နောက်ဆုံးသတင်း/ဆောင်းပါးများ

မီးလောင်သည့် ရွာများတွင် တဲထိုး၍ နေထိုင်နေသည့် ရွာသားများ၏ တဲများကို ဖျက်ရန် အာဏာပိုင်များက အမိန့်ပေး

Rohingya Eye
RB News
18.1.2018

မောင်တော ။ ။ ရခိုင်ပြည်နယ် မောင်တောမြို့နယ်တွင် စစ်တပ်မှ အကြမ်းဖက် မီးရှို့မှုကြောင့် အိုးမဲ့အိမ်မဲ့ ဖြစ်သွားသူများထဲမှ အချို့သည် တဖက်နိုင်ငံသို့ သွားရောက်ခိုလှုံခြင်း မပြုဘဲ တဲများထိုး၍ နေထိုင်လျက်ရှိရာ ၎င်းတို့၏ တဲများကို အာဏာပိုင်များက အတင်းအဓမ္မ ဖျက်ခိုင်းလျက် ရှိကြောင်း သတင်းရရှိပါသည်။ 

၂၀၁၇ ခုနှစ် သြဂုတ်လ (၂၅) ရက်နေ့ နောက်ပိုင်းတွင် မြန်မာစစ်တပ်နှင့် နယ်ခြားစောင့်ရဲတပ်ဖွဲ့တို့ ပူးပေါင်း၍ ရိုဟင်ဂျာများ နေထိုင်ရာ ကျေးရွာ ၃၅၀ ကျော်ကို မီးရှို့ဖျက်ဆီးခဲ့သည်။ မီးရှို့ခံရသည့် ကျေးရွာများမှ ဒေသခံ ရိုဟင်ဂျာများသည် တဖက် ဘင်္ဂလားဒေ့ရ်ှနိုင်ငံသို့ သွားရောက် ခိုလှုံလျက် ရှိပြီး၊ အချို့မှာ မိမိတို့၏ ကျေးရွာများတွင် တဲများထိုး၍ နေထိုင်လျက် ရှိသည်။ 

ဇန်န၀ါရီလ (၇) ရက်နေ့တွင် တပ်ရင်း ၅၅၁ မှ ဒုတပ်ရင်းမှူး ဗိုလ်မှူးကျော်ဇေယျ သည် စစ်သားအချို့နှင့် လှဖိုးခေါင်ကျေးရွာသို့ သွားရောက်၍ ယင်းကျေးရွာတွင် တဲထိုး၍ နေထိုင်လျက်ရှိသည့် မိသားစု ၁၂ စုကို တဲများဖျက်၍ ထွက်သွားရန် ဖိအားပေး ပြောဆိုခဲ့သည့် အပြင် လူအချို့ကိုလည်း ကိုယ်ထိလက်ရောက် ရိုက်နှက်ခဲ့ကြောင်း ဒေသခံများက RB News သို့ပြောပါသည်။ 

တစ်ဖန် ဇန်န၀ါရီလ (၁၃) ရက်နေ့တွင်လည်း မြို့နယ် အုပ်ချုပ်ရေးမှူး အပါအ၀င် ဒေသဆိုင်ရာ အာဏာပိုင်များ သွားရောက်၍ တဲများကို ဖျက်ရန် အမိန့်ပေးခဲ့သည်။ အဆိုပါ တဲများတွင် နေထိုင်လျက်ရှိသည့် ရွာသားများက မိမိတို့၏ တဲများကို ဖျက်ပြီး မည်သည့်နေရာတွင် သွားနေရမည်နည်းဟု မေးမြန်းရာ နီးစပ်ရာ ရွာများတွင် ၀င်ရောက် နေထိုင်ရန် ပြောဆိုခဲ့ကြောင်း သိရှိရသည်။ 

ဇန်န၀ါရီလ (၁၅) ရက်နေ့တွင် ပြည်ထောင်စုဝန်ကြီး ဒေါက်တာဝင်းမြတ်အေး ဦးဆောင်သည့် အဖွဲ့သည် ကျီးကန်းပြင်ကျေးရွာသို့ သွားရောက်၍ ရွာတစ်ဖက်စွန်းတွင် တဲထိုး၍ နေထိုင်လျက်ရှိသည့် ရွာသူရွာသားများနှင့် တွေ့ဆုံစဉ် ဒေါက်တာဝင်းမြတ်အေး က “ခင်ဗျားတို့ကို အစိုးရက စံပြရွာ ဆောက်ပေးမယ်၊ အိမ်တွေ ဆောက်ပေးမယ်၊ ရေမီးအဆင်ပြေအောင် လုပ်ပေးမယ်” ဟု ပြောဆိုခဲ့သည်။ ရွာသား အချို့က မိမိတို့သည် အစိုးရ ဆောက်လုပ်ပေးမည့် စံပြရွာတွင် မနေချင်ကြောင်း၊ ရေမီးလည်း မလိုချင်ကြောင်း၊ မိမိတို့၏ မူလနေရာတွင် သွားရောက် နေထိုင်လိုကြောင်း တောင်းဆိုရာ ဒေါက်တာဝင်းမြတ်အေးက ဥပဒေအရ မီးရှို့ခံထားရသည့် နေရာကို အစိုးရ ပြန်လည် ပေးခြင်း မရှိဟု ပြောဆိုခဲ့သည်။ 

“အစိုးရက ဒုက္ခသည်တွေကို နေရာပြန်လည် နေရာချထားရာမှာ ဒုက္ခသည်စခန်းမှာ ယာယီထားပြီး၊ မူလနေရာမှာ နေရာပြန်လည် ချထားမယ်လို့ ပြောနေပေမယ့်လည်း လက်တွေ့မှာတော့ မူလနေရာမှာ ပြန်လည် နေရာချထားမယ့် အစိုးရရဲ့ အစီအစဉ်တွေကို မတွေ့ရသလို မူလနေရာတွေမှာ ရှိနေတဲ့ အိမ်တွေကို ဖြိုဖျက်နေတာကို ကြည့်ရင် အစိုးရရဲ့ ပြောစကားတွေက ရှေ့နောက် မညီတာကို တွေ့နေရတယ်” မောင်တောမြို့ခံ တစ်ဦးက သုံးသပ် ပြောဆိုသည်။ 




Comment ရေးရန်

Rohingya Exodus