နောက်ဆုံးသတင်း/ဆောင်းပါးများ

မဆင်မခြင် အရှိန်ဖြင့် မောင်းနှင်မှုကြောင့် မြေးအဖွားနှစ်ဦး ပွဲချင်းပြီး သေဆုံးရ



MYARF
RB News
15.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မြို့သူကြီး ကျေးရွာတွင် ယာဉ်တိုက်မိ၍ အမျိုးသမီး တစ်ဦးနှင့် ကလေးငယ် တစ်ဦး သေဆုံးခဲ့ရကြောင်း သတင်း ရရှိပါသည်။

မေလ (၁၄) ရက်နေ့ နံနက် ၁၀း၃၀ နာရီ အချိန်ခန့်တွင် မြို့သူကြီး ကျေးရွာအုပ်စု၊ ရာဇာဘိလ်ရွာမှ ဒေါ်အာမီနာခါတူ (ဘ) ဦးအေဇာရ်မျာ (အသက် ၄၀ နှစ်) သည် (၂၄) ရက်သား အရွယ်ရှိသည့် ၎င်း၏ မြေးဖြစ်သူ အိုမောရ်ဖိုင်ဆဲလ် (ဘ) ဦးနူရ်ဟာရှိမ်ကို ပွေ့ချီ၍ မောင်တောမြို့မ ဈေးမှ ဆေးကုသမှု ခံယူ၍ ပြန်လာနေစဉ် မြို့သူကြီး ကျေးရွာ အရှေ့ဘက် ရာဇာဘိလ် လမ်းဝသို့ရောက်သည့် အခါ (၃) မိုင်ဘက်မှ အရှိန်ဖြင့် မောင်းနှင်လာသည့် Tiba ကုန်တင်ကား တစ်စီးက ၀င်တိုက်ခဲ့သည်။ ယာဉ်တိုက်ခံရသည့် မြေးအဖွား နှစ်ဦးလုံးသည် ထိုနေရာတွင်ပင် ပွဲချင်းပြီး သေဆုံးခဲ့ကြောင်း မျက်မြင်သက်သေ တစ်ဦးက RB News သို့ပြောသည်။

ယာဉ်မောင်းဖြစ်သူ ဦးပူရီသည် ယာဉ်တိုက်မှု ဖြစ်ပွားပြီးနောက် ကားကို ယင်းရွာထဲတွင် ထား၍ ထွက်ပြေး သွားခဲ့သည်။ နာရီပိုင်းအတွင်း ယာဉ်ထိန်းရဲများက လာရောက် စစ်ဆေးပြီးနောက် အမျိုးသမီးနှင့် ကလေးငယ်တို့၏ ရုပ်အလောင်းများကို ခွဲစိတ် စစ်ဆေးရန် မြို့နယ် ပြည်သူ့ဆေးရုံ ပို့ဆောင်ခဲ့သည်။ ညနေ (၄) နာရီ အချိန်တွင် အလောင်းများကို မိသားစု ထံသို့ လွှဲပြောင်း ပေးခဲ့ပြီး၊ ည (၇) နာရီခန့် အချိန်တွင် မြေမြှပ် သဂြိုဟ်ခဲ့ကြောင်း ဒေသခံတစ်ဦးက ပြောပါသည်။ 

အမျိုးသမီးနှင့် ကလေးငယ်ကို တိုက်ခဲ့သည့် ကားနံပါတ်မှာ YNG – 5T – 1649 ဖြစ်ပြီး၊ ကားပိုင်ရှင်မှာ (၄) မိုင် ရခိုင်ရွာမှ ဦကျော်စိန် ဖြစ်သည်။ ယာဉ်မောင်း ဦးပူရီသည် မြို့သူကြီး ကျေးရွာအုပ်စု ဝေသာလီရွာမှ ဖြစ်သည်။ 

“အခု ယာဉ်တိုက်မှုက မတော်တဆ ဖြစ်ခဲ့တာ မဟုတ်ဘူး။ မဆင်မခြင် အရှိန်နဲ့ မောင်းလို့ ဖြစ်တာ။ ရခိုင် ယာဉ်မောင်းတွေက ရိုဟင်ဂျာရွာတွေထဲ ၀င်လာတာနဲ့ အရှိန်ပြင်းပြင်းနဲ့ ကားမောင်းတယ်။ အဲလို မဆင်မခြင် မောင်းတာကြောင့် အခုလို ယာဉ်တိုက်မှု ဖြစ်ရတာ” ဟု ယင်းရွာသား တစ်ဦးက ပြောပါသည်။ 

သက်ဆိုင်ရာ ရဲစခန်းမှ ယာဉ်တိုက်မှု ကျူးလွန်သူကို ဥပဒေအရ အရေးယူ ဆောင်ရွက်ပေးရန်နှင့် သေဆုံးသူ များ၏ မိသားစုများကို လျော်ကြေးပေးရန် ဒေသခံများက မေတ္တာရပ်ခံသည်ဟု အဆိုပါ ရွာသားက ပြောပါသည်။

Comment ရေးရန်

Rohingya Exodus