မောင်တောမြို့နယ် တောင်ပိုင်းမှ အပြစ်မဲ့ ပြည်သူ (၅) ဦးကို ဖမ်းဆီးထား
MYARF
RB News
7.11.2016
မောင်တော ။ ။ ရခိုင်ပြည်နယ်၊ မောင်တောမြို့နယ် တပ်ဦးချောင်း (ဘဂုံးနား) ကျေးရွာအုပ်စု၊ နူရူလ္လာရွာရှိ နယ်ခြားစောင့် ရဲတပ်ဖွဲ့ ကင်းစခန်းတွင် ပစ်ခတ်မှုများ ဖြစ်ပွားပြီးနောက် အပြစ်မဲ့ ဒေသခံ (၃) ဦးကို ဖမ်းဆီးထားကြောင်းနှင့် သ၀န်ချောင်း ကျေးရွာမှ သားအဖ နှစ်ဦးကိုလည်း နေအိမ်တွင် တုတ်တစ်ချောင်း ရှိနေသည်ကို အကြောင်းပြ၍ ဖမ်းဆီးထားကြောင်း သတင်း ရရှိပါသည်။
မောင်တောမြို့နယ် တောင်ပိုင်း တပ်ဦးချောင်း (ဘဂုံးနား) ကျေးရွာအုပ်စု၊ နူရူလ္လာရွာရှိ နယ်ခြားစောင့်ရဲတပ်ဖွဲ့ ကင်းစခန်းတွင် နိုဝင်ဘာလ (၃) ရက်နေ့ ည (၆) နာရီခန့်တွင် သေနတ်ပစ်ခတ်မှုများ ဖြစ်ပွားခဲ့သည်။ အခင်းဖြစ်ပွားပြီးနောက် စစ်တပ်ရောက်ရှိလာပြီး ညလုံးပေါက် လမ်းမပေါ်တွင် စောင့်နေခဲ့သည်။
နိုဝင်ဘာလ (၄) ရက်နေ့ နံနက် အစောပိုင်းတွင် ဒုညောင်ပင်ကြီး ကျေးရွာကို စစ်တပ်က ၀ိုင်း၍ ပိတ်ဆို့ စစ်ဆေးခဲ့ပြီး၊ အပြစ်မဲ့ လူငယ်များ ဖြစ်သည့် နူရူလ္လာရွာမှ မာမတ်အာယာစ် (ဘ) ဦးအီနုစ် (အသက် ၁၆ နှစ်) နှင့် မြို့မကညင်တန်းရွာမှ မူဖီဇူရာမန် (ဘ) ဦးအစ္စမိုင်လ် (အသက် ၂၀ နှစ်) နှင့် မာမတ်ရှာကဲရ် (ဘ) ဦးအီဆက် (အသက် ၁၆ နှစ်) တို့ကို ဖမ်းဆီး၍ မောင်တောရဲစခန်းသို့ ပို့ဆောင်ခဲ့သည်။
ယခုအခါ အဆိုပါ လူငယ် (၃) ဦးကို ရဲစခန်း၌ ချုပ်နှောင် ထားကြောင်း သိရှိရသည်။
မြို့မကညင်တန်း ကျေးရွာမှ မူဖီဇူရာမန်နှင့် မာမတ်ရှာကဲရ်တို့သည် နိုဝင်ဘာလ (၃) ရက်နေ့ နေ့လည်ပိုင်းတွင် မြို့မကညင်တန်း ဈေးမှ ကွမ်းရွက်များ ၀ယ်ယူပြီး ပဒင်း၊ ဘဂုံးနာနှင့် ဒုညောင်ပင်ကြီး ရွာများတွင် သွားရောက် ရောင်းချခဲ့ရာ နေ၀င်ချိန်တွင် ညမထွက်ရ အမိန့်ကြောင့် အိမ်မပြန်နိုင်တော့ဘဲ ဒုညောင်ပင်ကြီး ရွာတွင် ညအိပ်ကာ နံနက် အစောပိုင်းတွင် ငါးများဝယ်ယူ၍ ဒုညောင်ပင်ကြီး ရွာမှ ထွက်လာစဉ် စစ်သားများက ဖမ်းဆီးခဲ့ခြင်း ဖြစ်ပြီး၊ နူရူလ္လာရွာမှ မာမတ်အာယာစ်ကို ဒုညောင်ပင်ကြီး ရွာထဲမှ လမ်းလျှောက် သွားနေစဉ် အကြောင်းမဲ့ ဖမ်းဆီးခဲ့ခြင်း ဖြစ်သည်ဟု ဒေသခံများက RB News သို့ပြောသည်။
နိုဝင်ဘာလ (၆) ရက်နေ့ ညနေပိုင်းတွင် မောင်တောမြို့နယ် တောင်ပိုင်း သ၀န်ချောင်း ကျေးရွာသို့ စစ်သားများ ၀င်ရောက်ပြီး အိမ်များကို စစ်ဆေးခဲ့ရာ သ၀န်ချောင်း တောင်ပိုင်းတွင် နေထိုင်သည့် ဦးအဘူဆော်ယာဒ်၏ နေအိမ်ကိုလည်း စစ်ဆေးခဲ့သည်။ ၎င်း၏ အိမ်တွင် သစ်သားတုတ် တစ်ချောင်း တွေ့ရှိသည်ကို အကြောင်းပြ၍ ဦးအာဘူဆော်ယာဒ်နှင့် အတူ သားဖြစ်သူ ဒေါလ္လာ တို့ကို ဖမ်းဆီး ခေါ်ဆောင် သွားကြောင်း ဒေသခံတစ်ဦးက RB News သို့ပြောသည်။
ဖမ်းဆီးခံရသူများ အားလုံးမှာ အပြစ်မဲ့ ပြည်သူများ ဖြစ်ကြပြီး၊ နယ်မြေရှင်းလင်း ခေါင်းစဉ်ဖြင့် အပြစ်မဲ့ ပြည်သူများကို စစ်တပ်နှင့် အာဏာပိုင်များက ဥပဒေမဲ့ ပြုလုပ်နေခြင်းသာ ဖြစ်သည်။
 |
| မြို့မကညင်တန်းနှင့် နူရူလ္လာရွာမှ လူငယ် (၃) ဦး |
