ပေါက်တော၊ ငှက်ချောင်း ဒုက္ခသည် စခန်း လုံခြုံရေး ဗိုလ်ကြီးမှ လုယက်၊ ငွေတောင်း
RB News
5.7.2013
ပေါက်တော ။ ။ ရခိုင်ပြည်နယ်၊ ပေါက်တော မြို့နယ်ရှိ ငှက်ချောင်း ဒုက္ခသည် စခန်းတွင် လုံခြုံရေး တာဝန် ယူထားသော ဗိုလ်ကြီး ကျော်စွာမင်းနှင့် အဖွဲ့က ဒုက္ခသည် များထံမှ ပစ္စည်းများ လုယက်၍ ငွေတောင်းခံ လျက်ရှိကြောင်း သတင်း ရရှိပါသည်။
ဗိုလ်ကြီး ကျော်စွာမင်းနှင့် အဖွဲ့သည် ငှက်ချောင်း ဒုက္ခသည် စခန်းရှိ ရိုဟင်ဂျာ ဒုက္ခသည် များထံတွင် ရှိသော ငါးဖမ်းပိုက်များ၊ မီးစက်နှင့် ပဲ့ချိတ် စက်လှေ တစ်စီး အပြင် ငွေကျပ် နှစ်သိန်းကိုလည်း ခြိမ်းခြောက် ၍ ယူသွား ကြောင်း သိရှိရသည်။
“လုံခြုံရေး ယူထားတဲ့ ဗိုလ်ကြီး ကျော်စွာမင်းနဲ့ အဖွဲ့က ကျွန်တော်တို့ ဆီမှာ ရှိတဲ့ ကျားပါးစပ် ပိုက်လေးခု၊ မီးစက် တစ်လုံးနဲ့ ပဲ့ချိတ် စက်လှေ တစ်စီးကို လုသွားတယ်။ အဲဒါတွေ အပြင် ဒုက္ခသည် တွေဆီ က ငွေ နှစ် သိန်း လည်းယူ သွားတယ်။ တောင်းတဲ့ အချိန်မှာ ပေးမလား မပေးဘူးလား ဆိုပြီး ဒမြလို လုပ်တယ်။ လူတွ ကို လည်းရိုက်တယ်။” ဟု ဒေသခံ ဒုက္ခသည် တစ်ဦးမှ RB News သို့ပြောပါသည်။
ထို့အပြင် ထိုသို့ လုယက်၊ ငွေတောင်းရုံ ပင်မကဘဲ၊ အတင်း အဓမ္မ လုပ်အားပေး များကိုလည်း ခေါ်ယူ ခိုင်းစေ လျက်ရှိကြောင်း သိရသည်။
“ကျွန်တော်တို့ ဆီက ဒုက္ခသည် ငါးယောက် စီကို နေ့တိုင်း ခေါ်သွားတယ်။ အတင်း အဓမ္မ ခေါ်ခိုင်း တာပါ။ မလိုက် နိုင်ဘူး ဆိုရင် လူမဆန်စွာ ရိုက်နှက် နှိပ်စက် ပါတယ်” ဟု အဆိုပါ ဒုက္ခသည်မှ ပြောပါသည်။
ဒုက္ခသည်များ၏ လုံခြုံရေး အတွက် တာဝန်ပေး ခံထား ရသော ဗိုလ်ကြီး ကျော်စွာမင်း နှင့်အဖွဲ့သည် ဒုက္ခ သည် များအား အမြဲတစေ ရိုက်နှက် ညှင်းပန်း နှိပ်စက်၊ လုယက်၊ ငွေတောင်းခံ နေသောကြောင့် ဒုက္ခ သည် အများစုမှာ ရရာနေရာကို ထွက်ပြေး တိမ်းရှောင်ရန် စဉ်းစား နေကြသည်ဟု ဆိုသည်။
“ကျွန်တော်တို့မှာ အစစ အရာရာ ဒုက္ခရောက် နေတဲ့ ကြားက အာဏာပိုင်တွေ ဒီလို ညှင်းပန်း နှိပ် စက် နေ မယ် ဆိုရင် ဒီမှာ ဆက်နေရင် ကျွန်တော်တို့ သေဖို့ဘဲ ရှိတော့တယ်။ အဲဒီတော့ ဒီနေရာ ကနေ ထွက်သွားဖို့ စဉ်းစား နေကြတယ်။ သွားစရာ နေရာ မရှိတော့လည်း အတော်လေး စီစဉ်ရ ခက်တယ်” ဟု ၎င်းမှ ဆက် လက် ပြောပါသည်။
