အကြမ်းဖက်မှုတွေ ရှောင်ရှားဖို့ ဒေါ်စုနဲ့ ဒလိုင်းလားမား တိုက်တွန်း
 |
| Forum 2000 ညီလာခံကြီးမှာ NLD ဥက္ကဌ ဒေါ်အောင်ဆန်း စုကြည်နဲ့ တိဘက် ဘုန်းတော်ကြီး ဒလိုင်း လားမားတို့ တွေ့ဆုံစဉ်။ (ဓာတ်ပုံ - http://www.forum2000.cz/) |
အင်ကြင်းနိုင်
18.9.2013
မြန်မာ နိုင်ငံမှာ မကြာသေးခင် တုန်းက ဖြစ်ပွား ခဲ့တဲ့ ဘာသာရေး၊ လူမျိုးရေး ကွဲပြားမှု အပေါ် အခြေခံတဲ့ အကြမ်းဖက် မှုတွေဟာ အသွင် ကူးပြောင်းရေး အတွက် စိန်ခေါ်မှု တွေအဖြစ် သတိ ထားဖို့ အမျိုးသား ဒီမိုိကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်း စုကြည်က သတိ ပေးလိုက် ပါတယ်။ လူမှု အ သိုင်း အ၀ိုင်း တွေကြား ဖြစ်ပွား ခဲ့တဲ့ အကြမ်းဖက် မှုတွေ အဆုံး သတ်ဖို့ နိုဘဲလ် ငြိမ်းချမ်းရေး ဆုရှင် တိ ဘက် ဘုန်းတော်ကြီး ဒလိုင်း လားမား ကလည်း အင်္ဂါနေ့က တိုက်တွန်း ခဲ့တာပါ။ အပြည့် အစုံကို မ အင်းကြင်းနိုင်က တင်ပြ ထားပါတယ်။
နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ စက်တင်ဘာလ ၁၇ ရက် နေ့က ချက် သမ္မတ နိုင် ငံက မထွက်ခွာခင် ဒေသ စံတော်ချိန် ညနေပိုင်းမှာ ပြုလုပ်တဲ့ သတင်းစာ ရှင်းလင်းပွဲ အ တွင်း မြန် မာ နိုင် ငံမှာ ကြုံနေ ရတဲ့ လူမှု အသိုင်း အ၀ိုင်း တွေကြား ပဋိပက္ခ တွေကို ၀ိုင်းဝန်း ဟန့်တား ကြဖို့ နဲ့ သတိ ထား ကြဖို့ တိုက်တွန်း သွားတာ ဖြစ်ပါတယ်။
မြန်မာ နိုင်ငံရဲ့ အကြမ်းဖက် မှုတွေဟာ တိုင်းပြည် ညီညွတ် ရေးကို မလိုချင်ဘဲ သွေးခွဲ အုပ်ချုပ် ရေးကို လို လား သူတွေရဲ့ လှည့်ကွက် အလိုကျ လုပ်ဆောင် နေတယ်လို့ ညီလာခံကို တက်ရောက် လာတဲ့ မြန်မာ တိုင်းရင်းသူ အမျိူးသမီး တဦး ပြောသွားတဲ့ အသံကို ကြားရတဲ့ အတွက် သူ အားတက် မိတယ် လို့လည်း သတင်းစာ ရှင်းလင်း ပွဲမှာ ဒေါ်အောင်ဆန်း စုကြည်က ပြောသွား ပါတယ်။
“ပြည်ပမှာ ရှိနေသူတွေ အနေ နဲ့လည်း ဒီအချက်ကို သတိပြုဖို့ ကျမ တောင်းဆို ချင်ပါတယ်။ ယုံကြည်မှုနဲ့ ညီညွတ်မှု တွေကို တည်ဆောက်ဖို့ ကျမတို့ လိုအပ် နေတာပါ။ အခု အချိန်မှာ နိုင်ငံတကာ အသိုင်း အ၀ိုင်း ရဲ့ နားလည်မှု၊ စာနာ ကူညီမှု တွေကို ကျမတို့ လိုအပ်နေ ပါတယ်။ ကျမတို့ အနေနဲ့ မြန်မာ နိုင်ငံမှာ စည်း စည်း လုံးလုံး ညီညွတ် ဖြစ်ဖို့ လိုလား ပါတယ်။ နောက်ပြီး ကျမတို့ ဖြေရှင်း ကျော်လွှား ရမယ့် ပြဿ နာတွေ အများကြီး ရှိနေတာပါ။ ခွဲခြားမှုနဲ့ ညီညွတ် ရေးကို မလိုလား သူတွေ၊ သွေးခွဲ မှုကို လိုလား သူတွေရဲ့ လှည့် ကွက် ကြိုဆွဲ နေတဲ့ အတိုင်း ကျမတို့ မကသင့် ပါဘူး။”
သတင်းစာ ရှင်းလင်းပွဲ အပြီးမှာ ချက်သမ္မတ နိုင်ငံမှာ နေထိုင် နေကြတဲ့ မြန်မာ ဒုက္ခသည် မိသား စုတွေ ၊ ကျောင်းသူ ကျောင်းသား တွေနဲ့ တွေ့ဆုံပွဲ မှာလည်း လူမျိုးရေး၊ ဘာသာရေး မခွဲခြား ဖို့ ဒေါ်အောင် ဆန်း စုကြည်က ပြောဆို သွားတယ်လို့ Burma Center Prague ရဲ့ ညွန်ကြား ရေးမှူး မစံပယ်စိုး က ပြော ပါတယ်။
“ဒေါ်စု ကိုယ်တိုင် ကတော့ ပြောသွား ပါတယ်။ ဘာသာရေး ကိစ္စနဲ့ ပတ်သက် ပြီးတော့ အခုလို အခြေ အနေမှာ မူဆလင် တွေရော၊ မြန်မာ တွေရော တယောက်နဲ့ တယောက် ပိုပြီးတော့ ညီ ညွတ်အောင် ၊ ကောင်းကောင်း မွန်မွန် ဆက်ဆံ ကြပါလို့ သူ့ဘက် ကနေ ပြောတယ်။ ဘာလို့လဲ ဆိုတော့ ဒီလို မျိုး ပြဿ နာ တွေဟာ တကယ်တမ်း ကျတော့ အချင်းချင်း ဖြစ်နေကြတဲ့ ပြဿနာတွေ မဟုတ် ဘဲနဲ့ တမင် လုပ် ထားတဲ့ တမင်ဖြစ် နေတဲ့ ပုံစံမျိုး ဖြစ်နေတဲ့ အတွက် ကြောင့်မို့လို့ အားလုံး ကလည်း ဒီလိုမျိုး နားလည် မှုတွေ အချင်းချင်း ကြားမှာ မရှိဘူး ဆိုလို့ ရှိရင် ဒီပြဿနာ တွေက ပိုပြီးတော့ စိုးမိုး လာနိုင်တယ် ဆို ပြီးတော့ ပြောသွား ပါတယ်။”
နိုင်ငံ တကာ အသိုင်း အ၀ိုင်း အနေနဲ့လည်း မြန်မာ နိုင်ငံမှာ ဖြစ်နေတဲ့ လူမှု အသိုင်း အ၀ိုင်းကြား အကြမ်း ဖက် ပဋိပက္ခ တွေကို ထိထိ ရောက်ရောက် ဖြေရှင်း ဆောင်ရွက် နိုင်တာမျိုး မရှိတဲ့ အပေါ်မှာ အထူးပဲ စိုးရိမ် မကင်း ဖြစ်နေ ကြပါတယ်။ အထူး သဖြင့် မနှစ်က ရခိုင် ပြည်နယ်မှာ ဖြစ်ပွား ခဲ့တဲ့ ဘာသာရေး ဆောင်တဲ့ အကြမ်းဖက် မှုတွေမှာ လူပေါင်း ၂၀၀ ကျော် သေဆုံးခဲ့ပြီး ၁ သိန်းခွဲ နီးပါးလောက် အိုးမဲ့ အိမ်မဲ့ ဖြစ်ခဲ့ ရပါ တယ်။
ချက် သမ္မတ နိုင်ငံမှာ ကျင်းပ နေတဲ့ Forum 2000 ညီလာခံကို တက်ရောက် လာတဲ့ နိုဘဲလ် ငြိမ်းချမ်းရေး ဆုရှင် တိဘက် ဘုန်းတော်ကြီး ဒလိုင်း လားမား ကလည်း မြန်မာ နိုင်ငံမှာ ဘာသာရေး အကြမ်းဖက် မှုတွေ နဲ့ ပတ်သက်လို့ မြန်မာ သံဃာတော် တွေကို အခုလို ပန်ကြား သွားပါတယ်။
“မြန်မာ နိုင်ငံက သံဃာတော် တွေအနေနဲ့ မူဆလင် တွေအပေါ် အမျက် ဒေါသ ဖြစ်လာ ကြပြီ ဆိုရင် ဗုဒ္ဓရဲ့ တရားတော် တွေကို ကျေးဇူး ပြုပြီး သတိရ ကြပါလို့ မေတ္တာ ရပ်ခံ ချင်ပါတယ်။ ဒီလို သတိရ လိမ့်မယ် ဆို ရင် မူဆလင် ညီအကို တော်တွေ၊ ညီအမ တွေကို အကာ အကွယ် ပေးနိုင် လိမ့်မယ်လို့ မျှော်လင့် ပါ တယ်။”
မြန်မာ့ ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်း စုကြည် ကလည်း သူရဲ့ သတင်းစာ ရှင်းလင်း ပွဲမှာ မြန်မာ နိုင်ငံမှာ အမျိုးသား ပြန်လည် သင့်မြတ် ရေးအတွက် လိုအပ်ချက် တွေကို နိုင်ငံ တကာ အ သိုင်း အ၀ိုင်း အနေနဲ့ ၀ိုင်းဝန်း ထောက်ပြပြီး ကူညီ ပံ့ပိုး ကြဖို့ တိုက်တွန်း သွားပါတယ်။
အဲဒီ နောက်မှာတော့ ဒေသ စံတော်ချိန် ညပိုင်းမှာ ဒေါ်အောင်ဆန်း စုကြည်ဟာ ချက်သမ္မတ နိုင်ငံ ပရက် မြို့တော် လေဆိပ် ကနေ မြန်မာ နိုင်ငံကို ပြန်လည် ထွက်ခွာ သွားပါပြီ။ စက်တင်ဘာလ ၂၀ ရက်နေ့ မှာတော့ ဒေါ်အောင်ဆန်း စုကြည်ဟာ စင်္ကာပူ နိုင်ငံကို ပထမဆုံး အကြိမ် သွားရောက်မှာ ဖြစ်ပါတယ်။
