ရိုဟင်ဂျာပိုင် ငါးကန်မှ ငါးခိုးနေသည့် န.တ.လ ရွာသားများက ရိုဟင်ဂျာလူငယ်တစ်ဦးကို ရိုက်နှက်
Rohingya Eye
RB News
21.7.2017
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း အောင်စစ်ပြင်ကျေးရွာအုပ်စု ရဲအောင်ပြင် န.တ.လ ရွာမှ ရွာသားများသည် ရိုဟင်ဂျာများပိုင်သည့် ငါးကန်မှ ငါးများခိုးယူနေစဉ် လာရောက် ကြည့်ရှုသည့် ရိုဟင်ဂျာလူငယ်ကို လူမဆန်စွာ ရိုက်နှက်ခဲ့ကြောင်း သတင်းရရှိပါသည်။
မောင်တောမြို့နယ် မြောက်ပိုင်း အောင်စစ်ပြင်ကျေးရွာအုပ်စုရှိ မေယုတောင်တန်း အနီးတွင် ဧက ၂၀ ခန့်ရှိ ငါးကန်တစ်ကန်ရှိသည်။ အဆိုပါက ကန်ကို ကြိမ်ချောင်းကျေးရွာမှ ဦးဘာသူက ပိုင်ဆိုင်ပြီး ယခုအခါ အောင်စစ်ပြင်ကျေးရွာအုပ်စု ရီဒါရွာမှ ဒေသခံ (၄) ဦးက တစ်နှစ်လျှင် ငွေကျပ် ၅ သိန်းဖြင့် ငှားရမ်း၍ လုပ်ကိုင်လျက် ရှိသည်။
ငါးကန်ကို ငှားရမ်းလုပ်ကိုင်နေသူများမှာ -- (၁) ဦးရော်ဖိခ် (ဘ) ဦးရော်ရှိတ်အာမတ် (အသက် ၂၈ နှစ်)၊ ဦးဟာလူ (အသက် ၂၉ နှစ်)၊ ဦးဟာလာမျာ (ဘ) ဦးဂူရာမျာ (အသက် ၅၅ နှစ်) နှင့် ဦးအာဘူအာမတ် (ဘ) ဦးအာဇီရာမာန် (အသက် ၄၈ နှစ်) တို့ဖြစ်ကြပြီး၊ ၎င်းတို့သည် ငါးကန်ကို ငွေကျပ် ၁၅ သိန်းခန့် အကုန်ကျခံ၍ ပြုပြင်ပြီး ငါးမွေးထားခြင်း ဖြစ်ကြောင်း ဒေသခံများက RB News သို့ပြောပါသည်။
ငါးမွေးကန်မှ ငါးများကို ရဲအောင်ပြင် န.တ.လ ရွာမှ န.တ.လ ရွာသားများက အမြဲခိုး၍ ဖမ်းယူနေခြင်းကြောင့် ငါးမွေးခြင်း လုပ်ငန်းကို ရပ်တန့်ရတော့မည့် အခြေအနေသို့ ဆိုက်ရောက်နေသည်ဟု ဒေသခံများက ဆိုသည်။
ဇူလိုင်လ (၁၇) ရက်နေ့ နေ့လည် ၁ နာရီ အချိန်တွင် မွန်ဇူရ် (ဘ) ဦးအာဘူအာမတ် (အသက် ၂၀ နှစ်) သည် ငါးမွေးကန်ကို စောင့်ရှောက်ရန် ငါးမွေးကန်သို့ ရောက်ရှိသွားသည့် အချိန်တွင် န.တ.လ ရွာသားများက ငါးများ ခိုး၍ ဖမ်းနေသည်ကို တွေ့ရှိခဲ့ရာ တစ်စုံတစ်ရာ မပြောဘဲ နှုတ်ဆိတ်နေခဲ့သော်လည်း ငါးခိုးဖမ်းနေသည့် န.တ.လ ရွာသားများက ၎င်းကို လူမဆန်စွာ ရိုက်နှက်ခဲ့ကြောင်း ဒေသခံများက ပြောပါသည်။ ငါးခိုးဖမ်းနေသည့် န.တ.လ ရွာသားများက ၎င်းကို စိတ်တိုင်းကျ ရိုက်နှက်ပြီးနောက် ငါးမွေးကန်မှ ပြန်လည် ထွက်ခွာ သွားခဲ့ကြောင်း သိရှိရသည်။
ဇူလိုင်လ (၁၇) ရက်နေ့ နေ့လည် ၁ နာရီ အချိန်တွင် မွန်ဇူရ် (ဘ) ဦးအာဘူအာမတ် (အသက် ၂၀ နှစ်) သည် ငါးမွေးကန်ကို စောင့်ရှောက်ရန် ငါးမွေးကန်သို့ ရောက်ရှိသွားသည့် အချိန်တွင် န.တ.လ ရွာသားများက ငါးများ ခိုး၍ ဖမ်းနေသည်ကို တွေ့ရှိခဲ့ရာ တစ်စုံတစ်ရာ မပြောဘဲ နှုတ်ဆိတ်နေခဲ့သော်လည်း ငါးခိုးဖမ်းနေသည့် န.တ.လ ရွာသားများက ၎င်းကို လူမဆန်စွာ ရိုက်နှက်ခဲ့ကြောင်း ဒေသခံများက ပြောပါသည်။ ငါးခိုးဖမ်းနေသည့် န.တ.လ ရွာသားများက ၎င်းကို စိတ်တိုင်းကျ ရိုက်နှက်ပြီးနောက် ငါးမွေးကန်မှ ပြန်လည် ထွက်ခွာ သွားခဲ့ကြောင်း သိရှိရသည်။
၁၉၉၂ ခုနှစ်တွင် ဗိုလ်ချုပ်ခင်ညွန့်က ဒေသခံရိုဟင်ဂျာများ၏ လယ်ယာမြေများနှင့် မြေများကို အတင်းအဓမ္မ သိမ်းယူ၍ န.တ.လ ရွာများ တည်ဆောက်ပြီး မြန်မာနိုင်ငံ အ၀ှမ်းမှ ထောင်များတွင် ရာဇ၀တ်မှု ပေါင်းစုံဖြင့် အကျဉ်းကျနေသည့် အကျဉ်းသားများကို ထောင်မှ လွှတ်ပေးပြီး န.တ.လ ရွာများတွင် နေထိုင်ခိုင်းပြီး၊ ဒေသခံရိုဟင်ဂျာများ ထံမှ အတင်းအဓမ္မ လုယက် သိမ်းယူထားသည့် ရိုဟင်ဂျာများ၏ ပိုင်ဆိုင်မှုများကို ခွဲဝေပေးခဲ့သည်။ အဆိုပါ န.တ.လ ရွာသားများသည် ရာဇ၀တ်မှုများ ကျူးလွန်ခဲ့သူများ ပီပီ ဒေသတွင်း လိုင်စင်ရ သောင်းကျန်းသူများပမာ အမြဲသောင်းကျန်း၍ ဒေသတွင်း တည်ငြိမ်အေးချမ်းမှု ပျက်ပြားအောင် အမြဲပြုလုပ်လျက် ရှိသည်။
