လူကုန်ကူးမှု တားဆီးရေးမှ အပြစ်မဲ့ နှစ်ဦးကို ဖမ်းဆီး၍ ငွေညှစ်
MYARF
RB News
20.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ် လူကုန်ကူးမှု တားဆီးရေး အဖွဲ့မှ ရဲတပ်ဖွဲ့ဝင် ဦးဆန်းဝင်းက အပြစ်မဲ့ ဒေသခံ ရိုဟင်ဂျာ နှစ်ဦးကို ဖမ်းဆီး၍ ငွေညှစ်ခဲ့ကြောင်း သတင်း ရရှိပါသည်။
သြဂုတ်လ (၁၆) ရက်နေ့ ညနေ ၄ နာရီ အချိန်တွင် မောင်တောမြို့နယ် ညောင်ချောင်း ကျေးရွာမှ ဦးအာဇီရာမန် (ဘ) ဦးရှုကူရ်နှင့် ဦးရှောမ်ရှုအာလာမ် (ဘ) ဦးဆယာဒ်ကရီးမ် တို့ကို လူကုန်ကူးမှု တားဆီးရေး အဖွဲ့မှ ရဲတပ်ဖွဲ့ဝင် ဦးဆန်းဝင်းက မဟုတ်မမှန် စွပ်စွဲ၍ ဖမ်းဆီးပြီး ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။
ဖမ်းဆီးခံရပြီး ငွေညှစ်ခံရသည့် အပြစ်မဲ့ နှစ်ဦးသည် အရေးပေါ် ဆေးကုသမှု ခံယူရန် လိုအပ်နေသည့် အဖွားအို တစ်ဦးကို လိုက်လံ ပို့ဆောင်ပေး ခဲ့သူများ ဖြစ်ပြီး၊ အပြန်လမ်းတွင် ပြည်သူ့ ဆေးရုံးအနီး၌ လူကုန်ကူးမှု တားဆီးရေး အဖွဲ့မှ ဦးဆန်းဝင်း ဆိုသူက ၎င်းတို့ နှစ်ဦးကို လူကုန်ကူးမှု တားဆီးရေး ရုံးသို့ ခေါ်ဆောင် သွားပြီး ၂၀၁၂ ခုနှစ် မီးရှို့မှုတွင် ပါဝင်သည်ဟု ဆိုကာ ချုပ်နှောင် ထားခဲ့ကြောင်း အဆိုပါ ဒေသခံက ပြောပါသည်။ အပြစ်မဲ့ ဖမ်းဆီးခံရသူ နှစ်ဦးက ၎င်းတို့ အနေဖြင့် မီးရှို့မှုတွင် ပါဝင်ခြင်း ရှိ/မရှိကို ကျေးရွာ အုပ်ချုပ်ရေးမှူးကို မေးမြန်း နိုင်ကြောင်း ပြောဆိုရာ၊ ဦးဆန်းဝင်းက ကျေးရွာ အုပ်ချုပ်ရေးမှူး ဖြစ်သူကို ဖုန်းဆက်၍ ဆင့်ခေါ်ခဲ့သည်။
ကျေးရွာ အုပ်ချုပ်ရေးမှူး ရောက်ရှိလာပြီး ဖမ်းဆီးခံရသူ နှစ်ဦးမှာ အပြစ်မဲ့များ ဖြစ်ကြောင်း၊ အကျင့် စာရိတ္တ ကောင်းမွန်သူများ ဖြစ်သည့် အပြင် မီးရှို့မှုတွင် ပါဝင်သူများ မဟုတ်ကြောင်းကို ကျေးရွာ အုပ်ချုပ်ရေးမှူး တစ်ဦး အနေနှင့် အာမခံ နိုင်ကြောင်း၊ ဖမ်းဆီးခံရသူ နှစ်ဦးမှ ဦးရှော်မ်ရှုအာလမ်သည် ရာအိမ်မှူး တစ်ဦး ဖြစ်ကြောင်း စသည်ဖြင့် ရှင်းပြ ပြောဆိုခဲ့သော်လည်း၊ ဦးဆန်းဝင်းက ကုလားဟူသမျှ မွေးကတည်းက အပြစ်ရှိသူများ ဖြစ်ကြောင်း၊ လူကုန်ကူးမှု တားဆီးရေး ရုံးသို့ ယခုကဲ့သို့ လာရောက်၍ အာမခံရုံနှင့် လွှတ်ပေးမည် မဟုတ်ကြောင်း ပြောဆိုသဖြင့် နောက်ဆုံးတွင် ငွေကျပ် တစ်သိန်း ပေးမှသာ ပြန်လည် လွှတ်ပေးခဲ့ကြောင်း သိရှိရပါသည်။
လူကုန်ကူးမှု တားဆီးရေး အဖွဲ့၏ လုပ်ပိုင်ခွင့်မှာ လူကုန်ကူးမှုနှင့် ပတ်သက်သည် များကို တားဆီး အရေးယူရန်သာ ဖြစ်ပြီး၊ ၎င်းတို့၏ လုပ်ငန်းနှင့် မဆိုင်သည်များတွင် ၀င်ရောက် စွက်ဖက်ခွင့် မရှိသော်လည်း၊ ရရှိထားသည့် လုပ်ပိုင်ခွင့်ကို အလွဲသုံးစား ပြုလုပ်၍ ဖမ်းဆီး ငွေညှစ်ခြင်းသည် ဥပဒေမဲ့ ပြုလုပ်ခြင်းသာ ဖြစ်သည်။ ဒေသတွင်းရှိ အာဏာပိုင် အကြီးအကဲများက ဌာနဆိုင်ရာများမှ ယခုကဲ့သို့ ဥပဒေမဲ့ ဖမ်းဆီး ငွေညှစ်ခြင်းများကို သိရှိသော်လည်း မည်သည့် အခါမှ အရေးယူ ဆောင်ရွက်ခြင်း မရှိကြောင်း ဒေသခံများက ပြောပါသည်။
လူကုန်ကူးမှု တားဆီးရေး အဖွဲ့၏ လုပ်ပိုင်ခွင့်မှာ လူကုန်ကူးမှုနှင့် ပတ်သက်သည် များကို တားဆီး အရေးယူရန်သာ ဖြစ်ပြီး၊ ၎င်းတို့၏ လုပ်ငန်းနှင့် မဆိုင်သည်များတွင် ၀င်ရောက် စွက်ဖက်ခွင့် မရှိသော်လည်း၊ ရရှိထားသည့် လုပ်ပိုင်ခွင့်ကို အလွဲသုံးစား ပြုလုပ်၍ ဖမ်းဆီး ငွေညှစ်ခြင်းသည် ဥပဒေမဲ့ ပြုလုပ်ခြင်းသာ ဖြစ်သည်။ ဒေသတွင်းရှိ အာဏာပိုင် အကြီးအကဲများက ဌာနဆိုင်ရာများမှ ယခုကဲ့သို့ ဥပဒေမဲ့ ဖမ်းဆီး ငွေညှစ်ခြင်းများကို သိရှိသော်လည်း မည်သည့် အခါမှ အရေးယူ ဆောင်ရွက်ခြင်း မရှိကြောင်း ဒေသခံများက ပြောပါသည်။
