မောင်တော နတ်ချောင်း အုပ်ချုပ်ရေးမှူး၏ ယုတ်မာမှုကြောင့် အမျိုးသမီးပျိုများ ဒုက္ခရောက်နေ
MYARF
RB News
4.4.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ နတ်ချောင်း (ယခင် ပဒေကား ဒေ၀ါနာလီ) ကျေးရွာ အုပ်ချုပ်ရေးမှူး ဦးဝင်းဘိုး (ဘ) ဦးပြေရီဝင်း (မြိုလူမျိုး) သည် ရိုဟင်ဂျာ အမျိုးသမီး တစ်ဦးကို ခြိမ်းခြောက်၍ တရားမ၀င် ပေါင်းသင်းပြီး ကိုယ်ဝန် ရလာသည့်အခါ ကိုယ်ဝန် ဖျက်ချခိုင်းခဲ့ကြောင်း သတင်း ရရှိပါသည်။
အဆိုပါ ကျေးရွာ အုပ်ချုပ်ရေးမှူး ဦးဝင်းဘိုးသည် တောင်ပေါ်သား မြိုလူမျိုး တစ်ဦး ဖြစ်သော်လည်း အုပ်ချုပ်ရေးမှူး ခန့်အပ်ခြင်း ခံခဲ့ရသည့်နေ့မှ စ၍ ရိုဟင်ဂျာများ ရှိရာ အရပ်သို့ ပြောင်းရွှေ့ နေထိုင်လာခဲ့သည်။ ၎င်းသည် ရိုဟင်ဂျာများ၏ နေအိမ်များတွင် တည်းခိုနေထိုင်၍ ရိုဟင်ဂျာ အမျိုးသမီး အပျိုများကို နည်းမျိုးစုံဖြင့် ခြိမ်းခြောက်၍ သားမယား ပြုကျင့်ခဲ့သည်ဟု ဒေသခံ တစ်ဦးက RB News သို့ပြောသည်။
၂၀၁၅ ခုနှစ် အစောပိုင်းမှ စ၍ ယင်းကျေးရွာအုပ်စု သဲချောင်းရွာမှ ဆယ်အိမ်မှူး ဖြစ်သူ ဦး ------ (ဘ) ------ ၏ အိမ်တွင် နေထိုင်၍ ဆယ်အိမ်မှူး၏ အသက် (၂၁) နှစ်အရွယ် သမီးကို ခြိမ်းခြောက်၍ တစ်နှစ်တိုင်တိုင် တရားမ၀င် ပေါင်းသင်းခဲ့ပြီး၊ ယခုနှစ် ဖေဖော်ဝါရီလ လဆန်းပိုင်းတွင် ကိုယ်ဝန် (၆) လ ရှိနေသည်ကို လူမဆန်သည့် အုပ်ချုပ်ရေးမှူးက သိရှိသည့်အခါ သစ်မြစ်များ သုံး၍ သဘာဝမကျသည့် နည်းလမ်းဖြင့် ကိုယ်ဝန်ကို အတင်းအဓမ္မ ဖျက်ချခိုင်းခဲ့သည်။ ကိုယ်ဝန်ဆောင် အမျိုးသမီးမှာ မမှန်ကန်သည့် ဆေးများကြောင့် သွေးလွန်ပြီး သတိလစ်မတတ် ခံစားခဲ့ရသည်ဟု အဆိုပါ ဒေသခံက ပြောပါသည်။ မတ်လ (၂၄) ရက်နေ့တွင် အခြေအနေ ဆိုးရွားလာသဖြင့် တမန်းသား ကျန်းမာရေး ဌာနသို့ ပို့ဆောင်၍ ဆေးရုံတင်၍ ဆေးကုသရန် ကြိုးစားခဲ့သည်။ ကျန်းမာရေးမှူး ဦးမောင်သာထွန်းက အဖြစ်မှန်ကို သိသည့်အခါ ဆေးကုသပေးရန် ငြင်းဆန်ခဲ့သည်။ သို့သော်လည်း အုပ်ချုပ်ရေးမှူးက ကျန်းမာရေးမှူးကို ငွေအမြောက်အမြား ပေး၍ ဆေးကုသခိုင်းခဲ့သည်ဟု အဆိုပါ ဒေသခံက ပြောပါသည်။
ယခုအခါ အုပ်ချုပ်ရေးမှူး ဦးဝင်းဘိုးသည် ဆယ်အိမ်မှူး၏ နေအိမ်တွင် မနေတော့ဘဲ အခြားအိမ်တစ်အိမ်တွင် နေထိုင်လျက် ရှိပြီး ထိုအိမ်တွင်လည်း အပျို မိန်းကလေး တစ်ဦးကို ခြိမ်းခြောက်၍ ပေါင်းသင်း နေထိုင်လျက် ရှိသည်ဟု သိရှိရသည်။
နတ်ချောင်း ကျေးရွာတွင် ရှိသည့် စုစုပေါင်း လူဦးရေ၏ ၉၆ ရာခိုင်နှုန်းမှာ ရိုဟင်ဂျာများ ဖြစ်ပြီး ကျန်သည့် ၄ ရာခိုင်နှုန်းခန့်မှာ မြိုလူမျိုးများ ဖြစ်သည်။ ရိုဟင်ဂျာများထဲတွင် အုပ်ချုပ်ရေးမှူး တာဝန် ထမ်းဆောင်ရန် လိုအပ်သည့် အရည်အချင်း ပြည့်စုံသော ပုဂ္ဂိုလ် အများအပြား ရှိသော်လည်း အရည်အချင်း မရှိ၊ အကျင့်ပျက် တောင်ပေါ်မြို့သား မြိုလူမျိုး တစ်ဦးကို သက်ဆိုင်ရာ အာဏာပိုင်များက ကျေးရွာ အုပ်ချုပ်ရေးမှူး ခန့်အပ်ပြီး ရိုဟင်ဂျာ လူမျိုးများကို အနိုင်ကျင့်ရန်၊ တမင် ဒုက္ခရောက်စေရန် ပြုလုပ်ခြင်းသည်သာ ဖြစ်သည်ဟု ဒေသခံများက ဝေဖန် ပြောဆိုနေကြသည်။
