လူမျိုးအမည် လွတ်လပ်စွာ ပြောခွင့်ပြုဖို့ ဗြိတိန်သံရုံး ကြေညာချက်ထုတ်
RB News
30.3.2014
ရန်ကုန် ။ ။ ပြန်ကြားရေး ဒုဝန်ကြီး ဦးရဲထွဋ်က သန်းခေါင်စာရင်းတွင် ရိုဟင်ဂျာ ထည့်သွင်း ရေးသားခွင့် ပြုမည် မဟုတ်ကြောင်း ဥပဒေချိုးဖောက်၍ မီဒီယာများကို ပြောဆိုခဲ့ပြီးနောက် ဗြိတိန်သံရုံးက ယမန်နေ့ ညပိုင်းတွင် အရေးပေါ် ကြေညာချက် တစ်စောင် ထုတ်ပြန်ခဲ့သည်။
ဗြိတိန်သံရုံး၏ ထုတ်ပြန်ချက်တွင် မြန်မာအစိုးရက သန်းခေါင်စာရင်း ကောက်ယူရာတွင် ဖြေဆိုသူများ အားလုံးကို မိမိတို့၏ လူမျိုးအမည်ကို နိုင်ငံတကာ စံချိန်စံညွန်းနှင့် အညီ လွတ်လပ်စွာ ဖော်ပြခွင့် ပေးမည်ဟု ကတိပြုထားကြောင်း၊ သို့သော် လတ်တလော ဖြစ်ပေါ်နေသည့် အခြေအနေအရ အစိုးရက ကတိ ပေးထားသည့် အတိုင်း ဖြည့်ဆည်း မပေးမည်ကို စိုးရိမ်ကြောင်း၊ ယခု ကျင်းပမည့် ပြည်လုံးကျွတ် သန်းခေါင်စာရင်း ကောက်ယူ ရာတွင် ပါဝင် ဖြေဆိုမည့် သူတိုင်း ခြိမ်းခြောက်မခံရဘဲ လွတ်လပ်စွာ ဖြေဆိုခွင့် ရရန် အစိုးရ အနေဖြင့် စီမံပေးရန် လွန်စွာ အရေးကြီးကြောင်း ထည့်သွင်း ဖော်ပြထားပါသည်။
ဗြိတိန်သံရုံးက ရခိုင်ပြည်နယ် အရေးကို စိုးရိမ်ကြောင်း ကိုလည်း ရေးသား ဖော်ပြထားပါသည်။
