မြန်မာ စစ်တပ်နဲ့ ဆက်ဆံရေးကို အမေရိကန် ကွန်ဂရက် ကန့်ကွက်
 |
| မြန်မာ စစ်တပ်ဟာ ပြုပြင် ပြောင်းလဲ ရေးမှာ သိပ်လိုလို လားလား မရှိဘူးလို့ အမေရိကန် ကွန်ဂရက် အမတ်တွေက ယူဆနေ |
6.12.2013
မြန်မာ စစ်တပ်ကို အကန့် အသတ်နဲ့ ဆက်ဆံရေး အိုဘားမား အစိုးရရဲ့ အစီအစဉ် တွေကို ကွန်ဂရက် လွှတ်တော်မှာ ရှိတဲ့ ရီပတ် ဘလီကန် အမတ် တွေကရော ဒီမိုကရက် အမတ် တွေကပါ ပြင်းပြင်းထန် ကန့်ကွက် လိုက်ကြ ပါတယ်။
မြန်မာ နိုင်ငံရဲ့ စီးပွားရေးနဲ့ နိုင်ငံရေးမှာ စစ်တပ်ရဲ့ ဝင်ရောက် စွက်ဖက် မှုတွေ ရှိနေ ပေမယ့် မြန်မာ စစ်တပ်ကို လူ့အခွင့် အရေး ဆိုင်ရာ သင်တန်းတွေ ပေးတာမျိုး၊ ဒီမိုကရေစီ စနစ်မှာ စစ်တပ်က ဘယ်လို အခန်း ကဏ္ဍ ကနေ ပါဝင် လှုပ်ရှားသင့် သလဲ ဆိုတာကို ပညာ ပေးတာ မျိုးတွေ လုပ်ခြင်း အားဖြင့် ပြုပြင် ပြောင်းလဲရေး သမားတွေ အားကောင်း လာစေ လိမ့်မယ်လို့ အိုဘားမား အစိုးရ အဖွဲ့ ထိပ်တန်း တာဝန်ရှိ ပုဂ္ဂိုလ် တွေက ဗုဒ္ဓဟူး နေ့က ကွန်ဂရက် လွှတ်တော်မှာ တိုက်တွန်း ပြောသွား ခဲ့ကြ ပါတယ်။
ဒါပေမယ့်လည်း ပြုပြင် ပြောင်းလဲ မှုတွေ လုပ်ဖို့ မြန်မာ စစ်တပ်က လိုလို လားလား မရှိဘူးလို့ အမေရိကန် ကွန်ဂရက် လွှတ်တော် အမတ် တွေက ယူဆ နေကြပြီး မြန်မာ စစ်တပ်ဟာ လူနည်းစု တိုင်းရင်းသား တွေနဲ့ ဘာသာခြားတွေ အပေါ် မတရား ဖိနှိပ်မှုတွေ ရှိနေ သလို ကုလ သမဂ္ဂ ရဲ့ ပိတ်ဆို့မှု တွေကို ဆန့်ကျင်ပြီး မြောက်ကိုးရီးယားနဲ့ လက်နက် ရောင်းဝယ် မှုတွေမှာ ဆက်လက် ပါဝင် ပတ်သက် နေတာ တွေ့ရတယ်လို့ ပြောပါတယ်။
