ဖွဲ့စည်းပုံပြင်လို့ အချုပ်အခြာ အာဏာ မထိခိုက်နိုင်
ဦးကျော်ဇံသာ
19.9.2013
မြန်မာ နိုင်ငံမှာ ဖွဲ့စည်းပုံ အခြေခံ ဥပဒေ ပြင်ဆင်ဖို့ စီစဉ်တဲ့ ကိစ္စကြောင့် အချုပ် အခြာ အာဏာကို ထိပါး စ ရာ အကြောင်း မရှိဘူးလို့ မြန်မာ့ အရေး ကျွမ်းကျင်သူ တဦးက ပြောကြားလိုက် ပါတယ်။ ဖွဲ့စည်း ပုံ ပြင် ဆင်ရေး ကိစ္စ အပြန် အလှန် ပြောကြား လာကြတဲ့ အထဲမှာ ပြင်ဆင်ရင် နိုင်ငံရဲ့ အချုပ် အခြာ အာဏာကို မထိခိုက် စေဖို့ ကတိပေး သူတွေ ရှိလာ ချိန်မှာ အမေရိကန် ပြည်ထောင်စု Georgetown တက္ကသိုလ် ပါမော က္ခ David Steinberg က ဗွီအိုအေ မြန်မာပိုင်းကို ပြောကြား လိုက်ပါတယ်။ အပြည့် အစုံ ကိုတော့ ဆက် သွယ် မေးမြန်း ထားတဲ့ ဦးကျော်ဇံသာ က တင်ပြထား ပါတယ်။
ပါမောက္ခ David Steinberg က မြန်မာ နိုင်ငံရဲ့ လက်ရှိ ဖွဲ့စည်းပုံဟာ ဒီမိုကရေစီ နည်းမကျဘူး ဆိုတဲ့ အ ချက် ကို ပထမဦးစွာ ထောက်ပြ ပါတယ်။ အဓိက အားဖြင့် သူ ထောက်ပြတာ ကတော့ လွှတ်တော် မှာ ရွေးကောက် တင်မြှောက်ခြင်း ခံရသူတွေ မဟုတ်သော စစ်တပ် ကိုယ်စားလှယ်တွေ ပါဝင် နေတာ၊ တ ခါ ဗဟိုနဲ့ ဒေသန္တရ အုပ်ချုပ်ရေး တို့ရဲ့ အာဏာ ခွဲဝေမှု မမျှတတာကို သူ ထောက်ပြ ပါတယ်။
သမ္မတလောင်း အရည်အချင်း သတ်မှတ်ချက် တွေနဲ့ ပတ်သက်လို့ လူပုဂ္ဂိုလ် တစ်ဦး တစ်ယောက်ကို ရည် ရွယ်ပြီး တမင် ကန့်သတ် ဟန့်တား ချင်လို့ လုပ်ထားတယ် ဆိုရင်တော့ ဒါဟာ မသင့်လျော်ဘူး လို့ လည်း သူက ပြောပါတယ်။
“ဒီ အမေရိကန် ပြည်ထောင်စု မှာလည်း သမ္မတ ဖြစ်မယ့် သူဟာ ဒီနိုင်ငံ တွင်းမှာ မွေးဖွားသူ ဖြစ်ရမယ် ဆို တာ မျိုး ရှိပါတယ်။ မြန်မာ နိုင်ငံ မှာလည်း သမ္မတရဲ့ မိသားစု ၀င်တွေ ပြည်ပ သစ္စာခံ မဖြစ်စေရ ဆို တာ ပြည်သူလူထု သဘောတူ ရင်လည်း ပြဌာန်း နိုင်ပါတယ်။ ဒါပေမဲ့ ဒီပြဌာန်းချက် ဟာ လူပုဂ္ဂိုလ် တဦး တယောက်ကို ကန့်သတ် ချင်လို့ လုပ်ထား တယ်ဆိုရင်တော့ ဒါဟာ မသင့်တော် ပါဘူး။”
ဒီလို ဖွဲ့စည်းပုံ ဥပဒေကို ပြင်ဆင်မယ် ဆိုတဲ့ ကိစ္စဟာ ပြည်သူ လူထု အများရဲ့ ဆန္ဒ သဘော ထားနဲ့ ကိုက် ညီမှု၊ နိုင်ငံတော် အချုပ် အခြာ အာဏာကို ထိခိုက် စရာ အကြောင်း ရှိတယ်။ ဒါကို သတိထား ရမယ် စ သဖြင့် ခြိမ်းခြောက်သံ တွေလည်း ပေါ်ထွက် နေတာပါ။ ပြောနေ ကြတဲ့ သူတွေလည်း ရှိနေတာပါ။ ဒီကိစ္စနဲ့ ပတ်သက် လို့ရော ပါမောက္ခ Steinberg က အခုလို ပြောပါတယ်။
“နိုင်ငံခြားကို မှီခို အားထားပြီး သူတို့က ဘာလုပ် ဆိုတာကို လိုက်လုပ်တယ် ဆိုရင်တော့ အချုပ် အခြာ အာဏာကို ထိခိုက် နိုင်ပါတယ်။ ဒါပေမဲ့ ပြည်တွင်း ဆန္ဒ သဘော အတိုင်း လုပ်ဆောင် နေသမျှ တော့ အ ချုပ် အခြာ အာဏာကို ထိခိုက် စရာ အကြောင်း မမြင်ပါဘူး။ မြန်မာနိုင်ငံ ဖွဲ့စည်းပုံဟာ အချုပ် အခြာ အာ ဏာ ကာကွယ်ရေး အတွက် အထူး သတိထား ရေးဆွဲ ထားတာကို ကျနော် တွေ့ရ ပါတယ်။ ဒါကို လည်းပဲ တပ် မတော် ကလည်း နှစ်ပေါင်း ၅၀ လုံးလုံး ပြောလာ ခဲ့တာပါ။ ဒါကြောင့် အခု ဖွဲ့စည်း ပုံ ပြင်ဆင် ရေးဟာ အချုပ် အခြာ အာဏာ ပတ်သက် စရာ အကြောင်း မရှိဘူး လို့လည်း ထင်ပါ တယ်။ ပြည်ပက စစ် တပ်တွေ မြန်မာ့ မြေပေါ် တပ်စွဲခွင့် မရှိစေ ရလို့လည်း ပြဌာန်း ထားတာပါ။ ဒါကြောင့်လည်း ဖွဲ့စည်း ပုံ ပြင် ဆင် ရေးဟာ ပြည်သူ လူထု ဆန္ဒနဲ့ အညီ ပြင်ဆင် ခြင်းဟာ အချုပ် အခြာ အာဏာနဲ့ ဘာမှ မဆိုင် ပါဘူး။”
အဲ့လို အချုပ် အခြာ အာဏာနဲ့ ခြိမ်းခြောက်ပြီး ဖွဲ့စည်းပုံ ပြင်ဆင် ရေးကို ဟန့်တားဖို့ ကြိုးပမ်း တာဟာ တကယ်တော့ နိုင်ငံ့ အကျိုးထက် သူတို့ ပါတီရဲ့ အကျိုး အတွက် ပိုခြိမ်းခြောက်ခြင်း ဖြစ်တယ်လို့ သုံးသပ် သူ တချို့လည်း ရှိကြ ပါတယ်။ ဒီနေရာမှာ ပါမောက္ခ Steinberg ကတော့ နိုင်ငံရေး သမား တွေဟာ နိုင်ငံ့ အကျိုးထက် ပါတီ အကျိုးကို ဦးစား ပေးကြတယ် ဆိုတာ ကတော့ မြန်မာ နိုင်ငံ တနိုင်ငံ တည်းသာမက ပါဘူးတဲ့။ နိုင်ငံ တကာ မှာလည်း ဒီလို မျိုးတွေ ရှိပါ တယ်တဲ့။
သို့သော် လည်းပဲ သူ အဓိက ပြောလိုတဲ့ အချက် ကတော့ ပါတီ တခု အနေနဲ့ တနည်း အားဖြင့် ပါတီ နိုင် ငံရေး သမား တွေအနေနဲ့ ပြည်သူ လူထုရဲ့ဆန္ဒကို ငဲ့ကွက်ပြီး ကိုယ့်ပါတီ အကျိုးထက် နိုင်ငံ့ အကျိုးကို ဦးစားပေး ရမှာ ဖြစ်တယ်လို့ ဆိုပါတယ်။ တကယ်တော့ သူတို့ဟာ နိုင်ငံတော်ရဲ့ ကျေးဇူး သစ္စာကို စောင့်သိ ရိုသေ ပါမည်။ ပြည်သူ လူထု အကျိုးကို သယ်ပိုး ဆောင်ရွက် ပါမည်လို့ နိုင်ငံရေး ပဋိဉာဉ် ခံထား ရတဲ့ သူတွေ၊ ဖွဲ့စည်းပုံ ဥပဒေ အရ ကျမ်းသစ္စာ ကျိန်ဆို ထားတဲ့ သူတွေ ဖြစ်တယ် လို့လည်း သူက ဆိုပါတယ်။
တချို့ ကတော့ ဖွဲ့စည်းပုံ အခြေခံ ဥပဒေ ပြင်ဆင်ရေးကို လိုလား ပေမဲ့ ဒီလို ပြင်ဆင် လိုက်ခြင်း အားဖြင့် တနည်း အားဖြင့် ဒီပြင်ဆင်ရေး ဖြစ်စဉ်ကြောင့် နိုင်ငံ အတွင်းမှာ တင်းမာ မှုတွေ ဖြစ်ပေါ် လာနိုင် တယ်လို့ စိုးရိမ်တဲ့ သူတွေ လည်းပဲ ရှိနေ ပါတယ်။ ဒါနဲ့ ပတ်သက်လို့ ကတော့ ပါမောက္ခ Steinberg ကတော့ ဒါဟာ စိုးရိမ် စရာ မဟုတ် ဘူးလို့ သူက ယူဆ ပါတယ်။
“ဖွဲ့စည်းပုံ ပြင်ဆင်မယ် ဆိုရင်တော့ တင်းမာမှု ကတော့ ရှိမှာ ပါပဲ။ ပြင်ဆင်ရေးကို တချို့က လိုလားမယ်။ တချို့က ဆန့်ကျင်မယ်။ တင်းမာမှု ကတော့ ရှိမှာပါပဲ။ ဒါဟာ ဒီမိုကရေစီ ရေးအတွက် အရေး ကြီးတဲ့ အ စိတ် အပိုင်း တရပ်ပါ။ သဘောထား ကွဲလွဲတာကို လက်ခံ နိုင်ကြောင်း ပြသတဲ့ အချက်ပါ။ ဒီမိုကရေစီမှာ အာဏာ ဗဟိုဟာ တနေရာ တည်းမှာ စုနေတာ မဟုတ် ပါဘူး။ ဗဟိုမှာ ရှိမယ်။ ဒေသန္တရ အလိုက် ရှိမယ်။ နောက်ပြီး အုပ်ချုပ်ရေးနဲ့ ဥပဒေ ပြုရေး ကြားမှာလည်း သဘော ကွဲတာ ရှိမယ်။ ဥပဒေ ပြုရေးနဲ့ တ ရား စီရင်ရေး မှာလည်း သဘော ကွဲတာ တွေရှိ ပါတယ်။ ဒါတွေဟာ တစုံ တရာ အထိ တင်းမာမှု ရှိတဲ့ သဘောပါ။ အရေး ကြီးတာက ဒီတင်းမာ မှုဟာ ဘယ်လို တင်းမာ မှုမျိုးလဲ၊ နိုင်ငံတော်ကို အပျက် အစီး လုပ်မယ့် တင်းမာမှု မျိုးလား၊ အပြု သဘော ဆောင်တဲ့ တင်းမာ မှုလား ဆိုတာပဲ ဖြစ်ပါတယ်။ အချိန် တန်ရင် ပျက်ပြယ် သွားရမှာလည်း ဖြစ်ပါတယ်။”
ဖွဲ့စည်းပုံ ပြင်ဆင်ရေးမှာ လွှတ်တော် အမတ် တွေရဲ့ မဲဆန္ဒ ၇၅ ရာခိုင်နှုန်း ထက် သုံးပုံ နှစ်ပုံ မဲနဲ့ ဆုံးဖြတ်ပြီး လူထု ဆန္ဒ ခံယူပွဲ လုပ်ရင် ပိုကောင်းတယ် လို့လည်း ပါမောက္ခ Steinberg က ဆိုပါတယ်။ ပုံမှန် အားဖြင့် ဖွဲ့စည်းပုံ ဆိုတာဟာ လွယ်လင့် တကူ ပြောင်းလဲ လို့ရတဲ့ ကိစ္စ မျိုးတော့ မဖြစ်သင့်ဘူး လို့လည်း သူက ထောက်ပြ ပါတယ်။ ရေရှည် ခိုင်မြဲ စေမယ့် တန်ဖိုးထား မှုတွေကို ဖော်ဆောင် ရေးဆွဲ ရမယ်လို့ ဆိုပါတယ်။ ဒီလို ဖော်ဆောင်ရေး ဆွဲဖို့ ကလည်း ပြည်သူ လူထုရဲ့ ဆန္ဒ သဘော ထားနဲ့ ကိုက်ညီဖို့ လိုအပ် တယ်လို့ ပါမောက္ခ Steinberg က ပြောကြား သွားပါတယ်။
