မောင်တောမြို့တွင် ဌာနဆိုင်ရာ ၀န်ထမ်းများ ဆန္ဒပြပွဲ တစ်ရပ်ကျင်းပ
Rohingya Eye
RB News
6.2.2016
မောင်တော ။ ။ ရခိုင်ပြည်နယ်၊ မောင်တော မြို့နယ်၊ မောင်တော မြို့ပေါ် အနောက်ဘက် လမ်းမကြီး တစ်လျှောက်၌ ဖေဖော်ဝါရီလ (၅) ရက်နေ့ နံနက် ၇း၄၅ နာရီ အချိန်တွင် မောင်တော မြို့နယ် အုပ်ချုပ်ရေးမှူးနှင့် အဖွဲ့၊ ခရိုင် အုပ်ချုပ်ရေးမှူးနှင့် အဖွဲ့တို့ ဦးဆောင်၍ မောင်တောရှိ အစိုးရ ဌာနဆိုင်ရာ ပေါင်းစုံမှ ၀န်ထမ်း အင်အား ၃၀၀ ကျော်တို့သည် ဗီနိုင်းများ ကိုင်ဆောင်၍ ဆန္ဒဖော်ထုတ်ပွဲ တစ်ရပ် ကျင်းပခဲ့သည်။
ဆန္ဒပြပွဲတွင် အများဆုံး ပါဝင်သူများမှာ ပညာရေးဌာနမှ ဆရာ/မ များ ဖြစ်ကြပြီး၊ ဆန္ဒပြပွဲကို အကြောင်းပြ၍ မောင်တောရှိ ဆင်ခြေဖုံး ရပ်ကွက်ရှိ ကျောင်းအချို့တွင် ဆရာ/မ သွားရောက်၍ ပညာသင်ကြား ပေးခြင်း မရှိခဲ့ကြောင်း သိရှိရသည်။
ဆန္ဒပြပွဲတွင် ပါဝင်သူများသည် “နိုင်ငံတော် အေးချမ်းရေးနှင့် ဖွံ့ဖြိုးတိုးတက်ရေး -- ဒို့အရေး .. ဒို့အရေး”၊ “နယ်စပ်ဒေသ လုံခြုံရေး -- ဒို့အရေး .. ဒို့အရေး”၊ “တိုင်းရင်းသား ပေါင်းစုံ ညီလာခံ ကျင်းပရေးကို ကြိုဆိုခြင်း” အချက် (၃) ချက်ကို တောင်းဆိုခဲ့သည်။
လမ်းတစ်လျှောက် ဆန္ဒဖော်ထုတ်ပြီးနောက် ဆန္ဒပြပွဲတွင် ပါဝင်သူများသည် သီရိမင်္ဂလာ ခန်းမထဲသို့ ၀င်ရောက် သွားခဲ့သည်။ အဆိုပါ ခန်းမထဲတွင် အစည်းအဝေး ကျင်းပခဲ့ပြီး၊ ထိုစဉ် လမ်းမတစ်လျှောက်တွင် လုံခြုံရေး အပြည့်ချထားခဲ့ကြောင်း ဒေသခံများက RB News သို့ပြောပါသည်။
နိုင်ငံတော် အေးချမ်း သာယာရေးကို ဦးတည်သည့် လူမျိုးစွဲ၊ ပါတီစွဲ၊ ပုဂ္ဂိုလ်စွဲ မရှိသည့် အနိုင်ရပါတီမှ အစိုးရသစ် တစ်ရပ် ဖွဲ့စည်းနေချိန်တွင် လက်ရှိ အစိုးရ အာဏာပိုင်များ ဦးဆောင်ပြီး ဆန္ဒပြ တောင်းဆိုခြင်းသည် ဒေသခံ ရိုဟင်ဂျာ လူမျိုး တစ်မျိုးတည်း၏ ဖိနှိပ်ခံ၊ ညှဉ်းပန်း နှိပ်စက်ခံ ဘ၀ အခြေအနေကို လက်ရှိ အစိုးရ၏ မူဝါဒ အတိုင်း ကိုင်တွယ် ကျင့်သုံးရန် အတွက် နောက်တက်လာမည့် အစိုးရသစ်ကို ဆန္ဒပြနေခြင်း ဖြစ်သည်ဟု ဒေသခံများက ဝေဖန် ပြောဆိုနေကြသည်။
နယ်စပ်ဒေသ လုံခြုံရေးဟု ဆန္ဒပြ တောင်းဆိုနေခြင်းမှာလည်း သဘာဝ မကျဟု ဆိုသည်။ မောင်တော ခရိုင်တွင် န.စ.က လက်ထက်မှ စ၍ နှစ်စဉ် ဆွဲ၊တင်၊စစ် ပြုလုပ်လျက် ရှိသည်။ ဆွဲ၊တင်၊စစ် အစီရင်ခံစာ အရဆိုလျှင် မောင်တော ခရိုင်တွင် မည်သည့် ဘင်္ဂလားဒေ့ရှ် နိုင်ငံသားမှ ခိုးဝင် နေထိုင်ခြင်း မရှိသည်မှာ ထင်ရှားလျက် ရှိကြောင်း၊ အမှန်စင်စစ်မှာ ယခု လက်ရှိ အစိုးရ ဘင်္ဂလားဒေ့ရှ် နိုင်ငံသား ဘင်္ဂလီ - ဗုဒ္ဓဘာသာဝင် များကို ခေါ်ယူလာပြီး၊ ဒေသခံ ရိုဟင်ဂျာများ၏ မြေယာများကို လုယက်၍ ပေးနေခြင်းသာ ရှိသည်ဟု ဒေသခံများက ပြောပါသည်။
ဒေသခံများက ၎င်းတို့ လူမျိုးတစ်မျိုးတည်း ကိုသာ ပစ်မှတ်ထား၍ ဖိနှိပ်နေခြင်းမှာ အလွန် လူ့အခွင့်အရေး ချိုးဖောက် နေခြင်းသာ ဖြစ်ပြီး၊ ၂၀၁၂ ကဲ့သို့ ပြဿနာများ ပေါ်ပေါက်လာမည်ကိုလည်း အလွန်စိုးရိမ်လျက် ရှိနေကြကြောင်း၊ နောက်တက်လာမည့် အစိုးရအနေဖြင့် ရိုဟင်ဂျာများ ရသင့်ရထိုက်သည့် လူ့ဂုဏ်သိက္ခာ၊ အခွင့်အရေးများကို ပေးသွားမည်ဟု မျှော်လင့်လျက် ရှိသည်ဟု ဆိုသည်။
