နောက်ဆုံးသတင်း/ဆောင်းပါးများ

အလယ်သံကျော်မှ နယ်ခြားစောင့်ရဲ များက အမျိုးသမီးတစ်ဦး ထံမှ သိန်း ၅၀ ညှစ်သည့် အပြင် တရားစွဲ ထောင်ချ



RB News
25.3.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ အလယ်သံကျော် ကျေးရွာအုပ်စု၊ မောင်တူလာရွာမှ ဒေါ်ဟူမိုက်ရာ (ဘ) ဦးရော်ဟီမူလ္လာ (အသက် ၃၁ နှစ်) ၏ နေအိမ်သို့ ၂၀၁၅ ခုနှစ် သြဂုတ်လ (၁၄) ရက်နေ့တွင် နယ်ခြားစောင့် ရဲတပ်ဖွဲ့ ဒေသ (၄) အပိုင် အလယ်သံကျော် စခန်းမှ ရဲအုပ်ခင်ဝင်းနှင့် နယ်ခြားစောင့်ရဲ အချို့က စစ်ဆေးရန်ဟု ဆိုကာ ၀င်ရောက်၍ စစ်ဆေးခဲ့သည်။ စစ်ဆေးပြီး တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း ဒေါ်ဟူမိုက်ရာ၏ ဖုန်းထဲသို့ ဘင်္ဂလား ဆင်းမ်ကဒ် ထည့်သွင်းပေးကာ ငွေကျပ် သိန်း (၅၀) ညှစ်ရန် ကြိုးစားခဲ့သည်။ 

ဒေါ်ဟူမိုက်ရာက ငွေကျပ် သိန်း (၅၀) ပေးရန် ငြင်းဆိုသောအခါ ဖမ်းဆီး ခေါ်ဆောင် သွားပြီး တရားစွဲဆိုခဲ့သည်။ ထို့နောက် မိသားစုဝင်များကို ဒေါ်ဟူမိုက်ရာအား လွှတ်ပေးမည်ဟု ပြောကြားပြီး ငွေကျပ် သိန်း (၅၀) ညှစ်ယူခဲ့သည်။ ငွေညှစ်ပြီးနောက် ပြန်လည် လွှတ်ပေးခြင်း မရှိခဲ့ဘဲ တရားရုံးမှ ထောင်ဒဏ် (၃) လ မတရားသဖြင့် ချမှတ်ခဲ့သည်။ 

ဒေါ်ဟူမိုက်ရာသည် ဖမ်းဆီးခံရချိန်တွင် ကိုယ်ဝန်ဆောင် ထားသူ ဖြစ်ပြီး၊ ဆယ်နှစ်အောက် ကလေး (၄) ဦး၏ မိခင် ဖြစ်သည်။ ထောင်ဒဏ်ချခံရပြီး လွန်ခဲ့သည့် လအနည်းငယ် ပြန်လည် လွတ်မြောက် လာခဲ့သည်။ 
မတ်လ (၁၉) ရက်နေ့ ည (၁၁) နာရီခန့် အချိန်တွင် ဒေါ်ဟူမိုက်ရာ၏ ခင်ပွန်း ဖြစ်သူ ဆေးကုသရန် ခရီးထွက်နေခိုက် အလယ်သံကျော်မှ စခန်းမှ ရဲမှူးသန်းလွင်နှင့် နယ်ခြားစောင့်ရဲ အချို့ ရောက်ရှိလာပြီး တစ်အိမ်လုံးကို ရှာဖွေ စစ်ဆေးခဲ့သည်။ တရားမ၀င် ပစ္စည်း တစ်စုံတစ်ရာ မတွေ့ရှိသော်လည်း နယ်ခြားစောင့်ရဲ များက အမျိုးမျိုး ခြိမ်းခြောက်ပြီး ငွေညှစ်ရန် ကြိုးစားခဲ့သည်။ ၎င်းက မိမိမှာ ငွေမရှိတော့ကြောင်း၊ ရွှေတစ်ကျပ်သား ကျန်တော့ကြောင်း၊ မိမိကို လက်ထိပ်ခတ် ထားသည်ကို လွှတ်ပေးရန် အသနားခံကြောင်း ပြောကြားသည်ကို အိမ်နီးချင်းများက ကြားသိခဲ့ကြောင်း ဒေသခံ ရွာသား အချို့က RB News သို့ ပြောသည်။ 

နယ်ခြားစောင့်ရဲ များက နောက်ဆုံးတွင် ရွှေယူ၍ စာရွက် အလွတ်ပေါ်တွင် လက်ဗွေနှိပ်ခိုင်းကာ ပြန်လည် လွှတ်ပေးခဲ့ကြောင်း သိရှိရသည်။ 

Comment ရေးရန်

Rohingya Exodus