ဒုချီရားတန်း အလယ်ရွာသို့ ရဲများ ၀င်ရောက်ပြီးမှ မီးလောင်ခဲ့
RB News
9.3.2014
မောင်တော ။ ။ ရခိုင်ပြည်နယ်၊ မောင်တောမြို့နယ် ဒုချီရားတန်း အလယ်ရွာတွင် မီးစတင် မလောင်မှီ ရဲများ ၀င်ရောက် ခဲ့သည်ကို မျက်မြင်သက်သေ နှစ်ဦးက ထွက်ဆိုခဲ့သောကြောင့် ဖမ်းဆီးလိုက်ကြောင်း သတင်းရရှိပါသည်။
ယနေ့ နံနက် ၁၀း၃၀ နာရီတွင် ဒုချီရားတန်း ကျေးရွာ အုပ်စု၊ အလယ်ရွာတွင် မီးလောင်မှု ဖြစ်ပွားခဲ့ရာ ဒေသခံ ရိုဟင်ဂျာများ၏ အိမ် ၁၁ လုံး၊ ဗလီ တစ်လုံးနှင့် ဆိုင်တစ်ဆိုင်တို့ မီးလောင်၍ ပြာကျခဲ့ရသည်။
“မောင်တော ခရိုင်နဲ့ မြို့နယ် အုပ်ချုပ်ရေးမှူး တို့ဒုချီရားတန်းကို ရောက်လာတော့ အရှေ့ရွာက ဒေါ်လေဒိုးနဲ့ ဒေါ်ဟာလီမာ တို့က အိမ်တွေ မီးမလောင်ခင် ဆိုင်ကယ် နှစ်စီးနဲ့ ရဲ ၄ ယောက် ၀င်လာတယ်။ ပြီးတော့ ရဲတွေ ၀င်လာပြီး မိနစ် ၂၀ အကြာမှာ မီးစလောင်တာလို့ ထွက်ဆိုတယ်။ အဲဒါနဲ့ အဲဒီ အမျိုးသမီး နှစ်ယောက်ကို ဖမ်းပြီး မောင်တော ရဲစခန်း ခေါ်သွားတယ်” ဟု ဒေသခံ တစ်ဦးက RB News သို့ပြောပါသည်။ ရဲ ၄ ဦး ၀င်ရောက် လာသည်ကို မြင်တွေ့သည့် မျက်မြင် သက်သေ အမျိုးသမီး နှစ်ဦးကို မောင်တော ရဲစခန်းတွင် ယခုထိ ချုပ်နှောင်ထားကြောင်း သိရှိရပါသည်။
ဒုချီရားတန်းမှ ဒေသခံ တစ်ဦးက “ပထမတော့ အိမ်နှစ်လုံးနဲ့ ဗလီတစ်လုံးသာ မီးလောင် ခဲ့တာပါ။ မီးငြိမ်းနေတဲ့ အချိန် လုံခြုံရေး တပ်ဖွဲ့ဝင်တွေ ရွာထဲကို ဖြန့်ပြီး ၀င်လာတယ်။ ပြီးတော့ မြောက်ဘက်ကနေ ထပ်လောင်တယ်။ အဲဒါကြောင့် အိမ် ၉ လုံးနဲ့ ဆိုင်တစ်ဆိုင် ထပ်ပါသွားတယ်” ဟု အိမ်နှစ်လုံးနှင့် ဗလီတစ်လုံးကို မီးလောင်ကျွမ်းပြီး မီးငြိမ်းတော့မည့် အခြေအနေနှင့် ရဲများ ၀င်ရောက်လာပြီးမှ မြောက်ဘက်မှ လောင်လာသည်ကို မြင်သည်ကို RB News သို့ ရှင်းပြသည်။
ရဲတပ်ဖွဲ့ဝင်များသည် ဒုချီရားတန်း အနောက်ရွာကိုလည်း ယခင်က မီးရှို့ခဲ့ပြီး၊ ဒေသခံများက မိမိတို့ အိမ်ကို မိမိတို့ မီးရှို့သည်ဟု မဟုတ်မမှန် လုပ်ကြံ၍ သတင်းလွှင့်ခဲ့သည်။ ယခုလည်း ပြန်ကြားရေး ၀န်ကြီး ဌာနမှ တူညီသည့် လုပ်ကြံဇတ်ကို ခင်း၍ မိမိတို့ အိမ်ကို မိမိတို့ မီးရှို့သည်ဟု လုပ်ကြံရေးထားသည်ကို တွေ့ရှိရသည်။
“ထုံးစံအတိုင်း ဦးရဲထွဋ်ရဲ့ ပြက်လုံးလို့ ပြောရမှာပေါ့။ တွေးခေါ်နိုင်တဲ့ ဉာဏ်ရည် ရှိသူတိုင်းက တွေးခေါ် တတ်ပါတယ်။ ဦးရဲထွဋ် ကိုယ်တိုင်လည်း ဒုဝန်ကြီး ကနေ ၀န်ကြီး ဖြစ်မို့ သူ့အိမ်ကို မီးရှို့မှာ မဟုတ်ဘူး။ ပြန်ကြားရေး ၀န်ကြီး ဌာန ဆိုတာက အမှန်တကယ်တော့ ၀ါဒဖြန့်ရေး အတွက် ဖြစ်ပါတယ်။ အစိုးရရဲ့ ပြစ်မှုတွေကို ကာကွယ်ပေးတဲ့ ၀န်ကြီး ဌာန ဖြစ်ပါတယ်။ သူတို့ရဲ့ သက်တမ်း တလျှောက်မှာ အမှန်ပြောခဲ့တာ ဘယ်တုန်းကမှ မရှိခဲ့ဘူး။ အဲဒီတော့ အဲဒီလို လုပ်ကြံဇတ်တွေက နားလည်တဲ့၊ ဦးနှောက် အသိဉာဏ် ဖွံ့ဖြိုးတဲ့ သူတွေ အတွက် ဟာသ ပြက်လုံး ဖြစ်ရုံကလွှဲပြီး ဘာမှ ဖြစ်မလာဘူး” ဟု ရိုဟင်ဂျာ အရေး လှုပ်ရှားသူ တစ်ဦးက RB News သို့ ပြောပါသည်။
မီးလောင်ကျွမ်း သွားသည့် အိမ်များနှင့် ဆိုင်တစ်ဆိုင်၏ ပိုင်ရှင်များမှာ --
(၁) ဦးမူဇောဘ္ဘောရ် (ဘ) ဦးအီဆာလီ
(၂) ဦးဆော်လီမုလ္လာ (ဘ) ဦးမာမတ်ဟူစိန်း
(၃) ဦးဇော်ဖော်ဟူစိန်း (ဘ) ဦးအီဆာလီ
(၄) ဦးဆော်မိတ် (ဘ) ဦးဇော်ဖော်ရ်ဟူစိန်း
(၅) ဦးအာမီးန် (ဘ) ဦးမူဆာလီ
(၆) ဦးရှော်ဘိရ်အာမတ် (ဘ) ဦးဆာလေအာမတ်
(၇) ဦးဆုလ်တာန်အာမတ် (ဘ) ဦးတောဇုမ်အလီ
(၈) ဦးယာစီးန် (ဘ) ဦးတောဇုမ်အလီ
(၉) ဦးနူရ်အာမီးန် (ဘ) ဦးကာလာယာ
(၁၀) ဦးမာမတ်အာလမ် (ဘ) ဦးဒေါ်ဘိရ်
(၁၁) ဦးနူရ်အာမတ် (ဘ) ဦးရုစ်ကုမ်အလီ
(၁၂) ဦးရှုကူရ်အာမတ်၏ ဆိုင်တစ်ဆိုင် -- တို့ဖြစ်သည်။
