မောင်တောမြို့နယ်တွင်း သန်းခေါင်စာရင်း ကောက်ခံရေးအတွက် လုပ်ဆောင်ထားမှု အခြေအနေ
RB News
9.3.2014
မောင်တော ။ ။ ရခိုင်ပြည်နယ်၊ မောင်တောမြို့နယ်တွင် တောင်ပြိုလက်ဝဲ မြို့နယ်ခွဲ အပါအ၀င် ရပ်ကွက် ၁၁ ခု ကျေးရွာအုပ်စု ၉၈ ခု၊ စုစုပေါင်း ၁၀၉ ခုရှိပြီး၊ ယင်းအနက် မောင်တောမြို့နယ်တွင် ရပ်ကွက် ၆ ခု၊ ကျေးရွာအုပ်စု ၈၈ ခု၊ စုစုပေါင်း ၉၄ ခု၊ တောင်ပြိုလက်ဝဲ မြို့နယ်ခွဲတွင် ရပ်ကွက် ၅ ခု၊ ကျေးရွာအုပ်စု ၁၀ ခု၊ စုစုပေါင်း ၁၅ ခုပါဝင်သည်။
၂၀၁၄ ခုနှစ် မတ်လ ၃၀ ရက်နေ့မှ ဧပြီလ ၁၀ ရက်နေ့ ပြည်လုံးကျွတ် သန်းခေါင်စာရင်း ကောက်ခံရေး အတွက် မောင်တောမြို့နယ်တွင် ကောက်ကွက် ၅၅၁ ကွက်ကိုလည်းကောင်း၊ တောင်ပြိုလက်ဝဲ မြို့နယ်ခွဲတွင် ကောက်ကွက် ၄၇ ကွက်ကိုလည်းကောင်း သတ်မှတ် ဖွဲ့စည်း ခဲ့ကြောင်း၊ အဆိုပါ ကောက်ကွက်များ အတွက် မောင်တောမြို့နယ် ပညာရေး ဦးစီးဌာနမှ ဆရာ/မ ၁၉၃ ဦးကို စာရင်းစစ်များ အဖြစ် လည်းကောင်း၊ ၅၅၁ ဦးကို စာရင်းကောက်များ အဖြစ် လည်းကောင်း၊ တောင်ပြိုလက်ဝဲ မြို့နယ်ခွဲတွင် စာရင်းစစ် ၁၄ ဦး၊ စာရင်းကောက် ၄၇ ဦးတို့ကို ခန့်အပ် တာဝန်ပေးခဲ့ကြောင်း RB News မှ စုံစမ်းသိရှိ ရပါသည်။
ရပ်ကွက် / ကျေးရွာ အုပ်စု သန်းခေါင်စာရင်း ကောက်ခံရေး ကော်မတီကို ဥက္ကဌ အပါအ၀င် ၉ ဦးဖြင့် ဖွဲ့စည်း ခဲ့ပြီး၊ ရပ်ကွက် / ကျေးရွာ အုပ်စု အုပ်ချုပ်ရေးမှူးကို ဥက္ကဌ အဖြစ် လည်းကောင်း၊ ရပ်ကွက် / ကျေးရွာ အုပ်စု ရပ်မိရပ်ဖ တစ်ဦး၊ ရပ်ကွက် / ကျေးရွာ အထောက်အကူပြု အဖွဲ့မှ တစ်ဦး၊ ပညာရေး ၀န်ထမ်း တစ်ဦး၊ ကျန်းမာရေး ၀န်ထမ်း တစ်ဦး၊ အမျိုးသမီးရေးရာ အဖွဲ့မှ တစ်ဦး၊ အခြားဌာနမှ တစ်ဦးတို့ကို အဖွဲ့ဝင်များ အဖြစ် လည်းကောင်း၊ လ.၀.က မှ ၀န်ထမ်း တစ်ဦးကို အတွင်းရေးမှူး အဖြစ်လည်းကောင်း၊ ရပ်ကွက် / ကျေးရွာ အုပ်ချုပ်ရေးမှ စာရေး တစ်ဦးကို တွဲဖက် အတွင်းရေးမှူး အဖြစ်လည်းကောင်း ခန့်အပ် တာဝန်ပေး၍ ဖွဲ့စည်း ထားကြောင်း သိရှိ ရပါသည်။
ရပ်ကွက် / ကျေးရွာ အုပ်စု အတွင်းရှိ ကောက်ကွက် များအလိုက် သန်းခေါင်စာရင်း ကောက်ကွက် တစ်ကွက်လျှင် ရပ်ကွက် / ကျေးရွာ အုပ်စုမှ ရပ်မိရပ်ဖ နှစ်ဦး၊ ရပ်ကွက် / ကျေးရွာ အုပ်စု အထောက်အကူပြု အဖွဲ့မှ နှစ်ဦး၊ ရပ်ကွက် / ကျေးရွာ အုပ်စုမှ ပညာတတ် တစ်ဦးကို ဘာသာပြန် အဖြစ် လည်းကောင်း၊ စုစုပေါင်း ၅ ဦးကို သန်းခေါင်စာရင်း ကောက်ကွက် အထောက်အကူပြု အဖွဲ့ဟု ဖွဲ့စည်း ပေးခဲ့ကြောင်း၊ ကောက်ကွက် တစ်ခုတိုင်း အတွက် အထောက်အကူပြု အဖွဲ့ ၅ ဦးစီ ဖွဲ့စည်း ပေးခဲ့ကြောင်း သိရှိ ရသည်။
ကောက်ကွက် တစ်ကွက်လျှင် ပညာရေး ၀န်ထမ်း တစ်ဦးစီကို စာရင်းကောက် အဖြစ် တာဝန် ပေးအပ် ထားပြီး၊ ကောက်ကွက် သုံးခုလျှင် စာရင်းစစ် တစ်ဦးစီအား ပညာရေး ၀န်ထမ်းများဖြင့် ဖွဲ့စည်း တာဝန် ပေးအပ် ထားသည်။ ကျေးရွာ အုပ်စု အချို့တွင် ကောက်ကွက် တစ်ကွက် (သို့မဟုတ်) နှစ်ကွက် ရှိကာ ယင်း ကောက်ကွက်များ၌ စာရင်းစစ် တစ်ဦးစီကို တာဝန်ပေးထားသည် ကိုလည်း လေ့လာ တွေ့ရှိရသည်။ မောင်တောမြို့နယ် ပညာရေး ဦးစီးဌာနမှ စာရင်းကောက်၊ စာရင်းစစ်များကို နောက်ဆက်တွဲ ခန့်အပ်ရန်လည်း အစီအစဉ် ရှိပြီး၊ အရံ အင်အားကိုလည်း ဖွဲ့စည်းတာဝန် ပေးထားကြောင်း သိရှိရသည်။
ပညာရေး ဦးစီးဌာနမှ ခန့်အပ် တာဝန် ပေးထားသော စာရင်းစစ်၊ စာရင်းကောက်များ ထဲက မောင်တောမြို့နယ်မှ ၄၅ ဦး၊ တောင်ပြိုလက်ဝဲ မြို့နယ်ခွဲမှ ၃ ဦးတို့ကို ခရိုင်အဆင့် နည်းပြသင်တန်း တက်ရောက်၍ မောင်တောမြို့နယ် အထွေထွေ အုပ်ချုပ်ရေးမှူး ခန်းမဆောင်တွင် ခေါ်ထားပြီး၊ စာရင်းစစ်၊ စာရင်းကောက် များက တတ်ကျွမ်းသည့် ဘာသာစကားများ နေရာတွင် ရခိုင်၊ မွတ်စလင်ဟု ဖြည့်စွက် ထားသည်ဟု RB News မှ စုံစမ်း သိရှိရပါသည်။
