RB News

6.1.2015

မြန်မာနိုင်ငံ၏ ပထမဆုံး ပြည့်ရှင်မင်းမှာ အနော်ရထာ ဖြစ်သည်ဟု အစဉ် နားလည် ထားမှုကြောင့် အနော်ရထာ မတိုင်မှီက ပုဂံပြည် (ပေါက်ကံပြည်) မရှိခဲ့ဟုလို့-၊ မြန်မာ လူမျိုးပင် မရှိခဲ့ ဟုလို့ နားလည်မှု လွဲမှားသည်ထိ ဖြစ်လာ ခဲ့ရသည်မှာ လက်တွေ့ပင် ဖြစ်တော့သည်။

အစဉ်အလာ ပြောဆို မိန့်မှာ သင်ရိုးတို့၏ အလွဲမှာ နောက်မျိုးဆက် အတွက် ဦးနှောက်မှိုင်း တိုက်ခံ ရသည်သာ ဖြစ်လေသည်။

အလားတူပင် ရိုဟင်ဂျာ လူမျိုးတို့၏ သမိုင်းအား လိုက်လေသမျှသော လူကြီးလူငယ်များမှာ ၎င်းတို့၏ လူမျိုးအစ သင်္ဘောပျက်မှ ဟုလို့ နားလည်မှုမှာလည်း ကြီးစွာသော လွဲမှားမှုသာ ဖြစ်နေသည်ကို တွေ့ရသည်။ ရိုဟင်ဂျာ လူမျိုး သမိုင်းနှင့် စပ်လျဉ်း၍ သင်္ဘောပျက် ဇတ်လမ်းအား ကျွန်ုပ် ၁၀ တန်းအောင်ပြီးနှစ် ၁၉၈၆ ခုနှစ်မှပင် စတင် ကြားဖူးခဲ့သည်။ ထိုစဉ်က ဟုတ်ချင် ဟုတ်မည်ဟုသာ ခံစားမိခဲ့ပြီး ရိုဟင်ဂျာ လူမျိုးတို့၏ သမိုင်းအား စိတ်ဝင်တစား မလေ့လာမိခဲ့ပေ။

နောက်ပိုင်းတွင်မှ လေ့လာမိသော အခါ- ထိုသမိုင်းသည် ကြီးစွာလွဲမှားသော သမိုင်းရင်းမြစ် ဖြစ်နေကြောင်းကို တွေ့ရတော့သည်။ လွဲမှားသည်ဟူသော အချက်အား ကျွန်ုပ်အနေဖြင့် ယုတ္တိမဲ့ ပြောဆိုခြင်း မဟုတ်ပေ။ အေဒီ ၇ - ၈ ရာစုလောက်တွင် အာရဗ် သင်္ဘောတစ်စင်းသည် ရမ်းဗြဲကျွန်း ရှိ လေးတောင်ရွာ အနီးတွင် ပျက်၏။ ထိုမှ အာရဗ် သင်္ဘောသား များနှင့် ဒေသခံ ရခိုင် အမျိုးသမီးများ စုံဖက်၏။ ထိုမှ ကပြား လူမျိုးများ မွေးဖွားလာ၏- ဟူသည်မှာ ဖြစ်နိုင်ချေ ရှိသော်လည်း-၊ ထိုဖြစ်တည် လာသော လူမျိုးဟူသည်မှာ ယခု ရိုဟင်ဂျာ ဟုခေါ်သော လူမျိုး လုံးဝ မဖြစ်နိုင်ပါ။

အဘယ်ကြောင့် ဆိုသော်- အကယ်၍ ရိုဟင်ဂျာတို့သည် အာရဗ်ကပြားများ ဖြစ်လေလျှင်-၊ ဖခင်ဘက်အား လိုက်၍ အာရဗ် စကားကို ပြောဆိုသည့် လူမျိုး ဖြစ်ရမည်၊ သို့မဟုတ် မိခင်ဘက်အား လိုက်၍ ရခိုင် စကားပြော လူမျိုး ဖြစ်ရပေမည်။ သို့မဟုတ် အာရဗ်နှင့် ရခိုင် ကြား ကပြား ဘာသာ စကား တစ်ရပ်ကို ပြောဆို ရပေလိမ့်မည်။ ယခုမူ ထိုသို့ အလျဉ်း မဟုတ်--၊ ရိုဟင်ဂျာ တို့တွင် ယနေ့တိုင် ကိုယ်ပိုင် ဘာသာစကား ရှိနေပြီး ထိုစကားမှာ ရခိုင် ရှေးဦး ဘုရင်များ၏ ကျောက်စာပါ စကားများ ဖြစ်နေခြင်းပင်။

အစ္စလာမ် သာသနာပြု များကြောင့် အစ္စလာမ် သာသနာသို့ ကူးပြောင်း လာခဲ့သည့် အတွက် ဘာသာရေး ဆိုင်ရာ အသုံးအနှုန်းများတွင်သာ ကုရ်အာန်သုံး အာရ်ဗီ ဝေါဟာရများ ပါဝင်နေခြင်းမှ အပ- အခြားသော ဘာသာစကား အများစုမှာ ရှေးအကျဆုံး မြန်မာ့ လူမျိုးတို့ ပြောဆိုခဲ့သည့် ပါဠိ ဝေါဟာရ များသာ ဖြစ်သည်။

ထို့ကြောင့် ရိုဟင်ဂျာ လူမျိုး၏ မူလဇစ်မြစ် သဘာဝအား လိုက်လျှင် ပင်လယ် သမုဒ္ဒရာအား ကျော်ဖြတ်လျက် တိုင်းခြားမြေခြား အာရဗ်တို့၏ နောက်သို့ လိုက်နေမည့် အစား- အမှန် စင်စစ် အနီးစပ် ဆုံးသော ရခိုင်မြေတွင်သာ ရှာဖွေဖေါ်ထုတ် ရမည်သာ ဖြစ်တော့သည်။

ရခိုင်ကျောက်စာ များအရ သော်လည်းကောင်း၊ ရခိုင် မင်းဆက်တို့၏ အမည်နာမ ရိုးရာ ဓလေ့များ အရသော်လည်း ကောင်း ရိုဟင်ဂျာတို့သည် ရှေးဦးဗမာတို့ ရခိုင်မြေသို့ မရောက်မှီကပင် ရခိုင်မြေတွင် အခြေချပြီးသား လူမျိုးစု ဖြစ်ကြောင်း ကျွန်ုပ်အနေဖြင့် မြောက်များစွာ ဖေါ်ထုတ်တင်ပြပြီး ဖြစ်သည့် အပြင်- ကမ္ဘာ့ ပညာရှင်များမှ ထိုအချက်အား စနစ်တကျ လေ့လာလျှက် ဟုတ်မှန်ကြောင်း သက်သေတည်ပြီး ဖြစ်နေခဲ့လေပြီ။

ဤနေရာတွင် တင်ပြလိုသည်မှာ- ရိုဟင်ဂျာ တို့သည် ရခိုင်မြေ၏ မည်သည့် အရပ်ထိ ပျံ့နှံ့ အခြေချ နေထိုင်ခဲ့ကြ သနည်း ဟူသည်ပင်-။ အမှန်သော်ကား ရိုဟင်ဂျာတို့၏ မျိုးနွယ်များမှာ နီပေါလ် ဘက်မှ တစ်ဆင့် အာသံ မဏိပူရဘက်မှ ဆင်းသက်လာ သော လူမျိုးနွယ်စု ဖြစ်၍ စစ်တကောင်း တောင်တန်း၏ အရှေ့ဘက် အခြမ်းတွင် နေထိုင် အခြေချသူများ ဖြစ်ကြသည်။ သို့သော် ကာလဒေသနှင့် အချုပ်အခြာ သတ်မှတ် ပိုင်စိုးမှု အလျှောက် ယခုရခိုင်ဒေသဟု ခေါ်တွင်သော မြေဒေသတွင် နေထိုင်အခြေချခဲ့သော လူမျိုးစုမှာ သူတို့ကိုယ်သူတို့ ရိုဟင်ဂျာ ဟု သတ်ခေါ်တွင်ကာ ရခိုင်မြေမှ အနောက်ဘက်သို့ ယွန်းသော ဒေသတွင် နေထိုင်သည့် လူမျိုးစုအား အာနီကြာ ဟု ရှေးနှစ်ပေါင်း ပဋိစ္ဒေမှပင် ခွဲခြားသတ်မှတ်ခဲ့လေသည်။ (ရှမ်း၊ လော၊ ထိုင်း လူမျိုးများကဲ့သို့ အနွယ်တူသော်လည်း ကိုယ်မြေဖြင့်ကိုယ် သတ်မှတ်ခွဲခြားပြီး ဖြစ်ခဲ့သည်- ကို ယှဉ်တွဲနားလည်စေလိုသည်။)

ရခိုင်ဒေသသို့ ရှေးဦး မြန်မာ လူမျိုးနွယ်များ ရောက်ရှိလာခဲ့ပြီး အေဒီ ၉ ရာစုနောက်ပိုင်းတွင် ရှေးဦးမြန်မာလူမျိုး ဖြစ်သည့် မော့ဂ်ခေါ် (ရခိုင်သား) တို့က သြဇာ လွှမ်းမိုးသွားခဲ့သော်လည်း လူမျိုးနှစ်စု၏ ထိပ်ဆိုင် ပဋိပက္ခမှာ ကြီးထွားမှု မရှိခဲ့ပေ။ ထိုမျှသာမက ရခိုင်ဒေသအတွင်း အခြေချနေထိုင်ကြသော ချင်း၊ လင်း၊ ခမွီး၊ မြို စသည့် မည်သည့် လူမျိုးနှင့်မျှ- လူမျိုးတုံး သတ်ဖြတ်သည်ထိ ရန်လိုမုန်းထားခြင်း ရှိခဲ့ကြောင်း သမိုင်းနောက်ခံ မတွေ့ရ ပေ။ ထိုစဉ်က ရခိုင်ဒေသသား အားလုံး ဗမာ တို့၏ ရန်အား ကာကွယ်ရန် လည်းကောင်း၊ ဘင်္ဂလားတို့၏ ရန်အား တုံ့ပြန်ရန် လည်းကောင်း ညီညွတ်ခဲ့ဟန်သည်။ ပြည်ပ ရန်အား ကာကွယ်နေရသူတို့ သဘာဝ ပြည်တွင်း ပြဿနာအား မကြီးထွားရစေရန် ထိန်းသိမ်းနိုင်ခဲ့ခြင်းလည်း ဖြစ်နိုင်သည်။

သမိုင်းစဉ်ဆက် အတူနေထိုင်ခဲ့သော လူမျိုးများ၏ အကြားတွင် မမျှော်လင့်သော ပြဿနာကြီး တစ်ခုမှာ ၁၉၄၂ ခုနှစ်တွင်မှ စတည်ခဲ့ခြင်း ဖြစ်ပြီး- ကမ္ဘာနှင့် အ၀န်း ကိုလိုနီနိုင်ငံများ အမျိုးသားရေးစိတ် ထကြွလာခြင်းကြောင့် ဟု သုံးသပ်နိုင်သည်။ လူမျိုးကြီး လူမျိုးငယ်ကြား ပြဿနာ၊ ဘာသာ တရား ကိုးကွယ်ရာ အုပ်စု မတူညီမှုကြောင့် ခွဲခြားခြင်း ပြဿနာ- တို့မှ ကမ္ဘာနှင့်အ၀ှမ်း ဖြစ်တည်ခဲ့ပြီး ထိုပယောဂမှာ မြန်မာနိုင်ငံသို့ပါ ထိုးဖောက်ခြေကုပ်ယူခဲ့ ခြင်းဖြစ်သည်။

အခြားသော နိုင်ငံအများတွင် ထိုရောဂါဆိုးအား ပြန်လည် ကုစားနိုင်ခဲ့သော်လည်း- ဒုတိယ ကမ္ဘာစစ်မတိုင်မှီ ဖြစ်တည်နေသည့် ဂျပန်တို့၏ အမျိုးသားရေးဝါဒ အစွဲ စစ်ပညာကို သင်ယူခဲ့သော မြန်မာ့ တပ်မတော်မှ မြန်မာနိုင်ငံအား စဉ်ဆက်မပြတ် အုပ်ချုပ်သွားသော အခါ- မြန်မာနိုင်ငံတွင် ထိုလူမျိုးရေး ဘာသာရေး ပြဿနာ ကြီးမှာ နှစ်ရှည်လများ ကုရခက်သော အနာဆိုးကြီး သဖွယ် လှိုက်စားလျက် ရှိနေတော့သည်။ (အကယ်၍သာ ယခုခေတ် ဂျပန်တို့၏ စိတ်နေစိတ်ထားဖြင့် စစ်ပညာအား သင်ယူခဲ့ရလျှင် ထိုမျှ ဆိုးနိုင်ဖွယ် အကြောင်း မရှိနိုင်ပေ။) တနည်းအားဖြင့် စိတ်နေစိတ်ထား သင်ရိုးညွှန်းတမ်း အဟောင်းအတိုင်း ဆက်လျှောက်နေမိခြင်း ကြောင့်ဟု သုံးသပ်နိုင်သည်။

ရိုဟင်ဂျာတို့၏ ပျံ့နှံ့မှုမှာ မေယုဒေသမှ ရမ်းဗြဲကျွန်းထိ ရှိခဲ့သည်။ သို့သော် ၁၉၄၂ ခုနှစ် မတိုင်မှီထိ လူမျိုးရေး ဘာသာရေး ပြသနာ မရှိခဲ့ သဖြင့် မိမိလူမျိုးဟူသော ရပ်တည်ချက် တစ်ခုပေါ်တွင် ရိုဟင်ဂျာတို့ အဖြေထုတ် ရပ် တည်ခဲ့ခြင်း မရှိခဲ့ပေ။ ၁၉၄၂ နှစ် လူမျိုးရေး ပြဿနာနှင့် ဖိနှိပ်ခံလိုက်ရမှုကြောင့်သာ ရိုဟင်ဂျာ ဟူသော ရပ်တည်ချက်ဖြင့် ရပ်တည်ရန် ဆုံးဖြတ်ခဲ့ကြခြင်း ဖြစ်လေသည်။

သို့တိုင် ရိုဟင်ဂျာ လူနည်းစုနေထိုင်သော ရမ်းဗြဲကျွန်းရှိ ကျောက်နီမော်၊ ကျောက်ထရံ၊ ကျောက်ဖြူ တို့မှ ရိုဟင်ဂျာများ အနေဖြင့် ဘေးအန္တရာယ်များကို ကြောက်ရွံ့ရလျှက် သူတို့ကိုယ်သူတို့ ရိုဟင်ဂျာ မျိုးနွယ်မှ ဖြစ် သည်ဟု ထုတ်ဖေါ်ပြောဆိုရဲခြင်း အလျဉ်းမရှိခဲ့ပေ။

သင်္ဘောပျက်ဇတ်လမ်းအား ဖက်တွယ်လျက် အာရဗ်- ရခိုင်ကပြားလိုလို မအူမလည် ရပ်တည်ခဲ့ရသည်သာ ဖြစ်တော့သည်။ ရံဖန်ရံခါ သူတို့ကိုယ်သူတို့ ရခိုင် အစ္စလာမ် ဟုလည်း ရပ်တည်ခဲ့မှုများ ရှိခဲ့သည်။

ကျွန်ုပ် ကျောက်နီမော်ရွာတွင် လနှင့်ချီ၍ တည်းခိုနေထိုင်ခဲ့ဖူးသည်။ ကျောက်နီမော်ရွာသို့ ရောက်မှ ကမန် လူမျိုးဟူသော အစ္စလာမ် သာသနာဝင်တို့အား စတင် တွေ့ဖူးခဲ့ခြင်း ဖြစ်သည်။ ကျောက်နီမော် တစ်ရွာလုံးတွင် ကမန်ဟု ခံယူသော အိမ် လေးအိမ်မျှသာ တွေ့ရပြီး- ၎င်းတို့မှာ ကျောက်နီမော် ကျောက်ထရံရှိ လူများနှင့် ရုပ်ရည်၊ ဓလေ့ ကွဲပြားနေသည်မှာ ထင်ရှားပေါ်လွှင်လှပေသည်။ လူတို့သဘာဝ ခွဲခြားမှု ရှိသည်နှင့်အညီ ကမန် တို့နှင့် ကျောက်နီမော်၊ ကျောက်ထရံ ရွာသားများကြားတွင်လည်း လူမျိုးမတူဟူသော အစွဲဖြင့် ခွဲခြားမှု ရှိနေ ကြောင်းလည်း မျက်ဝါးထင်ထင် မြင်ခဲ့တွေ့ခဲ့ရသည်။

ခေတ်ကာလ စနစ်ဆိုးအား ကာကွယ်လိုသည့် သဘောဖြင့် ဖြစ်စေ၊ အရှေ့သား အနောက်သား ခွဲခြားလိုသည့် စိတ်ဖြင့် ဖြစ်စေ- ကျောက်နီမော်၊ ကျောက်ထရံ၊ ကျောက်ဖြူ ပိုက်ဆိပ်တို့မှ လူများက "ငါတို့သည် ရိုဟင်ဂျာ လူမျိုးမှ မဟုတ်" ဟု ကြွေးကြော်လေလျှင် ထိုသို့ ကြွေးကြော်ရင့်ကျူးမှုမှာ သမိုင်းမှားအား ကျူလွန်ခြင်းသာ ဖြစ်ပေမည်။

ကျောက်နီမော်၊ ကျောက်ထရံ၊ ကျောက်ဖြူ ရှိ လူမျိုး၏ ဘာသာစကားမှာ ရခိုင်စကား လုံးဝ မဟုတ်ပေ။ ဓလေ့ စရိုက်မှ အစ ရခိုင်လူမျိုးနှင့် ကွဲပြားလျက် ရှိနေသည်။ သို့ဖြစ်၍- ပိုးဟပ်အား အမြှီးတပ်လျှင်လည်း အိမ်မြှောင် မဖြစ်နိုင် သကဲ့သို့၊ အိမ်မြှောင်အား အမြှီးဖြတ်လျှင်လည်း ပိုးဟပ် မဖြစ်နိုင်ပေ။ ထိုဒေသရှိ လူတို့ ပြောဆို သုံးစွဲ နေသော ဘာသာစကားမှာ မြောက်ပိုင်း ရိုဟင်ဂျာများနှင့် အသံအနည်းငယ်သာ ၀ဲသော- ဘာသာ စကားတူပင် ဖြစ်သည်။ ယနေ့ ရခိုင်လူမျိုးများသည်လည်း မြောက်ပိုင်း စစ်တွေဘက်မှ ပြောသော အသံနှင့် တောင်ပိုင်း ရမ်းဗြဲ တောင်ကုတ်တို့မှ ပြောသော အသံမှာ အကြီးအကျယ် ကွဲပြားလျက် ရှိနေသည်။ သို့သော် အသံသာ ကွဲလျက် (အနည်း အကျဉ်းသော အခေါ်အဝေါ်သည်သာ ကွဲလျက်) ဘာသာစကား အတူတူပင် ဖြစ်လေသည်။

ဒေသစွဲ၊ နေရာစွဲ အမျိုးစွဲများကြောင့် လူမျိုးစု တစ်စု အတွင်း စည်းလုံးညီညွတ်မှုများ မယုတ်လျှော့သင့်ပေ။ မိမိတို့အား ဖိနှိပ်နေသည့် လူမျိုးအား ကြောက်ရွံ့သောကြောင့်လည်း အချင်းချင်း သွေးမကွဲသင့်ပေ။

အကယ်၍ ကျောက်နီမော်၊ ကျောက်ထရံ၊ ကျောက်ဖြူမှ လူမျိုးစုသည် မိမိကိုယ်မိမိ ရိုဟင်ဂျာ ဟု မခံယူဘဲ ရခိုင် လူမျိုးဟု ခံယူလျှင် ရခိုင်လူမျိုးတို့မှ ကြည်ဖြူပါမည်လော-၊ စဉ်းစားသင့်သည်။ ကျွန်ုပ်ပြောနိုင်သည်မှာ- ဝေးလာမှ ဝေးပါလိမ့်မည်။ သို့ဖြစ်နေသည်ကို သိနေပါလျက် မိမိလူမျိုး၏ အစစ်အမှန်အား မထုတ်ဖေါ်ရဲလျှင်လည်း အချိန် ကာလ အလျောက် နှုတ်ဆိတ်၍သာ နေသင့်ပြီး- ရိုဟင်ဂျာ လူမျိုး မဟုတ်ဟု အတင်း ခြံခုန် မထွက်သင့်ပေ။

ယခုအခါ- ရိုဟင်ဂျာ လူမျိုးစု ဆိုသည်မှာ ကမ္ဘာ့ ကုလသမဂ္ဂမှ တရားဝင် အသိအမှတ် ပြုထားသော ကမ္ဘာပေါ်တွင် တစ်ခုတည်း ရှိသည့် လူမျိုးစု ဖြစ်နေလေပြီ။ ရိုဟင်ဂျာတို့အား မတရားသဖြင့် ဖိနှိပ်မှု၊ သတ်ဖြတ်မှု၊ စော်ကားမှုတို့အား ကာကွယ်စောင့်ရှောက်ရန် ကုလသမဂ္ဂမှ အတည်ပြု ဆုံးဖြတ်ပြီးလည်း ဖြစ်နေခဲ့လေပြီ။ ထိုအခြေအနေ မျိုးတွင်မှ ခြံခုန်ထွက်လိုသူတို့သည် - အမျိုးသား သစ္စာဖေါက်များသာ ဖြစ်ရပေလိမ့်မယ်။


မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement

5.1.2015

မြန်မာနိုင်ငံ ဆိုင်ရာ ကုလ သမဂ္ဂ လူ့အခွင့် အရေး အထူး ကိုယ်စားလှယ် Ms. Yanghee Lee ဟာ မြန်မာ နိုင်ငံတွင်း ရခိုင် ပြည်နယ်နဲ့ ရှမ်းပြည် မြောက်ပိုင်းက လူ့အခွင့် အရေး အခြေ အနေကို သုံးသပ် လေ့လာဖို့ အတွက် အခုလာမယ့် ဇန်န၀ါရီ ၇ ရက်နေ့ မြန်မာနိုင်ငံကို ရောက်ရှိမှာ ဖြစ်ပါတယ်။

ရခိုင်ပြည်နယ် တွင်းမှာ ရှိတဲ့ ဒုက္ခသည် စခန်းတွေ အခြေ အနေ တိုးတက်မှု ရှိမရှိ ဆိုတာကို သုံးသပ်မှာ ဖြစ်သလို ရှမ်းပြည် မြောက်ပိုင်းက လူနည်းစု လူမျိုးတွေရဲ့ လူ့အခွင့် အရေး အခြေ အနေ တွေကို လေ့လာ သုံးသပ်ဖို့ လာရောက်မှာ ဖြစ်တယ်လို့ Ms. Yanhee Lee က ပြောဆိုတဲ့ အကြောင်း ကုလ သမဂ္ဂက သတင်း ထုတ်ပြန် ပါတယ်။ ခရီးစဉ် အတွင်း မှာပဲ ရခိုင် ပြည်နယ်တွင်း ငြိမ်းချမ်းရေး၊ တည်ငြိမ်မှုနဲ့ တရား ဥပဒေ စိုးမိုးရေး ဆိုင်ရာ ဆောင်ရွက်မှု တွေနဲ့ ပတ်သက်လို့ ရခိုင်ပြည်နယ် ဝန်ကြီးချုပ်နဲ့ တွေ့ဆုံဖို့ ရှိပြီး လူမှု အသိုင်း အဝိုင်းတွေ အကြား တင်းမာမှု ပဋိပက္ခ တွေနဲ့ ပတ်သက်လို့ အဲဒီ လူမှု အသိုင်း အဝိုင်း အကြီး အကဲ တွေနဲ့လည်း တွေ့ဆုံဖို့ ရှိပါတယ်။

ဖြစ်ပေါ်နေတဲ့ ပဋိပက္ခတွေ အပေါ်မှာ လိင်ပိုင်း ဆိုင်ရာ စော်ကား အကြမ်းဖက်မှု တွေနဲ့ ပတ်သက် လို့လည်း ပြောဆို ဆွေးနွေး သွားမယ်လို့ Ms. Yanhee Lee က ပြောပါ တယ်။ ဒါ့အပြင် လူမျိုး ဘာသာ ကာကွယ်ဖို့ ဆိုတဲ့ မျိုးစောင့် ဥပဒေ မူကြမ်း လေးရပ် အပေါ်မှာလည်း ဒါဟာ နိုင်ငံ တကာ လူ့အခွင့် အရေး စံနှုန်း စံထားတွေနဲ့ မပြည့်တဲ့ အချက်တွေ အပေါ်မှာလည်း အလေးပေး ဆွေးနွေးဖို့ ရှိပါတယ်။ ဒီ ဥပဒေကြမ်း တွေကို အတည်ပြု လိုက်မယ် ဆိုရင် ဒါဟာ လူနည်းစု ဘာသာ ဝင်တွေ၊ လူနည်းစု လူမျိုးတွေ အပေါ် ခွဲခြား ဆက်ဆံမှု ဖြစ်လာစေနဲ့ အမျိုးသမီးတွေ အပေါ် ခွဲခြား ဆက်ဆံမှု ဖြစ်လာစေ နိုင်တာမို့ ဒီအပေါ်မှာ အထူးပဲ စိုးရိမ် မကင်း ရှိနေတယ် လို့လည်း Ms. Yanhee Lee က ပြောတဲ့ အကြောင်း ကုလ သမဂ္ဂက ထုတ်ပြန် ပါတယ်။

ဇန်န၀ါရီ ၇ ရက်နေ့ကနေ ၁၆ ရက်နေ့အထိ ၁၀ ရက်ကြာမယ့် မြန်မာနိုင်ငံ ခရီးစဉ် အတွင်းမှာပဲ အခြားသော လူ့အခွင့် အရေး ဆိုင်ရာ ကိစ္စရပ်တွေ ဖြစ်တဲ့ နိုင်ငံရေး အကျဉ်းသား ကိစ္စ၊ လာမယ့် ရွေးကောက်ပွဲ လွတ်လပ် တရားမျှတဖို့ ကိစ္စတွေ အပေါ် အာဏာပိုင်တွေ အရပ်ဖက် လူမှု အဖွဲ့ အစည်း တွေနဲ့ တွေ့ဆုံ သွားဖို့လည်း ရှိပါတယ်။ အခု ခရီးစဉ်က တွေ့ရှိချက်တွေ ကိုတော့ ဒီ ၂၀၁၅ ခုနှစ် ဧပြီလထဲ လုပ်မယ့် ကုလ သမဂ္ဂ လူ့အခွင့် အရေး ကောင်စီကို အစီရင်ခံစာ တင်သွင်းဖို့ ရှိပါတယ်။ ကုလ သမဂ္ဂ လူ့အခွင့် အရေး အထူး ကိုယ်စားလှယ် Ms. Yanghee Lee ဟာ မြန်မာနိုင်ငံကို အခု တခေါက် ဆိုရင် ဒုတိယ အကြိမ်မြောက် လာရောက်မှာ ဖြစ်ပါတယ်။

RB ကဗျာ

3.1.2015

နှစ်​သစ်​ဝင်​၍ (၃)ရက်​​မြောက်​ဟာ
ရိုဟင်​ဂျာတို့ရဲ့ အမျိုးသား​နေ့ပါ ...
နေ့ထူး​နေ့မြတ်​ အခမ်းအနား
ချုပ်​ချယ်​မှုလှိုင်း ထန်​​နေတဲ့ကြားက
အစဉ်​မပျက်​ တို့​တွေကျင်းပ ...။

ခမ်းခမ်းနားနား မဖြစ်​ခဲ့လည်း
ရည်​ရွယ်​ချက်​က ထည်​ထည်​ဝါဝါ ...
ရောက်​​နေရတဲ့ ကျွန်​ဘဝက
လွှတ်​​မြောက်​ဖို့ရာ ဝိုင်းဝန်းကြံဆ ...။

လူအလွှာစုံ တက်​တက်​ကြွကြွ
ပါဝင်​ဆင်​နွှဲ ​ဆွေး​နွေးချိန်​ခါ
သန္နိဌာန်​​တွေ အခိုင်​အမာ
ချမှတ်​နိုင်​တာ ဂုဏ်​ယူစရာ ...။

ညှဉ်းပန်းဖိနှိပ်​ ခွဲခြားဆက်​ဆံ
ခံရလွန်းလို့ ​ခြေကုန်​လက်​ပန်း
ဒုက္ခသံသရာ ဤဘဝက
အပြီးအပိုင်​ ကျွတ်​နိုင်​ခြင်းငှာ
အမျိုးသားမာန်​ ဝိညာဉ်​ထဲသို့
ကိုယ်​စီသွင်းလို့ အား​တွေဖွားကြ ...။

အမာရွတ်နှင့် စိတ်နှလုံးရှင်များ
မတူအတွေး တစ်ကိုယ်အတ္တ
ဆက်မထားဘဲ ဘေးဖယ်ထားကြ ...။

မှေးမှိန်​သွားတဲ့ စိတ်​ဓာတ်​ခွန်​အား
ဤ​နေ့မြတ်ကို အစွဲပြု၍
ဝင်းဝင်းလက်​လက်​ ထွန်း​ပြောင်​ဖို့ရာ
အာဇာနည်​စိတ်​ ဖန်​တီးယူကြ ...။

စိတ်​ဝမ်းကွဲစိတ်​ ခန္ဓာထဲက
တစ်​စက်​မကျန်​ အပြီးဖယ်​ရှား ...
မေတ္တာမျှလို့ တစ်​စိတ်​ပမာ
တူရာစိတ်​ဖြင့်​ ရင်​ချင်းထိကြ ...။

ပန်းတိုင်​တည်​ရာ ခရီးလမ်းမှာ
ငရဲမင်းပမာ အုပ်​ချုပ်​သူများက
နှိပ်​စက်​မှုဖြင့်​ ကာဆီး​နေကာ
ခေါင်းငုံ့မခံ မယိုင်​​ခြေလှမ်း
ဇာတိပြင်းစိတ်​ နှလုံးသွင်းလ်ို့
ချီတက်​ဖို့ရာ သစ္စာဆိုကြ ...။

ဘုံပန်းတိုင်သို့ တူတူလျှောက်ချိန်​
တရားမျှတမှု ဥ​ပေက္ခာပြုခံရတဲ့ခါ
အ​မှောင်​ရင့်​လို့ လမ်း​တွေ​ပျောက်​သွားလည်း
မျှော်​လင့်​ချက်​မပျက်​ မာန်​ခဲဝင့်​လျက်​
ရိုဟင်​ဂျာများရဲ့ အခွင့်​အ​ရေးရတနာ
တိုက်​ပွဲဝင်​၍ အရယူသွားမှာ
အမျိုးသား​နေ့ရဲ့ ထူးခြားတဲ့သန္နိဌာန်​ပါ ...။

* ၂၀၁၅ ခုနှစ်​ ဇန်​နဝါရီလ (၃)ရက်​​နေ့တွင်​ ကျ​ရောက်​​သော ရိုဟင်​ဂျာ အမျိုးသား​နေ့ကို ဂုဏ်​ပြု၍ ​ရေးသားခြင်း ဖြစ်​ပါသည်​။

ရေးသားသူ - ရိုဟင်စိုးမိုးဝင်း

RB ကဗျာ

2.1.2015

ရိုဟင်ဂျာတွေ့့ 

လှိုင်းထန်နေတဲ့ ပင်လယ်ပြင်ဝယ် 

နောက်ပြန်မလှည့်ပါရစေနဲ့ 

ကျောက်ဆောင်မှသည် သဲသောင်ဆီသို့ 

သက်တမ်းတိုတို ရှိုက်သံပြင်းနဲ့ 

ရှည်လျားခရီး ရွက်လွင့်နေပြီ 

လောင်စာကုန်ငြား တက်ကျိုးလည်းပဲ 

နိမိတ်ပုံလှ ထုဆစ်နေတာ 

အံ့မခန်းဖွယ် လေးစားစရာ။

ရိုဟင်ဂျာတွေ့့ 

လှိုင်းဒဏ်လေဒဏ် ခံနိုင်လူသား 

လွတ်လပ်ခြင်းရဲ့ လေပြည်တွေနဲ့ 

အနာဂတ်ကို ဝပြောချင်တာ 

ငြိမ်းချမ်းမှုရဲ့ အနမ်းတွေနဲ့ 

ဒဏ္ဍာရီဇာတ်လမ်းခင်းဖို့သာ 

နောက်ဆုံးထွက်သက်ထိကြိုနေတာ 

အဖြူထည်နှလုံးသားတွေနဲ့ 

ပဲ့ကိုင်မှုက အားကျစရာ။

ရိုဟင်စိုးမိုးဝင်း (MYARF)

RB News

1.1.2015

ကျွန်ပ်မှာ အာဏာတကယ်ရှိခဲ့လျှင့့် 

အားအင်ချည့်နဲ့တဲ့ လူသားမျိုးနွယ်စုကို 

ရက်ရက်စက်စက် သတ်ဖြတ်ရန် ကြံစည်မိမှာ မဟုတ်ပါ။ 

ကျွန်ုပ်မှာ ငွေတကယ်ရှိခဲ့လျှင့့် 

ဒုက္ခသည်စခန်းမှာနေရတဲ့ သက်ရှိလူသားတွေကို 

မလှူဘဲ တစ်ကိုယ်တည်းသုံးစွဲရန် ကြံစည်မိမှာ မဟုတ်ပါ။ 

ကျွန်ုပ်မှာ ပညာတကယ်ရှိခဲ့လျှင့့် 

ပညာသင်ခွင့်မရတဲ့ ဆင်းရဲသားကလေးတွေကိုေ

ကျောခိုင်းသွားပြီး မိမိဘဝတောက်ပြောင်အောင် ကြံစည်မိမှာ မဟုတ်ပါ။ 

ကျွန်ုပ်မှာ အဝတ်အစားကောင်းတွေတကယ်ရှိခဲ့လျှင့့် 

တာလပတ်အမိုးအောက်နေရတဲ့ ဝတ်လစ်စလစ်ကလေးတွေကို 

မဝတ်ဆင်စေဘဲ မိမိစမတ်ကျအောင် ကြံစည်မိမှာ မဟုတ်ပါ။ 

ကျွန်ုပ်မှာ ရေသန့်ဗူးတကယ်ရှိခဲ့လျှင့့် 

သန့်ရှင်းသောက်သုံးရေမရတဲ့ ဒုက္ခသည်စခန်းရှိလူတွေကို 

အငတ်ပြေအောင်မတိုက်ဘဲ မိမိငတ်ပြေအောင် ကြံစည်မိမှာ မဟုတ်ပါ။ 

ကျွန်ုပ်မှာ နားတကယ်ရှိခဲ့လျှင့့် 

မိမိလုပ်ရပ်တွေကိုဘဝင်မကျတဲ့ ဘေးလူရဲ့ပြောစကားတွေကို 

နားမစွင့်ဘဲ မိမိအာသာပြေအောင် ကြံစည်မိမှာ မဟုတ်ပါ။ 

ကျွန်ုပ်မှာ မီဒီယာတကယ်ရှိခဲ့ရင့့်
ငြိမ်းချမ်းမှုမရနိုင်တဲ့ အမုန်းတရားတွေကို 

မစူးစမ်းမဆင်ခြင်ဘဲ ဝါဒဖြန့်အောင် ကြံစည်မိမှာ မဟုတ်ပါ။

ရေးသားသူ - ယျာတင် (MYARF)

RB ကဗျာ

1.1.2015

ဘဝ 

အကြောက်တရားလမ်းမဝယ်

လျှောက်လှမ်းနေရတဲ့ဘဝ 

ငါမောနေပြီဟ...။

ခြေလှမ်းတိုင်း ဆူးငြောင်းခလုတ် 

အဲ့ဒီ ဆူးငြောင်းခလုတ်ပေါ် 

သိသိကြီးနဲ့ ခြေကျနေရတဲ့ ဘဝ 

ငါ နာကျင်နေပြီ ဟ...။

ဆူးတွေ နင်းရလွန်းလို့ 

ငါ့ခြေဖဝါးနုနုလေးတွေမှာ 

ဒဏ်ရာ အနာတရပေါင်းများစွာ 

နာကျင်မှုနဲ့ဘဝ 

ငါ လဲကျတော့မလို ဟ...။

ဘာဘဲဖြစ်ဖြစ် 

ရိုဟင်ဂျာသား ငါ 

နောက်ပြန်လှည့်ဖို့မရှိပြီ 

အာဏာရှင်​​တွေရဲ့ဘုတ်​ဖိနိပ်​​အောက်​ 

ဘယ်​​တော့မှ ​ခေါင်းငုံ့ခံဖို့မရှိပြီ 

မတရားမှု​အောက်​ ဒူး​ထောက်​ 

ဘယ်​​တော့မှ အရှုံး​ပေးမှာမဟုတ်​ပြီ 

ကိုယ့် အခွင့်အရေး 

ကိုယ်ယူမှ ရမှာမို့ နောက်ဆုံး လျှောက်နိုင်ချိန်ထိ 

ရှိသမျှအားကိုတင်ရင်း 

ဆက်လျှောက်နေဦးမှာပင်​...။

ဘဝတူများ 

လက်တွဲပြီး 

လျှောက်ကြရအောင် 

ပူးပေါင်းကြပါစို့လား....။

ယခုကဲ့သို့ တပ်မတော်သား များက ဥပဒေ ချိုးဖောက်၍ ရိုက်နှက် ငွေညှစ်နေခြင်း များကို ဒေသတွင်းရှိ တပ်မမှူးနှင့် ဗျူဟာမှူးများက စီစစ်၍ အရေးယူ ဆောင်ရွက် ပေးရန် တောင်းဆိုကြောင်း ဒေသခံများက ပြောပါသည်။

ယျာတင် (MYARF)

RB News

31.12.2014

အဆိုပါ မီးရှို့မှုနဲ့ ပတ်သက်ပြီး အပြစ်မဲ့ ရိုဟင်ဂျာ အမျိုးသမီး လေးဦးကို အာဏာပိုင်များက ယင်းနေ့မှာပင်​ ဖမ်းဆီး ခေါ်ဆောင် သွားခဲ့တယ်​။ ဖမ်းဆီးခံရသူများမှာ ဆင်သေပြင်ရွာမှ (၁) ဒေါ်ရှာအာနု (ဘ) ဦးဟာမိတ်ဟူစိန်း (အသက် ၂၉ နှစ်)၊ (၂) ဒေါ်နူးရ်အန်ကီးစ် (ဘ) ဦးဂျမာလ်ဟူစိန်း (အသက် ၄၆ နှစ်)၊ (၃) ဒေါ်ဟာဆီနာဇူဟာရ် (ဘ) ဦးအီမာန်ဟူစိန်းနှင့် ဖန်မြောင်းရွာမှ (၄) ဒေါ်ဂူလ်ဇာရ် (ဘ) ဦးအဒူရာမန် တို့ဖြစ်ကြပါတယ်​။ ၎င်းတို့ကို ဖမ်းဆီးပြီးနောက် အာဏာပိုင်များက ၎င်းတို့ရဲ့ နေအိမ်များ ရှေ့တွင် ရပ်ခိုင်း၍ ဓါတ်ပုံ ရိုက်ယူပြီးနောက် ကြိမ်ချောင်း ရဲစခန်းသို့ ခေါ်ဆောင် သွားခဲ့ပါ​တော့တယ်​။

အဆိုပါ အမျိုးသမီး (၄) ဦးနဲ့ မတ်လ (၁၀) ရက်နေ့တွင် ဖမ်းဆီးခံရတဲ့ အမျိုးသမီး တစ်ဦးကို ကြိမ်ချောင်း ရဲစခန်းမှာ လူမဆန်စွာ ညှင်းပန်း နှိပ်စက်ပြီး ရွာနှစ်ရွာမှာ အိမ်များကို သူတို့ ကိုယ်​တိုင်​သာ မီးရှို့တယ်​ဆိုပြီး အတင်း အဓမ္မ ၀န်ခံခိုင်းခဲ့တယ်​။ သာမာန် ညှင်းပန်း နှိပ်စက်ရုံ သာမက အမျိုးသမီးများရဲ့ လိင်အင်္ဂါများကို ဖယောင်းတိုင်မီးများနဲ့ ရှို့ခဲ့တဲ့အတွက် မတ်လ ၁၆ ရက်နေ့မှာ သူတို့ကို ကြိမ်ချောင်း ဆေးရုံကို တင်​ခဲ့ရတယ်​။ ဆေးရုံမှ ဆရာဝန် ဖြစ်သူ ဒေါက်တာ နုကေသီဇံက လူမဆန်စွာ လိင်အင်္ဂါများကို မီးရှို့ နှိပ်စက်မှုအတွက် ရဲများကိုနှမချင်း စာနာစိတ်​ကင်းမဲ့ပါလား ဆိုပြီး ပြင်းပြင်းထန်​ထန် ပြစ်တင် ဝေဖန်ခဲ့တယ်​။ ဆရာဝန် ဖြစ်သူ ဒေါက်တာ နုကေသီဇံက ရခိုင်​ လူမျိုး တစ်​​ယောက် ဖြစ်​​ပေမယ့်​လည်း အမျိုးသမီး အချင်းချင်း စာနာစိတ်​နဲ့ အလွန်​ပင်​ စိတ်​မ​ကောင်း ဖြစ်​သွားခဲ့ပြီး လူနာများကိုလည်း အ​​ကောင်းဆုံး ​ဆေးကုသမှု ​ပေးခဲ့ပါတယ်​။ သို့​သော်​လည်း အာဏာပိုင်​များက ထိုအမျိုးသမီးများကို ​ပေါ့ဆမီး ပုဒ်​မ တပ်​ဆင်​ပြီး ​ထောင်​ဒဏ်​ ၂ နှစ်​စီ ချမှတ်​ခဲ့​တယ်​။ ယခုအခါမှာ​တော့ ထိုအမျိုးသမီးများဟာ သူတို့ဘဝ​ နေ့ရက်​များကို ဘူသီး​တောင်​အကျဉ်း​ထောင်​မှာ ခက်​ခဲစွာ ဖြတ်​သန်း​နေရပါရဲ့။

မီးရှို့မှုကို ရခိုင် အစွန်းရောက် များက ဓာတု ပစ္စည်းများ၊ အဝေးထိန်း ကိရိယာများ သုံး၍ ပြုလုပ် ခဲ့သော်လည်း အာဏာပိုင်များက အမှန်တကယ် အပြစ်ရှိသူများကို မဖော်ထုတ်ဘဲ၊ အပြစ်မဲ့ များကို ညှဉ်းပန်း နှိပ်စက်၍ အာဏာ အလွှဲသုံးစား ပြုလုပ်ပြီး ထောင်ဒဏ် ချမှတ်​လိုက်​ခြင်းက ကျွန်တော့် ရင်​ကို အလွန် ​နာကျင်​​စေ ခဲ့ပါတယ်​။ ပိုဆိုးသည်​က ထိုအမျိုးသမီး များထဲမှာ နို့စို့ ကလေး တစ်ဦးရဲ့ မိခင် ပါ​နေခြင်းပါ။ နို့ငတ်​​နေမယ့်​ က​လေးငယ်​ရဲ့အ​ကြောင်း၊ နို့ရည်​ဖြင့်​ ရင်အုံ တဆစ်​ဆစ်​ နာကျင်​မယ့်​ အ​မေ တစ်​​ယောက်​ရဲ့ ဒုက္ခများ အ​ကြောင်း၊ အားနည်း​တဲ့ လူမျိုးစု ဖြစ်​​နေရလို့ ဒီလိုမဟုတ်​မတရားခံ​ နေရတဲ့ အ​ကြောင်း​တွေ ​တွေးမိတိုင်း ကျ​နော်​ မျက်​ရည်​မထိန်းနိုင်​ပါဘူး။

"သား .. ​ကော်​ဖီရပြီ" ဆိုတဲ့ အ​မေရဲ့ စကားသံကြားမှသာ ကျွန်တော့် အ​တွေး​တွေ ပျက်​သွား ပါ​တော့တယ်​။ ကျွန်တော့်ရဲ့ ပါးပြင်​​ပေါ်က မျက်​ရည်​စက်​ များကို အ​မေက အသာအယာသုတ် ​​ပေး​နေရင်း " သား ... စိတ်​မပျက်​နဲ့ ... သား လုပ်​​​နေတာ​တွေ ဆက်​လုပ်​ပါ ... အ​မေ သားနဲ့အတူ အမြဲရှိ​နေမယ်​ ... ဒီလိုဘဝမျိုးကနေ တစ်​​နေ့ လွတ်​​မြောက်​သွားမှာပါ သားရယ်​ ..." ဟု အား​ပေးစကား ​ပြောလာတဲ့ အမေ့ရဲ့ ချိုမြတဲ့ အသံတွေကို နားထောင်ရင်း​ ကျွန်တော် အ​မေ့ကို ​ပွေ့ဖက်​လိုက်​ပါ​တော့တယ်​။

ဒီလို ညဉ့်နက်​ချိန်​ဝယ်​ စာ​ရေး​နေခိုက်​ အ​မေက ကျွန်တော့်ကို ​ကော်​ဖီ​ဖျော် ​လာ​ပေးတတ်​သလို စာ​ရေးရင်း ကျွန်တော် ငိုမိတာတို့၊ ပြုံးမိတာတို့လည်း အ​မေ့အတွက်​ ထူးဆန်း မ​နေ​တော့ပါ။ ဘယ်​တုန်းကမှ ကြားဝင်​ အ​နှောက်​အယှက်​ မပေးတတ်​သလို အား​တောင်​ လာ​ပေးတတ်​​သော အ​မေ့ကို ​ကျေးဇူးကမ္ဘာပါ အ​မေရယ်​ဟု ​ပြောလိုက်​ပြီး ပါးပြင်​​ပေါ် မျက်ရည်​စက်​လက်​နဲ့ ကျွန်တော် အိပ်​ရာ​ပေါ် လှဲအိပ်​ လိုက်​​ပါတော့တယ်။

အင်ကြင်းနိုင်

ဗွီအိုအေမြန်မာပိုင်း

31.12.2014

၆၉ ကြိမ်မြောက် ကုလသမဂ္ဂ အထွေထွေ ညီလာခံရဲ့ မြန်မာ့ အရေး ဆုံးဖြတ်ချက်ကို လူ့အခွင့် အရေး အဖွဲ့တွေက ကြိုဆို လိုက်ပါတယ်။ အထူးသဖြင့် လူမျိုးရေး၊ ဘာသာရေး အပေါ် ခွဲခြား ဆက်ဆံတဲ့ မူဝါဒကို အဆုံးသတ်ဖို့ မြန်မာ အစိုးရကို ကုလသမဂ္ဂက တိုက်တွန်း လိုက်တာ ဖြစ်တယ်လို့ HRW လူ့အခွင့် အရေး အဖွဲ့က ပြောပါတယ်။ အကြောင်းစုံကို မအင်ကြင်းနိုင်က တင်ပြ ထားပါတယ်။

၆၉ ကြိမ်မြောက် ကုလသမဂ္ဂ အထွေထွေ ညီလာခံရဲ့ ဆုံးဖြတ်ချက်မှာ ရိုဟင်ဂျာ မူဆလင် လူနည်းစု တွေကို နိုင်ငံသား ဖြစ်ခွင့် အပြည့်အ၀ ပေးဖို့နဲ့ နိုင်ငံ အတွင်း လွတ်လပ်စွာ သွားလာခွင့် ပေးဖို့ ဖော်ပြ ထားပါတယ်။ ဒါ့အပြင် ရိုဟင်ဂျာ ဒုက္ခသည် တွေကို သူတို့ နေရပ်မှာ ပြန်လည် နေရာ ချထားရေး ဆောင်ရွက် ပေးဖို့လည်း ပါဝင်ပါတယ်။

ရခိုင်ပြည်နယ်မှာ ရိုဟင်ဂျာ ဦးရေ ၁ သန်းကျော်ဟာ မြန်မာနိုင်ငံ ဥပဒေအရ နိုင်ငံသား ဖြစ်ခွင့် ပယ်ချ ခံထားရပြီး နိုင်ငံမဲ့ ဘ၀နဲ့ အခွင့် အရေးတွေ ဆုံးရှုံး နေတယ်လို့ ရေးသား ထားပါတယ်။ အခုလို မြန်မာနိုင်ငံမှာ ရိုဟင်ဂျာတွေ အပေါ် ခွဲခြား ဆက်ဆံတာကို အဆုံးသတ်ဖို့ ကုလသမဂ္ဂရဲ့ ဆုံးဖြတ်ချက်မှာ အနောက် နိုင်ငံတွေတင် မဟုတ်ဘဲ၊ အာဖရိကနဲ့ အာရှနိုင်ငံတွေ ကပါ တညီ တညွတ်တည်း ထောက်ခံ ခဲ့ကြတာ ဖြစ်တယ်လို့ HRW လူ့အခွင့် အရေး စောင့်ကြည့်ရေး အဖွဲ့ကြီးရဲ့ အာရှ ရေးရာ တာဝန်ခံ Brad Adams က ဗွီအိုအေကို ပြောပါတယ်။

“ကုလ သမဂ္ဂရဲ့ ဆုံးဖြတ်ချက်ကို HRW အနေနဲ့ အပြည့်အ၀ ထောက်ခံ ပါတယ်။ ဒီအထဲမှာ မြန်မာနိုင်ငံ အနာဂတ် အတွက် အရေးပါတဲ့ အချက် ၂ ချက်ကို တွေ့ရပါတယ်။ ရိုဟင်ဂျာ တွေဟာ နိုင်ငံသား ဖြစ်ခွင့် အပြည့်အ၀ ရှိတယ်လို့ ကုလသမဂ္ဂက ပြောပါတယ်။ နိုင်ငံသား ဖြစ်ခွင့်ကို လူမျိုးရေး၊ ဘာသာရေး အပေါ် ကြည့်ပြီး ခွဲခြား ဆုံးဖြတ်တဲ့ နိုင်ငံမျိုး ဆက်ပြီး ဖြစ်ချင်တယ် ဆိုရင် ဒီဆုံးဖြတ်ချက်ဟာ မြန်မာနိုင်ငံ အတွက် တကယ့် အခက် အခဲကြီး ဖြစ်မှာပါ။ ရိုဟင်ဂျာ လူနည်းစုတွေ အပေါ် ခွဲခြား အုပ်ချုပ်တဲ့ မူဝါဒကို မြန်မာ အစိုးရ အနေနဲ့ အဆုံးသတ်ဖို့ နိုင်ငံပေါင်းစုံ ပါဝင်တဲ့ ကုလသမဂ္ဂက ဆုံးဖြတ်ချက်ချ ခဲ့တာပါ။”

ကုလသမဂ္ဂရဲ့ မြန်မာ့ အရေး ဆုံးဖြတ်ချက်ကို ကြည့်မယ် ဆိုရင် ရခိုင်ပြည်မှာ ရှိတဲ့ ရိုဟင်ဂျာ ပြဿနာကို မဖြေရှင်း နိုင်တာဟာ မြန်မာ့ ဒီမိုကရေစီ အသွင် ကူးပြောင်းရေး ကိုပါ ထိခိုက် စေတယ်လို့ နိုင်ငံ တကာ အသိုင်း အ၀ိုင်းက မြင်ကြောင်း တွေ့ရတယ်လို့ အမျိူးသမီးရေးနဲ့ ငြိမ်းချမ်းရေး လှုပ်ရှားနေတဲ့ Women’s Peace Network-Arakan ကို ဦးဆောင်နေသူ မဝေေ၀နုက ပြောပါတယ်။

“ရခိုင်ပြည်က ပြဿနာကို မဖြေရှင်းဘူး ဆိုလို့ရှိရင် မြန်မာပြည်ရဲ့ ဒီမိုကရေစီက ရှေ့မတိုးနိုင်ဘူး။ ဘယ်လိုပဲ ဖြစ်ဖြစ် ဒီကိစ္စဟာ ဖြေရှင်းဖို့ လိုအပ်တယ်။ မဖြေရှင်းဘူး ဆိုရင် ဒီဟာက အမြဲတမ်း ပြဿနာတခုကို မွေးထား သလို ဖြစ်နေပြီး တခြား နေရာတွေကိုပါ အမြဲတမ်း ဂယက် ရိုက်နေတာမျိုး ဖြစ်နေမယ်။ ဒါဟာ သိပ်အန္တရာယ် ကြီးတယ်။ နောက်တခုက အစိုးရ အနေနဲ့လည်း သူတို့ အသုံးချချင်တဲ့ အချိန်မှာ အချိန်မရွေး အသုံးချ လို့ရတယ်။ သူက ဖြေရှင်းဖို့ လိုတယ် ဒီတချက်။ နောက်တချက် ကျတော့ UN ရဲ့ Resolution ကို ဖြစ်သင့်တယ်လို့ မြင်တယ်လေ။”

၂၀၁၂ ခုနှစ် ကစပြီး ရခိုင်ပြည်နယ်မှာ အသိုင်းအဝိုင်း နှစ်ခုကြား ပဋိပက္ခတွေ ဖြစ်ပွားပြီး နောက်ပိုင်း ရိုဟင်ဂျာ ၁ သိန်းခွဲလောက်ဟာ စားနပ်ရိက္ခာ လုံလုံ လောက်လောက် မရတဲ့ ဒုက္ခသည် စခန်းတွေမှာ ကျပ်သိပ်ပြီး နေထိုင် နေကြ ရတာပါ။ မြန်မာ အစိုးရ ကတော့ သူတို့တွေကို ရိုဟင်ဂျာလို့ အသိအမှတ် မပြုချင်ဘဲ ဘင်္ဂါလီ ဆိုတဲ့ အမည်ကို တရားဝင် သုံးဖို့ လိုလားနေပြီး အိမ်နီချင်း ဘင်္ဂလားဒေ့ရှ် နိုင်ငံက တရားမ၀င် ခိုးဝင်လာကြသူ တွေဖြစ်တယ် လို့လည်း ပြောပါတယ်။

မြန်မာ အစိုးရ ကတော့ ရခိုင်ပြည်နယ်မှာ ရောက်ရှိနေတဲ့ ဘင်္ဂါလီ တွေကို နိုင်ငံသား ဖြစ်ခွင့်ပြုရေးနဲ့ ပတ်သက်လို့ ၁၉၈၂ ခုနှစ် နိုင်ငံသား ဥဒေအရ စိစစ်ပြီးတော့ ဆောင်ရွက် ပေးသွားမယ်လို့ နိုင်ငံတကာ အသိုင်း အ၀ိုင်းကို တုံ့ပြန် ပြောဆိုထား ပါတယ်။

၂၀၁၄ ခုနှစ် ကုလသမဂ္ဂ အထွေထွေ ညီလာခံရဲ့ မြန်မာ့ အရေး ဆုံးဖြတ်ချက်မှာ မတရား ဖမ်းဆီး ထိန်းသိမ်းမှုတွေ၊ အတင်း အဓမ္မ အိုးအိမ်ရွှေ့ပြောင်းခိုင်း တာတွေ၊ လိင်မှု ဆိုင်ရာ အကြမ်းဖက် မှုတွေ၊ လူမဆန်တဲ့ ညှဉ်းပမ်းမှု တွေနဲ့ အဓမ္မ မြေယာ သိမ်းဆည်းမှုတွေ အပါအဝင် လူ့အခွင့် အရေး ချိုးဖောက်မှု တွေကို အဆုံးသတ်ဖို့ မြန်မာ အစိုးရကို တိုက်တွန်း ထားပါတယ်။

မြန်မာနိုင်ငံ လူ့အခွင့် အရေး အခြေ အနေ ဆိုင်ရာ ဆုံးဖြတ်ချက် မူကြမ်းကို ကုလသမဂ္ဂ အထွေထွေ ညီလာခံရဲ့ တတိယ ကော်မတီဝင် တွေဖြစ်တဲ့ အီးယူ ဥရောပ သမဂ္ဂနဲ့ မြန်မာ့အရေး ဆောင်ရွက်နေတဲ့ နိုင်ငံတွေက ရေးဆွဲ ခဲ့တာဖြစ်ပါတယ်။ အထွေထွေ ညီလာခံရဲ့ ဆုံးဖြတ်ချက်မှာ လက်ရှိ မြန်မာနိုင်ငံမှာ နိုင်ငံရေး၊ စီးပွားရေး ပြုပြင် ပြောင်းလဲမှုတွေ ဆောင်ရွက် နေတာကို ကုလသမဂ္ဂ အနေနဲ့ ကြိုဆိုကြောင်း ဖော်ပြ ထားပါတယ်။

ဒါ့အပြင် မြန်မာနိုင်ငံ အတွက် ကုလသမဂ္ဂ အတွင်းရေးမှူးချုပ်ရုံး ကနေ သုံးစွဲဖို့ နောက်ထပ် ဘတ်ဂျက် လျာထားငွေ အမေရိကန် ဒေါ်လာ ၁.၁၆ သန်းကို အတည်ပြု ခဲ့သလို နောက်နှစ် ကုလသမဂ္ဂ အထွေထွေ ညီလာခံမှာ ဒီအသုံး စရိတ်နဲ့ ပတ်သက်လို့ အစီရင်ခံ တင်ပြရမှာ ဖြစ်တယ်လို့ ဖော်ပြ ထားပါတယ်။

RB News

29.12.2014

ဆယ်ခုနှစ်ပေါင်း များစွာ အမိုးပွင့် ထောင်ထဲမှာ ပညာရေး နိမ့်ပါး၊ အ၀ီစီတွင်းအောက် ရောက်နေတဲ့ လူနေမှု အဆင့်အတန်း၊ ဗဟုသုတ ဆိုတာ ရှာဖွေဖို့ စာအုပ်ဆိုင် ဆိုတာမျိုးတောင် မရှိတဲ့ နယ်မြေမှာ၊ နေ့စဉ် ထမင်းနပ် မှန်အောင် စားဖို့သာ ရုန်းကန် နေရတဲ့သူတွေက ရိုးသားတယ် ဆိုတာဘာလဲ၊ ကောက်ကျစ်ဆိုတာ ဆိုတာဘာလဲ ဝေခွဲဖို့ အချိန်လည်း မရှိ၊ အထူးသဖြင့် ကောက်ကျစ်မှုတွေကို နားမလည်တဲ့သူတွေ။

အဲဒီလို လူတွေ အရူးလုပ်ခံနေရတာ မြင်ရရင် တော်တော်လေး စိတ်မသက်မသာ ဖြစ်ရတယ်။ အမှန်ပြောတော့ အမှားနဲ့ အရိုးထုတ်မယ်ဆိုတဲ့ လူတွေက မခံနိုင်ကြ၊ အမုန်းပွား အမျက်ထွက်နဲ့၊ အဲဒါတွေကို ဂရုစိုက်ပြန်လည်း အမှားတွေထဲ မျောပါသွားမယ့် ရိုးသားတဲ့ လူတွေရဲ့ ကံကြမ္မာ။ အဲဒီတော့ အမှန်အတွက် ကျွန်တော် ဆက်ပြီး အမုန်းခံမယ်။

ခေတ်ကိုက မတရားတဲ့ခေတ်၊ သေနတ်ပစ်ခံရပြီး ဒဏ်ရာပေါင်းများစွာနဲ့ ဆေးကုခွင့်မရတဲ့သူ တစ်ယောက်ကို စာနာမိတယ်လို့ ဆိုရှယ်မီဒီယာပေါ် ရင်ဖွင့်ဖို့ ၀န်လေးကြပေမယ့်၊ နည်းနည်းပါးပါး ဟိုလှုပ် ဒီလှုပ် အဆင့်လောက်က သာမာန် နှာစေးတာမျိုး ဆိုရင်တောင် ဆုတောင်းပေးကြရတာ အမော။ စုပ်ပြတ်နေတဲ့ စက်လှေပေါ်မှာ လနဲ့ချီ ခရီးကြမ်းနှင်နေတဲ့ သူတွေရဲ့ ကံကြမ္မာတွေ ဘယ်လိုရှိနေမလဲ ဆိုတာ အတွေးထဲ နယ်ချဲ့နေတဲ့ သူတွေကတော့ တကယ်တမ်း မြေပြင်မှာ လူးလွန့်နေတဲ့ အမိုးပွင့် အကျဉ်းထောင်ထဲက အကျဉ်းသားများသာ။ ခမ်းနား ထယ်ဝါတဲ့ နောက်ဆုံးပေါ် လေယာဉ်ပျံ ပေါ်တက်မယ့်သူ အတွက် ကောင်းမွန်တဲ့ ခရီးစဉ် ဖြစ်ပါစေလို့ ဆုတောင်းပေးတဲ့ မြို့ကြီးသားများ အများသား။

ဥပဒေက ဘယ်တုန်းကမှ ကာကွယ်ပေး မခံရတဲ့သူတွေကို ဥပဒေ ဘောင်တွင်းကနေ မိမိတို့၏ အခြေခံ လူ့အခွင့်အရေး အတွက် ချီတက်ကြပါစို့လို့ ဖိအားနေတဲ့ ဥပဒေဘက်တော်သား တွေကို မေးစရာ မေးခွန်းတွေ တန်းစီ လာတော့ ကျွန်တော် အမုန်းခံပါ့မယ်။ နေ့စဉ်နဲ့ အမျှ နယ်ခြားစောင့်ရဲတွေက လိုင်စင်ရ ဓါးပြတွေလို ငွေညှစ်နေတာတွေ၊ ရိုက်နှက် ညှဉ်းပန်း နှိပ်စက်နေတာတွေကို သိရက်နဲ့ ဒီဥပဒေ ဘက်တော်သားတွေ အသံတုန်တုန်ရင်ရင်နဲ့ ပြောခဲ့တာများ ရှိရဲ့လား? နယ်ခြားစောင့် ရဲတွေက စိတ်မထင်ရင် မထင်သလို သေနတ်နဲ့ ပစ်သတ်ရုံတင်မက လိင်အင်္ဂါတွေပါ ဖြတ်ပစ်ပြီး လူမဆန်စွာ နှိပ်စက်တာတွေကို ဥပဒေ ဘက်တော်သား တွေပြောဖို့ တွေးတောင် တွေးမိကြရဲ့လား? အမျိုးသမီးတွေကို ၀တ်လစ်စလစ်လုပ်ပြီး ကင်းစခန်းတွေမှာ စစ်ဆေးရုံတင်မက မုဒိန်းကျင့်တာတွေကို ဥပဒေ ဘက်တော်သားတွေ သိပါတယ်လို့ အသိအမှတ် ပြုရုံတောင် ပြောဖူးကြရဲ့လား? သေသွားသူရဲ့ အလောင်းကို ဘောလုံးလိုကန်၊ အလောင်းသယ်သူ တွေကို ရိုက်နှက်၊ ဆေးရုံပေါ်မှာ သေဆေးထိုးခံရပြီး သေဆုံး သွားသူ များအတွက် ဥပဒေ ဘက်တော်သားတွေ ဥပဒေဆိုတဲ့ စကားလုံးနဲ့ ကိုင်ပေါက်ခဲ့ရဲ့လား? ဘာသာရေး လွတ်လပ်ခွင့် ပေးထားပါတယ်လို့ အခြေခံ ဥပဒေမှာ အတိအလင်း ပြောထားရက်နဲ့ နေ့ကြီးရက်ကြီး တွေမှာတောင် ၀တ်ပြုခွင့် ဆုံးရှုံးနေတာ နှစ်နဲ့ချီနေပြီ ဖြစ်ပေမယ့် ဥပဒေ ဘက်တော်သားများ ဘက်က ဥပဒေနဲ့ မညီညွတ်တဲ့ ပိတ်ပင်မှုတွေကို ရပ်တန့်ပါလို့ရော တစ်ခွန်းလောက် ပြောဖူးရဲ့လား? ပညာ ဆက်လက် သင်ကြားခွင့် မရတဲ့ ကျောင်းသား/သူတွေ၊ ဆေးကုသခွင့် မရလို့ သေဆုံးသွားသူတွေ အတွက်ရော အလွန်ကို ၀မ်းနည်း ပူဆွေးရပါတယ်လို့ နွေးထွေးတဲ့ စကားလုံးတွေနဲ့တောင် နှစ်သိမ့်ဖူးကြရဲ့လား? မေးရမယ် ဆိုရင်တော့ မေးခွန်းတွေ အများကြီးပဲ။

တကယ်လို့ ကိုယ့်ရဲ့ မိဘ၊ မောင်နှမ၊ သားသမီးတွေက အဖိနှိပ်ခံ တွေဖြစ်နေမယ် ဆိုရင် ဥပဒေ ဘက်တော်သား တွေရဲ့ နှုတ်ခမ်းဖျားက ကာကွယ် မပေးတဲ့ ဥပဒေကို စက္ကန့်နဲ့ အမျှ ရှုတ်ချမှာ ဧကန် မလွဲ သေချာပါ။ သို့ပေမယ့် ကိုယ့်ရဲ့ သွေးရင်း သားရင်းတွေက အဖိနှိပ်ခံတွေ မဟုတ်ဘဲ လွတ်မြောက် နယ်မြေထဲ ရောက်နေလေတော့ ဘယ်သူသေသေ ငတေမာရင် ပြီးရော ဆိုတဲ့ အတွေးနဲ့ မင်းတို့ကြောင့် ငါတို့ထိုင်ခုံ မလှုပ်စေနဲ့ မူဝါဒကို စွဲကိုင်ပြီး အဖိနှိပ်ခံတွေကို မလှုပ်နဲ့လို့ ဖိအားပေးခြင်းက လူမဆန်သလို ဖြစ်နေမလားလို့ အတွေးပွား ကြည့်မိရဲ့လားလို့ မေးချင်မိပါသေးတယ်။

အဖိနှိပ်ခံတွေ အတွက် တိုက်ပွဲဝင်မယ်လို့ ကတိ အထပ်ထပ်ပေးပြီး ကျုပ်တို့ကို ရွေးချယ်ပါလို့ ပြောခဲ့တဲ့ စကားတွေက ပြောခဲ့တဲ့ နေရာမှာ ကျန်နေခဲ့တယ် ဆိုတာ လှုပ်ရှားမှု အသွင်သဏ္ဍန်နဲ့ ယခုသုံးစွဲနေတဲ့ စကားလုံးများက သက်သေတည် နေပါပြီ။

ကိုယ့်ရဲ့ အမျိုးသားရေး အတွက် လှုပ်ရှားမှုတိုင်းကို လူတိုင်းက ချီးမြှင့် မြှောက်စား ရမယ်လို့ ခံယူတယ်ဆိုရင် လွန်စွာ မှားယွင်းနေတဲ့ အတွေးအခေါ်လို့သာ ဆိုရပါမယ်။ တဖက်က ပြန်တွေးဖို့ လိုတာက တခမ်းတနား ပွဲတွေ တက်ခွင့် ရရေး အတွက် ကိုယ့်ကို နေရာပေးခဲ့သူ တွေရဲ့ ဆန္ဒတွေထဲက ဘယ်နှစ်ခုကို ဖြည့်ဆည်း ပြီးပြီလဲဆိုတာ။ ကိုယ်က ဖြည့်ဆည်း မပေးနိုင်တဲ့ အပြင် ပိုဆိုးနေတဲ့ အခြေအနေကို ရောက်နေတာမို့ ဒါက ရှက်ဖို့ ကောင်းသလား ဆိုတာ မတွေးမိတာကိုက မိမိရဲ့ ညံ့ဖျင်းမှုဆိုတာကို အနည်းဆုံး ကိုယ့်ကိုယ်ကိုတော့ ၀န်ခံဖို့ သင့်နေပြီ။

ပြည်သူတွေ ရွေးချယ်တဲ့ ကိုယ်စားလှယ် ဆိုတာ ပြည်သူ့ဝန်ကို ထမ်းဖို့ဘဲ။ ရွေးချယ်ခံရတဲ့ ကာလ တစ်ခုမှာ ပြည်သူတွေနဲ့ အနီးကပ်ဆုံး နေပြီး ပြည်သူတွေရဲ့ လိုအပ်ချက်တွေကို အော်လံ တစ်ခုသုံး၊ လွှတ်တော်ထဲအော်ပြီး ဖြည့်ဆည်း ပေးဖို့ မဟုတ်လား။ လုံခြုံရေး မကောင်းလို့ အနားမှာ မနေနိုင်ပေမယ့် ကိုယ့်ရဲ့ လူမျိုးနာမည်ကိုတောင် မထုတ်ဖော်ဝံ့ဘဲ အသံတိတ်လိုက်ရမယ့် တခဏတာ ခရီးစဉ် တစ်ခုကို သမိုင်းဝင် ခရီးစဉ် အဖြစ် နှလုံးသားထဲသွင်း မှတ်တမ်းတင်ပါလို့ လာပြောတော့ ဆွံ့အ နားမကြားလို ဘာပြန်ပြောရမှန်းတောင် မသိတော့ဘူး။ ဒီနေရာမှာ ဖြစ်သင့်တာက ပျက်ကွက်မှု အားလုံး အတွက် တောင်းပန်ပါတယ်၊ တခဏတာပေမယ့် ရသမျှ အချိန်မှာ ပြည်သူများကို ဖြည့်ဆည်း ပေးမယ်လို့ ပြောသင့်တာ မဟုတ်လား?

ကိုယ်ကျိုး အတွက်လား၊ ပြည်သူ့ အကျိုးအတွက်လား၊ ကိုယ့်ဟာကိုယ် မေးပါ။ ရင့်ကျက်လာတဲ့ ပြည်သူတွေကတော့ သိပြီးသား၊ ထပ်လိမ်ရင်လည်း အပိုဘဲ။ ၂၀၁၀ နဲ့ မတူတော့တာမို့ အကြံ တစ်ခုတော့ ပေးပါရစေ။ ၄၇ နှစ်အရွယ် ဦးအဒူကရီးမ်က ကြိုဆိုဖို့ စောင့်နေလိမ့်မယ်။ အဲဒီတော့ လုံခြုံရေး များများနဲ့သာ သွားပါ ကိုယ်စားကြီး .. အော် .. မှားလို့ ကိုယ်စားလှယ်ကြီး .. ။

သနားစရာ ကောင်းတာ ရိုးသားတဲ့ ပြည်သူတွေ၊ မျှော်လင့်ချက် များစွာနဲ့၊ တစ်ခုခု ပြောင်းလဲလေမလားလို့ မျှော်လင့်ရင်းနဲ့ အသက်ရှင် နေကြရတာ။ ဒီကြားထဲ လှည့်စားမှု ပေါင်းစုံကို ခံရမယ့် ၂၀၁၅ ထဲကို နောက်နှစ်ရက်ဆို ရောက်ပြီ။ ၂၀၀၈ နဲ့ ၂၀၁၀ တို့က စံနမူနာကောင်း တွေပါ။ အလိမ်မခံနဲ့တော့။ ကိုယ့်အတွက် ဘယ်သူတွေ ဘယ်မှာ ဘယ်လိုအော်သလဲ ဆိုတာလည်း အားလုံး သိသင့်သလောက် သိနေကြပြီ။

ကိုယ့်ရဲ့ ဒုက္ခတစ်ခုကို မျှဝေခံစားပြီး၊ မိမိရဲ့ ရာထူး၊ ဥစ္စာ၊ ဘ၀ကို မတွေးတောဘဲ ကိုယ့်ဘက်က ရပ်တည်ပေးတဲ့ သူသာလျှင် ကိုယ့်ရဲ့ ကိုယ်စားလှယ်လို့ မှတ်ပါ။ ၂၀၁၅ နီးပြီ - နှစ်ကြိမ် အလိမ်ခံခဲ့ ရပေမယ့် သုံးကြိမ်မြောက် အလိမ်ခံရရင် ကိုယ့်ရဲ့ ညံ့ဖျင်းမှုသာ ဖြစ်ပါလိမ့်မယ်။

RB News
28.12.2014

မောင်တော ။ ။ ရခိုင်ပြည်နယ်၊ မောင်တော မြို့နယ် ဖွဲရာရွာ အတွင်းရှိ ဒေသခံ များကို ဒီဇင်ဘာ လဆန်းပိုင်းမှ စ၍ ညစဉ် ညတိုင်း အကြောင်းမဲ့ ဖမ်းဆီးလျက် ရှိရာ ဒေသခံ ရွာသားများ ညစဉ် တိမ်းရှောင် နေရသဖြင့် ထိုကဲ့သို့ ညစဉ် ၀င်ရောက်၍ မဖမ်းဆီးရန် အတွက် ဂေါ်ဒူသာရ တံတား ကင်းစခန်းမှ ရဲမှူး ငြိမ်းချမ်းအေး၏ လူယုံ ဖြစ်သူ ဦးဖေတာမောင်ကို ငွေကျပ် ၈ သိန်းနှင့် ဆိုင်ကယ် တစ်စီး ပေးခဲ့ရကြောင်း သတင်း ရရှိပါသည်။

ဒီဇင်ဘာ လဆန်းပိုင်းမှ စ၍ မောင်တောမြို့နယ် တောင်ပိုင်းရှိ ဖွဲရာရွာ အတွင်းသို့ ဂေါ်ဒူသာရ တံတား အနီးရှိ နယ်ခြားစောင့် ရဲတပ်ဖွဲ့ ကင်းစခန်းမှ ရဲမှူး ငြိမ်းချမ်းအေး ဦးဆောင်သည့် အဖွဲ့က ၀င်ရောက်၍ ဒေသခံ ရိုဟင်ဂျာ ရွာသား များကို ညစဉ်ညတိုင်း အကြောင်းမဲ့ ဖမ်းဆီးလျက်ရှိသည့် အတွက် ရွာသားများမှာ ညပိုင်းတွင် တိမ်းရှောင် နေရကြောင်း ဒေသခံများက RB News သို့ပြောပါသည်။ ဖမ်းဆီးခံရသူ များကို ငွေညှစ်၍ ပြန်လည်ခြင်းများ ရှိသော်လည်း၊ ငွေမပေးနိုင်သူ များကို ချုပ်နှောင် ထားခြင်းများ ရှိနေသည်ဟု ဆိုသည်။

ရဲမှူး ငြိမ်းချမ်းအေးနှင့် အဖွဲ့ ၀င်ရောက် ဖမ်းဆီးနိုင်ရန် အတွက် လမ်းပြအဖြစ် အကူအညီ ပေးနေသူမှာ ဦးဖေတာမောင် ဖြစ်ပြီး၊ ၎င်းသည် ရဲမှူး ငြိမ်းချမ်းအေး၏ လူယုံ တစ်ဦး ဖြစ်ကြောင်း သိရှိရပါသည်။ ရဲမှူး ငြိမ်းချမ်းအေး၏ ညစဉ်ညတိုင်း ၀င်ရောက် ဖမ်းဆီးခြင်း၊ နေအိမ်များ အတွင်းရှိ ရွှေ၊ ငွေ ပစ္စည်းများ၊ ကျွဲ၊ နွားများ လုယက်မှုကြောင့် တိမ်းရှောင် နေရသည့် သူများ ရွာတွင် နေထိုင်နိုင်ရန် အတွက် ဒီဇင်ဘာလ (၂၆) ရက်နေ့ နေ့လည်ပိုင်းတွင် ရဲမှူး ငြိမ်းချမ်းအေး၏ လူယုံ ဖြစ်သူ ဦးဖေတာမောင်က အစည်းအဝေး တစ်ရပ် ခေါ်ယူခဲ့ရာ ရွာမှ ရပ်မိရပ်ဖ ၃၀ ဦးခန့် တက်ရောက် ခဲ့ကြောင်း သိရှိရပါသည်။

အစည်းအဝေးတွင် ဦးဖေတာမောင်က ၎င်းကို ငွေကျပ် ၈ သိန်းနှင့် ဆိုင်ကယ် တစ်စီး ပေးရမည် ဖြစ်ကြောင်း၊ ညစဉ် ညတိုင်း ရွာမှ လူငယ် ၂၀ ဦးခန့် ၎င်း၏ လုံခြုံရေးကို တာဝန်ယူ ပေးရမည် ဖြစ်ကြောင်း ပြောဆို၍ အစည်းအဝေး တက်ရောက် လာသူများကို သဘောတူကြောင်း တံဆိပ်ခေါင်း ပါသည့် စာရွက် အဖြူပေါ်တွင် အတင်း အဓမ္မ လက်မှတ်ရေးထိုး၊ လက်ဗွေနှိပ်ခိုင်း ခဲ့ကြောင်း ဒေသခံများက ပြောပါသည်။ ၎င်းသည် ယင်းနေ့က ဆိုင်ကယ် တစ်စီး ၀ယ်ယူလာပြီး ငွေကျပ် ၆ သိန်းကို ဒေသခံများအား ချက်ချင်း ပေးခိုင်းခဲ့ပြီး၊ ကျန်ငွေ ၈ သိန်းကို တဖြေးဖြေး ပေးရန် ပြောကြားခဲ့ကြောင်း သိရှိရပါသည်။ ၎င်းသည် ဖွဲရာရွာနှင့် တပ်ဦးချောင်းရွာ တို့၏ ရပ်မိရပ်ဖ တစ်ဦး ဖြစ်ပြီး၊ သွေးစုပ်ကောင် ဆိုသည့် နာမည်ဆိုးဖြင့် ကျော်ကြားသူ တစ်ဦး ဖြစ်သည်။

“ဖေတာမောင်က ဘယ်တုန်းကမှ စက်ဘီးတောင် စီးခဲ့ဖူးတဲ့သူ မဟုတ်ဘူး။ အခု ရဲမှူးငြိမ်းချမ်းအေးရဲ့ တပည့် ဖြစ်လာတော့ ဆိုင်ကယ်တောင်း၊ ငွေညှစ်တာတွေ လုပ်လာတယ်။ ငွေကြေး တတ်နိုင်တဲ့ လူတွေကို ပစ်မှတ်ထားပြီး သူတောင်းသလောက် ငွေ မပေးရင် ရဲမှူးကို တိုင်မယ်၊ ထောင်ချမယ်လို့ ခြိမ်းခြောက်ပြီး ငွေညှစ်တယ်။ ရဲမှူး ငြိမ်းချမ်းအေး ကိုယ်တိုင်က ကျွန်တော်တို့ ရွာသားတွေ အပေါ် ပြစ်မှုပေါင်း များစွာ ကျူးလွန် နေတော့ ကျွန်တော်တို့မှာ တိုင်စရာ လူမရှိဘူး၊ ဥပဒေ အရ ကာကွယ်ပေးမယ့်သူ မရှိဘူး” ဟု ဒေသခံ တစ်ဦးက RB News သို့ပြောပါသည်။

“အခုတော့ ဆိုင်ကယ်တောင်း၊ ငွေညှစ်ပေါ့။ နောက်ပိုင်းမှာ သူတိုက်အိမ်ဆောက်ဖို့၊ ဇိမ်ခံကား စီးဖို့ပါ တောင်းလာမှာကို ကျွန်တော်တို့ စိုးရိမ်နေမိတယ်၊ အနီးအနားမှာ ရှိတဲ့ ဂေါ်ဒူသာရ၊ ပဒင်း၊ ဘဂုံးနားနဲ့ နူရူလ္လာ ရွာတွေကို သွားဖို့ အတွက်ပါ ရွာထွက် လက်မှတ် လိုနေတော့ ကျွန်တော်တို့က အကျဉ်းထောင် ထဲမှာ နေရတာနဲ့ အတူတူ ဖြစ်နေပါတယ်။ ဒီကြားထဲ ရဲမှူး ငြိမ်းချမ်းအေးနဲ့ သူ့တပည့် ဖေတာမောင် တို့ကပါ ဒီလို ဆက်လက် ပြုမှုနေမယ် ဆိုရင် ကျွန်တော်တို့ရဲ့ အခြေအနေက မတွေးဝံ့ စရာပါ။ အဲဒါကြောင့် ပြည်ထောင်စု အစိုးရကနေ အရေးယူ ဆောင်ရွက်ပေး ပါလို့ ကျွန်တော်တို့ ဒေသခံ တွေက တောင်းဆိုပါတယ်” ဟု ၎င်းက ဆက်လက် ပြောပါသည်။

MYARF
RB News
28.12.2014

မောင်တော ။ ။ ရခိုင်ပြည်နယ်၊ မောင်တောမြို့နယ် ကျောက်လှေကား ကျေးရွာ အခြေစိုက် ယခင် အမှတ် (၆) နယ်မြေ စခန်းမှ စစ်သား (၄) ဦးသည် လိုင်စင်ရ ဓါးပြများ သဖွယ် ပစ္စည်းများ လုယက်၍ လုယက်ခံရသည့် ပိုင်ရှင်ထံမှ ထပ်မံ၍ ငွေညှစ်ရန် ကြိုးစားလျက် ရှိကြောင်း သတင်း ရရှိပါသည်။

ဒီဇင်ဘာလ (၂၆) ရက်နေ့ ည ၈ နာရီ အချိန်တွင် မောင်တောမြို့နယ် လှဖိုးခေါင် ကျေးရွာ အုပ်စု၊ အနောက်ရွာရှိ ဂျမီလ်ဟူစိန်း (ဘ) ဦးမော်ဂုလ်အာမတ် (အသက် ၂၆ နှစ်) ၏ စားကုန်ဆိုင်သို့ ကျောက်လှေကား ကျေးရွာ အခြေစိုက် ယခင် အမှတ် (၆) နယ်မြေ စခန်းမှ စစ်သား (၄) ဦး ရောက်ရှိလာပြီး၊ ဆိုင်တစ်ဆိုင်လုံးကို မွှေနှောက်၍ အကြောင်းမဲ့ ရှာဖွေ စစ်ဆေးခဲ့သည်။ ဆိုင်ထဲတွင် တရား ဥပဒေနှင့် မလွတ်ကင်းသည့် ပစ္စည်း တစ်စုံတစ်ရာ မတွေ့ရှိခဲ့သော်လည်း ဆိုင်ရှင် ဖြစ်သူ ဂျမီလ်ဟူစိန်း ကိုင်ဆောင်သည့် မိုဘိုင်းဖုန်းကို လုယူ၍ ဘင်္ဂလား ဆင်းမ်ကဒ် ပြောင်းထည့်ကာ အမှုဆင် ဖမ်းဆီးရန် ကြိုးစား နေစဉ် ဆိုင်ရှင်ဖြစ်သူက အမှုဆင် ဖမ်းဆီးခံ ရမည်ကို စိုးရိမ်၍ ဆိုင်မှ ထွက်၍ တိမ်းရှောင် သွားခဲ့သည်။

ဂျမီလ်ဟူစိန်းသည် မိမိ၏ နေအိမ်ရှေ့တွင် တပိုင်တနိုင် စားကုန်ဆိုင် ဖွင့်၍ အသက်မွေးဝမ်း ကျောင်းပြုနေသူ ဖြစ်သည်။ စစ်သား (၄) ဦးတို့သည် ဂျမီလ်ဟူစိန်းကို ဖမ်းဆီးရန် နေအိမ်တွင်း ၀င်ရောက် ရှာဖွေခဲ့သော်လည်း မတွေ့ရှိသဖြင့် ဆိုင်ထဲသို့ ပြန်လည် ၀င်ရောက်ပြီး ဆိုင်အတွင်းရှိ ပစ္စည်းများနှင့် ဆိုင်ရှေ့တွင် ရပ်ထားသည့် ဆိုင်ကယ်တို့ကို ဥပဒေမဲ့ သိမ်းဆည်း သွားခဲ့ကြောင်း ဒေသခံ တစ်ဦးက RB News သို့ပြောပါသည်။

ဒီဇင်ဘာလ (၂၇) ရက်နေ့ နံနက် ၈ နာရီ အချိန်တွင် အဆိုပါ စစ်သား (၄) ဦး အနက် (၃) ဦးသည် ဂျမီလ်ဟူစိန်း၏ နေအိမ်သို့ ထပ်မံ ရောက်ရှိလာပြီး နေအိမ်အတွင်းသို့ ခွင့်ပြုချက် မပါဘဲ ၀င်ရောက်ပြီး ဂျမီလ်ဟူစိန်းကို ရှာဖွေခဲ့သော်လည်း မတွေ့ရှိသဖြင့် အိမ်အတွင်းရှိ အမျိုးသမီးများကို ရိုက်နှက်ပြီး ဗီရိုကို ဖျက်၍ ဗီရို အတွင်းရှိ ငွေကျပ် သိန်း ၂၀ နှင့် ရွှေ ၅ ကျပ်သားခန့်ကို လုယက် သွားခဲ့သည်။ တစ်ဖန် မွန်းတည့် ၁၂ နာရီ အချိန်တွင် ရောက်ရှိလာပြီး ဂျမီလ်ဟူစိန်းကို ထပ်မံ ရှာဖွေခဲ့ကြောင်း သိရှိရပါသည်။

နေ့လည် ၂ နာရီ အချိန်တွင် ကျေးရွာ အုပ်ချုပ်ရေးမှူး ရုံးသို့ စစ်သားများ ရောက်ရှိလာပြီး၊ အကယ်၍ အမှုကို ရှင်းလင်း လိုပါက ဂျမီလ်ဟူစိန်းမှ ငွေကျပ် ၁၂ သိန်း ပေးရန် လိုအပ်ကြောင်း အုပ်ချုပ်ရေးမှူးကို ပြောဆို ခဲ့ကြောင်း အဆိုပါ ဒေသခံက ပြောပါသည်။

စစ်သားများက မတရားသဖြင့် အမှုဆင်၍ ဖမ်းဆီးရန် ကြိုးစားခဲ့သည့် အပြင်၊ နေအိမ်မှ ရွှေငွေများ လုယက်ခဲ့ပြီး၊ မတရားသဖြင့် ထပ်မံ၍ ငွေညှစ်နေခြင်းသည် မောင်တောမြို့နယ် အတွင်း တရား ဥပဒေ စိုးမိုးမှု လုံးဝ မရှိသည်မှာ ပေါ်လွင် နေပါသည်။ အဆိုပါ စစ်သားများသည် မကြာခဏ ဆိုသလို လှဖိုးခေါင် ကျေးရွာ အုပ်စု အတွင်းသို့ ၀င်ရောက်၍ ယခုကဲ့သို့ မတရားသဖြင့် အမှုဆင်၍ ဖမ်းဆီးပြီး ငွေညှစ်ခြင်းများ ပြုလုပ်၍ သောင်းကျန်းလျက် ရှိကြောင်း ဒေသခံများက ပြောပါသည်။

RB News
28.12.2014

အင်ဒိုနီးရှား နိုင်ငံ၊ Surabya မြို့ကနေ စင်ကာပူနိုင်ငံကို ခရီးသည် ၁၅၅ ဦးနဲ့ ၀န်ထမ်း ၇ ဦး တင်ဆောင် ပျံသန်း လာတဲ့ AirAsia ရဲ့ ခရီးစဉ် အမှတ် QZ8501 Airbus လေယာဉ် A320-200 လေယာဉ်ဟာ Surabaya မြို့ကနေ တနင်္ဂနွေနေ့ ဒေသ စံတော်ချိန် နံနက် ၅ နာရီ ၃၅ မိနစ်မှာ ထွက်ခွာလာခဲ့ပြီး၊ စင်ကာပူ နိုင်ငံကို ဒေသ စံတော်ချိန် ၈ နာရီ ၃၀ မိနစ် ရောက်ရှိရမှာ ဖြစ်ပေမယ့် နံနက် ၇ နာရီ ၂၄ မိနစ်မှာ အင်ဒိုနီးရှားမှာ ရှိတဲ့ လေကြောင်း ထိန်းသိမ်းရေး စခန်းနဲ့ အဆက် အသွယ် ပြတ်တောက် သွားတယ်လို့ AirAsia ကနေ သတင်းထုတ် ပြန်ခဲ့ပါတယ်။

လေကြောင်း ထိန်းချုပ်ရေး စခန်းနဲ့ အဆက်အသွယ် ပြတ်တောက် သွားတဲ့ အချိန်ကစပြီး လေယာဉ်က ပျောက်ဆုံး လျက်ရှိပြီး၊ အခုတော့ ရဟတ်ယာဉ်၊ သင်္ဘောတွေနဲ့ ရှာဖွေလျက် ရှိပါတယ်။ ရဟတ်ယာဉ် တွေကတော့ ညပိုင်းမှာ ရှာဖွေမှုတွေကို ရပ်တန့် ထားပြီး၊ တနင်္လာနေ့ မနက် အလင်းရောင် ရမယ့် အချိန်မှသာ ပြန်ပြီး ရှာဖွေမယ်လို့ ဆိုပါတယ်။ အင်ဒိုနီးရှားပိုင် သင်္ဘောတွေကတော့ ညပိုင်းမှာ အလင်းရောင် အားများတဲ့ မီးတွေနဲ့ထိုးပြီး ပင်လယ်ပြင်မှာ ဆက်လက် ရှာဖွေ သွားမှာပါ။

လေကြောင်း ထိန်းချုပ်ရေး စခန်းနဲ့ အဆက်အသွယ် မပြတ်တောက်ခင်မှာ လေယာဉ်မှူးက ရာသီဥတု ဆိုးရွားနေတဲ့ အတွက် အမြင့်ပေ ၃၈၀၀၀ ကနေ ပျံသန်းခွင့် တောင်းခံခဲ့တယ်လို့ နိုင်ငံတကာ သတင်းဌာန များမှာ ရေးသား ဖော်ပြ ထားပါတယ်။

လူ ၁၆၂ ဦးတင်ဆောင် ထားတဲ့ လေယာဉ်က ဂျဗား ပင်လယ်ပြင်မှာ ပျောက်ဆုံး သွားတာ ဖြစ်လို့ ပင်လယ်ပြင်ကို အဓိက ထားပြီး ရှာဖွေမှာ ဖြစ်ပါတယ်။ ခရီးသည်တွေထဲမှာ အင်ဒိုနီးရှား နိုင်ငံသား ၁၄၉ ဦး၊ စင်ကာပူ၊ မလေးရှားနဲ့ ဗြိတိန် နိုင်ငံတို့မှ တစ်ဦးစီနဲ့ တောင်ကိုရီးယား နိုင်ငံ ၃ ဦး ပါဝင်ပါတယ်။ လူကြီး ၁၃၈ ဦး၊ ကလေး ၁၆ ဦးနဲ့ ကလေးငယ် ၁ ဦး တို့ပါဝင်ပါတယ်။ လေယာဉ်မောင်း နှစ်ဦးနဲ့ ၀န်ထမ်း ၅ ဦးတို့ကတော့ တစ်ဦးက ပြင်သစ် နိုင်ငံသား ဖြစ်ပြီး ကျန်တဲ့ ၆ ဦးက အင်ဒိုနီးရှား နိုင်ငံသားများ ဖြစ်ပါတယ်။ ဒီလေယာဉ်က AirAsia လေကြောင်းလိုင်းရဲ့ လေကြောင်းလိုင်းခွဲ တစ်ခု ဖြစ်တဲ့ AirAsia Indonesia ရဲ့စီမံခန့်ခွဲမှု အောက်က ဖြစ်ပြီး၊ သက်တမ်း ၆ နှစ်ကျော်သာ ရှိသေးတဲ့ လေယာဉ်ပါ။

ရေးသားသူ - ယျာတင် (MYARF)

RB ကဗျာ

28.12.2014

ဖွင့်​ဟခွင့်​မဖန်​ 

ရင်​ထဲကခံစားချက်​မှန်​ 

ပန်းချီ​တွေ​ရေးဆွဲလို့ 

ဖွင့်​ဟခွင့်​​ပေးပါ ...။

မေ​မေ 

သားတို့ကိုထားရစ်​ပြီး ဘယ်​သွား​နေ 

ဟိုလူ​တွေမီးတင်​ရှိုးတဲ့အိမ်​ထဲမှာ 

အ​မေ တစ်​ခုခုလုပ်​​နေတာလား... ။

ဖေ​ဖေ 

သားတို့ကိုထားရစ်​ပြီး ဘယ်​​ပျောက်​​နေ 

သေနတ်​နဲ့​ရောက်​လာသူ​တွေနဲ့ လိုက်​သွားတာလား ... ။

အ​မေ 

အ​မေ့ နို့ကို စိုးချင်​​လို့​နေ ​

အ​ဖေ 

အ​ဖေ့ရင်​ခွင်​ကို နားခိုချင်​နေ 

သို့​ပေမယ့်​

သားတို့နဲ့ ​ဝေး​ဝေး 

ပျောက်​ရင်း​ပျောက်​​နေဆဲ ...။

ခု​တော့ 

မေ​မေ မရှိတဲ့​နေရာ 

ဖေ​ဖေမရှိတဲ့​နေရာ 

လူ​တွေ​ပြောတတ်​တဲ့ ထို​နေရာအမည်​က 

မိဘမဲ့က​လေး​ဂေဟာ 

တို့ရိုဟင်​ဂျာ​ 

က​လေးတွေအတွက်​လား ...။

အ​ဖေလည်းမလာ အ​မေလည်းမလာ 

အစ်​ကိုနဲ့အစ်​မတို့ကလည်း ဘယ်​ကိုသွား 

အရာရာ​မျှော်​လင့်​ခွင့်​မဲ့​နေတဲ့​နေရာမှာ 

တို့ရိုဟင်​ဂျာက​လေးများ 

ဘဝ​နေ့ရက်​များကို 

သက်​မဲ့ပန်းချီ​တွေထဲ 

ခံစားချက်​​တွေကိုယ်​စီထည့်​​လို့ 

မျက်​ရည်​​တွေနဲ့ ရေးဆွဲ​နေရင်း 

မိမိဘဝကို ဖြတ်​သန်း​နေရပါတကား ... ။

RB News
28.12.2014

မောင်တော ။ ။ ရခိုင်ပြည်နယ်၊ မောင်တော မြို့နယ်၊ အလယ်သံကျော် ကျေးရွာ အုပ်စု၊ ဗျူးဟာကုန်း ကျေးရွာမှ ငါးဖမ်း သမား ၁၆ ဦးကို လူမှောင်ခိုဂိုဏ်းမှ ဖမ်းဆီး သွားခဲ့သော်လည်း မြန်မာ့ ရေတပ်မှ ပြန်လည်၍ ကယ်တင် လာခဲ့ကြောင်း သတင်း ရရှိပါသည်။

ဒီဇင်ဘာလ (၂၇) ရက်နေ့ နံနက် ၁ နာရီ ၄၅ မိနစ် အချိန်တွင် မောင်တောမြို့နယ် အလယ်သံကျော် ကျေးရွာ အုပ်စု၊ ဗျူးဟာကုန်း ကျေးရွာမှ ဦးအဒူလ္လာ (ဘ) ဦးနုခ်မာလ်ဟာကိမ်း ပိုင်ဆိုင်သည့် ငါးဖမ်း စက်လှေ သုံးစင်းဖြင့် ငါးဖမ်း နေသည့် ငါးဖမ်း လုပ်သား ၃၅ ဦးမှ ၁၆ ဦးကို ထိုင်းနိုင်ငံမှ လူကုန်ကူးသည့် သင်္ဘော ပေါ်တွင်ပါသည့် လူမှောင်ခိုဂိုဏ်းမှ ရိုက်နှက်၍ ဖမ်းဆီး ခေါ်ဆောင် သွားခဲ့သည်။ ငါးဖမ်း စက်လှေ သုံးစင်းမှ လွတ်မြောက်လာသူ ငါးဖမ်းလုပ်သား ၁၉ ဦးသည် နံနက် ၇ နာရီ အချိန်တွင် စက်လှေ ပိုင်ရှင် ဖြစ်သူ ဦးအဒူလ္လာကို ဖြစ်စဉ် အသေးစိတ်ကို အကြောင်းကြား ခဲ့ကြောင်း သိရှိရပါသည်။

စက်လှေ ပိုင်ရှင် ဖြစ်သူ ဦးအဒူလ္လာက ဗျူဟာကုန်း ကျေးရွာ အခြေစိုက် စစ်တပ်မှ တပ်ရင်းမှူးကို တိုင်တန်း၍ အကူအညီ တောင်းခံခဲ့ပြီး၊ တပ်ရင်းမှူးက ပင်လယ်ပြင်တွင် တာဝန်ကျ နေသည့် မြန်မာ့ ရေတပ်မှ လုံခြုံရေး အဖွဲ့ကို အကြောင်းကြား ခဲ့ကြောင်း သိရှိရပါသည်။ သ၀င်ချောင်း ကျေးရွာ ကမ်းခြေနှင့် ရေပြင် အနီးတ၀ိုက်မှ မြန်မာ့ ရေတပ် လှည့်ကင်း သင်္ဘောက နိုင်ငံတကာ ကုန်တင် သင်္ဘောများ သွားလာရာ လမ်းကြောင်းကို သွားရောက်၍ ထိုင်းနိုင်ငံဘက် သွားရာ သင်္ဘောများကို စစ်ဆေးခဲ့ပြီး လူကုန်ကူး သင်္ဘောမှ ဖမ်းဆီးခံ ထားရသည့် ငါးဖမ်းလုပ်သား ၁၆ ဦးကို ဒီဇင်ဘာလ ၂၇ ရက်နေ့ ညနေပိုင်းတွင် ကယ်တင် နိုင်ခဲ့ကြောင်း ဒေသခံများက RB News သို့ပြောပါသည်။ လူမှောင်ခိုဂိုဏ်း၏ ဖမ်းဆီးခြင်း ခံရသည့် ငါးဖမ်း လုပ်သားများမှာ ဗျူဟာကုန်း ရွာနှင့် ကံပူးရွာမှ ဒေသခံ ရိုဟင်ဂျာ ရွာသားများ ဖြစ်ကြောင်း သိရှိရပါသည်။

“မြန်မာ့ရေတပ်ရဲ့ အကူအညီကြောင့် လွတ်မြောက်လာတာ ကျွန်တော်တို့ ဒေသခံ တွေအနေနဲ့ မြန်မာ့ ရေတပ်ကို ကျေးဇူး တင်လို့ မဆုံးပါဘူး။ အခုလို လူသားဆန်တဲ့ လုပ်ရပ် အတွက် ဂုဏ်ယူပါတယ်။ လွန်ခဲ့တဲ့ ရက်ပိုင်းက ဖမ်းခံရတဲ့ ၃၂ ယောက်နဲ့ ပတ်သက်ပြီး ဘာသတင်းမှ မရတော့ဘူး။ အခုလို လွတ်မြောက်လာဖို့ ကူညီပေးတဲ့ ဗျူဟာကုန်း အခြေစိုက် တပ်ရင်းမှူးနဲ့ မြန်မာ့ ရေတပ်ကို ငွေ သိန်း ၁၅၀ ပေးရတယ်လို့ ကောလဟလ တွေလည်း ထွက်နေပါတယ်။ ဒါပေမယ့် စက်လှေ ပိုင်ရှင် ဦးအဒူလ္လာ ကတော့ ငွေပေးရတာနဲ့ ပတ်သက်ပြီး တစ်စုံတစ်ရာ မှတ်ချက်ပေးဖို့ ငြင်းတယ်။ ဘယ်လိုဘဲ ဖြစ်ဖြစ်ပါ။ ကျွန်တော်တို့ကို ကူညီတဲ့ အတွက် ကျေးဇူး အထူးတင်ပါတယ်” ဟု ဒေသခံ တစ်ဦးက RB News သို့ပြောပါသည်။

ထိုင်းနိုင်ငံမှ လူကုန်ကူးသည့် ဘင်္ဘောမှ ငါးဖမ်းလုပ်သား ၁၆ ဦးကို ကယ်တင်လိုက်သော်လည်း အဆိုပါ သင်္ဘောကို ဖမ်းဆီးခြင်း မရှိဘဲ လွတ်ပေး လိုက်သည်ဟု ဒေသခံများက ဆိုသည်။

“အဲဒီ သင်္ဘောကိုတော့ ငွေယူပြီး လွှတ်ပေးလိုက် တယ်လို့ ယူဆရတယ်”

လူမှောင်ခိုဂိုဏ်း၏ ဖမ်းဆီးခံရခြင်းမှ လွတ်မြောက် လာသူ ၁၆ ဦးထဲမှ နှစ်ဦးမှာ ဓါးခုတ် ဒဏ်ရာများဖြင့် အသက် အန္တရာယ် စိုးရိမ် ရသည့် အခြေအနေတွင် ရှိသည်ဟု ဒေသခံများက ပြောပါသည်။

RB News
28.12.2014

တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေသည် ဓါးပြဂိုဏ်း တစ်ဂိုဏ်းကို အသုံးချ၍ ဒေသခံ ရိုဟင်ဂျာ များ၏ နေအိမ်များကို ဓါးပြတိုက်ခြင်းများ မကြာခဏ ပြုလုပ်လျက် ရှိကြောင်း သတင်း ရရှိပါသည်။

မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေသည် ဓါးပြဂိုဏ်း တစ်ဂိုဏ်းကို အသုံးချ၍ ဒေသခံ ရိုဟင်ဂျာများ၏ နေအိမ်များကို ဓါးပြတိုက်ခြင်းများ မကြာခဏ ပြုလုပ်လျက် ရှိကြောင်း ဒေသခံများက RB News သို့ပြောပါသည်။ ကျေးရွာ အုပ်ချုပ်ရေးမှူး ဦးကျော်ဆွေက ရရှိလာသည် များထဲမှ နယ်ခြားစောင့် ရဲတပ်ဖွဲ့မှ တပ်ရင်းမှူး ဒုရဲမှူးကြီး မိုးညိုကို ဝေစုခွဲ ပေးနေသည့် အတွက် ဓါးပြတိုက်သူများ ပိုမို အတင့်ရဲစွာ အဆက်မပြတ် အကြမ်းဖက် လျက်ရှိသည်ဟု ၎င်းတို့က ဆိုသည်။

လွန်ခဲ့သည့် နိုဝင်ဘာလ (၂၈) ရက်နေ့ ညသန်းခေါင်ယံ ၁ နာရီ အချိန်တွင် အဆိုပါ ဓါးပြ အဖွဲ့သည် စံကားပင်ရင်း ကျေးရွာမှ ဦးရှောမ်ရှု၏ နေအိမ်သို့ နယ်ခြားစောင့် ရဲဝတ်စုံများဖြင့် ရဲအယောင်ဆောင်၍ ၀င်ရောက်ပြီး ငွေသား သိန်းပေါင်း များစွာနှင့် အတူ ရွှေ ၅ ကျပ်သားကို ဓါးပြတိုက် ယူသွားသည့် အပြင် ဦးရှောမ်ရှု၏ သားဖြစ်သူ ကိုဘာဆဲရ်ကိုလည်း ပြန်ပြေးဆွဲ သွားခဲ့သည်။ ကိုဘာဆဲရ်ကို ၆ ရက်ကြာ ထိန်းသိမ်း ထားခဲ့ပြီး ငွေကျပ် သိန်း ၉၀ ညှစ်ယူပြီးမှ ပြန်လည် လွတ်ပေးခဲ့ကြောင်း ဒေသခံများက ပြောပါသည်။ ဦးရှောမ်ရှု၏ နေအိမ်ကို ဓါးပြတိုက်စဉ် ရေတွင်းပြင် ကျေးရွာမှ အာယုဖ် (ဘ) ဦးဆာနိုးနှင့် ဇီးပင်ချောင်း ကျေးရွာမှ ရှော်ဘိရ် (ခ) ဦးဂေါ်နိုမျာ တို့သည် အဆိုပါ ဓါးပြဂိုဏ်းနှင့် အတူ ပါဝင် ခဲ့သည်ဟု ဆိုသည်။

ဒေသခံများက ဓါးပြတိုက်ခံ ရခြင်းနှင့် ပတ်သက်၍ ရဲစခန်းသို့ တိုင်ကြားခဲ့ပြီး၊ ဓါးပြတိုက်သည့် အချိန်တွင် ပါဝင်သူ များကို သက်ဆိုင်ရာ ရဲစခန်းက ဖမ်းဆီး နိုင်ခဲ့သော်လည်း နယ်ခြားစောင့် ရဲတပ်ဖွဲ့ တပ်ရင်းမှူး ဒုရဲမှူးကြီး မိုးညို၏ အာဏာ အလွဲသုံးစား ပြုလုပ်မှုကြောင့် အရေးယူနိုင်ခြင်း မရှိဟု ဒေသခံများက ပြောပါသည်။ ကျေးရွာ အုပ်ချုပ်ရေးမှူး ဦးကျော်ဆွေက ၎င်း၏ ဓါးပြဂိုဏ်းသားများ ပြန်လည် လွတ်မြောက်လာရေး အတွက် ငွေအင်အားဖြင့် လိုက်လံ၍ ရှင်းလင်း နေကြောင်း သိရှိရပါသည်။

သူဇာ

ဧရာဝတီ

26.12.2014

နားကြပ် တပ်ထားသည့် ဗုဒ္ဓ ရုပ်ပွားတော်ပုံကို အသုံးပြုမှုနှင့် ဖမ်းဆီး အရေးယူ ခံထားရသည့် V Gastro.bar အဖျော် ယမကာ ဘား ဆိုင် အထွေထွေ မန်နေဂျာ နယူးဇီလန် နိုင်ငံသား Mr.Philips တဦးတည်းကို ယနေ့ ရန်ကုန်မြို့ ဗဟန်းမြို့နယ် တရားရုံးတွင် ရုံးထုတ် ကြောင်း ရှေ့နေ က ပြောသည်။

Mr.Philips က တတိယ အကြိမ်မြောက် ဖြစ်သော ယနေ့ ရုံးချိန်းတွင် ဘားဆိုင် ရင်းနှီး မြှုပ်နှံသူ ၅ ဦး ရှိကြောင်းနှင့် ဆိုင်ပိုင်ရှင် မည်သူ ဖြစ်သည်ကို မသိရှိကြောင်း ထွက်ဆိုသည်ဟု ရှေ့နေ ဦးမြသွေးက မီဒီယာများကို ပြောပြသည်။

Mr.Philips ၏ ရှေ့နေ ဦးမြသွေးက“ဒီဆိုင်ဖွင့်ဖို့ ငွေထည့်ဝင်ထားတဲ့သူ ၅ ဦး ရှိတယ်လို့ Philips က ပြောတယ်။ Philips က ဘယ်သူ ပိုင်ရှင်လည်း ဆိုတာ မသိဘူး။ သူ့ကို လစာပေးရင် Account (စာရင်းကိုင်) ပိုင်းက စာအိတ်နဲ့ ပေးတယ်။ သူ့ဘာသာသူ Google က ပုံပေါင်း ၂၀ ထဲက တပုံကို ယူပြီး သုံးလိုက်တာလို့ ပြောတယ်”ဟုလည်း ပြောသည်။

Mr. Philips က ဆိုင်တွင် ငွေထည့်ဝင် ရင်းနှီးမြှပ်နှံသူ ၅ ဦး ရှိသည်ဟု ပြောဆိုသော်လည်း ပိုင်ရှင်မည်သူ ဖြစ်သည်ကို မသိရှိကြောင်း၊ နားကြပ် တပ်ထားသည့် ဗုဒ္ဓ ရုပ်ပွားတော်ပုံကိုလည်း အင်တာနက်မှ ရှာဖွေပြီး သူကိုယ်တိုင် လူမှုကွန်ရက်များတွင် ဖြန့်ဝေခြင်း ဖြစ်ရာ ယခုကိစ္စကို ပိုင်ရှင်ဖြစ်သူတို့ သိရှိခြင်းမရှိဟု ထွက်ဆိုကြောင်း ရှေ့နေ ဦးမြသွေးက ဧရာဝတီသို့ ပြောသည်။

နယူးဇီလန် နိုင်ငံသား Mr.Philips ကို ကူညီနိုင်ရန် နယူးဇီလန် သံရုံးအရာရှိများက ရှေ့နေ ဦးမြသွေးကို လာရောက် တွေ့ဆုံခဲ့ကြောင်း၊ မကြာမီ ရက်ပိုင်းအတွင်း ရန်ကုန်မြို့တွင် နယူးဇီလန်နိုင်ငံက သံရုံး လာရောက် ဖွင့်လှစ်မည်ဟု သိရှိရကြောင်းလည်း ၎င်းက ဆိုသည်။

ယခု စွဲဆိုထားသည့် အမှုအတွက် နယူးဇီလန်နိုင်ငံသားဘက်မှ သက်သေ ၂ ဦး၊ ဦးထွန်းသူရိန်နှင့် ဦးထွဋ်ကိုကိုလွင် ၂ ဦးအတွက် သက်သေ ၉ ဦး တင်ပြထားကြောင်း သိရသည်။

V Gastro.bar ဘားဆိုင်ကို ရန်ကုန်မြို့ ရွှေတောင်ကြားလမ်းတွင် ပြီးခဲ့သည့် နိုဝင်ဘာလ ၂၄ ရက်က စတင် ဖွင့်လှစ်ခဲ့ပြီး ဒီဇင်ဘာ ၁၄ ရက်တွင် ဆိုင်ဖွင့်ပွဲ ကျင်းပရန်အတွက် ဖေ့စ်ဘုတ် လူမှုကွန်ရက် စာမျက်နှာတွင် ကြော်ငြာခဲ့သည်။

ယင်းကြော်ငြာ၌ နားကြပ် တပ်ထားသည့် ဗုဒ္ဓ ရုပ်ပွားတောင်ပုံမှာ လူမှု ကွန်ရက် စာမျက်နှာများတွင် ချက်ချင်း ပျံ့နှံ့သွားသည်။

ဗုဒ္ဓဘာသာ၏ အထွဋ်အမြတ်ထားသော ဗုဒ္ဓရုပ်ပွားတော်ပုံကို အသုံးပြုခဲ့သည့်အတွက် ၂၀၁၄ ခုနှစ် ဒီဇင်ဘာ ၁၀ ရက် ညနေပိုင်းတွင် ဗဟန်းမြို့နယ် ရဲစခန်းက ထိုဘားဆိုင်ကို ယာယီပိတ်သိမ်းခဲ့ပြီးနောက် ၎င်းတို့ကို ဖမ်းဆီးခေါ်ဆောင်ပြီး တရားရုံးတင်၍ ဗဟန်းမြို့နယ် သာသနာရေးတာဝန်ခံက ဘာသာသာသနာဆိုင်ရာ ပြစ်မှုပုဒ်မ ၂၉၅၊ ၂၉၅ (က) နှင့် တရားလိုပြုလုပ် တရားစွဲခဲ့ခြင်း ဖြစ်သည်။

ထို့အပြင် ဗဟန်းမြို့နယ် အုပ်ချုပ်ရေးမှူးကလည်း ဒေသန္တရ အုပ်ချုပ်ရေးအမိန့် ပုဒ်မ ၁၈၈ အရ V Gastro.bar ကို ညဘက် အချိန် ကျော်လွန် ဖွင့်လှစ်မှု၊ အသံဖြင့် ပတ်ဝန်းကျင်ကို အနှောင့်အယှက် ဖြစ်စေမှုတို့ဖြင့် ထပ်မံ တရားစွဲခဲ့ကြောင်း သိရသည်။

ယင်းအမှုနှင့် ပတ်သက်၍ နယူးဇီလန်နိုင်ငံသားအတွက် ရှေ့နေလိုက်ပေးရန် ရှေ့နေငှားရန်းရာတွင် အခက်အခဲရှိခဲ့ပြီး ယခု ရှေ့နေ လိုက်ပေးနေသည့် ၎င်းကိုလည်း ဖေ့စ်ဘုတ်မှ တဆင့် ခြိမ်းခြောက်မှုများ ရှိနေသည်ဟု ဦးမြသွေး က ပြောသည်။

ဦးမြသွေးက“ကျနော့်မှာတော့ ဖေ့စ်ဘုတ်အကောင့် မရှိဘူး။ ကျနော့် သားသမီးတွေ အကောင့်ကနေ ကျနော့်ကို မီးရှို့ ပြာချမယ်။ အပိုင်းပိုင်း ခုတ်မယ်လို့ ပြောတယ်။ အခုလို ခြိမ်းခြောက်တာတွေ ကြုံရတယ်။ သူတို့ဘာသာ ဖေ့စ်ဘုတ်မှာ အော်ချင်တာ အော် တာပေါ့။ တိုက်ရိုက် ခြိမ်းခြောက်တာတော့ မဟုတ်ဘူး”ဟု ပြောဆိုသည်။

ယခု တတိယမြောက် ရုံးချိန်းတွင် နယူးဇီလန်နိုင်ငံသား Mr.Philips တဦးတည်းကို စစ်ဆေးခဲ့ဖြင်း ဖြစ်ပြီး ဆိုင်ပိုင်ရှင် ဦးထွန်းသူရိန်နှင့် မန်နေဂျာ ထွဋ်ကိုကိုလွင်တို့ နှစ်ဦးကို လာမည့် ဇန်န၀ါရီလ ၂ ရက်နေ့တွင် ထပ်မံ စစ်ဆေးမည် ဖြစ်ကြောင်း သိရသည်။