ဘူးသီးတောင် နန်းရာကုန်းရွာ အုပ်ချုပ်ရေးမှူးနှင့် အပေါင်းအပါ နှစ်ဦးတို့က နှစ်လအတွင်း ရွာသားများထံမှ ငွေသိန်း ၁၀၀ ကျော်ညှစ်

RB News

21.6.2017

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် နန်းရာကုန်း ကျေးရွာအုပ်စု အုပ်ချုပ်ရေးမှူး ဦးမောင်ကီစိုးနှင့် ၎င်း၏ အရက်သောက်ဖော်သောက်ဖက် နှစ်ဦးတို့ ပူးပေါင်း၍ ရွာသားများထံမှ နှစ်လအတွင်း ငွေကျပ် သိန်း ၁၀၀ ကျော် ညှစ်ယူခဲ့ကြောင်း သတင်းရရှိပါသည်။ 

နန်းရာကုန်းကျေးရွာအုပ်စု အုပ်ချုပ်ရေးမှူး ဦးမောင်ကီစိုးနှင့် ၎င်း၏ အရာက်သောက်ဖောက်သောက်ဖက် နှစ်ဦးဖြစ်သည့် မာမတ်တော်ယုပ် (ဘ) ဦးဂူလာဟူစိန်းနှင့် ဂျီယာဘုလ်ဟောက် (ခ) မောင်စိုးနိုင် (ဘ) ဦးအဒူရော်ကိမ်း တို့ပူးပေါင်း၍ ရွာသားများကို “လူကုန်ကူးမှုဌာနက ခေါ်နေတယ်၊ ငါတို့နဲ့ ရှင်းရမယ်၊ ဘူးသီးတောင်မြို့ပေါ် ရောက်သွားရင် ပြန်လာလို့ရမှာ မဟုတ်ဘူး။ ဌာနပေါင်းစုံက သိသွားရင် ဘယ်သူ့မှ ကယ်နိုင်မှာ မဟုတ်ဘူး။ ထောင်ဒဏ် ၁၄ နှစ် ချခံရမယ်” စသည်ဖြင့် ခြိမ်းခြောက်၍ ငွေညှစ်လျက် ရှိကြောင်း ဒေသခံရွာသားများက RB News သို့ပြောပါသည်။

လွန်ခဲ့သည့် မေလမှ စ၍ ယနေ့ထိ နှစ်လနီးပါးအတွင်း 

(၁) ဦးဆယဒူရာမာန် (ငါးခြောက်သည်) (အသက် ၅၀ နှစ်) ထံမှ ငွေကျပ် ၁၅ သိန်း

(၂) ဦးအုစ်မာန် (ဘ) ဦးမာမတ်နော်ဘီ (အသက် ၃၀ နှစ်) ထံမှ ငွေကျပ် ၁၅ သိန်း

(၃) ဦးအဒူလဟာဖေဇ် (ဘ) ဦးဖော်ရိုဇုလ်အာလောမ် (အသက် ၂၈ နှစ်) ထံမှ ငွေကျပ် ၈ သိန်း

(၄) မော်လ၀ီဆော်လိမ် (ဘ) မော်လ၀ီနေဇာမ် (အသက် ၃၀ နှစ်) ထံမှ ငွေကျပ် ၅ သိန်း

(၅) ဦးမေရ်အလီနှင့် ဦးမာမတ် (ဘ) ဦးဟာလာမျာ (အသက် ၅၀ နှစ်၊ ၄၅ နှစ်) တို့ထံမှ ငွေကျပ် ၅ သိန်း

(၆) ဦးဆော်လိမ် (ဘ) ဦးအဒူဂဖားရ် (အသက် ၃၀ နှစ်) ထံမှ ငွေကျပ် ၈ သိန်း

(၇) ဦးဝါရေစ် (အသက် ၅၅ နှစ်) ထံမှ ငွေကျပ် ၃ သိန်း

(၈) ဦးဒိလ်မာမတ် (ဘ) ဦးကာဒေရ်ဟူစိန်း (အသက် ၅၅ နှစ်) ထံမှ ငွေကျပ် ၃ သိန်း

(၉) ဦးနူရ်အစ္စလာမ် (အသက် ၆၀ နှစ်) ထံမှ ငွေကျပ် ၂ သိန်း

(၁၀) ဦးဟာန်ဖြူး နှင့် ဦးဟာဘီဘုလ္လာ (အသက် ၆၀ နှစ်၊ ၃၀ နှစ်) တို့ထံမှ ငွေကျပ် ၅ သိန်း - စသည်တို့ အပါအ၀င် ရွာသား ၃၀ ဦးခန့် ထံမှ ငွေကျပ် သိန်း ၁၀၀ ကျော်ကို နည်းမျိုးစုံဖြင့် ခြိမ်းခြောက်၍ ညှစ်ယူခဲ့သည်။ 

အဆိုပါ အုပ်ချုပ်ရေးမှူး ဦးမောင်ကီစိုး၏ သက်တမ်း ၆ နှစ်ခွဲ ကာလအတွင်း ရွာသားများထံမှ သိန်းထောင်ချီ ညှစ်ယူခဲ့ကြောင်း၊ ရွာသားများထံမှ မတရားသဖြင့် ညှစ်ယူထားသော ငွေများဖြင့် ဘူးသီးတောင်မြို့နယ် အမှတ် (၂) ရပ်ကွက်တွင် တိုက်အိမ်တစ်လုံး၊ ရွာတွင် နှစ်ထပ်ပျဉ်ထောင်အိမ်တစ်လုံး၊ လယ် ၄၀ ဧကတို့ ပိုင်ဆိုင်ထားကြောင်း၊ ငွေညှစ်ရာတွင် ဘူးသီးတောင်မြို့ပေါ်ရှိ လူကုန်ကူးမှုဌာန၏ အမည်ကို အလွဲသုံးစား ပြုလုပ်ရသောကြောင့် တစ်ခါတစ်ရံ အစုရှယ်ယာ ပေးလေ့ရှိကြောင်း ဒေသခံများက ပြောပါသည်။