ငါးခူရ အ.မ.က ကျောင်း ကင်းစခန်းမှ စစ်သားများက ဒေသခံများကို ရိုက်နှက်၍ ငွေညှစ်
MYARF
RB News
19.12.2014
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ငါးခူရ ကျေးရွာ အုပ်စုရှိ မူလတန်း ကျောင်းတွင် ကင်းစခန်း ချထားသည့် ကင်းစခန်းမှ စစ်သားများသည် လမ်းသွားလမ်းလာ ဒေသခံ ရိုဟင်ဂျာ များကို ရိုက်နှက်၍ ငွေညှစ်ခြင်းများ ပြုလုပ်ခဲ့ကြောင်း သတင်း ရရှိပါသည်။
မောင်တောမြို့နယ် မြောက်ပိုင်း ငါးခူရ ကျေးရွာ အုပ်စု ဟိုင်ဖာရာန် ကျေးရွာ မြောက်ဘက်ရှိ GE လမ်းဘေးတွင် ရှိသည့် မူလတန်း ကျောင်းထဲတွင် ကင်းစခန်း ချထားသည့် ကင်းစခန်းမှ စစ်သား များသည် လမ်းသွား လမ်းလာ ဒေသခံ ရိုဟင်ဂျာ များကို စစ်ဆေးရန် ရှိသည်ဟု ဆိုကာ ကင်းစခန်း ထဲသို့ သွင်း၍ လက်ကိုင်ဖုန်း များတွင် ဘင်္ဂလား ဆင်းမ်ကဒ်များ အတင်း အဓမ္မ ထည့်ပေးပြီး၊ ဘင်္ဂလား ဆင်းမ်ကဒ်များ မိသည်ဟု ဆို၍ မဟုတ်မမှန် လုပ်ကြံ စွပ်စွဲပြီး ရိုက်နှက်၍ ငွေညှစ်ခြင်းများ ပြုလုပ် ခဲ့ကြောင်း ဒေသခံများက RB News သို့ပြောပါသည်။
ဒီဇင်ဘာလ (၁၅) ရက်နေ့က ဦးဆော်လိမ် ထံမှ ငွေကျပ် သုံးသောင်း၊ ဒီဇင်ဘာလ (၁၇) ရက်နေ့တွင် ဦးဇာကေရ် ထံမှ ငွေကျပ် နှစ်သောင်း ငါးထောင် ညှစ်ယူခဲ့ကြောင်း ဒေသခံ များက ပြောပါသည်။
ဒီဇင်ဘာလ (၁၈) ရက်နေ့ကလည်း ဒေသခံ တစ်ဦးကို လုပ်ကြံ စွပ်စွဲ၍ ငွေညှစ်ရန် ခေါ်ခဲ့သော်လည်း၊ အဆိုပါ ဒေသခံက ရိုက်နှက် ငွေညှစ်ခံရမည်ကို စိုးရိမ်၍ ထွက်ပြေးခဲ့ရာ၊ စစ်သား နှစ်ယောက်က ဆိုင်ကယ်ဖြင့် လိုက်ခဲ့သော်လည်း မမိခဲ့သည့် အတွက် လွတ်မြောက် သွားခဲ့ကြောင်း ဒေသခံများ၏ ပြောကြားချက်များ အရ သိရှိရပါသည်။
စစ်သားများက လမ်းသွားလမ်းလာ များကို လုပ်ကြံ စွပ်စွဲ၍ ရိုက်နှက် ငွေညှစ်ခြင်းများ ပြုလုပ်လျက် ရှိသည့် အတွက် ဒေသခံများမှာ သွားလာရန်ပင် ခက်ခဲလျက် ရှိသည်ဟု ဆိုသည်။
