နယ်ခြားစောင့်ရဲ များနှင့် စစ်သားများက ဒေသခံ ရိုဟင်ဂျာများကို လုပ်ကြံ စွပ်စွဲ၍ ငွေညှစ်

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ဒေသ (၁)၊ တမန်းသား ကျေးရွာရှိ နယ်ခြားစောင့် ရဲတပ်ဖွဲ့မှ ဒုရဲအုပ်အေးထွန်း ဦးဆောင်သော နယ်ခြားစောင့်ရဲ များသည် ဇန်န၀ါရီလ (၂၄) ရက်နေ့တွင် သက်ကိုင်ညှာ ကျေးရွာမှ ဆိုင်ကယ် တက္ကစီမောင်းသည့် ဦးဇော်ကော်ရီယာ (ဘ) ဦးအီဆုပ်အလီကို ဆိုင်ကယ်ဖြင့် ကလေးငယ် တစ်ဦးကို တိုက်မိခဲ့သည်ဟု လုပ်ကြံ စွပ်စွဲ၍ ဖမ်းဆီးကာ အမျိုးမျိုး ခြိမ်းခြောက် ရိုက်နှက်ပြီး ငွေကျပ် (၇) သောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။ 

ဇန်န၀ါရီလ (၂၄) ရက်နေ့ ည ၆း၃၀ နာရီ အချိန်တွင် မောင်တောမြို့နယ် မြို့မတောင် ရပ်ကွက် (အမှတ် (၂) ရပ်ကွက်) မှ စက်ပြုပြင်သူ ဦးအစ္စမိုင်လ်သည် ရွှေဇားကျေးရွာ၌ စက်ပြုပြင်ပြီး အိမ်အပြန်တွင် ရွှေဇား တံတား ကင်းစခန်းမှ နယ်ခြားစောင့်ရဲ များက စစ်ဆေးခဲ့ပြီး တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း ဦးအစ္စမိုင်လ်၏ MPT ဖုန်းထဲတွင် ဘင်္ဂလား ဆင်းမ်ကဒ် ထည့်သွင်းပေးကာ ဘင်္ဂလား ဆင်းမ်ကဒ် တွေ့သည်ဟု လုပ်ကြံ၍ ငွေကျပ် တစ်သောင်းငါးထောင် ညှစ်ယူခဲ့သည်။ 

ဇန်န၀ါရီလ (၂၀) ရက်နေ့တွင် မောင်တော မြို့နယ် မြောက်ပိုင်း၊ ဒေသ (၁)၊ ခမောင်းဆိပ် ကျေးရွာ အခြေစိုက်၊ တပ်မတော် တပ်ရင်းမှ တပ်ရင်းမှူးနှင့် အဖွဲ့သည် ရေနောက်ငါးသား ကျေးရွာအုပ်စု ဒိုင်းနက်ရွာသို့ သွားရောက်၍ ဒိုင်းနက်လူမျိုးများနှင့် အစည်းအဝေး တစ်ရပ် ပြုလုပ်ခဲ့သည်။ တပ်ရင်းမှူးနှင့် အဖွဲ့သည် အစည်းအဝေး ကျင်းပနေစဉ် စစ်သားအချို့ကို ရွာနှင့် ပြင်ပလမ်းတွင် လုံခြုံရေး အစောင့်ချထားခဲ့သည်။ အဆိုပါ လုံခြုံရေး အစောင့်ကျ စစ်သားများသည် လမ်းမ တစ်လျှောက် ဆိုင်ကယ် စီးသွားသည့် ဒေသခံ ရိုဟင်ဂျာများကို ဆိုင်ကယ် တစ်စီးကို လူသုံးယောက် စီးသည်၊ ဆိုင်ကယ် ဦးထုပ် မဆောင်းဟူ၍ အမျိုးမျိုး အပြစ်ရှာ ခြိမ်းခြောက်ကာ ဦးရှော်ဖိတ် အပါအ၀င် အခြားသော ဆိုင်ကယ်စီး ခရီးသွားများထံမှ ငွေကျပ် ငါးထောင်စီ ညှစ်ယူခဲ့ကြောင်း ဒေသခံများက RB News သို့ပြောပါသည်။ အခြားသော ရိုဟင်ဂျာ (၅) ဦးထံမှလည်း ငွေကျပ် ငါးထောင်စီ ညှစ်ယူခဲ့သည်။ ဦးရှော်ဖိတ်၏ ဆိုင်ကယ်တွင် လူ (၃) ဦးစီးခြင်း မရှိခဲ့သော်လည်း စစ်သားများက မဟုတ်မမှန် လုပ်ကြံ စွပ်စွဲ၍ ငွေညှစ်ခဲ့ခြင်း ဖြစ်သည်။