မြို့မကညင်တန်း အုပ်ချုပ်ရေးမှူး၏ အုပ်ချုပ်ရေး ညံ့ဖျင်းမှု ဒုစရိုက်လုပ်ငန်းများကို ဆက်ကြေးယူ ခွင့်ပြုထားခြင်းကြောင့် ကျေးရွာတွင်း တည်ငြိမ်မှု ပျက်ပြားလာ

RB News

7.5.2017

မောင်တော ။ ။ ရခိုင်ပြည်နယ်၊ မောင်တောမြို့နယ် မြို့မကညင်တန်း ကျေးရွာအုပ်စု အုပ်ချုပ်ရေးမှူးသည် ကျေးရွာ အုပ်ချုပ်ရေးတာဝန်ကို အလေးမထားဘဲ ငွေရရှိပြီး ချမ်းသာကြွယ်ဝရေးကိုသာ ဦးစားပေး ဆောင်ရွက်နေသောကြောင့် ကျေးရွာတွင်း မတည်မငြိမ်မှုများ ဖြစ်ပေါ်လျက် ရှိကြောင်း သတင်းရရှိပါသည်။

မြို့မကညင်တန်း ကျေးရွာအုပ်စု အုပ်ချုပ်ရေးမှူးသည် ၂၀၁၅ ခုနှစ် ရွေးကောက်ပွဲအပြီး ဒုတိယသက်တမ်း အတွက် ရာထူးရရှိလာသည့်အချိန်မှစ၍ ရွာသူရွာသားများ၏ အကျိုး၊ တည်ငြိမ်အေးချမ်းရေးတို့ကို ဂရုမစိုက်ဘဲ ၎င်း၏ ဘ၀ နောက်ဆုံးအခွင့်အရေး အဖြစ် တွေးတော၍ တရားသည် မတရားသည်၊ သင့်တော်သည် မသင့်တော်သည် တို့ကို မချင့်ချိန်တော့ဘဲ ငွေရရှိပြီး ချမ်းသာလာရေးသည်သာ အဓိကဟု တွေးတောကာ ရုံးထိုင်ခြင်း မရှိတော့ဘဲ ငွေ၏ နောက်ကို လိုက်နေသည်ဟု ဒေသခံများက RB News သို့ပြောပါသည်။ 

အုပ်ချုပ်ရေးမှူးသည် ကျေးရွာတွင်း ဖြစ်ပွားလျက် ရှိသော အမှုဟူသမျှကို ဖြေရှင်းမပေးဘဲ နှစ်ဖက်စလုံးကို ငွေညှစ်၍ ရက်ချိန်း ပြောင်းပေးခြင်းဖြင့် အချိန်ဆွဲထားခြင်း၊ ရုံးအသုံးစရိတ် ရန်ပုံငွေအတွက်ဟု ဆိုကာ ရွာသားများက ဆောက်လုပ်ပေးခဲ့သည့် အများပြည်သူပိုင် ကညင်တန်းဈေးအလယ် အုပ်ချုပ်ရေးမှူးရုံး အောက်ရှိ ဆိုင်ခန်း ၂၂ ခန်းကို တစ်ခန်းလျှင် တစ်နှစ် ၅ သိန်းကျပ် နှုန်းဖြင့် ကြိုတင် ငှားရမ်းပြီး ငွေများအားလုံးကို ကိုယ်ပိုင်ငွေများကဲ့သို့ သိမ်းလိုက်ကာ နှစ်ချုပ်စာရင်းကို ရွာသားများက မပြခြင်း၊ ကျေးရွာတွင်း မူးယစ်ဆေးဝါး ရောင်းဝယ်ဖောက်ကားသူများထံမှ လစဉ်ကြေး ကောက်ခံခြင်း၊ ချဲဒိုင်၊ အရက်ဆိုင်၊ ပြည့်တန်ဆာ များကို လစဉ်ကြေးယူ၍ ခွင့်ပြုထားခြင်းများ အပြင် လက်အောက်ငယ်သားများထံ ငွေကြေး တစ်ပြားတစ်ချပ်မှ မရောက်ရှိရေး အတွက်ဟု ဆိုကာ ရုံးခန်းကို ပိတ်ထားခြင်း စသည် အုပ်ချုပ်ရေးမှူးနှင့် မသင့်တော်သည့် အလုပ်များကို လုပ်လျက်ရှိသည်ဟု ဒေသခံများက ပြောပါသည်။ 

အုပ်ချုပ်ရေးမှူး တစ်ဦး အနေဖြင့် ၎င်း၏ တာဝန်ကို မကျေပွန်ဘဲ လောဘစိတ်၊ ကောက်ကျစ် ယုတ်မာသည့် စိတ်များဖြင့် ပြဿနာများကို မဖြေရှင်းဘဲ တစ်မိသားစုနှင့် တစ်မိသားစု၊ တစ်ဖွဲ့နှင့် တစ်ဖွဲ့ မပြေမလည် ဖြစ်ပြီး ကျေးရွာတွင်း မတည်မငြိမ်မှုများ ဖြစ်လာနေကြောင်း၊ ဒုစရိုက်လုပ်ငန်းများကို ဆက်ကြေးယူ၍ ခွင့်ပြုထားခြင်းကြောင့် ကျေးရွာ ပျက်စီးသွားရမည့် အခြေအနေကို ရောက်ရှိနေကြောင်း၊ သို့ဖြစ်၍ အထက် အာဏာပိုင်များက အမြန်ဆုံး အရေးယူ ဟန့်တားပေးရန် တောင်းဆိုကြောင်း၊ ဒေသခံများက RB News သို့ပြောပါသည်။