အမည်ခံ လူဦးရေ စစ်ဆေးမှုတွင် ပါဝင် စစ်ဆေး မခံသူများ၏ လုပ်ငန်းများ၊ ဆေးကုသခွင့်များ ပိတ်ပင်ခံနေရ
Rohingya Eye
RB News
31.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ်တွင် နယ်ခြားစောင့် ရဲတပ်ဖွဲ့နှင့် မ.က.ဖ တို့၏ အမည်ခံ လူဦးရေ စာရင်း ကောက်ခံမှုတွင် ပါဝင် စစ်ဆေး မခံသူများ၏ လုပ်ငန်းများ၊ ဆေးကုသခွင့်များကို အာဏာပိုင် များက ကန့်သတ် ပိတ်ပင်လျက် ရှိကြောင်း သတင်း ရရှိပါသည်။
ဇွန်လ (၁) ရက်နေ့မှ စတင်ခဲ့သည့် န.စ.က၏ ဆွဲ၊တင်၊စစ် ကဲ့သို့ အမည်ခံ လူဦးရေ စာရင်း ကောက်ခံခြင်းကို လူထုက လက်ခံခြင်း မရှိသောကြောင့် အမျိုးသမီး အချို့ အကြမ်းဖက်ခံရခြင်း၊ နေအိမ်များ ဖျက်ဆီးခံရခြင်း ရှိကြောင်း ဒေသခံများက RB News သို့ပြောပါသည်။
ဇူလိုင်လ (၁) ရက်နေ့ ညပိုင်းတွင် မောင်တောမြို့နယ် ကျောက်လှေကား ကျေးရွာမှ ဒေသခံ ရိုဟင်ဂျာ (၈) ဦးကို ဖမ်းဆီး ချုပ်နှောင်၍ ရိုဟင်ဂျာ လူထုကို ခြိမ်းခြောက် ခဲ့သော်လည်း အဆိုပါ အမည်ခံ လူဦးရေ စာရင်း ကောက်ခံခြင်းတွင် လူထုက ပါဝင် စစ်ဆေးခံရန် ယခု အချိန်ထိ ငြင်းဆန်လျက် ရှိကြသည်။ ကျေးလက် ဒေသများတွင် ဆင်းရဲသည့် ဒေသခံ အများစု အသက်မွေးဝမ်းကျောင်း ပြုနေသည့် ငါးဖမ်းလုပ်ငန်းနှင့် လယ်ယာ လုပ်ငန်းများ ပိတ်ပင် ကန့်သတ် ထားခံနေရသည်။ အာဏာပိုင်များက စစ်ဆေးခံသူများကို လုပ်ငန်း ပြန်လည် လုပ်ကိုင်ခွင့် ပေးမည်ဟု ကတိပြုခဲ့သော်လည်း စီးပွားရေး ကျပ်တည်း လာခြင်းကြောင့် စစ်ဆေးခံသူများကို ယခုအချိန်ထိ လုပ်ငန်း ပြန်လည် လုပ်ကိုင်ခွင့် မပေးသေးကြောင်း ဒေသခံများက ပြောပါသည်။
သြဂုတ်လ (၂၆) ရက်နေ့မှ စ၍ မောင်တောမြို့နယ် မြောက်ပိုင်း ငါးခူရ ကျေးရွာရှိ ဗလီကြီး၏ မြောက်ဘက်တွင် နယ်ခြားစောင့် ရဲတပ်ဖွဲ့မှ စစ်ဆေးရေး ဂိတ်သစ် တိုးချဲ့ကာ ငါးခူရ ဈေးသို့ ဈေးဝယ်လာသူ များကို အမည်ခံ လူဦးရေ စာရင်း စစ်ဆေးခြင်းတွင် ပါဝင် စစ်ဆေးခံ ခဲ့ခြင်း ရှိ/မရှိ စစ်ဆေး၍ အသွား အလာများကို ပိတ်ပင် ကန့်သတ် နေသည့် အပြင် ရဲကွပ်ကဲရေး ဌာနချုပ်နှင့် ရွှေဇား တံတား ဂိတ်များတွင်လည်း နယ်ပိုင်းမှ မောင်တောမြို့ပေါ်သို့ ဈေးဝယ်ရန် လာသည့် ခရီးသည်များကို အိမ်ထောင်စု စာရင်းများ စစ်ဆေး၍ အိမ်ထောင်စု စာရင်းတွင် စစ်ဆေး ခံထားသည်ဟု တံဆိပ် (အမှတ်အသား) မပါသူများကို သွားလာခွင့် မပြုဘဲ ပိတ်ပင် ထားသည်ဟု ဒေသခံများက ဆိုသည်။
ထို့အပြင် (၇) ရက် နယ်စပ် နိုင်ငံကူး လက်မှတ်ဖြင့် တဖက် နိုင်ငံနှင့် စီးပွားရေး လုပ်ကိုင် နေသူများကို အိမ်ထောင်စု စာရင်း စစ်ဆေးပြီး၊ စစ်ဆေးခံ ထားသည့် တံဆိပ် မပါသူများကို နိုင်ငံကူး လက်မှတ် မထုတ် ပေးတော့ကြောင်း သိရှိရပါသည်။ ထိုကဲ့သို့ လုပ်ငန်းရှင် များကို နိုင်ငံကူး လက်မှတ် ပိတ်ပင် ထားသဖြင့် စီးပွားရေး လုပ်ငန်းများ၊ ကုန်စည် စီးဆင်းမှု များတွင် အခက်အခဲ များစွာဖြင့် ရင်ဆိုင်နေရသည်။
အလားတူ အသည်းရောင် အသားဝါ ရောဂါ ဝေဒနာရှင်များ၊ ဆီးချို ဝေဒနာရှင်များကိုလည်း တဖက် နိုင်ငံတွင် ဆေးကုသရန် အတွက် နိုင်ငံကူး လက်မှတ်များကို အိမ်ထောင်စု စာရင်းများ စစ်ဆေး၍၊ အမည်ခံ လူဦးရေ စာရင်း ကောက်ခံခြင်းတွင် မပါဝင် သူများကို နိုင်ငံကူး လက်မှတ် ပိတ်ပင် ထားကြောင်း သိရှိရသည်။
