နောက်ဆုံးသတင်း/ဆောင်းပါးများ

ရခိုင်လက်နက်ကိုင် အဖွဲ့များ ကိုင်ဆောင်သည့် လက်နက်များနှင့် နယ်ခြားစောင့်ရဲများ၏ လက်နက်များ တစ်ပုံစံတည်းဟု မျက်မြင်များပြော

Rohingya Eye
RB News
5.10.2016

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း တောင်တန်းများပေါ်တွင် ရခိုင်လက်နက်ကိုင် အဖွဲ့များ ကိုင်ဆောင်ထားသည့် လက်နက်များမှာ နယ်ခြားစောင့်ရဲများ ကိုင်ဆောင်သည့် လက်နက်များနှင့် တူနေသည်ဟု မျက်မြင်တွေ့ရှိသူများ၏ ပြောကြားချက်များအရ သိရှိရသည်။ 

မောင်တောမြို့နယ် တောင်ပိုင်း သံဒါကျေးရွာမှ လူငယ် (၅) ဦးသည် အောက်တိုဘာလ (၁) ရက်နေ့ နံနက် (၈) နာရီအချိန်တွင် တောင်ပေါ်၌ ထင်းခုတ်နေစဉ် ဇော်မတက်ကျေးရွာအုပ်စု၊ ကိုင်းကြီး န.တ.လ ရွာမှ အငြိမ်းစား မူလတန်းပြဆရာ၏ သားဖြစ်သူ မောင်ဝင်းချေ (အသက် ၃၀ နှစ်) နှင့် အတူ လူ (၈) ဦး တောင်ပေါ်သို့ တက်လာနေသည်ကို တွေ့ရှိပြီး ကြောက်ရွံ၍ ပုန်းအောင်းနေခဲ့ကြသည်။ 

မောင်ဝင်းချေနှင့် အဖွဲ့သည် ဆန်အိတ်များ၊ ကြက်များ၊ ဆီ၊ ဆား စသော ရိက္ခာများကို တောင်ပေါ်သို့ သယ်ယူနေခြင်းဖြစ်ကြောင်း၊ ၎င်းတို့သည် လက်နက်ကိုယ်စီ ကိုင်ဆောင်ထားကြောင်း၊ ကိုင်ဆောင်ထားသည့် လက်နက်များမှာ နယ်ခြားစောင့်ရဲများ ကိုင်ဆောင်သည့် လက်နက်နှင့် တစ်ပုံစံတည်း ဖြစ်နေသည်ကို သတိထားမိကြောင်း တောင်ပေါ်သို့ ထင်းခုတ်ရန်သွားသည့် လူငယ် (၅) ဦးက ပြောပါသည်။ 

ထို့အပြင် ဇော်မတက် ကျေးရွာ၏ အရှေ့ဘက်တောင်တန်း အနီးတွင် တည်ရှိသော မြိုလူမျိုးများ နေထိုင်ရာ ရွာတွင်လည်း လူစိမ်းအများအပြား တွေ့ရှိခဲ့ကြောင်း၊ ၎င်းတို့သည် ဓါးရှည်နှင့် လှံကဲ့သို့ လက်နက်များ ကိုင်ဆောင်ထားကြောင်း၊ အဆိုပါရွာသို့ သွားရောက်ခဲ့သူ တစ်ဦးက RB News သို့ပြောသည်။ 

အောက်တိုဘာလ (၃) ရက်နေ့တွင် ကံဘူးကျေးရွာမှ ဆိုင်ကယ်ဖြင့် ပြန်လာနေသော ဇော်မတက် ကျေးရွာသား (၃) ဦးကို ကိုင်းကြီးရွာမှ ရခိုင်အစွန်းရောက် နှစ်ဦးက ရပ်တန့်ခိုင်းကာ ၎င်းတို့တွင် ပါလာသည့်ငွေများနှင့် မိုဘိုင်းဖုန်း နှစ်လုံးကို လုယက်ယူဆောင် သွားကြောင်း သိရှိရသည်။ 

ဒေသခံတစ်ဦးက “ဘုန်းကြီးတွေ ငါးဝယ်နေတာ အရင်လိုမဟုတ်ဘူး။ အများကြီး ပိုဝယ်နေတာ တွေ့ရတယ်၊ ဆန်အိတ်တွေလည်း အရင်ကထက် ပိုဝယ်နေကြတယ်။ ဒါက ရခိုင်လက်နက်ကိုင်အဖွဲ့နဲ့ ဆက်စပ်မှု ရှိနေတယ်လို့ထင်တယ်။ ကျွန်တော်တို့ စိုးရိမ်တာက မဆိုင်သူတွေကို တိုက်ခိုက်မှာကိုဘဲ” ဟု စိုးရိမ်စွာဖြင့် ပြောသည်။ 

မောင်တောမြို့နယ် တောင်ပိုင်းတွင် ရခိုင်လက်နက်ကိုင် အဖွဲ့များ ခြေကုပ်ယူလာနေသည်ကို တွေ့ရှိရပြီး၊ ဒေသခံများကို တိုက်ခိုက် နှောက်ယှက်ခြင်းများ မရှိသော်လည်း၊ ဒေသခံများက စိုးရိမ်စိတ်များ ဖြစ်ပေါ်လျက် ရှိသည်။ ရခိုင် လက်နက်ကိုင်အဖွဲ့များ လှုပ်ရှားလာလျှင် နယ်မြေ တည်ငြိမ်အေးချမ်းရေးကို ပျက်ပြားအောင် လှုံ့ဆော်သည့် ရခိုင်အစွန်းရောက်များက လုယက်ခြင်း၊ အကြောင်းမဲ့ တိုက်ခိုက်ခြင်းများ ပြုလုပ်သဖြင့် ဒေသခံများက လက်နက်ကိုင်အဖွဲ့၏ ရန်ထက် အခြေအနေကို အခွင့်ကောင်းယူသည့် အစွန်းရောက်များ၏ အန္တရာယ်ကို ပိုမိုကြောက်ရွံနေရသည်ဟု ဆိုသည်။



Comment ရေးရန်

Rohingya Exodus