ဒေါက်တာ နေဇင်လတ်သို့ အိတ်ဖွင့်ပေးစာ

သို့

ဒေါက်တာ နေဇင်လတ်

နိုင်ငံတော် သမ္မတ အကြံပေး

ချင်းတွင်းလမ်း၊ ဗဟန်း 

ရက်စွဲ။ ၂၀၁၃ ခုနှစ်၊ မတ်လ ၅ ရက် 

လေးစားစွာဖြင့်- 

နိုင်ငံတော် သမ္မတ အကြံပေး ဒေါက်တာ နေဇင်လတ်၏ ယနေ့ Messenger Journal Volume 3, No. 41, Page-19/28 တွင် ရေးသား ဖော်ပြခဲ့သော“ အမျိုးသားရေးလည်း တည်ဆောက်ကြပါ“ ဟူသော ဆောင်း ပါးကို ဖတ်ရှုပြီး ဒေါက်တာအား သမိုင်းကြောင်း အမှန်နှင့် အကြံပြုချက်ကို တင်ပြလိုပါသည်။ 

၁။ ဆောင်းပါးမှာ တရားမ၀င် ခိုးဝင်လာ ခဲ့ကြသူတွေကို နေရာအစုံ၊ မြို့အစုံ၊ ဒေသအနှံ့မှာ ဖမ်းမိတဲ့ သတင်း များဖတ် ရှုနေရပါတယ်။ မိတဲ့နေရာတွေကို ကြည့်ရင် ဘယ်လောက် ဖြန့်ကျက်ပြီး နေရာအနှံ့ စိမ့် ၀င်နေတယ် ဆိုတာ တွက်ထုတ်ယူလို့ ရပါတယ်။ တိုက်ဆိုင်မှုလား၊ ကြိုတင်စီစဉ်မှုလား ဆိုတာတော့ မပြော တတ်ဘူး ဆိုပြီး ဒေါက်တာနေဇင်လတ်က ရေးသားထားပါတယ်။ 

အမှန်အတိုင်းပြောရရင် ဒေါက်တာတို့လည်း လေ့လာရင်သိမှာပါ။ ဗိုလ်ချုပ်အောင်ဆန်းနှင့် ၀န်ကြီး ချုပ်ဟောင်း ဦးနုတို့က ရခိုင်ပြည်ရှိ မူဆလင်များသည် ရှေးပဝေသဏီကပင် မူလဘူတ လူမျိုး များဖြစ်သော ရိုဟင်ဂျာလူမျိုးများကို တိုင်းရင်းသား(ဌာနေလူမျိုး Indigenous) လူမျိုးများဖြစ်သော ကြောင့် ၁၉၄၇ ခုနှစ်ဖွဲ့စည်းပုံ အခြေခံဥပဒေ ရေးဆွဲရေး(၃၅)ဦးကော်မတီတွင် အခြားတိုင်းရင်းသား လူမျိုးများနည်းတူ ပါဝင်ခွင့်ပြုခဲ့ပြီး ၀န်ကြီးချုပ်ဟောင်း ဦးနုက ရိုဟင်ဂျာလူမျိုးများကို တိုင်းရင်းသား အဖြစ် အသိအမှတ်ပြုခဲ့ပြီး တိုင်းရင်းသား အခွင့်အရေး အပြည့်အ၀ ပေးခဲ့သည်။ ဦးနေ၀င်းက ၁၉၆၂ ခုနှစ် အာဏာသိမ်းပြီး ၁၉၆၇ ခုနှစ်အထိ တိုင်းရင်းသား အခွင့်အရေးများဖြစ်သော ပြည်ထောင်စုနေ့ တွင် တစ်ခြား တိုင်းရင်းသား များနှင့် အတူ ရိုဟင်ဂျာလူမျိုးစု ကိုယ်စားလှယ်များကို အခမ်းအနား တက်ရောက်စေခြင်း၊ မြန်မာ့အသံ တိုင်းရင်း သားအစီအစဉ်၌ ရိုဟင်ဂျာဘာသာဖြင့် ၁၅.၅.၆၁ မှ ၁.၁၀.၆၅ ခုနှစ်ထိ အသံလွှင့် ခွင့်ပြုခြင်း၊ မေယု နယ်ခြား ခရိုင်ကို ကက်ဘိနက်ခွင့်ပြုချက်ဖြင့်ပေးခြင်း၊ တစ်ခြားသော တိုင်းရင်း သားအခွင့်အရေး များကို အပြည့်အ၀ မျှမျှတတ ပေးခဲ့သည်။ 

သို့သော် ကြိုတင်စီစဉ်မှုကြောင့်လားဆိုတော့.. ကြိုတင်စီစဉ်မှုကြောင့် ၁၉၉၀ပြည့်နှစ်မှစ၍ ရိုဟင်ဂျာများကို အလုံးစုံ ပိတ်ဆို့ရေး၊ ဥပမာ စီးပွားရေး၊ လူမှုရေး၊ ကျန်းမာရေး၊ ပညာရေး၊ အိမ်ထောင် ရေးများကို လုံးဝချုပ်ချယ်ပိတ်ဆို့ရေး စီမံကိန်းဖြင့် ပိတ်ဆို့ ခဲ့ရာ ဒေါက်တာနေဇင်လတ်တို့ ကိုင်ဆောင်ခဲ့သော ၃-ခေါက်ချိုး (အမျိုးသားမှတ်ပုံတင်ကပ်ပြား)ကို၊ ပန်းရောင် (စိစစ်ရေး ကပ်ပြား)နှင့် လဲလှယ်ခွင့်ရခဲ့ပြီး ရိုဟင်ဂျာများ၏၃-ခေါက်ချိုး(မှတ်ပုံတင်ကပ်ပြား)ကိုမူ မ.ဆ.လ အစိုးရနှင့် စစ် အစိုးရတို့လက်ထက်တွင် ရုပ်သိမ်းခြင်း ခံရသည်။ အစွန်းရောက် ရခိုင် လ.၀.က၀န်ထမ်းများက ရိုဟင်ဂျာလူမျိုးအချို့ကို အဖြူရောင် (ယာယီ)ကပ်ပြားနှင့် လဲလှယ်ပေးခဲ့သည်။ မ.ဆ.လနှင့် စစ်အစိုးရတို့က လူ့အခွင့်အရေး ချိုးဖောက်ပြီး ဖိနှိပ်မှုမျိုးစုံ လုပ်ခဲ့လို့ သွေးခွဲ၊ လူမျိုးခွဲ၊ ဘာသာခွဲခြား ဆက်ဆံခဲ့မှုကြောင့် ရိုဟင်ဂျာတွေ ရခိုင်ရိုးမ ကိုကျော်ပြီး ပြည်မကိုလာလို့မရပါဘူး။ ဘင်္ဂလားဒေ့ရှ် ကိုဖြတ်၊ အိန္ဒိယကို ဖြတ်ပြီး လာနေ တာဖြစ်ပါတယ်။ အဲဒီလူတွေကို နေရာ အနှံ့တွေ့ရပြီး ဖမ်းဆီး ခံရတယ်.ရခိုင်ပြည်ကလို့ ပြောရင်(၀န်ခံရင်) ရခိုင် ကို ပြန်ပို့မှာ စိုးရိမ်ရ တဲ့အတွက် ဘင်္ဂလားကုလားပဲဆိုပြီး ပြောတာပါ။ အဲဒီတော့ တိုက်ဆိုင်မှုလား၊ ကြိုတင်စီစဉ် မှုကြောင့် လား ဆိုပြီး ဒေါက်တာ့ အနေနဲ့ မေးလို့ပြော ရမယ် ဆိုရင် မ.ဆ.လနှင့် စစ်အစိုးရ တို့၏ ဆင်စွယ်၊ ယခု ဒေါက်တာနေဇင်လတ် တို့၏ ဒီမိုကရေစီ အစိုးရမှ လူမျိုး တုန်းသုတ်သင်ရေး (Genocide) Killing of a whole race or group of Rohingya people ပြုလုပ်ခြင်းသာ ဖြစ်ပါသည်။ န.စ.က တပ်ကို ရုပ်သိမ်း လိုက်ပါ (နိုင်ငံတစ်နိုင်ငံမှာ အုပ်ချုပ်ရေးစနစ် နှစ်မျိုး (Nation within a Nation.) ဖြစ်နေ ပါတယ်) မြန်မာနိုင်ငံမှာ လွတ်လပ်စွာ ယုံကြည် ကိုးကွယ်ခွင့် ရှိနေပါပြီ ဆို ပြီးတော့ ဒေါက် တာနေ ဇင်လတ် က ရှင်းထား ပါတယ်။ ဒေါက်တာက မသိဘဲနှင့် အဲဒီ လိုပြောတယ်လို့ မထင်ပါဘူး။ လူတစ်ဦး၊ လူမျိုးတစ်မျိုး လွတ်လပ်စွာ ကိုးကွယ်တယ်ဆိုတာ ဗုဒ္ဓဘာသာဆိုရင် ဘုရားကျောင်းကန်လိုတယ်။ ခရစ်ယာန် ဆိုရင် ခရစ်ယာန်ဘုရားကျောင်း၊ အစ္စလာမ်ဆိုရင် ဗလီ၊ ဟိန္ဒူဆိုရင် ဘုရားကျောင်းလိုတယ်။ အဲဒီတော့ ခရစ် ယာန်ကိုးကွယ်တဲ့ ဒေသမှာ ကျောင်းဆောက်ခွင့်ရှိသလား၊ ပါမစ်ပေးသလား၊ မွတ်စလင်မ် ဆိုရင် ဗ လီဆောက်ခွင့် ပေး သလား၊ ဥပမာ- တောင်ငူမြို့ဗလီတွေ ဖွင့်ခွင့်ရသလား။ ရန်ကုန် ဆင်ခြေဖုံး လှိုင် သာယာ၊ တောင်ဒဂုံ၊ ရွှေပြည်သာ မှာ အိမ်ကို ဗလီလုပ်ပြီး ၀တ်ပြုရတယ်။ ဘာဖြစ်လို့ အိမ်ကို ဗလီလုပ် ရသလဲဆိုရင် ဗလီဆောက်ခွင့် မရလို့ပေါ့ ဒေါက်တာ။ ဟိုတလောက သာကေတ ပါမစ်ရ ဘာ သာရေး အဆောက်အအုံ အဖျက်ခံရတာ ဒေါက်တာတို့ ဘာအကာ အကွယ်ပေးပါသလဲ။ ယခုတလော ရခိုင်ပြည် မြောက်ပိုင်းရှိ မွတ်စလင်မ်များ၏ ဗလီကို ပိတ်ပင်လိုက်တယ်။ မဆလ၊ စစ်အစိုးရလက်ထက် ဗလီဆောက်ခွင့် မပေးဘူး။ ပြုပြင်ခွင့် မပေးဘူး။ ယခု ခွင့်ပြုမိန့်မပါတဲ့ဗလီတွေ ပိတ်လိုက်တယ်ပြောတယ်။ လူရှိတော့ ဘာသာရှိတယ်။ ဘာသာရှိတော့ ဘာသာရေးအဆောက်အအုံရှိရမယ်။ ဘာသာရေး အဆောက် အအုံကို နားလည်မှုနှင့်လည်းကောင်း၊ ယာယီဆောက်ခွင့်နှင့်လည်းကောင်း ဆောက်လုပ်ပြီး ၀တ်ပြုကြ တယ်။ ရခိုင်ပဋိပက္ခကို အခွင့်ကောင်းယူပြီး ဗလီမှာ လူ ၅-ဦး မစုရ၊ အမိန့်ထုတ်ထား တယ်။ ယခု တရားဝင် ပိတ်ပင်လိုက်တာပေါ့။ လွတ်လပ်စွာ ကိုးကွယ်ခွင့် ရအောင် ဆောက်ခွင့်ပေး ရမှာပေါ့။ ဆောက်ခွင့်ပေး ပါသလား။ ယခု နိုင်ငံခြားမှ လာရောက်သော NGO, INGO နှင့် နိုင်ငံခြား သားတွေ က ပြော တယ်။ မြန်မာနိုင်ငံလောက် လူမျိုးခွဲခြား၊ ဘာသာခွဲခြား နှိမ့်ချဆက်ဆံတာ ကမ္ဘာ့ ဘယ်နိုင်ငံမှ မရှိဘူး တဲ့။ ဒေါက်တာ ယုံပါသလား။ စုံစမ်းကြည့်ပါ။ အမှန်ဆိုရင် စုံစမ်းစရာမလိုပါဘူး။ ကမ္ဘာပေါ် ရှိ နိုင်ငံပေါင်းစုံကို စစ်တမ်းကောက်ရင် နှစ်တိုင်း အစီရင်ခံစာမှာ မြန်မာနိုင်ငံ အဆိုးဆုံး ပါ။ ဒေါက် တာနေ ဇင်လတ်တို့ ကြုံတွေ့ပြီးသားပါ။ အထက်ပါခွဲခြားမှုကြောင့် ရခိုင်ပဋိပက္ခ ဖြစ်ခဲ့ရတာ မဟုတ်ပေ ဘူးလား၊ ရိုဟင်ဂျာတွေကို အလုံးစုံ ချွတ်ချုံကျစေပြီး လူမျိုး ပပျောက်အောင် လုပ်တာ မဟုတ်ဘူးလား၊ ကင်တားနားပြောတဲ့စကား၊ အစီရင်ခံစာ အမှန်ပါ။ ၁၉၇၀ မတိုင်ခင် ရိုဟင်ဂျာ အခွင့်အရေး တန်းတူရရှိခဲ့လို့ ဘာပြဿနာမှ မဖြစ်ခဲ့ပါဘူး။

ဒေါက်တာ နေဇင်လတ်က နိုင်ငံတော် သမ္မတ အကြံပေးဖြစ်လို့ သမ္မတဦးသိန်းစိန်ကို အကြံကောင်း ဉာဏ်ကောင်းတွေပေးနိုင်ရမှာပါ။ တိုင်းရင်းသားလူမျိုး ၁၃၅ မျိုး စုပေါင်းနေ ထိုင်ကြတဲ့ ပြည်ထောင် စု မြန် မာနိုင်ငံမှာ အဲဒီတိုင်းရင်းသားတွေ အားလုံးကို အကာအကွယ် ပေးဖို့ဟာ အမျိုးသားရေးတာဝန် တစ်စိတ် တစ်ပိုင်းဖြစ်ပါတယ်။ ဒေါက်တာပြောတာ အင်မတန်မှ မှန်ပါတယ်။ အဲဒီတိုင်းရင်းသား ၁၃၅ မျိုးဟာ ဘယ်သူက သတ်မှတ်ပေးပါသလဲ။ လွတ်လပ်ရေးဗိသုကာကြီး ဗိုလ်ချုပ်အောင်ဆန်းနှင့် ၀န်ကြီးချုပ်ဟောင်း ဦးနု သတ်မှတ်ပေး ခဲ့သော တိုင်းရင်းသား ၁၄၄ မျိုး ဘယ်ရောက်သွားပါသလဲ။ ဗိုလ်ချုပ်အောင်ဆန်းနှင့် ဦးနုတို့က Nation Building ကို အလေးထား ခဲ့တာပဲ မဟုတ်လား။ အာဏာရှင် ဦးနေ၀င်းနှင့် မ.ဆ.လ အစိုးရ၏ ဖွဲ့စည်းပုံလက်ရာ အားလုံးပြောင်းလဲပစ်လိုက်တယ်။ ဒါပေမဲ့ လူမျိုးရေး ခွဲခြားမှု နဲ့ ၁၉၈၂ ခုနှစ် မြန်မာနိုင်ငံသား ဥပဒေဆိုတာကို ဘာဖြစ်လို့ ချန်ထားခဲ့တာလဲ။ ၀န်ကြီးချုပ်ဟောင်း ဦးနု အစိုးရ လက်ထက် တုန်းက အမျိုးသားရေး မရှိခဲ့ဘူးလား။ ယခုအစိုးရ ခေါင်းဆောင်များသာလျှင် အမိနိုင် ငံတော်ရဲ့ အမျိုး သားရေးသောကရှင် များဖြစ်သည်လား။ အဲဒီတော့ ဒေါက်တာကို အကြံပြု တင်ပြပါရစေ။ ၁၉၈၂ ခုနှစ် မြန်မာနိုင်ငံသား ဥပဒေသည် ၁၉၈၈ ခုနှစ်ထိ Dead Law သာ ဖြစ်ပြီး ကျွန်ုပ်တို့ မြန်မာနိုင်ငံအတွက် တရားမ၀င်ပါ။ 

၂။ ၁၉၄၈ ခုနှစ် လွတ်လပ်ရေးရယူချိန်တွင် ကျွန်တော်တို့ နိုင်ငံသည် စစ်ဒဏ်ကြောင့် ပျက်စီးဆုံး ရှုံးသော နိုင်ငံဖြစ်သည့်အချိန် တွင်ပင် အတင်း အကြပ်စေခိုင်း၍ မရသောကြောင့် လူမျိုးရေးပြဿနာများ မပေါ်ပေါက်ခဲ့ပါ။ ဗိုလ်ချုပ် အောင်ဆန်း ရခိုင်ခရီး စဉ်တွင် ၁၉၄၆ ခုနှစ်၌ ဦးအောင်ဇံဝေ (ရခိုင်လူ မျိုး) ရှေ့မှောက်၌ မွတ်စလင်မ် တွေ လိုချင်တာတောင်းပါ။ ကျွန်တော် Blank Cheque ပေးပါမယ်။ လိုချင်တဲ့ အခွင့်အရေးကို ယူပါဆိုပြီး ရိုဟင်ဂျာခေါင်းဆောင်တွေ ကို ပြောခဲ့တယ်။ ဒေါက်တာ တို့လေ့ လာကြည့်ပါ။ (လွတ်လပ်ရေး မရခင် ဗိုလ်ချုပ်အောင်ဆန်း၏ ၁၉၄၆ ခုနှစ် ရခိုင်ခရီးစဉ်မှ) ဗိုလ်ချုပ်က အမျိုးသားရေးစိတ်ဓာတ်နှင့် မွတ်စလင်မ်တွေကို စည်းရုံးတာ မဟုတ်ပေဘူးလား။ (ဗိုလ်ချုပ်အောင်ဆန်းက Nation Building ကို အလေးထား တာမဟုတ်ဘူးလား။)အဲဒီတုန်းကလည်း တရုတ်၊ အိန္ဒိယ၊ ဘင်္ဂ လားဒေ့ရ်ှမှ လူဦးရေ ဟာ သူ့အချိုးအဆနှင့်သူ များပါတယ်။ ဘာပြဿနာမှ မပေါ်ပေါက်ခဲ့ပါဘူး။ ယ ခု ဒေါက် တာတို့ စိုးရိမ်မကြီး ပါနှင့်။ မွတ်စလင်မ်တွေလည်း မြန်မာ စိတ်ဓာတ် အပြည့်ရှိပါတယ်။ ဦးဖေ ခင်၏ ကြိုးပမ်းမှု ကြောင့် ပင်လုံ စာချုပ်ဖြစ် လာရပြီး လွတ်လပ်ရေး ရခဲ့ကြတာ သမိုင်းမှတ်တိုင် အထင် အ ရှားရှိပါတယ် ။ခေါင်းဆောင်ကြီး ဦးဖေခင်သာပြည်ထောင်စု စိတ်ဓာတ် မရှိခဲ့ရင် (ယခုလို အစွန်း ရောက် ပြည်ထောင်စု စိတ်ဓာတ် ရှိခဲ့ရင်) လွတ် လပ်ရေးကြီး ရလာမှာ မဟုတ်ဘူး။ အ မှန် ပါ။ 

၃။ ဒေါက်တာတို့က ဒီမိုကရေစီနဲ့ လူ့အခွင့်အရေး ဆိုတဲ့ခွဲလို့မရတဲ့ဆောင်ပုဒ်နဲ့ ယခု အစိုးရ ရဲ့အကြံ ပေးတွေ  ဖြစ် ပါတယ်။ ကျွန်တော်တို့ နိုင်ငံမှာ တရားမ၀င် ကျူးကျော် ၀င်ရောက်လာ သူတွေ မရှိ ဘူးလို့ သမ္မ တကြီးကို ဒေါက်တာ တို့အကြံပေး လို့ ပြော ခဲ့ပြီးပြီပဲ။ ဒေါက်တာ တို့က နေမထွက်ခင် တစ်မျိုး၊ နေပူ ရင် တစ်မျိုး စကားပြောရင် တိုင်းပြည် အတွက် အရမ်းနစ်နာ ပါ တယ် ဒေါက်တာ။ 

ဒီမို ကရေစီနှင့် လူ့အခွင့် အရေးက လူတိုင်းအတွက် စံနှုန်း တစ်မျိုး တည်းပါ။ ဒါပေမယ့် ၁၉၈၂ ခုနှစ်၊ မြန် မာနိုင်ငံ သား ဥပဒေ မရေး ဆွဲခင်ကတည်းက နိုင်ငံသား၊ တိုင်းရင်းသား ဖြစ်ခဲ့သော ရိုဟင်ဂျာ၊ ပသီ လူမျိုး ကို ၁၉၈၂ ခုနှစ်မြန်မာနိုင်ငံသား ဥပဒေနှင့်ရောပြီး ရောသမမွှေ မလုပ်ပါနှင့်။ သစ်ကုလားအုတ် ပုံပြင်ထဲ က လို ဆိုပြီး ၁၉၈၂ နိုင်ငံသား ဥပဒေကို ဥပဒေပ မသွတ်သွင်းပါနဲ့။ 

နိဂုံးချုပ် အနေဖြင့် တင်ပြရလျှင် ဒေါက်တာနေဇင်လတ်သည် အမြော်အမြင်ကြီးမားသော သမ္မတကြီးရဲ့ အ ကြံပေးနှင့် ထိုက်တန်သော ဒီမိုကရေစီနှင့် လူ့အခွင့်အရေး စံနှုန်းကို နားလည် သဘောပေါက်သော၊ အသွင်ကူးပြောင်းနေသော နိုင်ငံတစ်နိုင်ငံ၏ ၀န်ထုပ်ဝန်ပိုးတွေ၊ စိန်ခေါ်ချက် တွေ ကျော်လွှားပြီး တိုးတက် ၍ လူမျိုးစုံချစ်ကြည်တည်ဆောက်သော စင်ကာပူနိုင်ငံ၊ အမေရိကန်နိုင်ငံ၊ အိန္ဒိယနိုင်ငံလို တည်ဆောက်နိုင် ရန် အရည်အချင်းနှင့် ပြည့်ဝပါစေသတည်း။ 

ကျွန်တော်သည် အသက် ၇၈နှစ် အရွယ်ဖြစ်သောကြောင့် ရှေ့မီနောက်မီ သမိုင်းကြောင်း များ နှင့်ပတ် သက်၍ သိရှိ သူဖြစ်ပြီး အမိမြန်မာနိုင်ငံတော်ကြီး အေးချမ်း တည်ငြိမ်ကာ တိုးတက်ကောင်းစား လိုသော ဆန္ဒ ရှိသူဖြစ်ပါသည်။ 

လေးစားလျက် 

ကျော်စောအောင် 

အမှတ်- ၁၂၊ ရေတာရှည်လမ်း၊ ဗဟန်းမြို့နယ် 

E-mail: sawhla1988@gmail.com