့သည့် အချက်များမှာ --

(၁) IDP များသည် အနောက်ရဲမှ စစ်တွေမြို့သို့ စက်လှေဖြင့် ကုန်ပစ္စည်းဝယ်ရန် သွားရပြီး၊ လမ်းရှိ စစ်ဆေးရေးဂိတ်တွင် လူတစ်ဦးလျှင် ငွေကျပ် ၅၀၀၀၀ (ငါးသောင်း) စီ ပေးနေရ၍ အလွန်ပင် အခက်အခဲရောက်နေရသဖြင့် ထိုကဲ့သို့ ငွေကောက်ခံမှုကို ဖျက်သိမ်းပေးပါရန် 

(၂) အရောင်းအ၀ယ် ပြုလုပ်နိုင်ရန်အတွက် အနောက်ရဲကျေးရွာမှ ဆင်တက်မော်ကျေးရွာသို့ သွားရာတွင် ဆင်အိုင် (ရခိုင်) ကျေးရွာကို ဖြတ်၍ သွားရသဖြင့် အစိုးရမှ လုံခြုံရေး စီစဉ်ပေးပါရန်

(၃) အနောက်ရဲတွင် တာဝါတိုင်မရှိသောကြောင့် ဖုန်းလိုင်းမကောင်းသဖြင့် ဖုန်းဆက်သွယ်ရန် အဆင်မပြေသောကြောင့် ဖုန်းဆက်သွယ်နိုင်ရန် တာဝါတိုင်တစ်တိုင် စိုက်ထူပေးရန် -- တို့ဖြစ်သည်။ 

“အစိုးရတာဝန်ရှိသူတွေကတော့ ကျွန်တော်တို့ရဲ့ တောင်းဆိုချက်တွေကို လက်ခံပြီး လုပ်ပေးမယ်လို့ ပြောသွားတယ်” ဟု ဒုက္ခသည်တစ်ဦးက ပြောပါသည်။ 

ပြည်နယ်အစိုးရ အကြီးအကဲများ ပါဝင်သည့် အဖွဲ့သည် နံနက် ၁၁ နာရီခန့် အချိန်တွင် အနောက်ရဲ ရွာသား ရိုဟင်ဂျာများနှင့် သီးခြားတွေ့ဆုံ၍ နိုဝင်ဘာလ (၁၈) ရက်နေ့ ဖြစ်စဉ်တွင် ပါဝင်ပတ်သက်မှု မပြုလုပ်သည့် အတွက် ကျေးဇူးတင်ကြောင်း ပြောဆိုပြီး။ ပြောစရာ ရှိ၊ မရှိ မေးမြန်းသဖြင့် ရွာသားများက “ကျွန်တော်တို့ရဲ့ လယ်ယာမြေတွေ ပေါ်မှာ IDP စခန်း အဆောင်တွေ ဆောက်ထားတာကြောင့် စိုက်ပျိုးရေး မလုပ်နိုင်ဘဲ နှစ်ရှည် ဒုက္ခရောက်နေရတယ်၊ အဲဒါကြောင့် အစိုးရက ကျွန်တော်တို့ကို ထိုက်တန်တဲ့ နစ်နာကြေး ပေးပါ” ဟု တောင်းဆိုခဲ့သည်။ 

ပြည်နယ်အစိုးရ တာဝန်ရှိသူများက အနောက်ရဲ ရွာသားများ၏ တောင်းဆိုချက်များကို စဉ်းစားပေးပါမည်ဟု ပြောဆိုပြီး မွန်းတည့် ၁၂ နာရီခန့် အချိန်တွင် ပြန်လည် ထွက်ခွာသွားခဲ့သည်။

ယခင်က ပေါက်တောမှ စစ်တွေသို့ စက်လှေဖြင့် သွားလျှင် တစ်နာရီသာ အချိန်ကြာမြင့်သောကြောင့် စက်လှေခ နှစ်ထောင်ကျပ်သာ ပေးခဲ့ရပြီး၊ ၂၀၁၂ ခုနှစ် နောက်ပိုင်းမှစ၍ ယခုအထိ ယခင်ကကဲ့သို့ စစ်တွေဈေးကြီး အနီးမှ ၀င်၍ မရဘဲ တစ်ပတ်ပတ်၍ သဲချောင်းမှ ၀င်နေရသောကြောင့် ၃ နာရီအချိန် ကြာမြင့်ပြီး စက်လှေခလည်း တစ်ဦးကို တစ်သောင်းကျပ်စီ ပေးနေရသည်။ 

စက်လှေပိုင်ရှင်က စက်လှေ မောင်းနှင်ခွင့်ရရန် အတွက် အာဏာပိုင်များကို ခြောက်လ (သို့) တစ်နှစ် တစ်ကြိမ် ဆက်ကြေး ပေးရသည်ဟု ဒေသခံများက ဆိုသည်။ 

အနောက်ရဲမှ ရိုဟင်ဂျာတစ်ဦး စစ်တွေမြို့သို့ ဈေးဝယ်ရန် လာလျှင် လမ်းစရိတ်သက်သက် ငွေကျပ် ခြောက်သောင်း ကုန်ကျလျက်ရှိသည်။ 

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဂူတာပြင်ကျေးရွာအုပ်စုတွင် ကိုယ်ဝန်ဆောင် နှင့် နို့တိုက်မိခင်များအတွက် ကျေးရွာအုပ်ချုပ်ရေးမှူးရုံးမှ ထုတ်ပေးသည့် ထောက်ပံ့ကြေးများကို အပြည့်အဝ မပေးဘဲ ဖြတ်ယူမှုများ ပြုလုပ်လျက်ရှိသည်။ 

ဂူတာပြင်ကျေးရွာအုပ်ချုပ်ရေးအဖွဲ့မှ အုပ်ချုပ်ရေးမှူး ဦးအင်္ဂါဖြူ (အသက် ၅၀-နှစ်ခန့်)၊ တာဝန်ခံ ဦးမိုဟမ္မဒ်တယုဘ် (ဘ) ဦးမိုဟမ္မဒ် (အသက် ၄၁-နှစ်)၊ ရာအိမ်မှူး ဦးနူရ်ကရီမ်း (ဘ) ဦးဟားဖီဇ်းအဟ်မဒ် (အသက် ၄၈-နှစ်) နှင့် ငှက်ပျောချောင်းရွာမှ ရာအိမ်မှူး ဦးမောင်သိန်းစိန် (အသက် ၄၄-နှစ်) တို့ ၄ ဦး ပူးပေါင်း၍ မြို့နယ်အထွေထွေအုပ်ချုပ်ရေးဦးစီးဌာနမှ ကိုယ်ဝန်ဆောင်နှင့် နို့တိုက်မိခင်များအတွက် ထုတ်ပေးသည့် ထောက်ပံ့ကြေးများ ရယူလိုသူများအား တစ်ဦးလျှင် ငွေကျပ် ၅၀၀၀ (ငါးထောင်) စီ ပေးသွင်းခိုင်းသည်။

၎င်းတို့က ကျေးရွာအုပ်စု တစ်အုပ်စုလုံးရှိ ကိုယ်ဝန်ဆောင်နှင့် နို့တိုက်မိခင်များ၏ စာရင်းကို ကောက်ခံ၍ မြို့နယ်အုပ်ချုပ်ရေးမှူးရုံးသို့ တင်သွင်းပြီးနောက် မြို့နယ်ရုံးမှ ပြည်လည် ချပေးခဲ့သည့် ထောက်ပံ့ကြေးများကို ကာယကံရှင်များအား အပြည့်အဝ ထုတ်မပေးဘဲ အသုံးစရိတ်ဟုဆိုကာ ဖြတ်ယူမှုများ ပြုလုပ်လျက်ရှိကြောင်း ဒေသခံများက Rohingya Today သို့ပြောသည်။

လွန်ခဲ့သော စက်တင်ဘာလကလည်း ဂူတာပြင်မှ ကိုယ်ဝန်ဆောင်အမျိုးသမီး ၆၁ ဦး အတွက် မြို့နယ်အထွေထွေအုပ်ချုပ်ရေးဦးစီးဌာနမှ တစ်ဦးလျှင် ကျပ်ငွေ ၉၀၀၀၀ (ကိုးသောင်း) စီ ချပေးခဲ့သည့် ထောက်ပံ့ကြေးများကို အပြည့်အဝမပေးဘဲ ငွေကျပ် ၇၀၀၀၀ (ခုနှစ်သောင်း) စီသာ ထုတ်ပေးခဲ့သည့်အပြင် စာရင်းရောက်ရှိသော်လည်း ဖခင် အမည်မတူဟုပြောဆို၍ လုံးဝမပေးခဲ့သည့် သူများလည်းရှိကြောင်း ဂူတာပြင်ရွာသား တစ်ဦးက ပြောပါသည်။

အလားတူ နိုဝင်ဘာလ (၁၇) ရက်နေ့တွင် တစ်လအရွယ် ကလေးရှိသူကို ၁၅၀၀၀ ကျပ်၊ နှစ်လအရွယ်ရှိသူကို ၃၀၀၀၀ ကျပ်၊ သုံးလအရွယ်ရှိသူကို ၄၅၀၀၀ ကျပ်၊ လေးလအရွယ်ရှိသူကို ၆၀၀၀၀ ကျပ်၊ ငါးလအရွယ်ရှိသူကို ၇၅၀၀၀ ကျပ်နှင့် ခြောက်လမှ ဆယ့်ငါးလ အရွယ်ထိရှိသူများကို ၉၀၀၀၀ ကျပ်နှုန်းဖြင့် နို့တိုက်မိခင် ၁၆၀ ဦးအတွက် မြို့နယ်ရုံးမှ ချပေးခဲ့သည့် နို့တိုက်မိခင်များအတွက် ထောက်ပံ့ကြေးများ ထုတ်ပေးစဉ် ၃၀၀၀၀ မှ ၅၀၀၀၊ ၄၅၀၀၀ မှ ၁၀၀၀၀၊ ၆၀၀၀၀ မှ ၁၅၀၀၀၊ ၇၅၀၀၀ မှ ၂၀၀၀၀ နှင့် ၉၀၀၀၀ မှ ၂၀၀၀၀ ကျပ်စီ ဖြတ်ယူခဲ့သည့်အပြင် စာရင်းရောက်ရှိသော်လည်း စာလုံးပေါင်းမတူဟုဆို၍ မပေးခဲ့သည့် သူများလည်း ရှိကြောင်း အဆိုပါ ရွာသားက ဆက်လက်ပြောသည်။

“စာရင်းကောက်တုန်းကလည်း စရိတ်ဆိုပြီး ငွေ ၅၀၀၀ ကျပ်စီကောက်ပြီး တစ်အုပ်စုလုံးက ကိုယ်ဝန်ဆောင်နဲ့ နို့တိုက်မိခင် အားလုံးရဲ့စာရင်းကိုယူတယ်၊ ဒါပေမယ့် အခု မြို့နယ် ထွေအုပ်က ချပေးတဲ့စာရင်းမှာ နည်းသွားတော့ ကိုယ်ဝန်ဆောင်နဲ့ ကလေးအမေ အချို့က ထောက်ပံ့ကြေးမရကြဘူး၊ စာရင်းရောက်တဲ့ လူတွေကိုလည်း ကျေးရွာအုပ်ချုပ်ရေးအဖွဲ့က အပြည့်မပေးဘဲ စရိတ်စက ဆိုပြီး ဖြတ်ယူလိုက်သေးတယ်၊ စရိတ်က ဘယ်နှစ်ခါ ပေးရမှာတုန်း၊ စာရင်းရေးတာ ကောက်တာလဲသူတို့ပဲ၊ အခု စာရင်းထဲမှာ ပါလာပြီးတော့ အဖေနာမည် မတူဘူး၊ စာလုံးပေါင်း မတူဘူးဆိုပြီး မပေးတာက မှန်ကန်မှုရှိရဲ့လား၊ မြို့နယ်ရုံးက ကွင်းဆင်းပြီး အရေးယူပေးဖို့လိုတယ်” ဟု ဂူတာပြင်မှ ရပ်မိရပ်ဖ တစ်ဦးက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဖရုံချောင်းကျေးရွာအုပ်စုတွင် ဝါးရောင်းသူးများထံမှ ရောင်းချခွင့်ဟုဆိုကာ ငွေအလွန်အကျွံကောက်ခံလျက်ရှိသောကြောင့် ဝါးဈေးမြင့်တက်လာပြီး ရွာသားများ အခက်အခဲ ကြုံတွေ့နေရသည်။

ဘူးသီးတောင်မြို့နယ် တောင်ပိုင်း၊ ဖရုံချောင်းကျေးရွာအုပ်စုတွင် ဝါးရောင်းသူများအနေဖြင့် ရောင်းချခွင့်ရယူရန် နယ်ခြားစောင့်ရဲတပ်ဖွဲ့နှင့် သစ်တောဦးစီးဌာနတို့ကို ငွေအလွန်အကျွံပေးနေရသောကြောင့် ရောင်းချရန် အလွန်ခက်ခဲသွားပြီး မရောင်းဘဲနေသော်လည်း ဖရုံချောင်းမွတ်စလင်ရွာမှ ကျေးရွာအုပ်ချုပ်ရေးအဖွဲ့၊ နယ်ခြားစောင့်ရဲတပ်ဖွဲ့တို့နှင့် ရင်းနှီးသည့် မိုဟမ္မဒ်ဂျလာလ် (ဘ) ဦးအက်တာအလောမ် (အသက် ၄၂-နှစ်) သည် ညောင်ချောင်း နယ်ခြားစောင့်ရဲတပ်ဖွဲ့နှင့် သစ်တောဦးစီးဌာနတို့ကို ငွေပေးပြီး ရောင်းချခွင့်ကို တစ်ဦးတည်း ကိုယ်စားလှယ်ရယူကာ ဝါးများကို ဈေးတိုးမြှင့်၍ ရောင်းချနေခြင်းကြောင့် ရွာသားများက ဝယ်ယူရန် အခက်အခဲဖြစ်နေကြောင်း ဒေသခံများက Rohingya Today သို့ပြောသည်။

ရခိုင်ဒေသရှိ ရိုဟင်ဂျာလူမျိုးများသည် ၂၀၁၂ ခုနှစ်မှစပြီး ယခုအချိန်အထိ တစ်နှစ်ထက်တစ်နှစ် ပိုမို၍ အိုးမဲ့အိမ်မဲ့၊ အလုပ်လက်မဲ့ ဖြစ်သွားလျက်ရှိနေကြပြီး ဖြစ်သလိုနေနေရသည့်အချိန်တွင် ယခုလို ငွေအလွန်အကျွံကောက်ခံပြီး ပေးနိုင်သူကိုသာ ရောင်းချခွင့်ပေး၍ ဈေးကြီးကြီးဖြင့် ရောင်းစေခြင်းကြောင့် ရွာသားများက ဝါးဖြင့် လုပ်ရသည့် အိမ်ပြုပြင်ခြင်း၊ ခြံစည်းရိုးကာရံခြင်းနှင့် အခြားအလုပ်များလုပ်ရာတွင် အလွန်ပင် အခက်အခဲနှင့် ရင်ဆိုင်နေကြရသည်။

ထို့အပြင် မိုဟမ္မဒ်ဂျာလာလ် ထံမှ မဝယ်ဘဲ ဈေးပေါပေါဖြင့်ရသည့် အခြားရွာများမှ ဝယ်ယူလာခွင့်မပြုသည့်အပြင် ဝယ်ယူလာသည်ကို တွေ့ရှိပါက နယ်ခြားစောင့်ရဲတပ်ဖွဲ့နှင့် ကျေးရွာအုပ်ချုပ်ရေးအဖွဲ့တို့၏ အခွင့်အာဏာကို အလွဲသုံးစားပြု၍ ၀ယ်ယူလာသည့် ၀ါးများကို သိမ်းဆည်းခြင်း၊ ခြိမ်းခြောက်၍ ငွေညှစ်ခြင်းများ ပြုလုပ်လျက်ရှိသည်ဟု ဖရုံချောင်းရွာသားတစ်ဦးက ပြောပါသည်။ 

နိုဝင်ဘာလ (၉) ရက်နေ့တွင် ဖရုံချောင်းဒိုးတန်း (၂) မှ အိစ်မိုင်လ် (ဘ) ဦးနော်ဇူမျာ (အသက် ၃၀-နှစ်) သည် ၎င်း၏ အိမ်တွင် သုံးရန် ဘုရားပြင်အောင်ပ ကျေးရွာအုပ်စုမှ ဝါး အလုံး (၂၅၀) ဝယ်ယူလာခဲ့သည်ကို မကျေနပ်၍ နယ်ခြားစောင့်ရဲများနှင့် လိုက်လံရှာဖွေပြီး ငွေကျပ် ၁၅၀၀၀ (တစ်သောင်းငါးထောင်) ညှစ်ယူခဲ့ကြောင်း အဆိုပါ ရွာသားက ပြောသည်။ 

နိုင်ငံတော်အစိုးရက တစ်ဦးတည်းကိုယ်စားလှယ်အဖြစ် ရောင်းချခြင်းများကို ပိတ်ပင်လိုက်ကြောင်း ကြေညာခဲ့သော်လည်း ယခုအချိန်အထိ နယ်ခြားစောင့်ရဲတပ်ဖွဲ့ဝင်များနှင့် သစ်တောဦးစီးဌာနတို့က ပူးပေါင်း၍လာဘ်ငွေများယူ၍ တစ်ဦးတည်းကိုယ်စားလှယ်အဖြစ် မဟုတ်လျှင်လည်း ရောင်းချခွင့်အတွက် ငွေကြေး အလွန်အကျွံတောင်းဆိုခြင်းကဲ့သို့ အခြားနည်းများသုံး၍ တရားမဝင် တစ်ဦးတည်းရောင်းချပိုင်ခွင့် ပြုနေသည်ကို တွေ့ရသည်။

Rohingya Today

17.11.2018

စစ်တွေ ။ ။ ရခိုင်ပြည်နယ်၊ စစ်တွေမြို့ရှိ ရိုဟင်ဂျာကျေးရွာအုပ်စုများနှင့် ဒုက္ခသည်စခန်းများမှ ရိုဟင်ဂျာများကို စည်းရုံးစုဆောင်း၍ စက်လှေ၊ ကားများဖြင့် မလေးရှားနိုင်ငံနှင့် ရန်ကုန်မြို့များသို့ ပို့ဆောင်လျက်ရှိသည့် လူကုန်ကူးသူများကို အာဏာပိုင်များက ဖမ်းဆီးရမိသော်လည်း ငွေကြေး မြောက်မြားစွာ လာဘ်စားပြီး ဖြေရှင်းရန် ကြိုးစားလျက်ရှိသည်။ 

စစ်တွေမြို့ပေါ်ရှိ ရိုဟင်ဂျာများနေထိုင်သည့် ကျေးရွာအုပ်စုများနှင့် ဒုက္ခသည်စခန်းများတွင် အာဏာပိုင်အချို့၏ အကူအညီဖြင့် မရှိဆင်းရဲသည့် ရိုဟင်ဂျာများကို ပေါ်ပေါ်တင်တင် စည်းရုံးစုဆောင်း၍ စက်လှေ၊ ကားများဖြင့် မလေးရှားနိုင်ငံနှင့် ရန်ကုန်မြုိ့များသို့ ပို့ဆောင်နေသည့် လူကုန်ကူးသူများထံမှ အာဏာပိုင်အဖွဲ့အစည်းများမှ တာဝန်ရှိ ၀န်ထမ်းအချို့က ပုံမှန်ဝေစုခွဲယူလျက်ရှိသည့်အပြင် လူကုန်ကူးသူများအား ဖမ်းဆီးရမိလျှင်လည်း အရေးယူရမည့်အစား ကြီးမားသည့် ငွေပမာဏများ ယူ၍ ညှိနှိုင်းဖြေရှင်းပြီး ပြန်လည် လွှတ်ပေးလိုက်ကြောင်း ဒေသခံများက Rohingya Today သို့ပြောပါသည်။ 

နိုဝင်ဘာလ (၁၃) ရက်နေ့ ည ၉ နာရီခန့်အချိန်တွင် ရဲလုံထိန်းတပ်ရင်း (၃၆) မှ တပ်ရင်းမှူး ဦးအောင်ချစ်မြင့် သည် လုံခြုံရေးတပ်ဖွဲ့ဝင်များနှင့် အတူ ဘုမေကျေးရွာအုပ်စု အုန်းတောရွာမှ မဂ္ဂူလ် (ခ) ဘာရီဇာရ်မဂ္ဂူလ်နှင့် အတူနေထိုင်သည့် ညီဖြစ်သူ ဦးဆော်လိမ်း (အသက် ၄၅ နှစ်) ထံ လာရောက်၍ အတူ ဘီယာသောက်နေခဲ့သည်။ 

ဘီယာသောက်နေစဉ် တပ်ရင်းမှူးက လူကုန်ကူးမှုနှင့် ပတ်သက်၍ မေးမြန်းပြီး ငွေထပ်မံညှစ်ယူရန် ပြောဆိုသည်ကို ဘီယာသောက်ပြီး မူးနေသည့် ဦးဆော်လိမ်းက ဒေါသမထိန်းနိုင်ဘဲ “ကျွန်တော်တို့ ရွာမှာ လူကုန်ကူးတဲ့လူ မရှိဘူး။ လူကုန်ကူးတာလည်း မသိဘူး” ဟု ပြောဆို၍ ငြင်းဆိုလိုက်သောကြောင့် တပ်ရင်းမှူးက ဦးဆော်လိမ်းကို ထိုနေရာတွင်ပင် လူမဆန်စွာ ရိုက်နှက်ပြီး “မင်းတို့ကို လူကုန်ကူးမှုနဲ့ တရားစွဲမယ်၊ မနက်ဖြန် ရုံးကိုလာခဲ့” ဟု ခြိမ်းခြောက်ပြောဆို၍ ပြန်လည် ထွက်ခွာသွားခဲ့သည်။ 

နိုဝင်ဘာလ (၁၆) ရက်နေ့ နောက်ဆုံးသတင်းအရ ဦးဆော်လိမ်း သည် ၎င်း၏ လက်အောက်ငယ်သား ပွဲစားများ ဖြစ်ကြသည့် ဦးမိုဟမ္မဒ်အလီ (ခ) မောင်ရွှေ (ဘ) ဦးအဒူဆော်ဘိ (အသက် ၄၀ နှစ်ခန့်)၊ ဦးအုစ်မာန် (အသက် ၄၀ နှစ်ခန့်)၊ ဦးဇော်ဟိန်း (ဘ) ဦးမဂ္ဂူလ် (အသက် ၃၅ နှစ်) တို့နှင့် ပူးပေါင်းပြီး တပ်ရင်းမှူးနှင့် ဖြစ်ပွားခဲ့သည့် ပြဿနာကို ငွေကျပ် သိန်း ၁၅၀ ကျပ်ပေး၍ ဖြေရှင်းရန် ကြိုးစားဆောင်ရွက်နေသည်မှာ နှစ်ရက်ရှိနေပြီ ဖြစ်ကြောင်း ရွာသားတစ်ဦးက ပြောပါသည်။ 

“ဦးဆော်လိမ်းဆီမှာ ပွဲစားလေးတွေ အများကြီးရှိတယ်။ ပွဲစားလေး တစ်ယောက်က လူတစ်ယောက် စည်းရုံးပေးရင် ငါးသောင်းရတယ်၊ သူ့မှာ စစ်တွေမှာရှိတဲ့ ရိုဟင်ဂျာရွာတွေနဲ့ ဒုက္ခသည်စခန်း ၈ ခုလုံးမှာ ပွဲစားလေးတွေ ၅၀ လောက်ရှိတယ်။ စည်းရုံးခေါ်လာတဲ့ လူတွေကို သူတို့ အိမ်ခြံဝင်းထဲမှာ စုဆောင်းပြီးတော့ လိုချင်တဲ့ အရေအတွက် ပြည့်ရင် အုန်းတောနားကပဲ စက်လှေပေါ်တင် ထွက်ကြတာ” ဟု အဆိုပါ ရွာသားက ပြောသည်။ 

အလားတူ သက္ကေပြင်ကျေးရွာအုပ်စုမှ ဦးမိုဟမ္မဒ်အာမီးန် (အသက် ၄၅ နှစ်) သည်လည်း နှစ်ပေါင်းများစွာ ပိတ်လှောင်ခံထားရသည့် ရိုဟင်ဂျာများကို စည်းရုံး၍ ကားများဖြင့် ရန်ကုန်မြို့သို့ တရားမ၀င် ပို့ဆောင်နေသည့် လူကုန်ကူးသူတစ်ဦးဖြစ်ပြီး၊ သဲချောင်းမွတ်စလင်ရွာမှ ဦးဆော်လိမ်း (အသက် ၄၇ နှစ်၊ ဦးအဒူဟားလဲက် ကုမ္ပဏီ၏ မြေး) ကလည်း လူများကို စည်းရုံးစုဆောင်းကာ ရေလမ်းနှင့် ကုန်းလမ်း နှစ်မျိုးလုံးသုံး၍ လူကုန်ကူးနေသူတစ်ဦး ဖြစ်သည်ဟု သက္ကေပြင်ရွာသားတစ်ဦးက ပြောပါသည်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ငါးကျဉ်တောက်ကျေးရွာအုပ်စုတွင် တဖက်နိုင်ငံသို့ ထွက်ပြေးခိုလှုံနေသည့် ဒုက္ခသည်များ၏ အိမ်နှင့် အိမ်ခြံမြေများတွင် ယာယီနေထိုင်နေသည့် ဆွေမျိုးများထံမှ ငွေကြေးကောက်ခံမည်ဟု မြို့နယ်အုပ်ချုပ်ရေးမှူးက ကြေညာထားသည်။ 

ငါးကျဉ်တောက် ကျေးရွာအုပ်ချုပ်ရေးမှူး ဦးကျော်သိန်း သည် ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေသည့် ဒုက္ခသည်များ၏ နေအိမ်များထဲသို့ ၀င်ရောက် နေထိုင်ခြင်း (သို့မဟုတ်) ခြံများတွင် ဟင်းသီးဟင်းရွက်များ စိုက်ပျိုးခြင်းများ ပြုလုပ်လျက်ရှိကြသည့် ဆွေမျိုးများထံမှ မြို့နယ်အုပ်ချုပ်ရေးမှူး၏ အမိန့်အရ နိုဝင်ဘာလ (၁၅) ရက်နေ့မှစ၍ တစ်အိမ်လျှင် ငွေကျပ် ငါးသောင်းကျပ်စီ ကောက်ခံသွားမည်ဟု နိုဝင်ဘာလ (၁၄) ရက်နေ့ ည ၇ နာရီအချိန်တွင် ရာအိမ်မှူးများနှင့် ဆယ်အိမ်မှူးများမှ တဆင့် ကြေညာခဲ့ကြောင်း ဒေသခံများက Rohingya Today သို့ပြောပါသည်။ 

ငါးကျဉ်တောက်ကျေးရွာအုပ်စုတွင် ရှိကြသည့် အောင်လံပြင်၊ သရေကုန်တန်း၊ ငါးကျဉ်တောက် စသည့် ကျေးရွာများမှ ၂၀၁၇ သြဂုတ်လ ဖြစ်စဉ် နောက်ပိုင်း အစိုးရ၏ နယ်မြေရှင်းလင်းရေး ခေါင်းစဉ်ဖြင့် ပြုလုပ်ခဲ့သည့် ရက်စက်ကြမ်းကြုတ်မှုများကြောင့် ရိုဟင်ဂျာအိမ်ခြေ ၇၀၀ ကျော် နေရပ်စွန့်ခွာ၍ ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံလျက်ရှိပြီး၊ ယခုရွာများထဲတွင် ဒိုင်းနက်လူမျိုး အိမ်ခြေ (၁၀၀) အပါအ၀င် စုစုပေါင်း အိမ်ခြေ (၃၅၀) ခန့်သာ ကျန်ရှိနေကြောင်း ရွာသားတစ်ဦးက ပြောပါသည်။ 

“မနှစ်က သြဂုတ်လ ဖြစ်စဉ်နောက်ပိုင်းမှာ ရွာသားတွေ နေရပ်စွန့်ခွာသွားပြီး သူတို့အိမ်တွေထဲက ပစ္စည်းတွေကို ရွာက ဒိုင်းနက်လူမျိုးတွေက လုယက်ခဲ့တဲ့အပြင် အိမ်တိုင်တွေ အချို့ကိုပါ ဖြုတ်ယူသွားတယ်။ အဲဒီလို လုပ်နေလို့ နေရပ်မစွန့်ခွာဘဲ ကျန်ရှိနေတဲ့ ဆွေမျိုးတွေက အဲဒီအိမ်တွေ ဖျက်ဆီးမသွားအောင် ထိန်းသိမ်းတဲ့ သဘောနဲ့ ၀င်ပြီး နေထိုင်တယ်။ အိမ်တိုင်တွေပါ ဖြုတ်ယူသွားတဲ့ ခြံတွေမှာ ဟင်းသီးဟင်းရွက် စိုက်ပျိုးနေတာတွေ ရှိတယ်” ဟု အဆိုပါ ရွာသားက ပြောသည်။ 

ငါးကျဉ်တောက်ကျေးရွာအုပ်စု တစ်ခုလုံးတွင် ဒုက္ခသည်များ၏ နေအိမ်များတွင် ၀င်ရောက်နေထိုင်လျက်ရှိကြသည့် ဆွေမျိုး မိသားစု ၂၀ စုခန့်ရှိပြီး ခြံများတွင် ၀င်ရောက်၍ စိုက်ပျိုးလျက်ရှိသည့် မိသားစု ၇ စုခန့်ရှိသည်ဟု ဒေသခံများက ဆိုသည်။ 

ဘူးသီးတောင်မြို့နယ်၊ ကကျက်ဘက်ကံပြင်ကျေးရွာအုပ်စု၊ တပ်ရာရွာ (ဇော်ဘော်ရွာ) သည် မြို့မရဲစခန်း လက်အောက်ခံ နယ်မြေမဟုတ်သော်လည်း ရဲတပ်ကြပ်ကြီး ဦးထွန်းသာသည် တပ်ရာရွာသို့ နေ့ညမရွေး အရပ်သားဝတ်စုံဖြင့် ၀င်ရောက်၍ ၎င်း၏ လက်ကိုင်တုတ် တပည့်များ၏ နေအိမ်များသို့ သွားရောက်၍ WY စိတ်ကြွဆေးပြားများ အတူတကွ သုံးစွဲပြီး ဒေသခံရိုဟင်ဂျာများကို အနှောက်အယှက်ပေးခြင်း၊ ညအချိန်တွင် အပြစ်မဲ့ ရိုဟင်ဂျာများ၏ နေအိမ်များသို့ ကျူးကျော်ဝင်ရောက်၍ မဟုတ်မမှန် လုပ်ကြံစွပ်စွဲ ခြိမ်းခြောက်ပြီး အတင်းအဓမ္မ ငွေညှစ်လျက်ရှိကြောင်း ဒေသခံများက Rohingya Today သို့ပြောပါသည်။ 

အောက်တိုဘာလ (၂၃) ရက်နေ့ နံနက် ၁ နာရီအချိန်တွင် ဒေါက်တာနဇီရ်၏ နေအိမ်သို့ ဧည့်စာရင်း စစ်ဆေးရန်ရှိသည်ဟု ဆိုကာ ၀င်ရောက်၍ ဥပဒေနှင့် ဆန့်ကျင်သည်အရာ မတွေ့ရှိခဲ့သော်လည်း ငွေကျပ် တစ်သိန်းနှစ်သောင်း အတင်းအဓမ္မ ညှစ်ယူခဲ့ကြောင်း တပ်ရာရွာသားတစ်ဦးက ပြောပါသည်။

နိုဝင်ဘာလ (၉) ရက်နေ့ နံနက် ၃ နာရီအချိန်တွင် ဦးထွန်းသာသည် တပ်ရာရွာရှိ မရှိဆင်းရဲသားတစ်ဦး ဖြစ်သည့် ဦးအဗ်ဒူရ်ရာဟ်မာန် (ဘ) ဦးအလီဟူစိန်း (အသက် ၆၅ နှစ်) ၏ နေအိမ်သို့ ကျေးရွာအုပ်ချုပ်ရေးအဖွဲ့မှ တစ်ဦးတစ်ယောက်မှ လိုက်ပါခြင်းမရှိဘဲ ကျူးကျော်ဝင်ရောက်၍ ဦးအဗ်ဒူရ်ရာဟ်မာန်၏ သမီးတစ်ဦး ဘင်္ဂလားဒေ့ရ်ှနိုင်ငံသို့ ထွက်ပြေးခိုလှုံနေသည်ကို အကြောင်းပြု၍ အမျိုးမျိုး ခြိမ်းခြောက်ပြီး ငွေကျပ် ငါးသောင်း ညှစ်ယူခဲ့သည်။ 

ဦးထွန်းသာသည် ယခင်က အလွန်ဆင်းရဲခဲ့သော်လည်း ယခုအခါ သန်းပေါင်းများစွာ ချမ်းသာနေပြီး၊ ငါက ဘူးသီးတောင် ဒေသခံဖြစ်တာကြောင့် ဘယ်သူ့ကိုမှ ဂရုမစိုက်ဘူး၊ မကြောက်ဘူး ဟု အမြဲအော်ဟစ် ပြောဆိုလေ့ရှိကြောင်း ဘူးသီးတောင်မြို့ခံတစ်ဦးက ပြောပါသည်။