ကျီးကန်းပြင် တောင်ရွာအနီးမှ ရိုဟင်ဂျာများ၏ နွားအကောင် ၄၀ ကျော်ကို စစ်သားများက လုယက်ယူဆောင်သွား
Rohingya Eye
RB News
28.10.2016
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျီးကန်းပြင် ကျေးရွာအုပ်စု တောင်ရွာအနီးမှ ဒေသခံ ရိုဟင်ဂျာများ ပိုင်ဆိုင်သည့် နွားအကောင် ၄၀ ကျော်ကို စစ်သားများက န.တ.လ ရွာသားများနှင့် ပူးပေါင်း၍ လုယက် ယူဆောင် သွားကြောင်း သတင်း ရရှိပါသည်။
အောက်တိုဘာလ (၂၇) ရက်နေ့ နံနက် ၁၀ နာရီခန့်တွင် စစ်သားများသည် ကျီးကန်းပြင် ကျေးရွာအုပ်စု တောင်ရွာသို့ စီးနင်း ၀င်ရောက်ခဲ့ပြီး၊ ရွာအတွင်း မည်သူတစ်ဦးတစ်ယောက်ကိုမှ မတွေ့ရှိသောကြောင့် ရွာ၏ အရှေ့ဘက်ပိုင်းရှိ လယ်ကွင်းပြင်သို့ သွားရောက်ခဲ့သည်။ လယ်ကွင်းပြင်တွင် နွားအကောင် (၄၀) ကျော် ကျောင်းနေသည့် သူများကို တွေ့သည့် အခါ အကြောင်းမဲ့ ဖမ်းဆီးရန် ကြိုးစားသောကြောင့် နွားကျောင်းနေသူများ ထွက်ပြေးသွားခဲ့သည်။ ထို့နောက် စစ်သားများက နွားများ အားလုံးကို န.တ.လ ရွာသားများနှင့် အတူ အောင်ဇေယျ န.တ.လ ရွာသို့ မောင်းသွင်းလိုက်ပြီး၊ နွားများနှင့် အတူ ရှိနေခဲ့သည့် ဆိတ်နှစ်ကောင်ကို သတ်ဖြတ်၍ တောင်ရွာ၏ ဘေးကပ်လျက်တွင် ရှိသည့် ဦးမူဇာဖောရ်၏ ဥယျာဉ်ခြံတွင် ချက်ပြုတ် စားသောက်၍ တစ်ညလုံး စခန်းချ နေခဲ့ကြောင်း ဒေသခံတစ်ဦးက RB News သို့ပြောသည်။
လွန်ခဲ့သည့် ရက်ပိုင်းက ကျီးကန်းပြင် အလယ်ရွာမှ နှင်ထုတ်ခဲ့ရသည့် ဒေသခံ ဦးမိုဟာမတ်နူးရ် (ဘ) ဦးအဒူဂဖူရ်သည် ၎င်း၏ နွား (၉) ကောင်ကို တောင်ရွာရှိ အိမ်တစ်အိမ်တွင် ထားရှိခဲ့ရာ ၎င်း၏ နွား (၉) ကောင်လည်း စစ်သားများ လုယက်ယူဆောင် သွားသည့် အထဲတွင် ပါဝင်သွားကြောင်း သိရှိရသည်။
စစ်သားများ ဦးမူဇာဖောရ်၏ ဥယျာဉ်ခြံတွင် ရှိနေစဉ် အချိန် ည ၁၁း၃၀ နာရီခန့်တွင် အရပ်ဝတ်ဖြင့် လူ (၅) ဦးသည် လက်နက်များ ကိုင်ဆောင်၍ ကျီးကန်းပြင် တောင်ရွာသို့ ၀င်ရောက်လာပြီး ဦးအ၀ဲလ်အစ္စလာမ် (ဘ) ဦးအေဇာမျာ၏ နေအိမ်ထဲသို့ ၀င်ရောက်ကာ ဆယ်ကျော်သက် တစ်ဦးကို လူမဆန်စွာ ရိုက်နှက်ခဲ့သည်။ ထို့နောက် ဦးဟာဒိရ် (ဘ) ဦးမာမွတ်ဟာဆောင်၏ နေအိမ်သို့ ၀င်ရောက်၍ အိမ်ရှင် ဖြစ်သူ၏ ဖခင်နှင့် ၀ပိတ်ရွာမှ ရွာစွန့်ခွာခဲ့ရသူ ယောက္ခထီး တို့ကို လူမဆန်စွာ အဆိုပါ အရပ်ဝတ်ဖြင့် လူ(၅) ဦးက လူမဆန်စွာ ရိုက်နှက်ခဲ့သည်။ ဦးဟာဒိရ်၏ ဖခင်ဖြစ်သူမှာ အသက် (၇၀) ကျော်ဖြစ်ပြီး၊ ယောက္ခထီး ဖြစ်သူမှာလည်း သက်ကြီးရွယ်အိုဖြစ်သည်။ လူမဆန်စွာ ရိုက်နှက်မှုကြောင့် ယောက္ခထီးဖြစ်သူ၏ ဦးခေါင်းကွဲသွားကြောင်း သိရှိရသည်။
အောက်တိုဘာ (၂၆) ရက်နေ့ ညပိုင်းတွင် နွားရုံတောင် ကျေးရွာအုပ်စု၊ ရေများတောင်ရွာသို့ ပြသရွာမှ ရခိုင်အမျိုးသား တစ်ဦးသည် သေနတ် ကိုင်ဆောင်၍ ကျောပိုးအိတ်တစ်လုံး လွယ်ကာ ၀င်ရောက်လာခဲ့သည်။ ၎င်းသည် ရွာအတွင်း ဒေါ်ရိုမီဒါ၏ နေအိမ်နောက်ဖေးသို့ ရောက်ရှိသောအခါ လမ်းလျှောက်၍ လှုပ်ရှားနေသည့် အသံကြောင့် ဒေါ်ရိုမီဒါက တွေ့ရှိသွားပြီး မေးမြန်းသောအခါ ဖားရှာရန် လာခဲ့ခြင်း ဖြစ်ကြောင်း ဖြေကြားခဲ့သည်။ ထို့နောက် ဒေါ်ရိုမီဒါက သေနတ်ဖြင့် ဖားရှာနေသည်မှာ ရွာအတွက် အန္တရာယ် ရှိသည်ဟု တွေးကာ ရွာအတွင်းရှိ ကင်းသမားများ အော်ခေါ်ခဲ့သည်။ ကင်းသမားများက သေနတ်ကိုင်ဆောင် ထားသူကို ဖမ်းဆီးပြီး ရွာတာဝန်ခံကို ဖုန်းဆက် အကြောင်းကြားခဲ့သည်။ ရွာတာဝန်ခံ ချက်ချင်း ရောက်ရှိလာပြီး၊ ကျေးရွာအုပ်စု အုပ်ချုပ်ရေးမှူးကို ဦးချစ်မြအောင်ကို ဖုန်းဆက် ခေါ်ရာ အုပ်ချုပ်ရေးမှူး ရောက်ရှိလာပြီး သေနတ်သမားကို ပြန်လွှတ်ပေးရန် ပြောသောကြောင့် ပြန်လွှတ်ပေးခဲ့ရကြောင်း ဒေသခံများက RB News သို့ပြောသည်။
