တောင်ပြိုသို့ ကျောင်းဆောင် ဆောက်လုပ်ရန် သွားသည့် ပန်းရံသမားများကို ထောက်လှမ်းရေးက ခြိမ်းခြောက်၍ မောင်းထုတ်

RB News

30.6.2018

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင် တောင်ပြိုလက်ဝဲမြို့နယ်ခွဲ၊ တောင်ပြိုလက်ယာရှိ အထက်တန်းကျောင်းတွင် ကျောင်းဆောင် ဆောက်လုပ်ရန် သွားသည့် ပန်းရံသမားများကို အထူးထောက်လှမ်းရေး SB က ခြိမ်းခြောက်၍ မောင်းထုတ်ခဲ့သည်။ 

မောင်တောမြို့နယ် မြို့မကညင်တန်းကျေးရွာမှ ဆောက်လုပ်ရေးလုပ်ငန်း လုပ်ကိုင်သူ ဦးဆော်နာအုလ္လာသည် မောင်တောခရိုင် အုပ်ချုပ်ရေးမှူး၊ မြို့နယ်အုပ်ချုပ်ရေးမှူး၊ မောင်တောခရိုင် ပြည်ခိုင်ဖြိုးပါတီ ရုံးမှ ဦးထွန်းလှစိန် တို့၏ ခွင့်ပြုချက်ဖြင့် တောင်ပြိုလက်ဝဲမြို့နယ်ခွဲ၊ တောင်ပြိုလက်ယာကျေးရွာရှိ အထက်တန်းကျောင်း၌ ကျောင်းဆောင် ဆောက်လုပ်ရန် ရိုဟင်ဂျာ ပန်းရံလုပ်သား (၃၀) ဦးနှင့် ဗမာလူမျိုး ဆောက်လုပ်ရေး အင်ဂျင်နီယာတစ်ဦးတို့ကို ဇွန်လ (၂၅) ရက်နေ့က လွှတ်ခဲ့သည်။ 

အဆိုပါ ပန်းရံလုပ်သားများနှင့် အင်ဂျင်နီယာတို့ တောင်ပြိုလက်ယာရှိ အထက်တန်းကျောင်းသို့ ရောက်သည်နှင့် အနီးအနားကျေးရွာများမှ ရခိုင်နှင့် မာရမာကြီးလူမျိုး ၃၀၀ ခန့် တုတ်၊ ဓါးများ ကိုင်ဆောင်၍ ရောက်ရှိလာပြီး ၀န်းရံခဲ့ရာ ပန်းရံသမားများက မောင်တောမှ ဦးထွန်းလှစိန်က ခင်ဗျားတို့အတွက် ကျောင်းဆောင် ဆောက်လုပ်ပေးရန် စေလွှတ်လိုက်ခြင်း ဖြစ်သည်ဟု ရှင်းပြရာ အဆိုပါ တုတ်၊ ဓါး ကိုင်ဆောင်ထားသည့် လူအုပ် ပြန်လည် ထွက်ခွာသွားခဲ့သည်။ 

ထို့နောက် တောင်ပြိုလက်ဝဲတွင် တာဝန်ကျနေသည့် စစ်တပ်တပ်ရင်းမှ စစ်သားများ ရောက်ရှိလာပြီး ပန်းရံသမားများအား စစ်ဆေးရာ ခွင့်ပြုချက်အရ ကျောင်းဆောက်လုပ်ရန် ရောက်ရှိလာကြောင်း ရှင်းပြသဖြင့် စစ်သားများလည်း ပြန်လည် ထွက်ခွာသွားခဲ့သည်။ 

စစ်သားများ ထွက်သွားပြီးနောက် တောင်ပြိုလက်ဝဲမှ အထူးထောက်လှမ်းရေး SB တစ်ဦး ရောက်ရှိလာပြီး မင်းတို့ ဘယ်က ကုလားလဲ၊ ငါ့နယ်ကို ဘယ်သူဝင်ခွင့်ပြုတာလဲ၊ ကုလားဆိုတာ ငါမမြင်ချင်ဘူး၊ ကုလားမြင်ရင် ငါသတ်ပစ်လိုက်ချင်တယ်၊ ငါ့နယ်က အခုချက်ချင်းထွက် မဟုတ်ရင် ငါမင်းတို့ကို သတ်ပစ်မယ် ဟု အမျိုးမျိုး ခြိမ်းခြောက်ပြောဆိုခဲ့သည်။ 

အဆိုပါ SB က ဗမာလူမျိုး အင်ဂျင်နီယာကို မြေပေါ်တွင် ဒူးထောက်ခိုင်းပြီး လက်များကို ခေါင်းပေါ်သို့ တင်ကာ ဦးညွတ်ခိုင်း၍ မင်းက အကြမ်းဖက်ခေါင်းဆောင်လား၊ မင်းက အကြမ်းဖက်သမားတွေကို ခေါ်လာတာလားဟု အမျိုးမျိုးစော်ကား ပြောဆို၍ ချက်ချင်း ထွက်သွားဟု ဆိုကာ နှင်ထုတ်ခဲ့သည်။ 

ထိုစဉ် တောင်ပြိုလက်ဝဲမြို့နယ်ခွဲမှ အုပ်ချုပ်ရေးမှူး ရောက်ရှိလာပြီး ယခု နေ၀င်ချိန်ဖြစ်နေ၍ ထွက်သွားရန် မဖြစ်နိုင်ကြောင်း၊ မနက်ကျလျှင် ထွက်သွားစေရမည်ဟု ကတိပေးမှ ၎င်းတို့အားလုံးကို ညအိပ်ခွင့်ပေးခဲ့ကြောင်း၊ ဇွန်လ (၂၆) ရက်နေ့ နံနက်အစောပိုင်းတွင် မောင်တောမှ ကားပို့၍ ပြန်ခေါ်ခဲ့ရကြောင်း ဒေသခံတစ်ဦးက RB News သို့ပြောသည်။ 

စစ်တပ်နှင့် ရခိုင်၊ မာရမာကြီးများက ၎င်းတို့အတွက် ကျောင်းဆောင် ဆောက်လုပ်ပေးမည်ကို သိ၍ ပြန်သွားသော်လည်း SB ကြမ်းတမ်းရိုင်းပျစွာ ဆက်ဆံ၍ နှင်ထုတ်ခြင်းမှာ နံ့သာတောင်ကျေးရွာရှိ နံ့သာတောင်ကျောင်းတိုက်မှ ဘုန်းကြီး၏ ပယောဂကြောင့်သာ ဖြစ်ကြောင်း၊ ၂၀၁၂ ခုနှစ် ပဋိပက္ခတွင် ဘင်္ဂလားဒေ့ရ်ှမှ တရားမ၀င် လက်နက်များ တင်သွင်း၍ စုဆောင်းထားခဲ့ကြောင်း၊ ယင်းကျေးရွာတွင် နေထိုင်သူများနှင့် ဘုန်းကြီးများသည် ဘင်္ဂလားဒေ့ရ်ှမှ တရားမ၀င် ၀င်ရောက်နေထိုင်သူများ ဖြစ်ကြသည်ဟု ဒေသခံများက ပြောပါသည်။