၂၀၁၄ ပြည်လုံးကျွတ် သန်းခေါင်စာရင်းနှင့် ရိုဟင်ဂျာ လူမျိုးစု Timeline

----------------------------

ကျောက်တော် (31.3.2014) -- ယနေ့ ကျောက်တော်မြို့နယ်တွင် လက်ဆောင်ကောက် ကျေးရွာ၊ အပေါက်ဝ ကျေးရွာ၊ ပြားဘက် ကျေးရွာ၊ ရွှေလှိုင် ကျေးရွာ များတွင် သန်းခေါင် စာရင်း ကောက်ခံခဲ့သည်။ ဒေသခံ ရိုဟင်ဂျာ များကို မေးခွန်း အမှတ် (၁) မှ (၇) အထိ မေးမြန်းပြီး၊ အမှတ် (၈) လူမျိုး အမည်ကို မေးမြန်းသည့် အခါ 914 ရိုဟင်ဂျာဟု ဖြေကြား သဖြင့် စာရင်းကောက် များက ဆက်လက် မမေးမြန်း တော့ကြောင်း ဒေသခံ တစ်ဦးက RB News သို့ပြောပါသည်။

အချို့သော ဒေသခံ ရိုဟင်ဂျာများကို လူမျိုး အမည်ကို မမေးမြန်းဘဲ ကွက်လပ် ထားခဲ့ပြီး၊ ကျန်သည့် မေးခွန်းများကို အပြည့်အစုံ မေးမြန်းခဲ့ကြောင်း သိရှိရသည်။ စာရင်းကောက်များက လက်ဆောင်ကောက် ကျေးရွာမှ ရွှေလှိုင် ကျေးရွာသို့ အသွားတွင် ရိုဟင်ဂျာ စကားပြန် များကို အသိမပေးဘဲ ထွက်ခွာ သွားခဲ့ကြပြီး၊ ပေါက်တော ပလောင် ကျေးရွာနှင့် ဆင်အိုး ပေါက်တော ကျေးရွာများသို့လည်း စကားပြန် မပါဘဲ သွားရောက်၍ သန်းခေါင်စာရင်း ကောက်ယူ ခဲ့ကြောင်း သိရှိရသည်။

---------------

ပေါက်တော (31.3.2014) -- ပေါက်တော မြို့နယ်၊ ဆင်တက်မော် ကျေးရွာသို့ သန်းခေါင်စာရင်း စာရင်းကောက်များနှင့် လုံခြုံရေး တပ်ဖွဲ့ဝင်များ စုစုပေါင်း အင်အား ၁၀၀ ကျော်တို့ ယနေ့ နံနက် ၁၀ နာရီ အချိန်တွင် ရောက်ရှိခဲ့ကြပြီး၊ တစ်အိမ်တက်ဆင်း၍ ဖြည့်မည့် လူမျိုး အမည်ကို မေးမြန်း ခဲ့ရာ၊ အိမ်တိုင်း အားလုံးမှ ရိုဟင်ဂျာ လူမျိုးဟု ဖြေဆို ခဲ့သောကြောင့် သန်းခေါင်စာရင်း မကောက်ယူဘဲ ပြန်လည် ထွက်ခွာ သွားကြောင်း ဒေသခံ တစ်ဦးက RB News သို့ ပြောသည်။

ဆင်တက်မော် ကျေးရွာတွင် အိမ်ထောင်စု ၇၀၀ ကျော်ခန့် ရှိသည်ဟု ဆိုသည်။

----------------

မင်းပြား (31.3.2014) -- မင်းပြားမြို့နယ်၊ ကင်းဆိပ် ကျေးရွာ အုပ်စု၊ ပိုက်သည်ရွာသို့ သန်းခေါင်စာရင်း ကောက်ယူရန် စာရင်းကောက်များသည် ဌာနပေါင်းစုံ၊ မင်းပြားမြို့နယ်ရှိ ရဲတပ်ဖွဲ့ဝင်များ အားလုံးနှင့် ယမန်နေ့ (မတ်လ ၃၀ ရက်) နေ့ နေ့လည် ၂း၁၅ မိနစ်တွင် ရောက်ရှိခဲ့သည်။ ပိုက်သည်ရွာသို့ ရောက်ရှိပြီးနောက် အိမ်ထောင်စု ၄ စုကို လူမျိုး အမည်ကို စတင် မေးမြန်းရာ အားလုံးက ရိုဟင်ဂျာ လူမျိုးဟု ဖြေကြားသဖြင့် နေ့လည် ၂း၃၀ နာရီတွင် သဒ္ဒါကျေးရွာသို့ ထွက်ခွာ သွားခဲ့ကြောင်း ဒေသခံ တစ်ဦးက RB News သို့ ပြောပါသည်။

------------------
ကျောက်တော် (30.3.2014) -- ကျောက်တော်မြို့နယ်၊ ပိုက်သည် မွတ်စလင် ကျေးရွာသို့ သန်းခေါင်စာရင်း စစ်ဆေးရန် ယနေ့ မွန်းလွှဲ တစ်နာရီ အချိန်တွင် စာရင်းကောက်များ၊ လုံခြုံရေး အဖွဲ့များ ရောက်ရှိခဲ့သည်။ စာရင်းကောက်များက လူမျိုး အမည် မေးမြန်းသည့် အခါ ဒေသခံ ရိုဟင်ဂျာများက ရိုဟင်ဂျာ လူမျိုးဟု ဖြေကြား သဖြင့်၊ စာရင်းကောက်များ ဆက်လက်၍ စာရင်းမကောက်ဘဲ နေ့လည် ၃း၃၀ နာရီ အချိန်တွင် ပြန်လည် ထွက်ခွာ သွားခဲ့ကြောင်း ဒေသခံ တစ်ဦးက RB News သို့ပြောပါသည်။

မတ်လ ၃၁ ရက်နေ့တွင် အပေါက်ဝ ကျေးရွာနှင့် လက်ဆောင်ကောက် ကျေးရွာများတွင် သန်းခေါင်ကောက်ခံမည်ဟု သိရှိရသည်။
-------------

ရသေ့တောင် (30.3.2014) ။ ။ ရခိုင်ပြည်နယ်၊ ရသေ့တောင်မြို့နယ်၊ ကျောက်တန်း နယ်မြေ၊ ဆင်ခုန်းတိုင် ကျေးရွာ အုပ်စု၊ လွန်းတောင် ရိုဟင်ဂျာရွာသို့ စစ်တပ်မှ ဗိုလ်ကြီး အဆင့် ရှိသူ (၆) ဦး၊ ရဲတပ်ဖွဲ့ဝင် (၈) ဦး၊ မြို့နယ် လ.၀.ကမှ ဒုဦးစီးမှူး အပါအ၀င် (၆) ဦး၊ သန်းခေါင်စာရင်း ကောက်ခံရေး ကော်မတီ (၇) ဦး၊ ဒေသခံ ရခိုင် လူမျိုး (၆) ဦး၊ စုစုပေါင်း ၃၃ ဦးတို့ ရောက်ရှိ လာပြီး ယနေ့ နေ့လည် ၃ နာရီ အချိန်မှ ၅ နာရီ အထိ သန်းခေါင်စာရင်း ကောက်ခံ ခဲ့ကြောင်း သတင်း ရရှိပါသည်။

သန်းခေါင်စာရင်း ကောက်ယူမည့် အဖွဲ့က ဒေသခံများကို မေးခွန်း ၄၁ ချက် အနက် လူမျိုး အမည်ကို ပထမဆုံး မေးမြန်းရာ အိမ်ထောင်ဦးစီး များအားလုံးက ရိုဟင်ဂျာဟု တညီတညွတ်တည်း ဖြေဆိုခဲ့သည်။ ထို့နောက် စာရင်းကောက်များက အဆောက်အအုံ အကွက်တွင် သန်းခေါင်စာရင်း ကောက်ပြီးသည့် အမှတ်အသားကို ထည့်၍ နှစ်နာရီ အတွင်း အိမ်ထောင်စု ၄၀၀ ကျော်ကို စာရင်းကောက်ခဲ့သည်ဟု သိရှိရသည်။

အိမ်ထောင်စု ၄၀၀ ကျော်က ၎င်းတို့ အနေဖြင့် ရိုဟင်ဂျာ လူမျိုးဟု ထွက်ဆို၍ ပြောကြား ခဲ့သော်လည်း စာရင်းကောက် များက ၎င်းတို့ စိတ်တိုင်းကျ ထည့်သွင်း ရေးမှတ် သွားသည်ဟု သံသယ ဖြစ်ပြီး စိုးရိမ်လျက် ရှိကြသည်။

----------

ဘူးသီးတောင် (30.3.2014) -- ဘူးသီးတောင် မြို့နယ်၊ အမှတ် (၃) ရပ်ကွက် သို့ နေ့လည် ၂း၃၀ နာရီ အချိန်တွင် သန်းခေါင်စာရင်း ကောက်ယူရန် စာရင်းကောက်များ ရောက်ရှိခဲ့သည်။ စာရင်းကောက်များက ရိုဟင်ဂျာ လူမျိုးဟု ဖြည့်လျှင် စာရင်းကောက်မည် မဟုတ်ကြောင်း၊ အခြား လူမျိုး အမည် ပြောမှသာ စာရင်းကောက်မည် ဖြစ်ကြောင်း ပြောကြားခဲ့ရာ၊ ဒေသခံ ရိုဟင်ဂျာများကလည်း ရိုဟင်ဂျာဟု လက်ခံ၍ စာရင်းသွင်းမည် ဆိုလျှင် မိမိတို့ဘက်မှ ဖြေဆိုရန် အသင့်ရှိကြောင်း ပြန်လည် ပြောကြားခဲ့သည်။

သို့သော်လည်း စာရင်းကောက်များက ၂ ရက် ၃ ရက်ခန့် စဉ်းစား၍ အကြောင်းပြန်ရန် ပြောကြားခဲ့ရာ၊ ဒေသခံများက လူမျိုးအမည် ပြောသည့် ကိစ္စသည် စဉ်းစား စရာ၊ ရွေးချယ် စရာ ကိစ္စမဟုတ်ဘဲ၊ မိမိတို့၏ လူမျိုးအမည်မှန် ရိုဟင်ဂျာ ကို ပြောခြင်း ဖြစ်သဖြင့် စဉ်းစားရန် မလိုကြောင်း ပြန်လည် ဖြေကြားခဲ့ကြောင်း ဒေသခံ တစ်ဦးက RB News သို့ ပြောပါသည်။
-----------------------------------

မောင်တော (30.3.2014) -- ယနေ့ နေ့လည် ၁၂း၃၀ နာရီ အချိန်တွင် မောင်တောမြို့နယ်၊ မြို့မ အနောက် ရပ်ကွက် (အမှတ် ၁ ရပ်ကွက်) တွင် သန်းခေါင်စာရင်း ကောက်ယူရန် စာရင်းကောက်များ ရောက်ရှိလာခဲ့သည်။ အိမ်ထောင်စု ၇ စုခန့်ကို မေးမြန်းပြီး၊ အားလုံးက ရိုဟင်ဂျာ လူမျိုးဟုသာ ထွက်ဆိုသဖြင့် ပြန်လည် ထွက်ခွာသွားကြောင်း ဒေသခံများက RB News သို့ ပြောပါသည်။ စာရင်းကောက်များနှင့် အတူ လ.၀.ကမှူး ကိုယ်တိုင် လာရောက် ခဲ့ကြောင်း သိရှိရပါသည်။

နေ့လည် ၃ နာရီ အချိန်တွင် တောင်ပြိုလက်ယာ ကျေးရွာသို့ စာရင်းကောက်အဖွဲ့ ရောက်ရှိလာပြီး အိမ်ထောင်စု (၄) စုကို မေးမြန်းခဲ့သည်။ အိမ်ထောင်စု အားလုံးက လူမျိုးနှင့် သက်ဆိုင်သည့် မေးခွန်း ရောက်သည့်အခါ ရိုဟင်ဂျာဟု ဖြေဆိုသဖြင့် စာရင်းကောက်များက ဆက်လက်၍ မေးမြန်းခြင်း မပြုလုပ်ဘဲ ထွက်ခွာသွားကြောင်း ဒေသခံ တစ်ဦးက RB News သို့ ပြောပါသည်။ စာရင်းကောက် များက မြန်မာနိုင်ငံ၏ တိုင်းရင်းသား စာရင်းတွင် ရိုဟင်ဂျာ မပါသဖြင့် မဖြည့်ပေးနိုင်ဟု ပြောကြားခဲ့ကြောင်း သိရှိရပါသည်။ တောင်ပြိုလက်ယာတွင် မေးခွန်းအမှတ် (၆) အထိသန်းခေါင်စာရင်း ဖြေဆိုခဲ့သူများမှာ --

(၁) ဦးမာဂျေးဒ် (ဘ) ဦးဂူလာလ် (အသက် ၈၅ နှစ်)
(၂) ဦးအေခ်ဘာလ် (ဘ) ဦးအဒူလ်အာမီးန် (အသက် ၂၇ နှစ်)
(၃) ဦးအဒူလ္လာ (ဘ) ဦးရှာကဲရ် (အသက် ၃၂ နှစ်)
(၄) ဦးယာကုဘ် (ဘ) ဦးမာမတ်ဟာဆောင် (အသက် ၃၀ နှစ်) -- တို့ဖြစ်သည်။

[တောင်ပြိုလက်ယာ Report: Rohingya Eye]
-----------------------------

စစ်တွေ (30.3.2014) ။ ။ ရခိုင်ပြည်နယ်၊ စစ်တွေမြို့ရှိ ဘာဆာရာ (စံပြ) ကျေးရွာသို့ ယနေ့ နေ့လည်ပိုင်းက သန်းခေါင်စာရင်း ကောက်ယူမည့် အဖွဲ့ရောက်ရှိခဲ့ပြီး၊ အိမ်ထောင်စု ၂၀ ခန့်ကို မေးမြန်းခဲ့ရာ၊ လူမျိုးအမည်ကို ရိုဟင်ဂျာဟု ထွက်ဆိုသဖြင့် စာရင်းကောက်များက မေးမြန်းရမည့် မေးခွန်းများကို မမေးမြန်းတော့ဘဲ ပြန်လည် ထွက်ခွာ သွားကြောင်း ဒေသခံများက RB News သို့ပြောပါသည်။

ဒေသခံ ရိုဟင်ဂျာများကို ဘင်္ဂလီဟု ထွက်ဆိုရန် ဖိအား အမျိုးမျိုး ပေးခဲ့သော်လည်း ဒေသခံများက ၎င်းတို့သည် ရိုဟင်ဂျာများ ဖြစ်သဖြင့် ဘင်္ဂလီဟု မထွက်ဆိုနိုင်ကြောင်း ပြောကြားခဲ့သည်။ စာရင်းကောက်များက သန်းခေါင်စာရင်း ကောက်ယူရာတွင် သတ်မှတ်ထားသည့် ပုံစံကို အသုံးမပြုခဲ့ဘဲ၊ သာမာန် ဗလာစာအုပ်တွင်သာ အမှတ်စဉ် (၁) မှ (၇) ထိ ရေးမှတ်ခဲ့ပြီး၊ မေးခွန်း (၈) ကို ၎င်းတို့ စိတ်တိုင်းကျ အဖြေ မရသဖြင့် ဆက်လက်၍ မေးမြန်းခြင်း မရှိခဲ့ကြောင်း သတင်း ရရှိပါသည်။