ခလုံးမှ နယ်ခြားစောင့်ရဲ များက ဒေသခံ တစ်ဦးကို မဟုတ်မမှန် လုပ်ကြံ စွပ်စွဲ၍ ငွေညှစ်

မောင်တော ။ ။ ရခိုင်ပြည်နယ် မောင်တော မြို့နယ် တောင်ပိုင်း ခလုံး ကျေးရွာ (သင်္ဘောကွေ့) မှ ဦးရော်ဟီမူလ္လာ (ဘ) ဦးဆုလ်တာန် (အသက် ၅၄ နှစ်) သည် နိုဝင်ဘာလ (၃၀) ရက်နေ့တွင် စပါး ရိတ်သိမ်းရန် အတွက် လယ်သမား တစ်ဦး ခေါ်ရန် အိမ်တစ်အိမ်သို့ ရောက်ရှိ နေစဉ် ခလုံး ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များက ဦးရော်ဟီမူလ္လာကို ဖမ်းဆီး ခေါ်ဆောင် သွားခဲ့သည်။

နယ်ခြားစောင့်ရဲ များက ၎င်းအား လက်ထပ်ခွင့် အမိန့် မယူဘဲ လက်ထပ်ခဲ့သည်ဟု လုပ်ကြံ စွပ်စွဲ၍ ငွေကျပ် ငါးသိန်း တောင်းရာ ၎င်းက မိမိသည် မည်သူ့ကိုမှ လက်ထပ် ထားခြင်း မရှိကြောင်း ပြန်လည် ရှင်းပြသော်လည်း နယ်ခြားစောင့်ရဲ များက လက်မခံ သဖြင့် နောက်ဆုံးတွင် ငွေကျပ် နှစ်သိန်း ပေးမှသာ ပြန်လည် လွတ်မြောက် လာခဲ့သည်ဟု ဒေသခံ တစ်ဦးက RB News သို့ပြောပါသည်။ 

“ဦးရော်ဟီမူလ္လာက အသက်အရွယ်လည်း ကြီးနေပြီ။ နောက်ထပ် လက်ထပ်ထားတာလည်း မရှိဘူး။ နယ်ခြားစောင့်ရဲတွေက လက်နက် အင်အား၊ အာဏာနဲ့ အနိုင်ကျင့် စော်ကားပြီး ငွေညှစ်နေတာ” ဟု အဆိုပါ ဒေသခံက ပြောပါသည်။