ယာဉ်ထိန်းရဲများ၏ တာဝန်ကို နယ်ခြားစောင့် ရဲများက ၀င်စွက်ဖက်၍ ငွေညှစ်မှုများ ပြုလုပ်နေ
Rohingya Eye
RB News
13.5.2015
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျားခေါင်းတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်း ရှေ့မှ ဆိုင်ကယ်စီး၍ ဖြတ်သန်းသွားသူများကို နယ်ခြားစောင့် ရဲများက ဆိုင်ကယ်များ ရပ်တန့်ခိုင်းပြီး လိုင်စင် ရှိ/မရှိ စစ်ဆေးခြင်း၊ ဘီးခွန် ရှိ/မရှိ စစ်ဆေးခြင်းများ ပြုလုပ်၍ လူနှစ်ဦးထက် ပိုစီးသည် လုပ်ကြံ စွပ်စွဲမှုများ ပြုလုပ်ပြီး ငွေညှစ်ခြင်းများ ယခုလမှ စ၍ ပြုလုပ်လျက် ရှိကြောင်း သတင်း ရရှိပါသည်။
မေလ (၈) ရက်နေ့က မော်လ၀ီ ဘောရှောရ်အူလ္လာ (ဘ) ဆရာ ဟိုက်ရ်ဘော်ရှော်ရ် (အသက် ၃၂ နှစ်) ထံမှ ငွေကျပ် တစ်သောင်း၊ မေလ (၅) ရက်နေ့က ဦးမာမတ်အလီ (ဘ) ဦးအီဆုပ်အာမတ် (အသက် ၃၀ နှစ်) နှင့် ဦးနော်ဘီဟူစိန်း (ဘ) ဦးနူရ်အာမတ် (အသက် ၂၂ နှစ်) တို့နှစ်ဦးထံမှ ငွေကျပ် (၇) သောင်းကို ကျားခေါင်းတောင် ကင်းစခန်းမှ နယ်ခြားစောင့် ရဲများက ဆိုင်ကယ်များဖြင့် ဖြတ်သန်း သွားစဉ် လုပ်ကြံ စွပ်စွဲမှုများ ပြုလုပ်ပြီး ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။
နယ်ခြားစောင့် ရဲတပ်သား တစ်ဦး ဖြစ်သည့် ကျော်ကျော်နိုင်သည် ကျေးရွာသား များ၏ ဆိုင်ကယ်များကို ခဏ အတွက်ဟု ဆိုကာ အကူအညီ တောင်းခံသည့် ပုံစံမျိုးဖြင့် ယူ၍ ကံပြင် ကျေးရွာသို့ သွားရောက်ကာ အရက်သေစာ မူးယစ်ပြီး တစ်နေကုန် စီးကာ ညနေပိုင်း အချိန်တွင် ပိုင်ရှင်ထံသို့ ဆိုင်ကယ် ပြန်လည် အပ်နှံသည့်အခါ ၎င်း၏ မဆင်မခြင် စီးနင်းမှုကြောင့် ဆိုင်ကယ်မှ အစိတ်အပိုင်းများ ချို့ယွင်းသွားသော်လည်း ဆိုင်ကယ် ပြုပြင်ရန် ငွေကြေး တစ်စုံတစ်ရာ မပေးကြောင်း ကျေးရွာသားများက ပြောပါသည်။
မေလ (၆) ရက်နေ့က အဒူလ္လာ (ဘ) ဦးအဒူဘာရီ (အသက် ၂၂ နှစ်) ၏ ဆိုင်ကယ်ကို အဆိုပါ တပ်သား ကျော်ကျော်နိုင်က ခဏအတွက်ဟု ဆိုကာ ငှားယူသွားပြီး တစ်နေကုန် စီး၍ ပြန်လည် အပ်နှံချိန်တွင် ဆိုင်ကယ် အစိတ်အပိုင်းများ ပျက်ယွင်းနေခဲ့သော်လည်း လျော်ကြေး တစ်စုံတစ်ရာ ပေးခြင်း မရှိခဲ့ဟု ဒေသခံများက ပြောပါသည်။
နယ်ခြားစောင့် ရဲများ၏ တာဝန်မှာ ရပ်ရွာ လုံခြုံရေး တာဝန်သာ ဖြစ်သော်လည်း ယာဉ်ထိန်းရဲ များ၏ တာဝန်ကို စွက်ဖက်၍ မတရားသဖြင့် ငွေညှစ်ခြင်းများ ပြုလုပ်နေသဖြင့် ဒေသခံ ရိုဟင်ဂျာများမှာ ဆိုင်ကယ် စီးနင်း သွားလာရန်ပင် အလွန် ခက်ခဲလျက် ရှိကြောင်း ဒေသခံများက ဆိုသည်။
