၂၀၁၄ သန်းခေါင် စာရင်းနှင့် မြန်မာ မွတ်စလင်

O'Laie Manzu

RB News

11.12.13

၂၀၁၄ ခုနှစ် သန်းခေါင် စာရင်း ကောက်ခံတဲ့ အခါမှာ မြန်မာ နိုင်ငံမှာ ရှိတဲ့ အစ္စလာမ် ဘာသာဝင် တွေက ဘယ်လူမျိုး အဖြစ် ဖြည့်စွတ် သင့်သလဲ ဆိုတဲ့ မေးခွန်း အပေါ်မှာ ဆွေးနွေး မှုတွေ၊ ငြင်းခုန်မှု တွေပေါ်လာ ပါတယ်။ ဒီကိစ္စဟာ သမိုင်း တွင်မယ့် အရေးကြီး ကိစ္စရပ်တစ်ခုဖြစ်တဲ့ အတွက် ဆွေးနွေး သင့် တယ်။ ငြင်း ခုန်သင့်တယ်။ ဒါပေမယ့် အဖြေရှိရာဆီ ကိုတော့ ဦးတည် သင့်ပါတယ်။ သမိုင်း တလျှောက် မြန် မာ နိုင်ငံ မှာ  နေ ထိုင် ကြတဲ့ အစ္စလာမ် သာသနာ ဝင်တွေရဲ့ လူမျိုးရေး ကိစ္စ အငြင်းပွား လာခဲ့ကြ ရင်း ဒီနေ့ ဒီအ ချိန် မှာ မြန်မာ မွတ်စလင်တွေ နင်းပြား ပြားနေ ကြရတယ်။ တစ်စု တစ်စည်း တည်း ဖြေ ရှင်း နိုင်မယ့် အင် အား လည်း မရှိဘူး ဖြစ်နေ ပါတယ်။ ဒီလို ငြင်းကြ ခုံကြရင်း ဒီနင်းပြား ဘဝ နောင်မျိုးဆက် တွေကို အမွေ အဖြစ် လက်ဆင့် ကမ်းကြ ရမယ့်အရေး စိုးရိမ် မိပြီး သုံးသပ် မိသမျှကို အကျဉ်းချုပ် ရေးသား လိုက်ရ ပါတယ်။ 

ဘုံအမည်

မြန်မာ နိုင်ငံမှာ ရှိတဲ့ အစ္စလာမ် သာသနာဝင် တွေကို ပသီ၊ ပသီ ကုလား၊ ဇေတဘာဒီ၊ ကုလား၊ မဟာ မေ ဒင်၊ ဗမာ မူဆလင် နဲ့ မြန်မာ မွတ်စလင် ဆိုပြီး ဘုံနာမည် အမျိုးမျိုးနဲ့ သမိုင်း တလျှောက် ခေါ်လာ ခဲ့တယ် ဆိုတာ အားလုံး အသိဘဲ ဖြစ်ပါတယ်။ ဒီဘုံနာမည် တွေထဲမှာမှ ပသီ နဲ့ ဗမာ မူဆလင် ကတော့ ဘုံနာမည် အဖြစ် ခေါ်တာ ရှိသလို ရှေးအကျဆုံး အစ္စလာမ် ဘာသာဝင် လူမျိုးစု ကနေ ဆင်းသက် လာတဲ့ သီးခြား လူမျိုးစု တစ်စုကို ခေါ်တဲ့ လူမျိုးစု နာမည် လို့လည်း သတ်မှတ် နေကြတာရှိပါတယ်။ ၁၉၄၆ ခုနှစ်မှာ ကျင်းပ ပြုလုပ် ခဲ့တဲ့ ဗမာ မွတ်စလင် ကွန်ဂရက် (ဗမက) ရဲ့ဆုံးဖြတ်ချက် အရ ဗမာ မူဆလင် (အစ္စလာမ် ဘာသာဝင် ဗမာ လူမျိုး) ဆိုတဲ့ ဘုံနာမည် အောက်မှာ ဗမာ လူမျိုးတွေနဲ့ တန်းတူ လူများစု အခွင့် အရေး ယူမယ် ဆိုပြီး ဆုံးဖြတ် ခဲ့တယ်။ နောက်တော့ နိုင်ငံ အမည်ကို အဆွဲပြုပြီး မြန်မာ မူဆလင်၊ မြန်မာ မွတ် စလင်လို့ ဖြစ်လာ ပြန်တယ်။ ဘုံနာမည် အကြောင်း ပြောမယ် ဆိုရင် အဓိကထား စဉ်းစား ရမယ့် အ ချက် နှစ်ချက် ရှိတယ်။ ပထမ အချက် ကတော့ ဒီဘုံနာမည်ဟာ ဘယ်သူ တွေကို ရည်ညွန်း ခေါ်ဝေါ်တဲ့ ဘုံ နာမည်လဲ ဆိုတာ သုံးသပ်ဖို့ လိုပါတယ်။ ကိုးကွယ်တဲ့ ဘာသာကို အခြေခံ တာလား၊ လူမျိုးစု တွေကို အခြေခံ တာလား၊ မျိုးရိုး ဇစ်မြစ်ကို အခြေခံ တာလား၊ ဒါမှမဟုတ် လူ့အသိုင်း အဝိုင်း တစ်ခုကို အခြေခံ တာလား ဆိုတာ ပြန်လည် သုံးသပ်ဖို့ လိုပါတယ်။ နောက်ထပ် အရေးကြီးတဲ့ အချက် ကတော့ ဒီလို ဘုံနာ မည် တစ်ခု လိုအပ် သလား ဆိုတာ ကိုလည်း ခွဲခြား စိတ်ဖြာဖို့ လိုပါတယ်။

မြန်မာ မွတ်စလင်

၂၀၁၄ သန်းခေါင် စာရင်း ကိစ္စ ဆွေးနွေး ကြရင်း ကုလား၊ ပသီ၊ မြန်မာ နဲ့ မြန်မာ မွတ်စလင် ဆိုတဲ့ အမည် နာမည်တွေ အနက်ကဘုံနာမည်တစ်ခုရဲ့အောက်မှာ တရားဝင်တညီ တညွတ်တည်း သုံးစွဲ ကြဖို့ တိုက် တွန်း တာတွေ ပေါ်လာ ခဲ့ပါတယ်။ နိုင်ငံရေး ရေစီးကြောင်း အရ ယခု လက်ရှိ သုံးစွဲ နေတဲ့ မြန်မာ မွတ်စ လင် ဆိုတာ လူမျိုးနဲ့ ဘာသာ ဒွန်တွဲ နေတဲ့ အတွက် လူမျိုး တစ်ခု အဖြစ် ရပ်တည်ဖို့ မရနိုင်ကြောင်း အတော် များများ လက်ခံ လာတဲ့ သဘော ရှိပါတယ်။ အကယ် လို့သာ မြန်မာ နိုင်ငံမှာ နေထိုင် ကြတဲ့ ဒါမှ မဟုတ် မြန်မာ နိုင်ငံသား အစ္စလာမ် ဘာသာဝင် တွေကို ရည်ညွန်း ခေါ်ဝေါ်တဲ့ ဘုံနာမည် ဆိုရင်တော့ “မြန်မာ မွတ်စလင်” ဆိုတာ အသင့်တော်ဆုံး ပါဘဲ။ ဒါဟာ အစ္စလာမ် ဘာသာဝင် လူ့အသိုင်း အဝိုင်း တစ်ခု လုံးကို ခြုံငုံပြီး ခေါ်ဝေါ်တဲ့ အမည် တစ်ခုသာ ဖြစ်ပါတယ်။ ဒါပေမယ့် ဒီမိုကရေစီ စနစ်လို လူထု ကိုယ် စား လှယ် တွေနဲ့ အုပ်ချုပ်တဲ့ ခေတ်ကာလမှာ မြန်မာ မွတ်စလင် (မြန်မာ နိုင်ငံရှိ အစ္စလာမ် ဘာသာ ဝင်) တွေ ကို ကိုယ်စား ပြုဖို့ နိုင်ငံရေး အရလည်း စဉ်းစားဖို့ လိုသေးတယ်။ ကိုယ်စားလှယ် ရှိမှလည်း မြန်မာ မွတ်စ လင် တွေရဲ့အရေး နိုင်ငံရေး စင်မြင့်မှာ ပြောဆို ဆွေးနွေးလို့ ရမှာကို။ တချိန်တည်း မှာ လည်း မြန် မာ နိုင် ငံဟာ ဘာသာရေး ကိုယ်စားလှယ် တွေနဲ့ အုပ်ချုပ်တဲ့ နိုင်ငံရေး စနစ် မဟုတ်တဲ့ အတွက် မြန်မာ မွတ်စ လင် ဆိုတဲ့ အစ္စလာမ် ဘာသာဝင် တွေကို သီးခြား ကိုယ်စား ပြုမယ့် ကိုယ်စားလှယ် ရနိုင်ဖို့ ကတော့ သ ဘာ ဝ မကျ ပြန်ပါဘူး။ ဒါကြောင့် ဘာသာ တူသူ တွေကို စုပြီးခေါ်တဲ့ ဘုံအမည် အစား လူမျိုးစုကို အခြေခံ တဲ့ ဘုံအမည် အဖြစ် ပြောင်းလဲ စဉ်းစား လာကြ ခဲ့တယ်။ မြန်မာ မွတ်စလင် ဆိုတာ ဘယ်လို လူတွေလည်း ဆိုတာကို စဉ်းစား လာခဲ့ ကြတယ်။ ပသီ၊ ကုလား၊ မြန်မာ ဆိုတဲ့ လူမျိုးစု အမည်ကို စဉ်းစား ဖို့ ပေါ်လာ တယ်။

ပသီ လူမျိုး

အခု တလော ပသီ လူမျိုး အဖြစ်ခံ ယူကြဖို့ တိုက်တွန်း နေတာတွေ ပြန်ပေါ် လာတယ်။ ဒါပေမယ့် ခက် တာက ပသီ ဆိုတာကို ရှု့မြင်တဲ့ အမြင်တွေ ကလည်း ကွဲနေ သေးတယ်။ တချို့က ပသီ လူမျိုး ဆို တာ ရှေ့အကျဆုံး တောင်အာရှနဲ့ အရှေ့ အလယ်ပိုင်းက ဆင်းသက် လာတဲ့ လူမျိုးစု တွေ ကနေ ပေါက် ဖွားလာ တဲ့ သီးခြား လူမျိုးစု တစ်စု ဖြစ်တယ်လို့ သတ်မှတ် ကြတယ်။ တချို့ကျ ပြန်တော့ ပသီ ဆို တာ မြန်မာ နိုင်ငံမှာ နေထိုင် ကြတဲ့ ရိုဟင်ဂျာ၊ ပန်းသေး၊ ပသျှူး၊ ပထန်၊ မယ်မန်၊ ကျူလီယာ၊ စူရ်သီ အစ ရှိ တဲ့ လူမျိုးတွေ အပါ အဝင် တောင်အာရှ လူမျိုးစု တွေနဲ့ မျိုးစပ်တဲ့ ကပြားတွေ အားလုံးကို ခြုံငုံ ခေါ်ဝေါ်တဲ့ ဘုံအမည် ဖြစ်တယ်လို့ သတ်မှတ် ကြပြန်တယ်။ တနည်း ပြောရရင် မြန်မာ မွတ်စလင် တွေအနက်က ပသီ လူမျိုးဟာ သီးခြား လူမျိုးစု တစ်စု ဖြစ်တယ်လို့ မြင်တဲ့သူတွေ ရှိသလို မြန်မာ မွတ်စလင် တွေအားလုံး ပါတဲ့ ဘုံလူမျိုး အမည် တစ်ခု ဖြစ်တယ်လို့ မြင်နေ တာတွေလည်း ရှိပါတယ်။

ပသီ လူမျိုးရဲ့သမိုင်းကို ပြန်ကြည့်ရင် အာရပ် ကုန်သည်တွေ၊ ပါရှန် လူမျိုးတွေ၊ ပဒေသရာဇ် ခေတ်က စစ် မှုထမ်း တောင်အာရှ မျိုးဆက်တွေ လည်းပါတယ်။ မျိုးရိုး ဇစ်မြစ်ကို အခြေခံ တယ်လို့ ယူဆ သူတွေ ရှိသလို အများ အားဖြင့် ကတော့ လက်ရှိ မြန်မာ နိုင်ငံ အလယ်ပိုင်း မြစ်ဝ ကျွန်းပေါ် ဒေသ ကိုရောက်ရှိ လာကြတဲ့ အစ္စလာမ် ဘာသာဝင် တွေကို ဘုံလူမျိုး အဖြစ် ခေါ်ဝေါ် ခဲ့ကြတယ်လို့ မှတ်ယူ ထားကြ ပါတယ်။ မျက်မှောက်ခေတ် အမြင် အရ ပဒေသရာဇ်ခေတ် ကတည်းက မြန်မာ့ နယ်နမိတ် အတွင်း ကို ရောက်ရှိ နေထိုင် ကြသူတွေ အားလုံးဟာ နိုင်ငံသား အဖြစ် မှတ်ယူ ထားတဲ့ အတွက် ပသီ တွေ ဟာ နိုင်ငံခြားသား လို့သတ်မှတ်လို့ မရပါဘူး။ ပသီ တွေဟာ နိုင်ငံခြားသား မဟုတ်တဲ့ အ တွက် နိုင် ငံခြား သားနဲ့ တိုင်းရင်းသား ပေါင်းစပ်တဲ့ ကပြား တွေလို့လည်း ယူဆလို့ မရပါဘူး။ ဒီလိုဘဲ ရိုဟင် ဂျာ၊ ပန်းသေး၊ ပသျှူး၊ မြေဒူး နဲ့ ကမန် လူမျိုး တွေကလည်း ပဒေသရာဇ် ခေတ်ကတည်းက ပ သီတွေ နဲ့ ခေတ် ပြိုင် ရှိခဲ့ ပါတယ်။ ဒါကြောင့် သမိုင်းကြောင်း တလျှောက် သီးခြား လူမျိုး စု တွေ အဖြစ် နေထိုင် လာခဲ့ ကြ တဲ့ ရိုဟင်ဂျာ၊ ပန်းသေး၊ ပသျှူး၊ မြေဒူး နဲ့ ကမန် လူမျိုး တွေကို ပသီ လူမျိုး အောက်ထဲ ဆွဲထည့် လိုက်မယ် ဆိုရင် ဘယ်လိုမှ သဘာဝ မကျပါဘူး။

တချိန် တည်းမှာ မိမိကိုယ် မိမိ အာရပ် ကုန်သည်တွေ၊ ပါရှန် လူမျိုးတွေ၊ ပဒေသရာဇ် ခေတ်က စစ်မှု ထမ်း တောင်အာရှ မျိုးဆက် တွေကနေ ပေါက်ဖွား လာတယ်လို့ ခံယူ ကြရင်တော့ လွတ်လွတ် လပ်လပ် ပသီ လူမျိုးလို့ ခံယူ ပိုင်ခွင့် ရှိပါတယ်။ ပဒေသရာဇ် ခေတ်မှ မဟုတ် ပါဘူး၊ ကိုလိုနီ ခေတ် အတွင်း မှာ မြန်မာ နိုင်ငံကို ရောက်လာတဲ့ တောင်အာရှ မျိုးနွယ်စု တွေကနေ ပေါက်ဖွား လာသူ တွေလည်း ပသီ လူမျိုး အဖြစ် ခံယူ ခွင့်ရှိ ပါတယ်။ လူမျိုး တစ်မျိုး ဆိုတာ နေချင်း ညချင်း ပေါ်ပေါက် လာတာ မဟုတ် ပါဘူး။ လူမျိုး ဆိုတာ အချိန် ကာလနှင့် အမျှ ပြောင်းလဲ တက်တဲ့ Process ဖြစ်တည်မှု မျိုးပါ။ လူအုပ်စု တစ်စုဟာ လူမျိုး တစ်မျိုး အသွင်ဆောင် လာဖို့ အတွက် နှစ်ပေါင်း ရာနဲ့ ထောင်နဲ့ ချီကြာလေ့ ရှိပါတယ်။ ပထဝီ အနေ အထား၊ လူမှု ဘဝ၊ ဘာသာ စကား၊ ကိုယ်ကွယ်တဲ့ ဘာသာ၊ ယဉ်ကျေးမှု၊ ဓလေ့ ထုံးစံ အစ ရှိတဲ့ ပြောင်းလဲမှု တွေနဲ့ အတူ လူမျိုးစု တွေဟာလည်း ပေါ်လာ တတ်တယ်၊ ပျောက်ကွယ် သွားတတ် တယ်။ ပြောင်းလဲ သွားတတ် ပါတယ်။ ပသီ လူမျိုး ဖြစ်တည်မှု Process က အင်္ဂလိပ် -ဗမာ ပထမ စစ်ဖြစ် လိုက်တာနဲ့ ရပ်မသွား ပါဘူး။ အင်္ဂလိပ် -ဗမာ ပထမစစ် ရဲ့ အရှေ့ ပိုင်းတွေ၊ အနောက် ပိုင်းတွေနဲ့ အချိန် ကာလ စည်းမျဉ်း ခြားတာက သက်ဆိုး ရှည်ခဲ့တဲ့ အာဏာရှင် ဟောင်း ဦးနေဝင်းရဲ့ အယူ အဆ သာ ဖြစ် ပါ တယ်။ အင်္ဂလိပ်- ဗမာ ပထမ စစ်ပြီး ခဲ့တဲ့ ၁၈၂၆ ခုနှစ်ကို အခြေခံပြီး ပိုင်းခြားတဲ့ တိုင်းရင်း သား လူ မျိုး-နိုင်ငံခြားသာ လူမျိုး ဆိုတဲ့ ဦးနေဝင်းရဲ့ခွဲခြား သတ်မှတ်မှု နည်းနာ အတိုင်းလည်း ရပ်တည်ဖို့ မလို ပါ ဘူး။ယခု မျက်မှောက် ခေတ်ကိုလည်း ပသီ လူမျိုး အသွင် ကူးပြောင်း နေတဲ့ ကာလ တစ်ခု အဖြစ် မှတ် ယူ နိုင်ပါတယ်။ ဒါကြောင့် အာရပ် ကုန်သည်တွေ၊ ပါရှန် လူမျိုးတွေ၊ တောင်အာရှ မျိုးဆက်တွေ ကနေ ဆင်းသက် လာပြီး မြန်မာ့လူ့ယဉ်ကျေးမူ ရေစီးကြောင်း အတိုင်း နေထိုင် သူတိုင်းဟာ ပသီလူမျိုး ဖြစ် တယ် လို့ ခံယူပိုင် ခွင့်ရှိ ရမှာ ဖြစ်ပါတယ်။

မြန်မာ (ဗမာ) လူမျိုး

၁၉၄၆ ခုနှစ် ဇန္နဝါရီလ မှာကျင်းပတဲ့ ဖဆပလ ရွှေတိဂုံ အလယ် ပစ္စယံ ညီလာခံမှာ ဗမာ မူဆလင် တွေဟာ လူနည်းစု အခွင့် အရေး အပြည့် အဝ ရသင့်တယ်၊ ဒီလို လူနည်းစု အခွင့် အရေး အပြည့် အဝ ရဖို့ အတွက် ကိုလည်း ဖဆပလ အဖွဲ့ချုပ် ကြီးက တာဝန် ယူတယ် ဆိုပြီး ဆရာကြီး ဒီဒုတ် ဦးဘချိုက အဆို တင်သွင်း ခဲ့တယ်။ ဒါပေမယ့် အဲဒီနှစ် ဒီဇင်ဘာလမှာ ကျင်းပတဲ့ ဗမက အဖွဲ့ချုပ် နှစ်ပတ်လည် ညီလာခံမှာ လူနည်းစု အခွင့် အရေး ကိစ္စနဲ့ ပတ်သက်ပြီး (၃၇) မဲ - (၃၇) မဲ မဲချင်းတိုက် နေတော့ သဘာပတိ ဖြစ်တဲ့ ဆရာကြီး ဦးရာဇတ်က ဘယ်ဘာသာဘဲ ကိုးကွယ် ကိုးကွယ် ဗမာ လူမျိုးဟာ ဗမာ လူမျိုးဘဲ ဆိုတဲ့ အယူ အဆကို လက်ကိုင် ထားပြီး ဗမာ လူမျိုး နည်းတူ လူများစု အခွင့် အရေးသာ ရယူ သင့်ကြောင်း ဆုံးဖြတ် ပေး ခဲ့ တယ်။

မျက်မှောက်ခေတ် မြန်မာ နိုင်ငံမှာ ရှိရှိသမျှ လူမျိုးစုတွေ အားလုံးကို ခြုံငုံပြီး “မြန်မာ လူမျိုး” လို့ကျယ် ကျယ် ပြန့်ပြန် အဓိပ္ပါယ် ဖွင့်ကြ သလို ဆရာကြီး ဦးရာဇာတ် တို့ခေတ်က လက်ခံ ထားကြတဲ့ “ဗမာ လူမျိုး” ဆိုတဲ့ သက်မှတ်ချက်က ကျယ်ပြန့်တယ်။ Inclusive တော်တော်လေး ဖြစ်ပါတယ်။ နောက်ပိုင်းတော့ ဗမာ လူမျိုး ဆိုတဲ့ သက်မှတ် ချက်ဟာ မျိုးရိုး ဗီဇကို အခြေခံတဲ့ သီးခြား လူမျိုးစု တစ်စု အသွင်ကို ဦးတည် လာခဲ့ ပါတယ်။ တချို့ကျ ပြန်တော့လည်း ဗမာ ဆိုတာ နိုင်ငံ အမည်ကိုဘဲ ခေါ်တာ ပါလို့ ပြောကြ ပြန်တယ်။ ဗ မာနဲ့ မြန်မာ အမည် နာမတွေကို လက်ခံတဲ့ ပုံတွေ အပေါ်မှာ အငြင်းပွားမှု တွေဖြစ် လာခဲ့တယ်။ တစ်ဖက် မှာတော့ ဗမာ ဆိုပြီး ပြည်မမှာ နေထိုင် ကြတဲ့ လူမျိုးစု တွေနဲ့ တန်းတူ ရပ်တည် ကြတဲ့ အစ္စလာမ် ဘာသာ ဝင် ဗမာ (ဗမာ မူဆလင်) တွေဟာ ဗမာ အဖြစ် မရပ်တည် ကြတော့ဘဲ နိုင်ငံ အမည်နဲ့ အတူ အစ္စလာမ် ဘာသာဝင် မြန်မာ လူမျိုး (မြန်မာ မွတ်စလင်) လို့ တဖြည်းဖြည်း ပြောင်းလဲ လာခဲ့ ပါတယ်။

တစ်ချိန်က ဒီနိုင်ငံ၊ ဒီနယ်နမိတ် အတွင်းမှာ တမြေတည်းနေ၊ တရေတည်း သောက် အတူ တကွ နေထိုင် ကြသူ တွေကို ဗမာ လူမျိုးတွေ ပါဘဲလို့ တပြေးညီ သတ်မှတ် ခဲ့ကြ ပေမယ့် အခုခေတ် မြန်မာ လူမျိုး (အ ချို့ အယူ အဆ အရ ဗမာ လူမျိုး) ဆိုတဲ့ အထဲ မှာတော့ သက်ဆိုင်ရာ လူမျိုးစု ကွဲတွေ ရှိနေ ပြန်တယ်။ ဒါ ကို တိုင်းရင်းသား လူမျိုးစု ဆိုတဲ့ ကန့်သတ်ချက် တွေချ ထားတယ်။ တိုင်းရင်းသား ဆိုတာ ကလည်း ဦးနေ ဝင်း သတ်မှတ် ပေးခဲ့တဲ့ ၁၈၂၆ ခုနှစ်ကို ပေတံ တစ်ခု အဖြစ် လက်ရှိ တိုင်းတာ နေဆဲ ဖြစ်ပါတယ်။ တချိန် က တိုင်းရင်းသား အဖြစ် အသိ အမှတ် ပြုပေး ခဲ့တဲ့ ရခိုင်- စစ်တကောင်း၊ မြန်မာ မူဆလင်၊ မြေဒူး၊ မြန်မာ-အိန္ဒိယ တွေကိုလည်း မြန်မာ တိုင်းရင်းသား စာရင်းက ပယ်ဖျက် ခဲ့တယ်။ ဒါကြောင့် လက်ရှိ အနေ အထား အရ ဗမာ၊ ကရင်၊ ရှမ်း အစရှိတဲ့ တိုင်းရင်းသား လူမျိုးစု ဆိုရင်တော့ အားလုံး တန်းတူ မြန်မာ လူမျိုးလို့ လက်ခံ နိုင်တယ်။ ဒါဟာ ကိုးကွယ်တဲ့ ဘာသာ အပေါ် အခြေခံတာ မဟုတ်ဘဲ လူမျိုးစု အပေါ် အခြေခံ တာဖြစ်တယ်။ မြန်မာ့ နယ်နမိတ် အတွင်းမှာ သန္ဓေ တည်ခဲ့တဲ့ ရိုဟင်ဂျာ၊ ပသီ၊ ပန်းသေး၊ မြေဒူး နဲ့ ပသျှူး လူမျိုး တွေကတော့ မြန်မာ့ လူမျိုးစုတွေ ဟုတ်မဟုတ် ဆိုတာ ဆက်လက် အငြင်းပွား နေဦးမှာ ဖြစ်ပါတယ်။ ဒီလူမျိုးစု ဝင်တွေ အနေနဲ့ အခြား မြန်မာ လူမျိုးတွေ နည်းတူ တန်းတူ အခွင့် အရေး ရဖို့ အတွက် ဆက် လက် ချီတက် ရမယ့် တော်လှန်ရေးကြီး တစ်ရပ် ဖြစ်ပါတယ်။ စူရ်သီ၊ မယ်မာန်၊ ကျူလီယာ၊ ဘန်ဂါ လီ၊ ပထန် အစရှိတဲ့ တောင်အာရှ နိုင်ငံ တွေမှာ သန္ဓေတည် ခဲ့တဲ့ လူမျိုးစု တွေကိုတော့ မြန်မာ လူမျိုး အဖြစ် သို့မဟုတ် မြန်မာ နိုင်ငံရဲ့ တိုင်းရင်း ဌာနေ လူမျိုးစုတွေ အဖြစ် တရားဝင် လက်ခံ ပေးမှာ မဟုတ်ဘူး ဆိုတာ မြင်သာနေ ပါတယ်။

ကုလား လူမျိုး

တချို့ ကတော့ တောင်အာရှ မျိုးဆက်ကို ရှေ့တန်း တင်ပြီး ကုလား ဆိုတာ ကိုဘဲ ဘုံလူမျိုး အဖြစ် ရပ် တည်ဖို့ တိုက်တွန်း နေတာ တွေကိုလည်း တွေ့ရ ပါတယ်။ လူမျိုး နာမည် ဘယ်လိုဘဲ တပ်တပ် အစ္စလာမ် ဘာသာဝင် တိုင်းကို ကုလားလို့ ခေါ်နေမယ့် အတူတူတော့ မထူးဇတ်ခင်းတဲ့ သဘောနဲ့ ကုလားလို့သာ ခံယူကြမယ် ဆိုတဲ့ အတွေး အခေါ် ဖြစ်ပါတယ်။ ကုလား ဆိုတာဟာ ချိုးနှိမ် ခေါ်ဝေါ်ရုံ သက်သက် မ ဟုတ် ဘဲပြောင်းရွှေ့ လာသူတွေကိုခေါ်တာဖြစ်တဲ့ အတွက် ကုလားလို့ ခံယူခြင်းဟာ ပြောင်းရွှေ့ လာ သူတွေ ဖြစ် တယ်ဆိုတာကို တရားဝင် လက်ခံ လိုက်တဲ့ သဘော သက်ရောက် ပါတယ်။ မြန်မာ နိုင်ငံ အတွင်း မှာ နေ ထိုင်ကြသူ တိုင်းဟာ အခြား ဒေသ တစ်ခုက ပြောင်းရွေ့ လာသူ တွေပါဘဲ၊ အချိန် ကာလဘဲ ကွာ တယ် လို့ စောဒက တက်နိုင် စရာ ရှိပါတယ်။ ဒါဟာ “ပြောင်းရွှေ့ လာသူ” ဆိုတဲ့ အဓိပ္ပါယ် သတ်မှတ်ချက် အပေါ် မှာ အချိန် ကာလ တစ်ခုရဲ့ပိုင်းခြားချက် ဖြစ်ပါတယ်။

ကုလားလို့သာ လက်ခံ ကြလိမ့် မယ်ဆိုရင် မြန်မာနိုင်ငံ အတွင်းမှာ ကုလား လူမျိုးတွေ ရှိတယ် ဆိုတာကို အစိုးရက အမြန်ဆုံး အသိ အမှတ် ပြုပေး လိမ့်မယ်။ ဒါပေမယ့် ဒီအသိ အမှတ် ပြုခြင်းနဲ့ အတူ ပြောင်းရွှေ့ လာသူတွေ၊ နိုင်ငံခြား မျိုးနွယ်စုတွေ ဆိုတဲ့ အမှတ် တံဆိပ် ကလည်း တပါတည်း တွဲပါ လာလိမ့်မယ် ဆို တာ ကိုတော့ သတိ မူသင့် ပါတယ်။ အထက်မှာ ဖော်ပြ ခဲ့သလို တောင်အာရှ နိုင်ငံ တွေမှာ သန္ဓေတည် လာခဲ့တဲ့ လူမျိုးတွေ အဖြစ်ခံယူ ကြမယ်၊ တောင်အာရှ ယဉ်ကျေးမှုကို လေ့လာလိုက် ကြစားမယ်၊ တောင် အာရှရဲ့ မျိုးရိုး အဖြစ်သာ ရပ်တည် ကြမယ် ဆိုရင် ကျူလီယာ၊ မယ်မန်၊ စူရ်သီ၊ ဘန်ဂါလီ၊ ပထန် စတဲ့ လူ မျိုးစုတွေ အဖြစ်နဲ့ ရပ်တည်ကြပြီး ကုလားလူမျိုးဆိုတဲ့ ဘုံနာမည် အောက်မှာ နေထိုင် နိုင်ကြ ပါ တယ်။ မြန် မာ ဖြစ်ဖို့ အရေး ကုလား သွေးဖောက် ထုတ်ပေးလို့ မရဘူးလို့ ခံယူနေကြတဲ့ တောင်အာရှ မျိုး ချစ် ဝါဒီတွေ အနေနဲ့ နိုင်ငံခြားသား လူမျိုးစုတွေ အဖြစ်သာ ရပ်တည် ကြမယ် ဆိုရင်လည်း လွတ်လွတ် လပ်လပ်ကိုယ့် လမ်းကိုယ်ရွေးပိုင်ခွင့် အပြည့်ရှိပါတယ်။ ဒါပေမယ့်ကုလားလုပ်လို့ သူတွေအနေနဲ့ ကတော့ တွေ့ရ မယ့်ဘေး ကြိုတွေး ထားဖို့ လိုသလို မြန်မာ့ နယ်နမိတ် အတွင်းမှာ သမိုင်းကြောင်း ချီပြီး သန္ဓေတည် လာ တဲ့ ပသီ၊ ပသျှူး၊ ရိုဟင်ဂျာ၊ ကမန်၊ ပန်းသေး၊ မြေဒူး စတဲ့ လူမျိုး တွေရဲ့ ရပ်တည် မှုကို မထိ ခိုက် မိစေဖို့ အတွက် အထူး သတိပြုဖို့ လိုအပ် ပါတယ်။

ကပြား ပြဿနာ

မြန်မာ မွတ်စလင် အကြောင်း ပြောရင် ကပြား ဆိုတာက အမြဲ ပါလာတက် ပါတယ်။ ကမ္ဘာ နေရာ အနှံ့မှာ မတူ ကွဲပြားတဲ့ လူမျိုးတွေ ရောထွေး နေထိုင် ကြတာ ဖြစ်တဲ့ အတွက် လူမျိုး မတူသူတွေ အချင်းချင်း ထိမ်း မြှား ကြတာဟာ ထူးဆန်းတဲ့ ကိစ္စရပ် မဟုတ် ပါဘူး။ မြန်မာ မွတ်စလင် တွေကသာ တမူထူးပြီး ကပြား ဇာ တိပြ နေတာမဟုတ်ပါဘူး။ကပြား ဆိုတာ ကိုလည်း ရှေ့တန်း တင်ဖို့ မလိုအပ် ပါဘူး။ ကပြား ဟုတ်ခြင်း- မ ဟုတ်ခြင်း ဆိုတာဟာ လူတွေရဲ့ သတ်မှတ် ချက်သာ ဖြစ်ပါတယ်။ မျိုးရိုး သတ်မှတ် မှုတွေ ကို ပြန် ကြည့် တဲ့ အခါမှာ အဖေဖက် နဲ့ အမေဖက် မျိုးရို နှစ်ခု လုံးကို တန်းတူညီမျှ အသိ အမှတ် ပြုတဲ့ Bilateral Rules ကိုလက်ခံ ကျင့်သုံးသူ တွေသာလျှင် ကပြား အဖြစ် ခံယူ ကြပါတယ်။ ဒီနည်း နာဟာ မျိုးရိုး သတ်မှတ် ချက်မှာ တစ်ခု တည်းသော နည်းနာ မဟုတ် သလို မြန်မာ နိုင်ငံမှာ ရှိတဲ့ လူမျိုးတွေ ကလည်း ဒီနည်းနာ အတိုင်း ကျင့်သုံး ရမယ်လို့ ဥပဒေနဲ့ဘဲ ဖြစ်ဖြစ်၊ ဓလေ့ ထုံးတမ်း အရဘဲ ဖြစ်ဖြစ် အတည် တကျ သတ်မှတ် ထားတာ မရှိပါဘူး။ ဒါကြောင့် လူမျိုး မတူသူ မိဘ နှစ်ပါးက ပေါက်ဖွား လာသူတိုင်း ကပြား ဖြစ်တယ်လို့ တသတ်မှတ်တည်း မှတ်ယူလို့ မရပါဘူး။ တချို့က Unilineral Rules လို့ခေါ်တဲ့ မျိုးရိုး တစ်ခုတည်း ကိုဘဲ လိုက်တဲ့ နည်းနာတွေ အတိုင်း လိုက်ခံ ကြပါတယ်။ မျိုးရိုးစဉ် ဆက်တစ်လျှောက် အဖေဖက် ဒါမှမဟုတ် အမေဖက် တစ်ခုခု ကိုဘဲ အစဉ် တစိုက် လိုက်တာ ဖြစ်တယ်။ ဒီထဲ မှာမှ အဖေဖက် လိုက်တယ်ဆို Patrilineal၊ အမေဖက် လိုက်တယ် ဆိုရင်တော့ Matrilineal လို့သတ်မှတ် ပါတယ်။ ဒါပေမယ့် အဖေဖက် ကိုဘဲ လိုက်ရမယ်၊ အမေဖက် ကိုဘဲ လိုက်ရမယ် ဆိုတဲ့ စည်းကမ်း သတ်မှတ် ချက်လည်း မရှိပြန် ပါဘူး။ တချို့ကျ ပြန်တော့ Ambilineal Rule ဆိုတဲ့ အနေနီးတဲ့ ဆွေမျိုး အသိုင်း အဝိုင်း ဖက်ကို လိုက်ကြ ပါ တယ်။ အဖေရဲ့ အမျိုး တွေကြားမှာ ကြီးပြင်းလို့ အဖေရဲ့လူမျိုး အဖြစ် ခံယူ တာမျိုး၊ အမေရဲ့ အ မျိုး တွေ ကြားမှ ကြီးပြင်းရင် အမေရဲ့ လူမျိုး အဖြစ် ခံယူတာမျိုး ဖြစ်ပါတယ်။ နောက်တခု ကတော့ Double Descent ဆိုတဲ့ နှစ်မျိုး လုံးကို ခွနှင်းတဲ့ သက်မှတ် ချက်လည်း ရှိပါ သေးတယ်။ အဖေရဲ့ အမျိုးတွေ ကြားရောက်တော့ အဖေရဲ့ လူမျိုး၊ အမေရဲ့ အမျိုးတွေ ကြားရောက်တော့ အမေ လူမျိုး လုပ်တာ မျိုး ဖြစ် ပါတယ်။ မြန်မာ နိုင်ငံမှာ ရှိတဲ့ လူမျိုး တွေဟာ ဒီလို လူမျိုး သတ်မှတ် ရာမှာ ဘယ်နည်း နာကိုဘဲ အတည် တကျ ကျင့်သုံးမယ်လို့ ပြဋ္ဌာန်း သတ်မှတ် ချက်တွေ မရှိတဲ့ အတွက် မြန်မာ မွတ်စလင် တွေကိုလည်း အဖေ ဖက်ရော အမေ ဖက်ပါ လိုက်ပြီး အပေါင်း လက္ခဏာ တွေနဲ့ လူမျိုး နှစ်ခု စလုံးကို ထည့်ရ မယ်လို့ အတင်း အဓမ္မ လုပ်လို့ မရပါဘူး။ လူတစ်ယောက်ချင်း စီမှာ ကိုယ်ပိုင် ရွေးချယ် ခွင့်ရှိတယ် ဆိုတာ အရင်ဆုံး ကိုယ့်ကိုကိုယ် အသိ အမှတ် ပြုဖို့ လိုပါတယ်။ ကရင် သွေးစပ်လို့ ကရင် လူမျိုး အဖြစ် ခံယူချင်တယ် ဆို ရင်လည်း ကရင် လူမျိုး အဖြစ် ခံယူပိုင်ခွင့် အပြည့် အဝ ရှိပါတယ်။ ဒါပေမယ့် ကရင် လူမျိုး အဖြစ် ခံယူ မယ် ဆိုရင်တော့ ကရင်ရဲ့ ရိုးရာ ဓလေ့နဲ့ ယဉ်ကျေးမှု တွေကိုလည်း မြတ်နိုး တန်ဖိုး ထားပြီး လိုက်နာ ကျင့် သုံးဖို့ လိုပါတယ်။ ဘာသာရေးနဲ့ လူမျိုးရေး ခွဲခြား တတ်ဖို့ လိုအပ် ပါတယ်။

၂၀၁၄ သန်းခေါင် စာရင်း

မြန်မာ နိုင်ငံမှာ နေထိုင် ကြတဲ့ အစ္စလာမ် ဘာသာ ဝင်တွေ အနေနဲ့ လက်ရှိ အစိုးရက အသိ အ မှတ် ပြု ထားတဲ့ တိုင်းရင်းသား လူမျိုး ၁၃၅ စုထဲက လူမျိုးစု တစ်ခုခု အဖြစ် သန်းခေါင် စာရင်း မှာ ရွေး ချယ် ဖြည့် စွတ် လိုက်တာနဲ့ တိုင်းရင်းသား ဖြစ်သွား ပြီလို့ မှတ်ယူလို့ မရပါဘူး။ ဒါပေမယ့် သန်းခေါင် စာရင်း ထုတ် ပြန် ကြေညာတဲ့ အခါမှာ ဘယ်လူမျိုးရဲ့ ဘယ်လောက် ရာခိုင်နှုန်းက ဘယ်ဘာသာကို ကိုးကွယ်တယ် ဆိုပြီး လူမျိုးနဲ့ ကိုးကွယ်တဲ့ ဘာသာ ယှဉ်တွဲ နေလိမ့်မယ် ဆိုတာကို သတိမူ သင့်ပါတယ်။ တိုင်းရင်းသား ၁၃၅ မျိုး စာရင်းမှာ မပါ ပေမယ့် ကိုယ့်ကိုကိုယ် မြန်မာ အဖြစ်ခံ ယူထား ကြတဲ့ အစ္စလာမ် ဘာသာ ဝင်တွေ က လူမျိုးစု နေရာမှာ “အခြား တိုင်းရင်း သားများ” ဆိုတာ ကိုသာ ရွေးချယ်ပြီး မိမိ သက်ဆိုင်ရာ ရိုဟင်ဂျာ၊ ပသီ၊ ပန်းသေး၊ ပသျှူး၊ မြေဒူး ဆိုတာကို လက်ရေးနဲ့ ရေးထည့်ဖို့ လိုအပ် ပါလိမ့်မယ်။ ဒါဟာ တစ်ဦး တစ်ယောက်ချင်း စီက မိမိကိုယ် မိမိ တိုင်းရင်းသား ဖြစ်ပါတယ်လို့ ကြွေးကြော် လိုက်တာ ဖြစ်ပါတယ်။

ဒါမှ မဟုတ် ကုလား အဖြစ် ခံယူပြီး နိုင်ငံခြား သွေးနှော တယ်လို့ လက်ခံ ထားသူ တွေကလည်း “မြန် မာ-နိုင်ငံခြား သွေးနှောများ” ဆိုတာကို ရွေးပြီး မိမိခံယူတဲ့ ကျူလီယာ၊ မယ်မန်၊ စူရ်သီ၊ ဘန်ဂါလီ၊ ပ ထန် အစရှိတဲ့ လူမျိုးတစ် မျိုးမျိုးဘဲ ဖြစ်ဖြစ်၊ အပေါင်း လက္ခဏာ တွေခံပြီး နှစ်မျိုး သုံးမျိုးဘဲ ဖြစ်ဖြစ် လက်ရေးနဲ့ ထည့်ရေး နိုင်ပါတယ်။ သန်းခေါင် စာရင်း ဖြည့်တဲ့ အခါမှာ ‘မြန်မာ- နိုင်ငံခြား သွေးနှောများ’၊ ‘အိန္ဒိယ’၊ ‘ပါကိစ္စတန်’၊ ‘ဘင်္ဂလား ဒေ့ရှ်၊ ဘင်္ဂလီ’ အစ ရှိတဲ့ လူမျိုး တွေကို ရွေးချယ် ထားကြပြီး အစ္စလာမ် ဘာသာ ဝင် တွေပါ ဆိုရင်တော့ “မြန်မာ နိုင်ငံ မှာရှိတဲ့ အစ္စလာမ် ဘာသာ ဝင်တွေက သူတို့ကိုယ် သူ တို့ နိုင် ငံခြား သား အဖြစ် ခံယူ ကြသူတွေ၊ နိုင်ငံသား သွေးနှော သူတွေ အဖြစ် ခံယူ ကြသူတွေ၊ တိုင်း ရင်း သား အဖြစ် မရွေးချယ် ကြသူတွေ ပါလို့” တရားဝင် မှတ်တမ်း တင်လိုက် သလို ဖြစ်နေ ပါလိမ့်မယ်။ ဦးနေဝင်းနဲ့ စစ်အာ ဏာ ရှင်တွေ ပေးခဲ့တဲ့ “နိုင်ငံခြားသား သွေးနှောတယ်” ဆိုတဲ့ အယူ အဆကို သက်ဆိုး ရှည်အောင် အင် အား ဖြည့်သလို ဖြစ်သွားမယ် ဆိုတာ သတိ ပြုကြဖို့ လိုအပ် ပါတယ်။