နယ်ခြားစောင့်ရဲ၊ စစ်သားများနှင့် ရခိုင်များ ပူးပေါင်း၍ လုယက်၊ ဖမ်းဆီး၊ ရိုက်နှက်မှုများ ပြုလုပ်
Rohingya Eye
RB News
8.10.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ၀ါးချ ကျေးရွာသို့ နယ်ခြားစောင့် ရဲတပ်ဖွဲ့ဝင်များ၊ စစ်သားများနှင့် မောရ၀တီရွာမှ ရခိုင်များ ၀င်ရောက်၍ ဒေသခံများထံမှ လုယက်ခြင်း၊ ဖမ်းဆီးခြင်းနှင့် ရိုက်နှက်ခြင်းများ ပြုလုပ်ခဲ့ကြောင်း သတင်း ရရှိပါသည်။
အောက်တိုဘာလ (၅) ရက်နေ့ နံနက် ၂ နာရီ အချိန်တွင် မောင်တောမြို့နယ် အမှတ် (၇) နယ်မြေမှ နယ်ခြားစောင့် ရဲတပ်ဖွဲ့ဝင်များ၊ မောရ၀တီရွာ အခြေစိုက် စစ်တပ်စခန်းမှ စစ်သားများ၊ မောရ၀တီရွာမှ ရခိုင်ရွာသားများ၊ စုစုပေါင်း အင်အား ၁၅၀ ကျော်တို့သည် ၀ါးချ ကျေးရွာ အတွင်းသို့ ၀င်ရောက်၍ ၂၀၁၂ ခုနှစ် ဇွန်လ အကြမ်းဖက်မှုတွင် ပါဝင်သူများကို ရှာဖွေသည်ဟု အကြောင်းပြ၍ ဒေသခံ ရိုဟင်ဂျာ များ၏ နေအိမ် တံခါးများကို ရိုက်ချိုးခြင်း၊ ဒေသခံ များကို ရိုက်နှက် ညှဉ်းပန်း နှိပ်စက်ခြင်း၊ တန်ဖိုးရှိ ပစ္စည်းများကို လုယက်ခြင်းများ ပြုလုပ်ခဲ့ကြောင်း ဒေသခံ တစ်ဦးက RB News သို့ပြောပါသည်။
၂၀၁၂ ခုနှစ် ဇွန်လတွင် ဖြစ်ပွားခဲ့သည့် မီးရှို့မှုတွင် ပါဝင်သည်ဟု ဆို၍ အောက်ဖော်ပြပါ (၆) ဦးကို ဖမ်းဆီး၍ အလယ်သံကျော်ရှိ အမှတ် (၇) နယ်မြေ စခန်းတွင် ချုပ်နှောင် ထားကြောင်း သိရှိရပါသည်။
(၁) ဦးဟာဘီအုလ္လာ (ဘ) ဦးအာမီးရ်ဟူဆောင်း (အသက် ၅၀ နှစ်) (ဥက္ကဌဟောင်း)
(၂) ဦးမာမတ်ဆုလ်တာန် (ဘ) ဦးလာလ်မျာ (အသက် ၅၀ နှစ်)
(၃) ဦးနူရ်ဟူဆောင်း (ဘ) ဦးရှော်ဖီအုလ္လာ (အသက် ၄၈ နှစ်)
(၄) ဟာလာဘော်ဒါ (ဘ) ဦးမာမတ်အာမီးန် (အသက် ၁၈ နှစ်)
(၅) မာမတ်အာလမ် (ဘ) ဦးအုမောရ်ဘော်ရာတ် (အသက် ၁၃ နှစ်)
(၆) တော်ယုဖ်ဂူလ္လာဟ် (ဘ) ဦးဆုလ်တာန်အာမတ် (အသက် ၁၅ နှစ်)
ထို့အပြင် ဥက္ကဌဟောင်း ဦးဒိလ်မိုဟာမတ်ကို ရှာဖွေ မတွေ့ရှိသဖြင့် ၎င်း၏ သမီးများ ဖြစ်သော ဖော်ရ်မီးန် (အသက် ၁၇ နှစ်) နှင့် ချော်ဖာ (အသက် ၁၅ နှစ်) နှင့် ၄ နှစ်သား အရွယ် ကလေးတို့ကို ဖမ်းဆီး ခေါ်ဆောင်သွားပြီး လမ်းတစ်ဝက်မှ ပြန်လည် လွှတ်ပေးခဲ့ကြောင်း အဆိုပါ ဒေသခံက ပြောပါသည်။ ဦးဒိလ်မိုဟာမတ်၏ နေအိမ်မှ ရွှေ (၄) ကျပ်သားကိုလည်း နယ်ခြားစောင့် ရဲတပ်ဖွဲ့ဝင်များ၊ စစ်သားများနှင့် ရခိုင်များက လုယက်ယူဆောင် သွားခဲ့ကြောင်း သိရှိရပါသည်။
ဦးရှော်မ်ရှု အစ္စလာမ် (အသက် ၅၀ နှစ်) ကိုရှာဖွေ မတွေ့ရှိသဖြင့် ၎င်း၏ နေအိမ်မှ တံခါးများ ရိုက်ချိုး ဖျက်ဆီးခဲ့သည့် အပြင် မော်လ၀ီ ဒိလ်မိုဟာမတ် (ဘ) ဦးနော်ဘီဟူဆောင်း (အသက် ၄၂ နှစ်) နှင့် ဦးအာစ်မောတ်အုလ္လာ (ဘ) ဦးဖော်ယာစ် (အသက် ၄၀ နှစ်) တို့၏ နေအိမ် တံခါးများကို ရိုက်ချိုး ဖျက်ဆီးခဲ့သည်ဟု ဆိုသည်။
ဝါးချရွာကို အကြမ်းဖက် လုယက်ရန် ၀င်ရောက်ခဲ့သည့် နယ်ခြားစောင့် ရဲတပ်ဖွဲ့ဝင်များ၊ စစ်သားများနှင့် မောရ၀တီရွာမှ ရခိုင်များသည် မိုးပေါ်သို့ သေနတ် အချက် ၂၀ ခန့် ပစ်၍ ဒေသခံ ရိုဟင်ဂျာများကို ခြိမ်းခြောက်ခဲ့ပြီး ရွာသား အများအပြားကိုလည်း ရိုက်နှက် ညှဉ်းပန်း နှိပ်စက်ခဲ့ကြောင်း သိရှိရပါသည်။
