မြေပုံ ဒုက္ခသည် စခန်းမှ ဒုက္ခသည်များ စားဝတ်နေရေး ကျန်းမာရေး အခက်အခဲများစွာ ကြုံတွေ့နေရ

အဆိုပါ ဒုက္ခသည် စခန်းတွင် WFP ကမ္ဘာ့ စားနပ်ရိက္ခာ အဖွဲ့မှ ထောက်ပံ့သည့် ဆန်များကို MHZO အဖွဲ့မှ ၀န်ထမ်း တစ်ဦးက ဒုက္ခသည် တစ်ဦးအတွက် တစ်ရက်လျှင် ဆန်တစ်ဗူးခွဲနှုန်းဖြင့် ပေးဝေလျက် ရှိသည်။ ဒုက္ခသည် များမှ ဆန်မှအပ ကျန်သည့် မည်သည့် ရိက္ခာမှ မရရှိသောကြောင့် (၁၅) ရက်စာ ဆန်ချန်ထား၍ ကျန်သည်များကို အပြင်သို့ ရောင်းချကာ အခြား စားသောက်ဖွယ်ရာများ ၀ယ်ယူနေရသည်။ 

ဒုက္ခသည်စခန်းမှ ဆန်တစ်အိတ် အပြင်သို့ ရောင်းချလျှင် စခန်း လုံခြုံရေး တာဝန်ယူထားသည် တာဝန်ခံ ရဲအုပ်လှဝင်းကို ငွေကျပ် တစ်ထောင်စီ ပေးရသည်။ ထို့အပြင် ဒုက္ခသည် စခန်းတွင်း ရောင်းချရန် နွားတစ်ကောင် ယူလာပါက အဆိုပါ တာဝန်ခံကို ငွေကျပ် (၅) သောင်း ပေးရကြောင်း ဒုက္ခသည်များက ပြောပါသည်။ ဒုက္ခသည်များမှာ ၎င်းတို့၏ ဆန်များ ရောင်းချ၍ အမဲသား တစ်ပိဿာလျှင် ငွေကျပ် တစ်သောင်းငါးထောင်နှုန်းဖြင့် ၀ယ်ယူ စားသောက်ရသည်။ 

စခန်းတွင်းသို့ ပြင်ပမှ အခြားပစ္စည်းများ ၀ယ်ယူ၍ ယူလာပါ စခန်း လုံခြုံရေး တာဝန်ခံ ရဲအုပ်လှဝင်းကို ပစ္စည်း တန်ဖိုး၏ ၁၀% ပေးသွင်း နေရသည်။ 

R.I.A အဖွဲ့မှ ဦးစီး၍ စခန်းနှင့် ဝေးသည့် နေရာတွင်ရှိသည့် ရေတွင်းနှစ်တွင်းမှ ရေစုပ်စက်ဖြင့် ရေပေးဝေနေသော်လည်း အဆီအနံ့ရှိခြင်း၊ မသန့်ရှင်းခြင်း တို့ကြောင့် သောက်သုံးရေ အဖြစ် သောက်သုံးရန် အခက်ကြုံနေသည်ဟု ဆိုသည်။ ထို့အပြင် ရေကိုလည်း နံနက် အစောပိုင်းတွင် တန်းစီ စောင့်ဆိုင်း၍ ယူနေရသည်ဟု ပြောပါသည်။ 

R.I.A အဖွဲ့မှ နေ့စဉ် နှစ်နာရီကြာ ဆေးဝါး ကုသပေးရန် စီစဉ် ပေးထားသော်လည်း အချိန်အလွန် နည်းသောကြောင့် ဒုက္ခသည်များ၏ ကျန်းမာရေး စောင့်ရှောက်မှု အားနည်းသည်ဟု ဆိုသည်။ အခြား မည်သည့် အဖွဲ့အစည်းကမှ ကူညီ စောင့်ရှောက် ပေးနေခြင်း မရှိသောကြောင့် ကျန်းမာချို့တဲ့လာပါ အသက်ရှင် ရပ်တည်နိုင်ရန် နည်းလမ်းမရှိဟု ပြောပါသည်။ 

ထိုကဲ့သို့ အခက်အခဲ ပေါင်းစုံကို မခံနိုင်တော့၍ မတ်လ (၁၈) ရက်နေ့တွင် မိသားစုနှစ်စုသည် နှစ်ရက်ကြာ လမ်းခရီးကို စွန့်စား၍ စစ်တွေမြို့ ဘူမေ ဒုက္ခသည် စခန်းသို့ ပြောင်းရွှေ့ သွားခဲ့သည်။ လမ်းခရီးတွင် အသက် (၃) နှစ်အရွယ် ကလေးငယ် တစ်ဦး ဖြစ်သည့် အဒူရော်ရှိတ် သေဆုံးသွားခဲ့ကြောင်း ဘူမေမှ ဒုက္ခသည်တစ်ဦး၏ ပြောကြားချက် အရ သိရှိရသည်။ 

ဒုက္ခသည်များက ၎င်းတို့ ကြုံတွေ့နေရသည့် အခက်အခဲများကို နိုင်ငံတကာ အဖွဲ့အစည်းများမှ စာနာ၍ ကူညီ ဖြေရှင်းပေးရန် အထူးလိုလား နေကြသည်။