မောင်တောခရိုင်မှ ကျေးရွာအုပ်ချုပ်ရေးမှူးများကို ခရိုင်အုပ်ချုပ်ရေးမှူးက ဆင့်ခေါ်၍ ခြိမ်းခြောက်

RB News

25.10.2017

မောင်တော ။ ။ ရခိုင်ပြည်နယ်၊ မောင်တောခရိုင် အတွင်းရှိ ကျေးရွာအုပ်ချုပ်ရေးမှူးများကို ခရိုင်အုပ်ချုပ်ရေးမှူးက ဆင့်ခေါ်၍ ခြိမ်းခြောက်ခဲ့ကြောင်း သတင်းရရှိပါသည်။ 

မောင်တောမြို့နယ်နှင့် ဘူးသီးတောင်မြို့နယ်များတွင် မီးရှို့ခံခဲ့ရသည့် ကျေးရွာများမှ အုပ်ချုပ်ရေးမှူးများကို မောင်တောခရိုင် အုပ်ချုပ်ရေးမှူးက ယနေ့ အောက်တိုဘာလ (၂၅) ရက်နေ့တွင် ဆင့်ခေါ်၍ အစည်းအဝေး တစ်ရပ်ကျင်းပခဲ့သည်။ 

အစည်းအဝေးတွင် ခရိုင်အုပ်ချုပ်ရေးမှူးက နိုင်ငံတကာ အဖွဲ့အစည်းများ မောင်တောနှင့် ဘူးသီးတောင်မြို့နယ် များသို့ မကြာခင် လာရောက်နိုင်ကြောင်း၊ ၎င်းတို့ ရောက်ရှိလာပါက မီးရှို့ခဲ့မှုနှင့် ပတ်သက်၍ မေးမြန်းလာလျှင် ARSA အဖွဲ့က မီးရှို့ခဲ့ခြင်း ဖြစ်သည်ဟု ဖြေကြားရမည် ဖြစ်ကြောင်း၊ တစ်ဖက်နိုင်ငံသို့ ကူးသွားသူများကိုလည်း ARSA အဖွဲ့က ခြိမ်းခြောက်သည့် အတွက် ထွက်ပြေးသွားသည်ဟု ဖြေကြားရမည် ဖြစ်ကြောင်း၊ အကယ်၍ မှာကြားသည့် အတိုင်း မဖြေဆိုပါက “ကျန်တဲ့ ရွာတွေ ဘယ်လိုဖြစ်လာမလဲ ဆိုတာ စောင့်ကြည့်ပေါ့” ဟု ခြိမ်းခြောက်ခဲ့ကြောင်း ဒေသခံများက RB News သို့ပြောပါသည်။ 

သြဂုတ်လ (၂၅) ရက်နေ့ နံနက် အစောပိုင်းတွင် ARSA အဖွဲ့က နယ်ခြားစောင့်ရဲစခန်းများကို ၀င်ရောက် တိုက်ခိုက်ခဲ့ပြီးနောက် မြန်မာစစ်တပ်က နယ်မြေရှင်းလင်းရေး ခေါင်းစဉ်တပ်ကာ ရိုဟင်ဂျာရွာ ၂၈၈ ရွာ မီးရှို့ဖျက်ဆီးခဲ့သည်။ မြန်မာစစ်တပ်၏ လူမဆန်စွာ သတ်ဖြတ်မှုကြောင့် အနည်းဆုံး ရိုဟင်ဂျာအရပ်သား ၄ ထောင်နီးပါး သေဆုံးခဲ့ရပြီး၊ ယနေ့အချိန်ထိ ၆၃၀၀၀၀ ကျော် ဘင်္ဂလားဒေ့ရ်ှနိုင်ငံသို့ ထွက်ပြေးခိုလှုံနေရသည်။