နယ်ခြားစောင့်ရဲ များက ရိုဟင်ဂျာ အမျိုးသမီး နှစ်ဦးကို မုဒိန်းကျင့်
MYARF
RB News
6.2.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ လောင်းဒုံ ကျေးရွာအုပ်စု၊ စေတီပြင်ရွာရှိ နယ်ခြားစောင့် ရဲတပ်ဖွဲ့ ကင်းစခန်းမှ စခန်း တာဝန်ခံ ဒုရဲအုပ် အပါအ၀င် နယ်ခြားစောင့်ရဲ (၄) ဦးသည် လောင်းဒုံ ကျေးရွာအုပ်စု၊ စေတီပြင်ရွာမှ နူရ်ကာမာလ် (ဘ) ဦးအာဘူဆော်ယာဒ် အပါအ၀င် သတင်းပေး နှစ်ဦးနှင့် အတူ ဖေဖော်ဝါရီလ (၅) ရက်နေ့ ည ၈း၃၀ နာရီ အချိန်တွင် ငါးစကြူး ကျေးရွာအုပ်စု၊ ပန်းမြောင်ရွာ (၂၀၁၄ ခုနှစ် မီးဘေးသင့် ဒုက္ခသည်များ ရှိသည့်ရွာ) သို့သွားရောက်၍ ဖေဖော်ဝါရီလ (၂) ရက်နေ့တွင် ၀က်ရူးပြန် ရောဂါထ၍ စမ်းချောင်းထဲသို့ လဲကျကာ သေဆုံးခဲ့သည့် မာမတ်ရော်ဖိတ် (ဘ) ဦးအာဘူလ်ဟာရှိမ်ကို မြေမြှပ်ရန် နယ်ခြားစောင့် ရဲတပ်ဖွဲ့အား သတင်းပို့ရန် ပျက်ကွက်ခဲ့သောကြောင့် ဦးအာဘူလ်ဟာရှိမ်ကို ဖမ်းဆီးရန် ရောက်လာသည်ဟု အကြောင်းပြသော်လည်း ဦးအာဘူလ်ဟာရှိမ်၏ အိမ်သို့ မ၀င်ဘဲ ဦးဆော်ယာဒ်အာလောမ် (ဘ) ဦးအာဘူအာလောမ်နှင့် ဦးဆော်ယာဒ်အာမတ် တို့၏ နေအိမ်များသို့ အုပ်စု နှစ်စုခွဲ၍ ၀င်ခဲ့သည်။
နယ်ခြားစောင့်ရဲများ အိမ်များထဲသို့ ၀င်သွားသည့် အခါ သတင်းပေးများက တံခါးအ၀တွင် စောင့်နေခဲ့သည်။ ဦးဆော်ယာဒ်အာလောမ်၏ အိမ်တွင် လင်မယား နှစ်ဦးသာ ရှိသည်။ ၎င်းတို့ လက်ထပ်ထားသည်မှာ နှစ်နှစ်ကျော် ရှိပြီး ဖြစ်သော်လည်း သားသမီး ထွန်းကားခြင်း မရှိသေးကြောင်း သိရသည်။ နယ်ခြားစောင့်ရဲ များက အိမ်ထဲသို့ ၀င်ဝင်ချင်း မိုဘိုင်ဖုန်း ထုတ်ပေးရန် ဖုန်းတောင်းခဲ့သည်။ အိမ်ရှင် ဦးဆော်ယာဒ်အာလောမ်က ဖုန်းမရှိသည့် အပြင် ဖုန်းလည်း မသုံးတတ်ကြောင်း ဖြေကြားရာ၊ နယ်ခြားစောင့်ရဲ များက ၎င်းကို လက်ထိပ်ခတ်၍ ခြေထောက်ကို ကြိုးဖြင့် ချည်နှောင်က ရိုက်နှက် ထိုးကြိတ်၍ အိမ်အပြင်သို့ ထုတ်ထားခဲ့သည်။
ထို့နောက် ၎င်း၏ ဇနီး ဒေါ် ------- (ဘ) ---- (အသက် ၂၅ နှစ်) ကို ရိုက်နှက်၍ နယ်ခြားစောင့်ရဲ များက အကြိမ်ကြိမ် အတင်းအဓမ္မ မုဒိန်းကျင့်ခဲ့သည်။
အလားတူ ဦးဆော်ယာဒ်အာလောမ်၏ အိမ်သို့ ၀င်ရောက်ပြီးနောက်လည်း ဖုန်းတောင်းခဲ့သည်။ ဦးဆော်ယာဒ်အာလောမ်က ၎င်းတွင် ဖုန်းမရှိကြောင်း ဖြေကြားရာ နယ်ခြားစောင့်ရဲ များက ရိုက်နှက် ထိုးကြိတ်ပြီး ၎င်းနှင့် အတူ မိသားစုဝင် အားလုံး၏ လက်များနှင့် ခြေထောက်များကို ကြိုးဖြင့် ချည်နှောင်ကာ အိမ်အပြင်သို့ ထုတ်ထားခဲ့သည်။ ထို့နောက် ၎င်း၏ သမီးဖြစ်သူ မုဆိုးမ ဒေါ် ----- (အသက် ၂၈ နှစ်) ကို ရိုက်နှက်၍ အကြိမ်ကြိမ် မုဒိန်းကျင့်ခဲ့သည်။
အမျိုးသမီးနှစ်ဦးက အကြိမ်ကြိမ် မုဒိန်းကျင့်သည်ကို မခံနိုင်တော့၍ အော်ဟစ်ကာ အိမ်နီးချင်းများ ထံမှ အကူအညီ တောင်းခံခဲ့သည်။ အမျိုးသမီးများ အော်ဟစ် နေသောကြောင့် မိသားစုများကလည်း အော်ဟစ် အကူအညီ တောင်းခံခဲ့သည်။ ၎င်းတို့၏ အော်ဟစ်သံ များကြောင့် အိမ်နီးချင်းများ စုဝေး ရောက်ရှိလာသဖြင့် နယ်ခြားစောင့်ရဲ များက လက်ထိပ်ကို ပြန်ဖြုတ်ယူကာ ထွက်သွားခဲ့ကြောင်း ဒေသခံများက RB News သို့ပြောပါသည်။
ရွာသားများက ဆူပူမှု ဖြစ်မည်ကို ကြောက်ရွံ၍ နယ်ခြားစောင့်ရဲ များကို လိုက်လံ ဖမ်းဆီးခြင်း မပြုလုပ်ဘဲ ကျေးရွာ အုပ်ချုပ်ရေးမှူး ဦးဆော်လိမ်ထံ ချက်ချင်း တိုင်ကြားခဲ့သည်။ ကျေးရွာ အုပ်ချုပ်ရေးမှူးက ယနေ့ ဖေဖော်ဝါရီလ (၆) ရက်နေ့ နံနက်ပိုင်းတွင် အဆိုပါ အိမ်များသို့ သွားရောက် စစ်ဆေးကာ၊ အိမ်ရှင်များနှင့် မုဒိန်းကျင့်ခံရသည့် အမျိုးသမီးများကိုပါ ခေါ်ယူ၍ ငါးခူရ ကျေးရွာ အခြေစိုက် အမှတ် (၅) နယ်မြေရှိ နယ်ခြားစောင့် ရဲတပ်ဖွဲ့ တပ်ရင်းမှူး ရဲမှူးကြီး ကျော်တေဇာထံ သွားရောက် တိုင်ကြားခဲ့သည်။
တပ်ရင်းမှူးက အမျိုးသမီး နှစ်ဦးကို စစ်ဆေးပြီးနောက် နယ်ခြားစောင့်ရဲများ စေလွှတ်ပြီး မုဒိန်းမှု ကျူးလွန်ခဲ့သည့် နယ်ခြားစောင့်ရဲ များကို ဆင့်ခေါ်ခဲ့သည်။
မုဒိန်းကျင့်ခံရသည့် အမျိုးသမီး နှစ်ဦး၊ မိသားစု များနှင့် ကျေးရွာ အုပ်ချုပ်ရေးမှူး တို့သည် ညနေ နေ၀င်ပြီးသည့် အချိန်ထိ ရွာသို့ ပြန်လည် ရောက်ရှိ လာခြင်း မရှိဘဲ တပ်ရင်းမှူး၏ စစ်ဆေးမှုကို ခံယူနေကြကြောင်း သိရှိရသည်။
အမျိုးသမီး နှစ်ဦးသည် နယ်ခြားစောင့်ရဲ များ၏ ရိုက်နှက်မှုနှင့် အဓမ္မပြုကျင့် ခံရမှုကြောင့် ဒဏ်ရာများ ရရှိ၍ ကျန်းမာရေး အခြေအနေ ဆိုးရွားလျက် ရှိနေသည်။
အဆိုပါ စေတီပြင် စခန်းမှ နယ်ခြားစောင့်ရဲ များသည် လမ်းသွားလမ်းလာ ရိုဟင်ဂျာ အမျိုးသမီး များကို အမြဲတစေ မဖွယ်မရာ ပြုလုပ်၍ ဆက်ဆံလေ့ ရှိသည်ဟု ဒေသခံများက ပြောပါသည်။ တပ်ရင်းမှူး ဦးကျော်တေဇာသည် ယခုနှစ် ဇန်န၀ါရီလ လဆန်းပိုင်းတွင် တောင်ပြို အခြေစိုက် အမှတ် (၃) နယ်မြေမှ ပြောင်းရွှေ့လာသူ ဖြစ်သည်။ တပ်ရင်းမှူးသည် ၎င်း၏ တပ်ဖွဲ့ဝင်များကို ဥပဒေဘောင် အတွင်း ကောင်းကောင်းမွန်မွန် ထိန်းသိမ်းထားသူ ဖြစ်သည်ဟု သိရှိရသည်။ အကယ်၍ တပ်ဖွဲ့ဝင်များ ကျူးလွန်လာပါက ဥပဒေနှင့် အညီ ပြင်းပြင်းထန်ထန် အရေးယူလေ့ ရှိသော နိုင်ငံတော် သစ္စာခံ အရာရှိကောင်း တစ်ဦးဖြစ်သည်ဟု တောင်ပြို ဒေသခံများက ချီးကျူး ပြောဆိုနေကြသည်။ ယခုလည်း တပ်ရင်းမှူးက ဥပဒေဘောင် အတွင်းမှ မှန်မှန်ကန်ကန် အရေးယူ ဖြေရှင်း ပေးမည်ဟု ဒေသခံများက ယုံကြည်နေကြသည်။
